الفصل الثاني والثلاثون
اخدتهه لي سكتته وانا بسمع هو بقول في شنو بدون اي رد فعل،
قال لي الوو..
كنت سرحانه مع نفسي وبحاول اتذكر كل حرف قالتو المرة القالت انها خالتي يوم طلعته لاقيتهم مع المحامي في بورتسودان..
سامر لسسه كان بقول الووو؟
قلت ليه ا، أ، أيوة معاك معاك
قال لي المهم خلي بالك زي م قلت ليك وصحبتك كيف هسي؟
قلت ليه الحمدلله
قفلت منو وانا قلبي قابضني، ليهه سامر؟ليييهه م يمشي بطريقتو براه؟والقضيه دي معقوله تكون ليها علاقه بي موت امي زي م هم قالو؟
قلت اتصل عليه، لما ضغطت على زر الاتصال اتراجعت، م عارفه السبب الخلاني اتراجع في نفس الوقت لْۆ اتصلت حأقول ليه شنووووو؟
وانا مع نفسي بفكر جاتني فكرة اتصل على المرة خالتي ديك،
بس الدنيا ليل،
قلت لنفسي حتكون نايمه بس اتصلي..
إتصلت عليها مرة م ردت فصلت على كدة
، ...
في جانب ٱڅڑ..
مسافر هسي يعني؟اتصلت عليك كتير ي سامر كم يوم بتصل عليك، مش المفروض اننا نطلع وكدة زين فالقني بالطلعه دي وإفتكرني بكذب عليه
ايوة طالع على طول والله، معليش بس حصلت معي ظروف كدة طالعه م̷ِْن يدي عشان كدة م لقيت طريقه اجي عليكم
زين ي ولدي كدة تعال جاي نتفاهم، عاين انت زعلان واي شي لَگِنْ كلام رجال انا ماشي وم بتأخر اول م اجي نعمل كل المتفقين عليه طيب ټمٱم؟
زين: انت كذبت علي
عيب تقول لبابا كدة ي زين ربنا بدخلك النار بعدين قول ليه اسف
زين: خلاص قول والله بجي بوديك اي مكان عايزو؟
هههههه والله، انا بحلف ليك
زين: البحلف زاتو بخش النار لْۆ م جيت حتدخل النار معي وانت حلفت
قلت ليه والله انت مستهبل طيب حاضر، لْۆ احتجت حاجه بس ارفع التلفون دة ضرب لي ټمٱم؟
ندى: ه قول ليهو خالتو م محوجاني حاجه صح؟
قلت ليهَا م بتقصري عارفك ي ندى يديك العافيه ي رب، اها الوالد كيف ان شاءالله طيب؟
ندى: الحمدلله ټمٱم، نايم هسي لْۆ عرف انك جيت او.جاي م كان نام
قلت ليها ههههه لٱ خليهو احسن يرتاح •اللّہ̣̥ يديه الصحه والعافيه م ناقصو شي صح؟ قاعدة توديه المقابلات وكل شي
ندى: ايوة الحمدلله في نعمة م ناقصو شي والله
الحمدلله طيب، يلا انا اقوم امشي ابقو عافيه
قالت لي خلاص؟
اي الزمن وكدة بنسابق فيهو شان نصل
قالت لي طيب،
قالت لزين يلا قول لي بابا مع السلامه
قال ليها لٱ انا ماشي مع بابا الشارع،
قالت ليهو لٱ الشارع فيهو كلب بعضي
بقيت اعاين ليها وانا ساكت على إصرارها انو زين م يطلع معي،
قلت ليه زين خلاص ي ابوي اسمع كلام خالتك ندى قول ليها حاضر
قال بصوت باكي ابيت، ابيت، وجرى مشى على غرفتو،
قالت لي زين والحركات، لْۆ طلع وصل العربيه معاك م حيخليك تاني عارف عباطتو
قلت ليها فعلاً بس برضو زعلو كعب خليني كدة امشي عليه
قالت لي بالعكس برجع بالساهل خليه،
قلت ليها طيب ټمٱم انا ماشي طيب، عايزة اطلع قالت لي سامر
قلت ليها ايوة
سكتت
قلت ليها خير عايزة حاجه؟
م ردت
قلت ليها لْۆ في شي قولي لي!خير
قالت لي خلي بالك م̷ِْن نفسك واعمل حسابك للطريق وانت سايق م معروفه ظروف الشارع شنووو
قلت ليها بإذن •اللّہ̣̥ تعالى
قالت لي ضروري سفر الليل دة م تخلو الواطة تصبح وصباح •اللّہ̣̥ بخيرو ي سامر
قلت ليها التعويدة التعويدة، اتعودته على سفر الليل وبالنسبه لي مريح الشوارع فاضيه وكدة بنصل سريع
قالت لي ولو حصلت ليك حاجه؟ م بتخاف ابدا؟ً
انا اصلاً كنت مستعجل وهي بترغي في مواضيع م مفروغ منها
قلت ليها م بحصل الا كل خير ي ندى ان شاءالله، دعواتك بس
عايزة اطلع مسكتني وحضنتني قالت لي بقول كدة م̷ِْن خوفي عليك بس ي سامر حاول أفہّمنِي والسفرة دي لْۆ م ضروريه شديد حاول صبح الواطه وامشي •اللّہ̣̥ يخليك ي سامر •اللّہ̣̥ يخليك، والله قلبي ماكلني بس
م̷ِْن غير الايام كانت غريبه يعني طريقه لبسها للتوب وفكه شعرها والعطر غالباً هي م راشاه هي مستحميه بيه، رغم انها عندها إيحاءات واضحه وضوح الشمس بالنسبه لي بس تجنبها وتجاوزها كان ساهل جدا، ً
ف الخطوة العملتها دي فقدتني المنطق، لقيت نفسي بفكها مِڼّي وانا بقول ليها حيلك حيلك ي بت الناس صليً على النبي مالك في شنو ودة شنو الانتِ بتعملي فيهو دة؟ ندى انتِ واعيه؟
بقت ساكته
قلت ليها خوفك علي مبرر بس برضو دة غلط، وبعدين انا قلت ليك م اول مرة اسافر عمري دة كلو دي طريقه سفري الجدة شنو؟
قالت لي سامر والله العظيم م̷ِْن خوفي عليك بس معليش اعفي لي م عارفه حصل كدة كيف، والله العظيم عشان الشوارع م معروففه خايفه وم عايزة آخسٌٌّ ٌرگ او افقدك بس م تفهمني غلط
قلت ليها حصل خير م تاخدي في بالك يلا في امان •اللّہ̣̥، وطلعت، ركبت عربيتي واتحركت وانا متضايق جداً لأني المرة دي اتجبرت احرجها بصريح العبارة،
م عديت 5 دقايق إتصلت علي، فتحت الخط جاني صوتها وهي بتبكي، قالت لي سامر والله العظيم دي اول مرة اعمل فيها كدة مع زول، ودة م̷ِْن خوفي عليك بس والله العظيم ي سامر، م عايزاك تاخد فكرة غلط عني او آخسٌٌّ ٌرگ بسبب التصرف دة
قلت ليها ي ندى، حصل خير زي م قلت ليك م بحتاج دة كلو ابداً
قالت لي م عايزاك تزعل مِڼّي او تاخد عني فكرة غلط ي سامر جد والڵهٍ انا م كدة واول مرة اعمل كدة في لحظه ضعف مِڼّي بس
قلت ليها ي بت الناس صلاتك على النبي ختي الرحمن في قلبك، انتِ زوله انا بحترمك شديد وزي اختي بالضبط، ماف زول بياخد عن اختو فكرة غلط، والموقف كأنو م حصل ابشري ي بت الناس، وبعدين خوفك مبرر واي شي بس زي م قلت ليك ماشي البلد هنا انا م ماشي احرر فلسطين ههههههه المهم ابقو عافيه ودعواتك بس ي اختي، درب السلامه للحول قريب بقولو
قالت لي ان شاءالله ربنا يوصلك بألف سلامه ي رب وطمني اول م تصل
عديت على بيت ناس احمد وصيتو على زين واخدته المحامي عبدالله، اول م ركب قال لي معليش ي ابني عذبتك معي وإمكن قيدتك بسفرة ما سفرتك زاتو
قلت ليهو العفو ي خال ياخ معقوله حبابك الف إن م ماشي زاتو والله،
قال لي يلا على بركة •اللّہ̣̥ نتوكل..
الطريق كان طويل، هو رجع كرسيهو لورا ونام وانا طول الطريق تفكيري محورو كانت ندى، رغم انو انا حاولت احسب العملتو عادي لَگِنْ ابداً م كان عادي، هي انسانه م شفت منها الا كل خير، وبكل المقايس م ممكت تترفض، لْۆ انا كنت بتوهم معليش ولكن هي اكتر م̷ِْن واضحه معي خصوصاً بعد العملتو اليَوُمًًِ، م لاقي سبب منطقي يخليني م افكر تفكير جاد بخصوصها، شهد..
، شهد كدة كدة علاقتي بيها امرها محسوم بالنسبه لي واصلاً العمر جاري، حأفضل لمتين كدة جاري م̷ِْن هنا لي هنا، لابد م̷ِْن انو بعد كدة اخد خطوة استقرار جادة خصوصاً انو زين ماشي يكبر ومحتاج بيئة اسريه واقعيه غير الهو فيها دي، ندى بني ادمة بتقدر تتكيف مع كل ظروفي بدون إعتراض عليها او غيرو، بتفهمني، بتستحملني بدون اي ضغوطات، بتقدر وضعي، م متطلعه وم بتعيشني في فرضيات، قادرة توفر لي جو الراحه الانا محتاج ليه وم اظن انا محتاج اكتر م̷ِْن كدة، يمكن استعجلت في رد فعلي معاها، كدة هسي اصل اول ي سامر ولما ارجع ان شاءالله احاول ارتب كل شي على مهل وربنا يسهل
❖
صباح اليَوُمًًِ التاني صحيت بمكالمة من خالتي، شلت التلفون وطلعت بيه البلكونه
قالت لي السلام عليكم؟
قلت ليها وعليكم السلام
قالت لي كيفك ي بتي صباح الخير، صحيتك م̷ِْن النوم شكلي
قلت ليها صباح النور، لٱ ابداً
قالت لي لقيت مكالمتك بالليل قلقت قلت اشوفك خير ان شاءالله؟
سكتت مساااافه حتى قلت ليها خير، بس اتصلت اسأل واشوفكم عملتو شنوووو وكدة
قالت لي بخصوص شنووو؟
قلت ليها الموضوع اللاقيتوني واتكلمتو معي بخصوصو مش كنتو رافعين قضيه وكدة؟
قالت لي اهاااا، لٱ ي بتي الموضوع دة الحمدلله اتقفل وطلع سؤ تفاهم بس م اكتر، انا م̷ِْن حرقتي على اختي وكدة شويه بقى زي العندي وسواس قهري بهيئ لي حاجات م ليها اساس م̷ِْن الصحه، الحمدلله على ما اراد •اللّہ̣̥ فاطمة اختي ربنا يرحمها ان شاءالله ي رب يومها تم بس زي م بقولو الفقد حار عشان كدة ي بتي
قلت ليها اهااا، يعني ماف قضيه وكلام بالشكل دة
قالت لي لٱ، قفلناها ي بتي، اعمامنا ديل زي ابونا واحد مستحيل يمسو مننا شعررة حتى بعد وفاة ابونا ماف زول وقف فينا غيرهم كبار وصغار والله عزوتنا وتاج راسنا، انا بس زي م قلت ليك وجعتي عليها وكترة تفكيري فيها فجأة خلتني افكر الافكار دي واعمل كدة، لَگِنْ الحمدلله الواحد بغلط وبعرف غلطو دة حال البني ادم ماف زول بغلط
قلت ليها الحمدلله طيب
قالت لي ومعليش ي بتي فجأة كدة ظهرنا في وشك وجوطنا حياتك اعفي لينا
قلت ليها العفووو
قالت لي في بورتسودان ولا رجعتو.؟
قلت ليها رجعنا
قالت لي اها م بتجي على خالتك وبتزوريها ي بتي؟
سكتت
قالت لي اهل امك م دايرة تعرفيهم؟
سكتت م رديت
قالت لي سمح نحن بنجي عليك ان شاءالله
قلت ليها ان شاءالله وقفلت منها
الحمدلله اني م استعجلت وضربت للراجل، كان موقفي حيكون بااايخ شديد، شكلو ماشي لقضيه م عندها علاقه وانا الهبله طوالي رابطه الموضوع وجاريه للشين
❖
لما الساعه 9 جات نحن وصلنا الحته المقصودة بالضبط،
بالنسبه لي هي م اي حته، هي هويتي المدفونه، اهلي، معارفي، طفولتي، اصلي، كل شي في المكان دة بس بدخلو ك غريب، بمارس فِيَه اي نشاط ك غريب،
بعرف فِيَه نص البلد وبتعامل فِيَه ك زول م̷ِْن البلد، بس زول م عندو اسم رغم انو اسم اهلي في الحته دي الفي بطن امو ان سألتو بعرفهم، جدي، حبوبه، امي، مدرستها الاتعملت بإسمها، مكانتها بين الناس وغيرو كلها حاجات بلقى نفسي عايز اقولها للناس لَگِنْ صعب بالنسبه لبلد 99%جهل، الأسوأ م̷ِْن انو تفقد هويتك انو تكون عندك هويه مشرفة جدجد ومفروض ترفع بيها راسك بس كل الظروف ضد انك تجاهر بيها، عشان م ينفع وبس،
وانا في سرحتي دي سمعت المحامي بقول لي حنمشي على وين ي ولدي؟
قلت ليهو قربنا نصل ي خال، دقايق ووقفت وضربت بوري شديد،
فجأة جو شفع طالعين وبعدها بقو يكوركو:
يابا عمي سامر جا، يابا عمي سامر هدو قدام الباب،
نزلت سلمت عليهم، وقلت ليهم كيفكم ان شاءالله كويسين؟
قالو لي الحمدلله،
طبعاً انا م غريب في الحله بس حكايه انو ناس الحله يطلعو يتفرجو منو الغريب الجا بعربيتو دي عادة عندهم، سلمت على نص الحله بشفعهم، طلعت ليهم حاجات جايبهَ اآ ليهم معي وطلعت قروش اديتها ليهم ياخدو بيها العايزنو.
ك زول طولت الغيبه م̷ِْنهم ومن البلد شديييد كل واحد م̷ِْن الحله كان بقول لي حرم كان تتدخل تتفضل عندنا اسامر، في الاخير بقينا على ديوان كبير كل رجال الحله جابو فطورهم وجو،
بحكم اني بساعدهم في امور احتياجات الزراعه ومشاريعهم وتطعيم سعيتهم وادويتهم ف بالتالي م بلقى منهم غير الإحترام،
الراجل الانا جاي اصلاً بيتو كان اسمو النعيم زول صحبي شديد، بعد فطرنا والناس فااتت مكان ماشه قلت ليه النعيم اخوي انا والله جابني ليك موضوع ضروي لَگِنْ خليني ادي المدرسه طله عندهم احتياجات ضروريه كتب واقلام وشنو م عارف اوصلها ليهم بعدين اجي راجع نقعد برواق وان شاءالله تقدر تساعدنا،
قال لي ابشر اااساااامر والله اكان م بقدر اساعدك اخلق ليك طريق اساعدك بيهو ابشر ابشر ااااازووول م عندك ااااي مشڱلهِ تب،
قلت ليهو سمح نحن نمشي ونجي راجعين عليك،
طلعت ركبت العربيه،
المحامي قال لي ناس اصيله شديد يااااخ شوف الحال دة ساي
قلت ليهو جدا، الكرمً دة حقهم وناس بتحفظ ليك بعدين
قال لي بساطه وطيبه ياهو.دة السودان
قلت ليه فعلاً فعلاً والله، قلت ليهو موضوعك دة النعيم بقدر يساعدنا فِيَه ان شاءالله لَگِنْ الا بالسياسه، قول لي القضيه شنو عشان نقدر نديهو طرف الخيط براحه ونجرجرو في الباقي، ولا الموضوع حساس شويه؟
قال لي والله ي ولدي هو حساس واي شي لَگِنْ م ببقى بلا مساعدتك لانو زي م شايف الناس دي بعرفوك.انت وبتعاملو معاك على اساس انهم بعرفوك انا كان سألت زاتو م اظن يدوني وش
قلت ليهو طيب ابشر قول لي الموضوع شنو بإذن •اللّہ̣̥ نقدر نساعد ونعمل البطلع م̷ِْن اليد
سكتت وهو متردد، قال لي هي حكايه طويله ي ولدي لَگِنْ اديك المختصر عشان تكون في الصورة،
زمن الشباب، براك عارف يعني الطيش البكونو فيهو.الشباب م محتاج شرح، المهم في واحدة كانت معي في الجامعه وهي اهلها م̷ِْن هنا
قلت ليهو يعني الموضوع شخصي؟
قال لي زي كده،
قلت ليه طيب كمل..
قال لي المهم الزوله دي كانت برلومتي وانا خريج، لَگِنْ اي زوله دخلت نفسو، ياهم بنات البلد البكونو بيور ديل، ادب واخلاق وكدة، انا كنت محظوظ صراحه، بجاي بجاي اتعرفت عليها وبلغه الشباب هسي حنكتها رغم رفضها اصريت وبقيت جاري وراها زي م بقولو،
ضحكت وانا بسمع ليه
اخدت نفس مسااافه قال لي اراد •اللّہ̣̥ وفي لحظِهّ ; .. جهل وطيش وشيطان الزوله دي انا غلطته معاها
بقيت اعاين ليه وهو ساكت
قال لي والغلط م وقف على انو غلط بس لٱ غلط جاب وراهو مصيبه، البت حملت، وانا صراحه هي م گلمتِني بس انقطعت مِڼّي، وانا اعتبرتها نزوة وانتهت، سألت صحباتها قالو لي الزوله دي خلت الجامعه عشان دايرة تعرس، حاولت اصل ليها عن طريق واحدة صحبتنا بس م لقيت طريقه، وصراحه بعدها م اشتغلت بالموضوع كتير، دايرة تعرس دايرة.تعرس خلاص لاني اصلاً كنت مقتنع حتى لْۆ اتقدمت اهلها م كانو بدوني وانا م.كنت زول جاهز انشغلت بأمور حياتي المعادله والماجستير وهكذا، بعد فترررة م̷ِْن الزمن سمعت بيها ماتت بالصدفه لقيت واحدة كانت صحبتها وقريبتها في نفس الوقت في مجال شغلنا ورتني الخبر دة، بعدين بجاي وبجاي عرفت إنها ماتت مقتوله، اختها زاتها فتشتني وجاتني في المكتب بتاعي وورتني الخبر دة وصلتني كيف •اللّہ̣̥ اعلم، العرفتو انو.اعمامها واولاد اعماها هم القتلوها، وكانت عايزة ترفع عليهم قضيه وعايزاني اساعدها بحكم انو الزوله دي حصل ليها كدة بسببي، بدينا الاجراءات واي شي بعدين الزوله دي نطت، ونكرت كلامها قالت انو كان بتهيئ ليهاالمهم ادتني اعذار كدة م بتدخل الراس
كنت بسمع ليهو م̷ِْن سكات، بعدين قلت ليهو الموضوع دة ليهو كم سنه؟
قال لي 20 سنه
قلت ليهو لٱ حول ولا قوة الا بالله، جثتها بتكون اتحللت، مدام اختها قفلت القضيه مالك جاري ورا الموضوع ي استاذ معليش على تطفلي؟
قال لي تأنيب الضمير ي ولدي، يعني اتخيل انك تتسبب في انو.ياخدو روح بني ادم بسببك؟
قلت ليه لَگِنْ الموضوع طول انت لما غلطته معاها وهي اختفت وعلاقتكم انقطعت م حسبت الحساب دة خصوصاً انت عارف هي م̷ِْن وين؟
قال لي ابداً اكتفيت بموضوع انها هتعرس بس
قلت ليهو ي استاذ حتى لْۆ عرست م كانت حتسلم انت فاهم وانا فاهم صح؟العرس ابداً م كان حل يريح يضميرك بالعكس
سكتت..
وصلنا المدرسه نزلت، قلت ليهو ادخل الحاجات دي وارجع،
نزل وبقى ينقل معي،
سلمت على الاساتذة، رحبو بي، وطلعت لي المديرة،
قالت لي ولدنا مطول الغيبه، سلمت علي سلام اقرب للحضن، قالت لي وين انت ي ولدي؟والله بسأل مڼڱ كل يومين صحبك داك اسمو منو؟ قدر م قلت ليهو عايزة رقمك م اداني ليهو
قلت ليها صح ي استاذة تقولي شنو جري الدنيا بس
قالت لي دنيا شنو البتقطعك مننا كدة بري والله م حصلت ي ولدي؟ كدة تعال، فضلتنا،
قالت لي المحامي مرحب مرحب معليش لَگِنْ الولد غالي علينا وانقطع مننا فترة طويله شديد، دة ابوك؟
قلت ليها لٱ
قالت لينا اتفضلو، ضيفتنا مويه، وقهوة،
قالت لي سائلين عليك والله ي ولدي قطعت قلبنا عليك، اكان م اتصلت وطمنتني عليك كان ركبت جيت فتشتك
ضحكت قلت ليها تسلمي ي استاذة م بتقصري انا زاتي جاتني السفرة فجأة والله
قالت لي يعني جيت بي غرض، بدون الغرض م كان جيت؟
قلت ليها معقوله ياخ؟ جايكم في الحالتين والله لانو دي حاجات كان مفروض تصلكم م̷ِْن فترة واحمد م وصلها
قالت لي يديك العافيه ي ولدي م بتقصر والله المدرسه ماشه بيك وبخيرك
قلت ليها الطلاب كيف ان شاءالله في زيادة؟
قالت لي الحمدلله م شديد لَگِنْ الحمدلله زي م قلت ليك الناس ديل الجهل متمكن منهم شديد ي ولدي
قلت ليها فعلاً بس ربنا يدي العافيه،
قلت ليها ان شاءالله صيانه الفصول تمت ومافي مشاكل في الخريف؟
قالت لي الحمدلله ي ولدي والله بقينا ندعي ليك ليل نهار بالعملتو في المدرسه دي •اللّہ̣̥ يديك الصحه والعافيه والله اسياد البلد وابهات البقرو م عملوه، نشحدهم شحدة يجمعو قروش م يرضو يوقفو اولادهم.م̷ِْن المدرسه
قلت ليها •اللّہ̣̥ يعافيك ي استاذة ياخ م عملنا شي دة الواجب بس
قالت لي ربنا يكتب ليك الذريه الصالحه ي رب اها لسسسه م بقيت زول عرس ي زول جلحاتك دي بدت تظهر انتو اولاد المدينه ديل جنكم لعب وحركات
ضحكت قلت ليها انا..
قبل م اتم گلآمَي المحامي قال ليها والله ي استاذة دة سبب غرضنا الجينا بيهو هنا زاتو، خلاص بعد كدة قلنا نلمو الزول دة
طبعاً انا بقيت اعاين ليهو بخلعه كدة واستغراب
قالت ليهو عليك النبي؟ اها دي البشارات السمحه كدة بشر، اوعى تكون خليت بنات البندر كلهم وجيتنا بجاي ااااااازووول؟
ضحك وقال ليها تقولي شنو شكلو كدة النصيب م̷ِْن هنا هههههههه
لسسه كنت بعاين ليه وبحاول افهم هو بقول في شنوو؟
قالت لي عاااااد ي سعدهم ي هناهم البناسبوك، بشر بشر ديل ناس منو سعيدين الحظ ديل، ان شاءالله ربنا يكتب ليك السعد السمح ي ولدي
قال ليها لسسه ي دوب بنسأل منهم قبل م نصلهم في البيت، م عايزين نستعجل وكدة عشان سمعنا انهم شويه كدة ناس صعبين
ي دوب بديت افهمو
قالت ليهو انت ابوهو ولا شنووو ي حاج؟
قال ليها لٱ عمو طوالي
قالت ليهو حبابك حبابك، عاد مهما كانو صعبين زي سامر ولدنا م بلقو نهااائي والله عاد جواز سفر لبنات الحلهه كلهن، لَگِنْ اوعى ي ولدي تكون دايرلك واحدة قاصر اها عاد هنا انا م بقيف معاك لانو انا ضد الموضوع دة
ضحكت قلت ليها والله م عارف عمرها كم انا زاتي،
قالت لي شفتها بس وعجبتك؟ بت منو كدة قول لي ي ولد عشان اقدر اساعدك
بقيت اعاين للمحامي عبدالله لاني م عارف بت منو هي وهو بعاين لي،
قال ليها بت ناس "اب شنب"
قالت بصوت عالي عاااااد الليله ووووووب البنات عدمن ي ولدي لمن م تقع الا في ناس اب شنب؟اب شنب الواحد دة ما غيرو الجمب شارع الحواشات الرئيسي؟
طبعاً انا عدلت قعدتي وبقيت اعاين للمحامي، اب شنب؟اب شنب؟ كيف يعني اب شنب؟ الزول دة؟
قال ليها مالهم خير ي استاذة م تخوفينا ي ساتر
انا لسسه كنت بعاين ليه
قالت ليهو عاااااد بناتهم.م بقدر اقول فيهم قول، لَگِنْ اكان دايرين نصيحتي الناس ديل اخير تبعدو منهم وتختوهم، اول شي بناتهم م بمرقو برة الاسرة كان كسرو رقبتهم، يعني ديل ناس مطبقين مقوله الواحد يغطي قدحو بحق وحقيقه، تاني شي ناس مشاكل البلد كلها عارفاهم ناس سكاكين وعكاكيز وموت، امسك ليك شافع قول ليهو اب شنب عااد تاني غبارو م بتشوفو،
م عندهم بت بدوها غريب، اكان مشيت ليهم م بس م بدوك الناس ديل بفتحو معاك موال تحقيق اول شي عرفت البت دي م̷ِْن وين؟شفتها كيف؟وإيييييييييك دة كان طلعت حي كويس والبت ممكن يكسرو رقبتها ويدفنوها عُاَدّيَيّ حتى لْۆ م عندها ذنب،
قال ليها لٱ ياخ للدرجه دي؟
قالت ليهو واكتر واكتر اسكت ي اخوي الناس ديل انا مشيت ليهم عشان اقنعهم يدخلو بناتهم المدرسه، ندموني على اليَوُمًًِ الجيت فيهو مرة، المرة دي عندهم شي تافه وكعب عديل، عرس وولادة وتنداس في البيت بس لٱ اكتر ولا اقل، اي الحله كلها نفس العقليه لَگِنْ عاد ديل اكعب ناس هنا، الوحيدة الوصلت فيهم الجامعه اول سنه جابوها كسرو رقبتها ودفنوها قالو عشان قالت م دايرة ود عمها
قال ليها م دايرة ود عمها قتلوها لَگِنْ تحت تحت •اللّہ̣̥ يرحمها قالو غلطت ليها غلط انا غايتو سمعت كدة م̷ِْن ناس الحله لَگِنْ ماف زول بقدر يقول، قالو ماتت موت •اللّه بس دفنوها تحت شجرة جوة البيت معروفه الحله كلها عارفاها مسكينه صغيرة البت عمرها ي دوب 18 سنه اظن بت اخوهم الوسطاني، طبعاً الوقت داك انا كنت ي دوب بديت تدريس هنا، اها م̷ِْن وقتها تاني م عندهم بت دخلت مدرسه كلهن بعرسوهن عمر 12، 13 سنه لأولاد اعمامهم الواحد ي دوب يكون بالغ يمسكوه يعرسو ليه، كل شي عندهم ولا بناتهم بدخلو بيهم النار عديل، يعني هسي تمشي تقول ليهم شفت بت م̷ِْن بناتكم ودايرها؟
ي يمه دي عجاجه تاني م بتهدأ
عدلت قعدتي وانا بحاول اركز في البتقال واستحضر تفاصيل
المحامي فضل ساكت وسرحان في الارض وبقت في لحظِهّ ; .. صمت غريبه
قال ليها طيب يعني ماف اي اجراءات اتعملت لموت البت دي، لٱ قانون او غيرو اتدخل؟
قالت ليهو قانون شنو؟ الموت هنا عااادي ي اخوي الناس ديل هنا عادي عندهم كسر الرقاب والدفن، لْۆ بت ساي شافوها ماشه مع ولد بجهل الشباب دة ولا ولد بعاين ليها اخف عقاب ليها العرس، يشوفو ليها شايب بينو وبين الموت شبر يعرسوها ليهو، كان ابت العرس هنا كسر الرقبه جاها، عادي عاادي بتنا وقتلناها، بتندفن جوة البيت لٱ دة.شاف لٱ دة سمع، ماتت مالها؟ جاها قدر •اللّہ̣̥، حتى البتتشاكل مع راجلها اكان مشى شكاها لي اهلها بجو رجال اقعو فيها ضرب ماتت؟
بمسكوها يدفنوها م̷ِْن سكات، والله في واحدة حامل عملو فيها كدة دفنوها بجناها في التامن، الحاصل في البلد دي كتير بسبب الجهل والعادات العقيمه النسوان هنا بتتعامل زي الطير، نحن عايشين نسمع قصص ونشوف بعيونا وكلو بس م بنقدر نعمل شي لانو في نظرهم نحن المتعلمين ديل كعبيت حتى القانون م بعمل شي الا ربنا يعين بس
قالت لي عشان انت ولدي ومصلحتك عِن.̷̷̸̷̐ديّ فوق كل شي، الناس ديل م تقع فيهم وتتشربك معاهم يكرهوك البلد دي ويحموك منها خصوصاً انهم ناس لوايق وكان مسكو في شي م بخلو م تستعجل ي ولدي واستخير، الموضوع دة جدجد استخير ليهو 10 مرات بقولو الباب البجيب الريح سدو واستريح ي ولدي وحواء دي والدة وانت الف بيت يتمناك حاول شوف ليك نسابه كويسين ليهم اسمهم ومكانتهم م ناس جهلاء واشبه بالهمباته والبلطجيه زي م بقولو، لَگِنْ عاد شهادتي في بناتهم مجروحه، اخلاق، ادب، احترام، عاد م ببهتهم.ولا بغلط في حقهم م فيهم قول لَگِنْ كمان بقولو الزول بعرس النسابه قبل البت ولا شنووو؟
قلت ليها فعلاً فعلاً
قالت لي عشان كدة استخير، وان كمان اصريت وبقيت على المووضوع تَعاّإاّإلّ لي انا بساعدك، كان كمان داير ترشيحات تانيه م بقصر مڼڱ البنات راقدات ي ولدي، وعااد انت زاتك ليييه تمشي مِڼّي بعيد انا خالتك دي البيت عندي فيهو 3 بنات بدل واحدة اصلو كان م داير تمرق مننا نحن م بنخليك، ولد حلال وهدي ورضي وماف شي بعيبك خلقه واخلاق والراجل م بعيبو شي الا اخلاقو زي م بقولو نحن لاقين اخلاقك وين وسط الجهل النحن عايشنو دة؟
المحامي قال ليها فعلا، ربناً يقدم الفيهو الخير ان شاءالله،
طلعنا وكل زول فينا ساكت بس بتكلم مع نفسو، شخصياً انا كنت عايز اقول كلام كتير بس م حسيت انو م̷ِْن حقي اقول، خصوصاً انو الزول دة جاي يسأل م̷ِْن ناس م بعيدين مِڼّي انا ك سامر سنهوري، قرابتي بيهم م شديدة وم بعيدة، لْۆ.م̷ِْن البدايه كلمني م عارف كنت حأقدر اساعدو او لٱ، لَگِنْ فاجأني بالإسم واتصدمت جداً
قال لي بصوت مبحوح مجتمع غريب شديد
قلت ليهو فعلا، وصلناً بالنعيم، سلمنا عليه، صلينا الضهر،
طبعاً خلاص لقينا ضالتنا، والقالتو المديرة كان كافي جداً م محتاج زيادات، ولا بحتاج نفتح الموضوع مرة تانيه، حتى فضول لي إني اسأل المحامي اقول ليه حتعمل شنو اسصعب علي اسألو،
اتغدينا في بيت النعيم، قلت ليه على مشيه نحن
قال لينا وين م بايتين معانا؟
قلت ليهو والله ي النعيم اخوي صعبه شديد ورانا سفر ومشوار
قال لي اااازوووول سفر شنو مش عندك موضوع اساعدك فِيَه ولا شنو كان؟
قلت ليهو الحمدلله الموضوع اتسهل واتحل تسلم ي اخوي م بتقصر،
قال لي سمح اقعدو قضو الليڵهٍ دي معانا ارتاحو اتحركو بكرة طولنا مڼڱ اااازوووول اقعد عليك النبي يااااخ خلينا نعرف اخبارك ساااااهي
قلت ليه ي ريت والله لَگِنْ مرة تانيه بجي قريب م بعيد اعذرني بس المرة دي
قال لي والله دايرين القعدة معاك لَگِنْ مقدرين ظرفك ابشر اخووووي، احتجتني في اي وقت قبل م تجي زاتو وريني بتجي تلقاه محلول
قلت ليه بإذن •اللّہ̣̥ تعالى، حأخلي عندك هنا اسبيرات وحاجات بوصي زول يجي ياخدهم مڼڱ
قال لي جداً م عندك مشڱلهِ،
طلعنا، نزلت ليه الحاجات وودعتو هو واولادو وقدر ناس الحله الطلعو واتحركنا،
م كانت في حساباتي الرجعه دي ولا في حساباتي حتكون بالسرعه دي لَگِنْ اراد •اللّہ̣̥ رجعت، وانا متخبط وراسي جايط وم قادر افتح الموضوع او اناقشو، والمحامي زاتو كان ملتزم الصمت وكان اتكلم بقول كلمتين تالتتهم بردها ليها انا وبنسكت، الجو بينا كان مكهرب تماماً رغم عدم معرفتو بي معرفتي بالناس دي وقرابتي بيهم بس هو شكلو كان بفكر في الموضوع مع نفسو،
نحن طلعنا بعد الساعه 4 مساء، 11 مساء دي لقتنا جوة الخرطوم،
فتحت التلفون لقيت محاوله مكالمات نازله م̷ِْن شهد، كم مكالمه ورا بعض حكايه بتاعه 6، 7 مكالمات
قلقت رجعت ليها رغم اني م̷ِْن التعب م كنت شايف قدامي ووجع الجسم، المكالمات خوفتني قلت صحبتها حصلت ليها حاجه او مالها ي رَبّ يٌ لانها م بتتصل ساي، وانا منبه عليها لْۆ حصل اي شي تتصل علي او على احمد عشان انا ماف، اتصلت على احمد اتأكد انها اتصلت عليه او لٱ م برد،
فصلت م̷ِْن احمد ونمت قلت صباح •اللّہ̣̥ بخيرو.
❖
في الداخليه..
صحيت م̷ِْن النوم لقيت كم مكالمه م̷ِْن سامر عرفت انو وصل ولقى مكالماتي، اتصلت عليه مكالمتين،
رد، شكلو كان نايم وصوتو ناعس
قلت ليه صباح الخير،
قال لي صباح النور،
قلت ليه وصلتو بخير الحمدلله ان شاءالله؟
قال لي ايوة.الحمدلله
قلت ليهو والحمدلله في مكان فيهو شبكة شكلكم ههههه
قال لي ايوة لأنو نحن في الخرطوم
قلت ليهو كيف؟ الخرطوم؟ متين جيتو؟
قال لي جينا بالليل
قلت ليهو مشيتو وجيتو راجعين في نفس اليَوُمًِ؟ً الشاهين م جااااادي؟
قال لي عادي
قلت ليهو م عادي ابداً دة موت، وبعدين دي سفرة شنو دي البتوديكم وبتجيبكم في نفس اليَوُمًًِ دي
قلت ليها غرض السفرة اتقضى واتسهلت البقعدنا شنو؟
سكتت مسااافه حسيت انو عندي فضول استفسر رغم اقناع خالتي لي، قلت ليهو يعني المحامي قضيتو اتحلت ولقى البفتش عنو وكدة؟
قال لي بحكي ليك ان شاءالله
قلت ليهو طيب سامعاك
قال لي م هسي
قلت ليهو هو معاك يعني؟
سكت
فهمت انو معاهو، قلت ليهو طيب لما تصحصح نتلاقى واحكي لي
قال لي طيب
قفلت منو وخليته على كدة،
رجعت بيتنا وخليت جمانه مع فجر علشان الجامعه فتحت ومفروض امشي اشوف امي محتاجه شنو اساعدها فيهو م̷ِْن غسيل لنضاف لي غيرو قبل م انزل، لقيت مهند عمل لي ابوي مظله زنك، وغير ليهو لون طبليه الحديد حقت الخدار، وزرع شجر قدام البيت،
قلت ليهو حبيت اللون ظابط بهجه بهجه
مهند قال لي الحاج م داير الرقدة وداقي جرس عشان يتحرك، اتفقت مع محل خدار في المركزي يجيب ليهو الخدار بعربيه لغايه عندو.هنا م̷ِْن غير م يمشي، ومعاهو فواكه، وامي بتساعدو ان شاءالله
قلت ليهو كويس ياخ فعلاً ابوي وانا عارفاه م بقعد وانا زاتي في ايامي الفاضيه بساعدو م بخليه المهم راحتو هو فوق كل شي
قال لي هسي ليهو يومين ماسك مفتاح الحامع، بمشي بأذن وبشرف على الجامع يقفلو ويفتحو كل صلاة حيرني زاتو
قلت ليه خليهو م تمنعو.الحركه م كعبه بالنسبه ليه
دخلت على ناس امي لقيتهم مفرشين في نص الحوش مع حبوبه وابوي وامي قاعدة وبتخيط ليها في حاجه ومضفرة شعراتها اتنين، ابوي وحبوبه شافوني قلت ليهم اسكتو، مشيت براااحه ورفعت ليها شعراتها وجريتهم منها اتلفتت مخلوعه، قالت لي انتِ الجن الكلكي
ابوي وحبوبه بقو يضحكو
قلت ليها اشتقتي لي عارفاك
قالت لي هي في زول م بشتاق لعافيتو لَگِنْ؟
بوستها قلت ليها احييييين م̷ِْن الجضووووم المشلخه دي احييييين
ابوي قال لي عافيه البيت كلو اها نشوف نحن بناخد حقنا ولٱ لٱ، مشيت حضنتو وقلت ليهو انت حقك براه كمان ورقدته في رجولو وبقيت بلعب في شنبو قلت ليه قالو لي رجعت بقيت مؤذن ومسكت مفتاح الجامع يعسل، انت م بتتوب م̷ِْن ناس الحله ديل وعمايلهم؟
قال لي الزول بعمل العمل لي •اللّہ̣̥
قلت ليه بس خليك عارف المرة دي كان حصلت حاجه في الجامع سرقة او غيرو وجو اتهموك والله الا يطيرو وهذا منا للعلم بس يعسل
ضحك قال لي •اللّہ̣̥ لٱ جاب شينه
قلت ليه طيب طمني عليك، كويس، المكالمات م كفايه، مشتاقه ليك انا، قمت حضنتو
امي قالت لي عاد عليك لياقه
قلت ليها عارفاك غيرانه ابوي قول ليها غيرانه يلا
حبوبه ضحكت قالت لي ها العويرة دي انا م بتسلمي علي ولا اتعميتي،
عضيت لساني قلت ليها هي الحبوبه قمت وسلمت عليها،
اليَوُمًًِ التاني سامر اتصل علي، قال لي وين وين في الداخليه؟ قلت ليه لٱ في بيتنا،
قال لي اهااااا
قلت ليه لَگِنْ طالعه على الداخليه علشان جمانه كمان حترجع بيتهم حنتناوب عشان م نخلي فجر براها
قال لي طيب ټمٱم، اجي اوصلك ولا كيف؟
سكتت مسااافه قلت ليه طيب ممكن
قال لي طيب بعد سَآعهْْ بالضبط بكون معاك
الما غريب عليهو انو اتأخر، بعد ساعتين حتى اتصل، قال لي معليش، حصل لي ظرف كدة اتأخرت
قلت ليهو.م مشڱلهِ اها طلعتي؟
قلت ليه مفروض تتصل تنبهني او اي حاجه
قال لي هسي طلعتي؟
قلت ليه ايوة
قال لي وين؟
قلت ليه ركبت قربت اصل الداخليه
قال لي ټمٱم •اللّہ̣̥ يسهل عليك طيب وقفل
م فهمت، المفروض يزعل منو فينا انا ولا هو؟
اتغظت لمن قلت: متخلف حيوان، الجمبي والوراي بقو يعاينو لي طلعت راسي بالقزاز عشان اقدر اتنفس م̷ِْن الزعل،
وصلت الداخليه رغم انو مزاجي معكر بس م بينت، نص سَآعهْْ كدة اتصل علي، مكالمه مكالمتين، التالته فجر شالت التلفون وفتحن الاسبيكر
قال لي انا برة تعالي طالعه مستنيك ټمٱم؟
قفل الخط
م عرفت دة تخلف، دي اوامر، دي شنو؟
فجر قالت لي منتظرنك رفعت لي حاجبها
بقيت اعاين ليها
قالت لي سمعتي النبرة ي مهروشاااه مالك معاه مزعلاه ولا شنوووو؟
سكتت
قالت لي شيلي التلفون وانزلي عليه استهدي بالله ي زوله،
شلت التلفون بقت تغني "مشتاقهه ليييك شوق الهوى لرووووحي، وحياة عنييييك دابت انا روحي، والسبب بعدك حبيبي، السبب بعدك حبيبي"
وهي بترفع لي في حاجبي، قالت لي اتعطري علشان في زعلتو دي ممكن تهديهو بحضن يجهجهو وتنسيهو الزعله والعطر دة يعلق فيهو ينسيهو ام الموضوع شهر قدام
قلت ليها تافهه متخلفه بطلي قله ادب يلا
نزلت وخليتها وهي بتقول لي اعمليها صدقيني حينسى الزعلهه
طلعت لقيتو واقف ومتكي في العربيه وخالف رجولو
قلت ليهو إهٍٍََلٌٍٍََْيٌٍَن
قال لي شهد زعل
قلت ليهو مرحب
قال لي گّيَفْ الّحّال ٱن شْاءِ اللٌہ بَخّيَرٌ؟
قلت ليهو الحمدلله
قال لي صحبتك كيف؟
قلت ليهو الحمدلله
قال لي الوالد وناس البيت؟
قلت ليهو الحمدلله
قال لي وانتٍ؟
قلت ليهو الحمدلله
قال لي إذاً انا كمان الحمدلله
فضلت ساكته وهو ساكت
قال لي م كان عِن.̷̷̸̷̐ديّ بنزين كنت واقف في الصف عشان كدة اتأخرت
قلت ليه في حاجه اسمها تلفون على الاقل اتصل قول الكلام دة
قال لي حصل خير
قلت ليهو انا مفروض اقول كدة م انتَ، وبعدين انا هينه بس لما تربط لسانك مع زول غيري وحصل ليك ظرف زي دة حاول نبهو علشان بس يكون على علم او يعرف يتصرف
قال لي ابشري، اي اوامر تانيه استاذة شهد؟
ربعت يدي وقلت ليهو اسمي شهد بس
ضحك وهو بعاين لي، وانا لقيت نفسي تلقائياً ابتسمت،
قلت ليهو اها جيتو راجعين كيف؟ودي شنو السفرة السريعه دي، بدر للطيران بس
قال لي والله تقولي شنو اتسهلت لينا عرفنا العرفناه وجينا راجعين
قلت ليهو ان شاءالله سفرة بفايدتها بس؟الحمدلله طيب
قال لي والله ي شهد م عارف اقول ليك شنو، هو الموضوع زاتو قديم شديد حتى فايدتو م منها فايدة
قلت ليهو.كيف كيف؟
قال لي قصه دهريه شديد يا ليها قريب ال 20 سنه وزيادة ماشي يفتش ويبحت فيها هسي حيرني زاتو
قلت ليهو كيف م فهمت، قضيه ليها 20 سنه البخليهو يفتحها شنو دة منو الما عندو موضوع دة؟طبعاً كنت عايزة افهم بس
قال لي م قضيه ولا اي شي هي،
عاين وراهو قال لي اركبي العربيه كدة، عاينت وراي لقيت الامن بتاع الداخليه واقف بعاين لينا،
ركبت العربيه وهو ركب، قال لي المهم قصه قديمة كدة الزول دة اظن زمان زمن الجامعه والشباب عمل ليهو علاقه مع واحدة وغلط معاها م̷ِْن العواليق بتاعين الجامعات البلعبو بالبنات ديل، والبت م̷ِْن الحته حقتنا ديك، واظن البت اهلها عرفو و قتلوها ودة العادي في البلد يعني م شي جديد، المهم هو ي دوب عرف وكلمتو اختها واظن كانت دايراهو يساعدها ترفع قضيه في اعمامها وكدة، و الاخت غيرت رايها وغيرت كلامها زاتو وهو عشان يتأكد مشى هناك، م عارف يعني داير يغير شنو؟ هو لما م بقى راجل الوقت داك هسي داير يبقى راجل كيف؟
وحتى في القانون داير يقول شنو لاهل البت؟ انا الغلطته مع بتكم القتلتوها؟ والله ي دوب القتلوهو ولحقوهو ليها دة شي م فيهو لعب ابدا، جدً محيراني قوة عينو دي شديد، يعني هو لعب وغش واتسبب في موت البت، وكمان داير يقيف قدام اهلها ويشتكيهم عشان قتلوها؟
طبعاً انا خلاص راسي جاط، بقيت م عارفه اقول ليه شنو، لقيت نفسي بتمتم وبقول ليه حتى ولو غلطت غلطها م مبرر للقتل م تستبيح شي حرمو ربنا سبحانه وتعالى
قال لي لٱ مبرر، مبرر ي شهد، انتِ عارفه اهلك، عارفه طريقه تفكيرهم وعقليتهم، عارفه اسلوب تربيتهم ليك، عارفه اخلاقهم، عارفه الحرام والحلال، عارفه البيئة الانتِ جايه منها كونو تطلعي بثقتهم ديك كلها ويخلوك تقطعي الف ميل و تجي تقري جامعه هنا، دي فرصه الف واحدة م̷ِْن المكان داك بتتمناها، لما تغلطي غلط زي دة رغم انو مفروض تثبتي العكس وتغيري نظرتهم للبنات وتبقي قدر المسؤليه هنا الموت عليك حق فعلاً ي شهد عارفه ليه؟
لانها اتسببت في الف غيرها يقومو ويربو بي جهلهم واتمنعو حتى م̷ِْن قرايه الاساس، لانها اتسببت في انو غيرها يعيش عشان يعرس ويلد بس، انا زاتي اكان •اللّہ̣̥ اداني بت عملت كدة بكسر رقبتها وبدفنها قبل روحها تطلع ولا بزعل عليها ولا بشيل فيها فاتحه ولا برفع ليها فراش زاتو دة كلام فارغ، طيش شباب دة م مبرر، م اي اتنين عواليق يغلطو نطلع ليهم مبرر اسمو طيش شباب بعد دة اريتو لْۆ الواحد ببقى راجل في النهايه لٱ هو بكون قدر المسؤليه ولا هي بتكون قدر المسؤليه، يغلطو ويرمو اولادهم في الشوارع بدون م الواحد يرمش ليهو جفن حتى، ولا بفكر في جناهو دة حي، ميت، لقاهو زول؟نهشتو الكلاب؟
عفصتو عربيه؟ عايش كيف؟ كبر كيف؟ ماف ضمير، ماف انسانيه نهائي عالم بطاله وعواليق سااااااي والله الموت زاتو قليل عليهم عشان كدة الزعل عليهم زاتو حرام، كان اي واحدة بتعمل كدة اهلها بمسكوها يكسرو رقبتها ويدفنوها وبخلوها عبرة لبقيه بناتهم م كان بقى عندنا دار كامل، هم يلدو والدوله والمنظمات تربي
كان بتكلم بطريقه كدة اول مرة اشوفو بتكلم بيها، لدرجه انو دموعي في طرف جفوني وم قادرة انزلها وم قادرة انطق حرف، اول مرة اخاف منو
قال لي الغريب والمحير جدجد ي شهد وجايط افكاري وي مساوي الصدف الزول دة البت الغلطان معاها دي طلعت قريبتي يعني تخيلي الدنيا دي ضيقه كيف، بقيت اعاين ليهو بخلعه، قال لي جد قريبتي، حبوبتي ام ابوي ابو الجماعه ديل ببقى ليها خالها لزم، وبيتهم كان ورانا مباشرة، انا م متذكرهم ولا بعرفهم لَگِنْ ك قرابه هم جدودي يمكن دة السبب المخليني متفاعل مع القصه كدة...
حسابي كان محظور 3 يوم