الفصل الرابع والثلاثون
حسيت اني سامع هو بقول في شنو بس فاقد قدرتي الإستيعابيه..
شهد؟
بتو؟كيف يعني؟
لْۆ البقول فِيَه دة حقيقة كان شهد گلمتِني وم دست مِڼّي حاجه زي دي،
حتى احمد م عارف يعني؟..
م ممكن اصلو.م ممكن اكيد الراجل دة بختلق ليهو قصه م̷ِْن راسو،
بس حتى ولو خالقها عرف م̷ِْن وين انو شهد...؟؟؟
قال لي انا م حأضغط عليك حأخليك مع نفسك تفكر وتاخد راحتك، إذا حتقدر حنتظر مكالمتك، إذا كمان م حتقدر هعتبر عدم إتصالك إجابه على كدة..
قلت ليهو معليش ي استاذ بس شهد بتك كيف؟وانت زاتك عرفت كيف؟ ومتين؟
قال لي زي م قلت ليك انا بعرفها قبل م اعرفك واعرف موضوع قضيتك واعرف انك عاقد عليها حتى، في بورتسودان لاقيتها وقعدته معاها، واقول ليك حاجه انا قضيتك دي زاتها كنت رافض امسكها لأني كنت مٍشغوٍلًً بقضايا تانيه وزمني ملان واحدة م̷ِْن القضايا قضيه قتل امها دي، اتجبرت أأجلها وم احركها عشان هي بذات نفسها شالت رقمي م̷ِْن خالتها عشان تتصل علي وتتكلم معي، لما م اتصلت انا اتصلت عليها دقيقة..
طلع تلفونو وبقى ماسكو مساااافه حتى رفعو لي، قال لي دة مش رقمها؟ يلا دي مكالمتي معاها بالتاريخ والزمن اتصلت عليها، م طلبت مِڼّي امسك القضيه بس اتكلمت معي بطريقه اجبرتني امسكها، انا م.مسكتها عشانك ولا عشان احمد ود اختي حتى انا زول عملي والشغل عِن.̷̷̸̷̐ديّ شغل لَگِنْ اراد •اللّہ̣̥ اتفاجأ انها مرتك و...الخ
قعد يحكي لي كيف عرف بالصدفه انها كانت مرتي وكدة
ٱڅڑ حاجه قال لي الرأي رايك بعد كدة، انا متأكد لْۆ حاولت معاها حتقتنع
قلت ليه م ححاول ي استاذ، واعذرني جداً بس م تنتظر مكالمتي، م حأقدر اساعدك بخصوص الموضوع دة.
بقى يعاين لي..
قلت ليه الموضوع م موضوع نسب وبس الموضوع اكبر م̷ِْن كدة، شهد ابوها دة واهلها ديل عندها فوق كل شي، انت كيف دايرني اطلب منها واقنعها بحاجه زي دي؟
قال لي ي ابني..
قلت ليه ي استاذ، الأعوج راي والعديل رأي، القضيه دي بصورة وبشكل تاني بتقدر تفتحها، انت كدة كدة شهد م حتقدر تستعطفها بموت امها لأنها م عارفه ليها شي قامت لقت امها الحاليه دي قدامها، حتى لْۆ اتأثرت تأثرها ممكن يكون لحظي بس م لدرجه انها تنسب اسمها ليك، صدقني شهد ممكن تخسر الدنيا دي كلها قصاد اهلها..
قال لي وانا بقول ليك حاول، م طالب مڼڱ شي غير المحاوله..
م حسيت إني قادر ارد عليه واقنعو، حسيت انو وصلني الحد بتاع إني اتكلم معاه فارغ والكلام على طرف لساني بس م قادر
بقيت اعاين ليه وانا ساكت
قال لي انا قلت ليك م مستعجل على ردك هسي، اخد وقتك وانا منتظرك
قلت ليه ټمٱم،
م عارف وصلتو.البيت كيف وم كنت شايف قدامي ولا شايفو جمبي اساسا، ً
حاولت اكضب كلامو، وحسيتو م واقعي، إتصلت على احمد قلت ليه اطلع لي لْۆ في البيت
قال لي لٱ في الموقع مع مراد
قلت ليه طيب جاي عليكم ..
❖
في الجامعه..
دقيقة دقيقة انا م فاهمة دي كانت بتقول في شنو الوهمية دي؟ولييييه ي شهد م رديتي عليها؟
سامر خطب؟
طلاق؟
عاينو في شنوووو؟
جمانه: فجر بعدين
لٱ م بعدين هسسسي نااااااااو محتاجه منكم توضيح في شنوووو قولو لي؟
انا كنت متماسكة وم عايزة ابكي بس دموعي تلقائياً شقت طريقها..
مسحتهم بسرعه
فجر قالت لي الكلام القالتو سمهدل دة صّْح ي شهد؟ سامر طلقك؟
قلت ليها ايوة صح
بقت تعاين لي بخلعه وإستغراب
متين؟ ولييييه ي شهد في شنو؟ولييييهه انا م عارفه؟
قلت ليها كل الحاجات دي حصلت بسرعه وورا بعض م̷ِْن فترة، حتى انا م كنت مصدقة لغايه م جا لي ابوي وقال ليهو انا وشهد البينا وقسمة وانتهت، وبعد فترة رسل القسيمة.مع امو واخوه بس على كدة انتهى الموضوع
قالت لي والسبب؟
سكتت
بقت تعاين لي
قالت لي السبب ي شهد؟؟
دموعي جات جاريه، اصلاً اكتر حاجه واجعاني انو مافي سبب، مافي بس قال قسمة وانتهت وخلاص
مسحت دموعي وقلت ليها بي ضحكه مافي سبب، هو بس شايف انو م ينفع نكمل وشايفها قسمة وانتهت..
قالت لي قسمة وانتهت دة سبب؟ م قادرة.افهم كيف يعني مزاج منو ساي بس يعني جا وقال لي ابوك قسمة وانتهت، يعني طلقك مزاج منو بس بدون سبب منطقي لكدة؟
قامت م̷ِْن مكانها ومشت وجات راجعه، جمانه قالت ليها فجر ريلاكس حبيبي هو الموضوع بزعل جد بس م تضغطي عليها كمان لانو انتهي..
فجر قالت لي ولسسسه متواصله معاه؟ متواصله معاه وبتلاقيه وبطلب يشوفك وبتطلعي ليه عااادي وقت م هو عايز ي شهد؟
سكتت
قالت لي وقح باااطل جبان، ربنا ريحك منو المنفسن المريض، بس حرفياً بطاله الف وم راجل، متواصله معاه ليه؟
لقاك مسكينه زي دة تمسحي بكرامة ابو اهلو الأرض وم تديه وش
جمانه قالت ليها في مرض عمو كان واقف شديد والله عشان م.نظلمو
قالت ليها ي زوله بيهو او بدونو.عمو ببقى كويس وامرو بين يدين ربنا، نظلمو شنو وهو ظالم؟
لٱ وكمان مشى خطب، خطب وهو م̷ِْن يومين كان معاك كلمك بالحاجه دي؟ ختاك في الصورة؟ قال ليك انا خطبته؟
سكتت
قالت لي اكيد لٱ، وقح، لْۆ كانت واحدة م قريبة سمهدل كان نصحتها، لَگِنْ طالما قريبة سمهدل خليها تلبس اصلاً حتكون زي سمهدل واحد تستاهل النوع دة م̷ِْن العولاق حيتلم المتعوس على خايب الرجى.
عايني ركزي معاي، حتفصلي ابو اهلو فاهماني؟ حتسفهي حلتو، حتتباردي معاه لمن زيت ابو اهلو يطلع، شوفيه هو والتراب واحد ودوسي عليه، لْۆ لقيتيه في جهنم زيديه حطب ي شهد، عارفه بجيك ليه؟
لانو ضامن، ضامن انو هو حيلقاك في اي وقت عايزك فيهو، عايني م تشبكيني بتعامل بي اصلي والشعارات دي "من لا يصُن لا يُصان"ي شهد فهمتي؟
اي زول افعالو بتحدد الطريقة المفروض تتعاملي بيها معاهو،
دة لٱ احترمك، ولا احترم مشاعرك، ولا احترم انتِ حتحسي بشنو بالخطوة دي، بالنسبه ليهو الموضوع قسمة وانتهت طيب وانتِ؟ليه م حسب الموضوع م̷ِْن جانبك انتِ؟
كل مرة بجي راجل بقرفنا م̷ِْن الرجال حرفياً مقرفين ↙.
جمانه قالت لينا ټمٱم خلونا نمشي الكفتريا ناخد عصير يروق لينا اعصابنا ونلحق المحاضرة
فجر قالت لينا اما سمهدل دي خلوها علي انا، امانة م وقعت وم سمت المرة دي، إلا تطير..
جمانه قالت ليها فجر خلاص، اقفلي على الموضوع رجاءً م تبقي نقاقة ↙
❖
في جلسه ما..
خالي قال ليك شنووو؟
م قال لي شي بس موضوع قضيتو السافر بخصوصها البلد دي، بعدين قعدنا نتونس عُاَدّيَيّ
قضيتو دي شنو هي؟
قضيه كدة ياخ دهريه بس هو ساكيها، خلصنا وفتح لي موضوع قضيتي ههههه، قال لي م كنت عايز امسكها هههههه
احمد: اي في البدايه م رضى، سافرت ليه م̷ِْن هنا عشان اقنعو وم اقتنع زعلت لدرجه اني رجعت في نفس اليَوُمًًِ
قلت ليهو قال لي قعدو معي احمد وشهد وحاولو معي غريبه م قلت لي شهد كانت معي والوداها هناك شنووو..
قال لي شهد لاقيتها بالصدفه في السوق ياخ اليَوُمًًِ داك وهي زاتهها م كانت عارفه انك مسجون بحكم إنك م وريتها، المهم سوقتها معي، خالي شكلو معطك وحكى ليك بالتفصيل
قلت ليه لالا ياخ بتاع مواضيع بس خاڵڱ دة ههههه،
المهم الشغل ماشي كيف؟
قال لي ټمٱم، مراد هسي عندو اجتماع مع خواجات كدة مستنيه يخلص منهم ويجي علينا، احتمال بشاراتو تجي حلوة، المنظمة حتتصنف م̷ِْن بين اهم المنظمات الفعاله في السودان
قلت ليه ماشاءالله ماشين كويس بعد الانتكاسه الاخيرة
قال لي غالباً عندنا سفرة قريب، موجهه لينا دعوة لمؤتمر مُقام في بريطانيا عشان كدة هسي مكثفين الشغل في ملفات المنظمة
قلت ليهو بشارات سمحهه
قال لي انت ي سامر ي اخوي م قلنا ليك خلي الخلا دة وتعال امسك معانا م عارفك م راضي مالك
قلت ليه ي زول انا شغل المكاتب والقفله والامور دي م بتنفع معي وم زولها م̷ِْن البدايه وريتكم ههههه
قال لي المهم المساء الخماسيات م تنسى
قلت ليه حضران.
طلعت م̷ِْن احمد وانا في مخيلتي ردة فعل شهد لما حكيت ليها عن موضوع المحامي، كنت فاكر انها بكت نسبه لحساسيتها م̷ِْن الموضوع وعديت الموضوع عُاَدّيَّ، بس...
يعني هسي المفروض انو دة ابوها وهي عارفه، وانا قلت ليها انو المرة الماتت دي م̷ِْن اهلي
يعني هي عارفه انو انا قريبها، وعارفه انو دة ابوها، وم لمحت لي حتى تلميح بكدة، واتصرفت بشكل عاددي..
❖
فجر معاها حق، انا كيف بتعامل معاه عادي، هو اناني للدرجه انو وانا بكلمو بكلام اعمامي قال لي في كل الاحوال الموضوع بالنسبه لي محسوم ي شهد، م̷ِْن غير م يراعي لي احساسي قال الكلام دة، وبعد دة اتعاملت معاه عادي
غبيه انا غبيه، لٱ وكمان خطب، خطب ولسسه م̷ِْن يومين كان معي عادي، م عارفه هو شايفني شنو، دة استغلال ولا استغباء ولا شنو
كنت راقدة في السرير وببكي وعلي مخيلتي كلام فجر وصخر،
تاني يوم في الجامعه وانا قاعدة في البينشات وسرحانه جات سمهدل قالت لي شهدون، وادتني البيبي بتاعها قالت لي دقيقة اصلح طرحتي، قعدت جمبي وقالت لي كويس إنو لقيتك اصلاً عايزاك، بخصوص الموضوع داك، عايني م عايزة اضغط عليك عارفه حساسيه الموضوع بس جد بت خالتي دي بتهمني وم عايزاها تتسمبك انتِ فاهماني صح؟
قلت ليها عايزة تعرفي شنو م عندك مشڱلهِ عادي
قالت لي انفصلتو ليه، يعني مالو؟ لقيتيه م كويس ولا كيف؟طلعت تلفونها وقالت لي عايني دي بت خالتي، صراحه ي شهد م دايرة ليها البهدله عشان كدة الأولو نور اخ.رو نور ولا شنو وفي النهايه كان انتِ كان هي كلكم بنات زي بعض والشعور واحد صح؟
قلت ليها عايني م كويس دي م مقياس، الما كويس معي يمكن يكون كويس مع غيري والعكس دي حاجه بحددها الشخص التاني م انا،
عموماً انفصلنا عشان هي قسمة وانتهت بس م اكتر ولا اقل، وصدقيني م تخافي منو هو زول كويس وراجل وزول وقفة وحارة ومحترم وبشيلها في راسو
عاينت لي بإستغراب وقالت لي طيب دامو كدة مخلياه مالك ولا خلاك هو معليش م قادرة افهم منو فيكم الما نفع مع التاني؟
قلت ليها قسمة وانتهت زي م قلت ليك.
جات جمانه قالت لينا صباح الخير
قلت ليها صباح النور
قالت لي شهد يلا نشرب شاي جعانه انا
سمهدل قالت ليها وانا كمان نفسي في شاي عامر م خلاني اشربو في البيترسوقوني معاكم
سمهدل قالت ليها قبل الكفتريا ماشين الاستراحه نحن، يلا ي شهد
اتحركنا م̷ِْن جمبها قالت لي الوقحه دي م تتعاملي معاها.
❖
عدت ساعات وساعات وانا بمسك التلفون في يدي عايز اتصل على شهد بتردد، م لاقي مبرر منطقي للوضع الانا فِيَه دة، اول مرة احس اني متردد اكلمها مع انو لآزٍمٍ اقعد اتكلم معاها،
حاولت مرة، م قادر اتصل وم قادر امنع نفسي م̷ِْن رغبتها في انو تتصل، ف إتصلت مرة م ردت، رجعت بعد كم سَآعهْْ اتصلت م ردت،
عدت 3 ايام م رجعت علي بمكالمه حتى، رسلت ليها رساله محتواها، محتاج اقعد اتكلم معاك ضروري بتصل وم بتردي إذا وصلتك رسالتي دي حاولي ارجعي لي منتظر اتصالك..
❖
في اللحظه القريت فيها الرساله حاولت اتجنبها وم اركز معاها، بس كنت كل مرة برجع اقراها، تركيزي مع كلمة "محتاج"سامر مما عرفتو م حصل قالها، هي الكلمة الوحيدة الكانت مخلياني اركز في الرساله واحاول استنتج
موضوع يعني شنو؟ عايز يحكي لي انو خطب؟
عقلي بقى يودي ويجيب،
بالليل وانا ماسكه تلفوني اتصل م اتصل، اتصلت عليه
رد على طول
قال لي وين ي زوله تلفونك دة؟
قلت ليهو مساء الخير
قال لي مساء النور، بتصل عليك كم يوم مرة داخل ومرة لٱ
قلت ليه فعلاً يمكن شبكه
قال لي كيفك؟
قلت ليه الحمدلله
قال لي وناس البيت؟
قلت ليه ټمٱم
قال لي ابوك كويس؟
قلت ليه الحمدلله
سكتت مسااافه قال لي عايزك بخصوص موضوع كدة لَگِنْ بالتلفون م ينفع، نتلاقى بكرة؟
قلت ليه موضوع شنووو؟
قال لي قلت ليك محتاج قعدة
قلت ليه طيب
قال لي بكرة شغاله جامعه؟
قلت ليه ايوة
قال لي بتطلعي الساعه كم
قلت ليه متأخرة
قال لي الصباح؟
قلت ليه 8 كدة
قال لي طيب انا بجيك م̷ِْن 7 ټمٱم؟
سكتت
قال لي اتفقنا؟
قلت ليه طيب،
قفلت منو وانا م غمض لي جفن لغايه م الاذان اذن، صليت حتى حسيت بغفوة كدة صحيت بصوت ناس البيت،
على بال م استحم واشرب الشاي لقيت منو 4 مكالمات
رجعت ليه قال لي نايمة؟ انا وصلت
قلت ليه لٱ، دقايق واجهز
قال لي طيب انا في الزلط واقف
جهزت وانا قلبي في يدي، طلعت وانا شايله الصبر بالاستغفار وحاسه راسي بقى تقيل م̷ِْن كتر التفكير وعيوني اصلاً وارمة م̷ِْن عدم النوم، وصلتو لقيتو واقف جمب العربيه ولابس ملابس رياضه ونظارة كان بشرب في سجارة لما شافني رماها وعفصها، قلت ليه صباح الخير
قال لي صباح النور كيفك؟
قلت ليه الحمدلله
فتح لي باب العربيه بقيت اعاين ليه
قال لي اركبي،
قلت ليه انا مستعجله حأركب مواصلات بس قول العايزو علشان امشي
قال لي اذا كدة كان ممكن اقول بالتلفون عادي صح؟
سكتت
قال لي اركبي اركبي،
ركبت،
رفع لي كبايه قال لي اتفضلي، عينه الكبابي البتحفظ الساخن والبارد دي،
بقيت اعاين ليه
قال لي امسكي امسكي
شلتها فتحتها لقيتو شاي لبن
قال لي اكيد م حأشيل ذنبك واخليك تمشي جامعتك بدون شاي الواحد م ناقصاه ذنوب
في كرتونه على جنب فتحها و قال لي اتفضلي
كان فيها معمول..
قلت ليه انا شاربه الشاي ع فكرة
قال لي ي زوله؟ صاحيه م̷ِْن كم؟
على طرف لساني اقول ليه اصلاً م نمت بس سكتت، بعدها قلت ليه اصلاً ابوي بشرب الشاي مع الصلاة
قال لي اهاااااا ماشاءالله
المهم اشربي زيادة الخير خيرين زي م بقولو على بال م نصل حتجوعي، انا زاتي م شربت، جهزتو و قلت اشرب معاك بالمرة..
بقيت ارفع عيني اعاين ليه وانزلها، م قادرة افهمو، حاساه عندو انفصام في الشخصيه..
قلت ليه عايزني في شنو كنت؟
قال لي م عارف إذا حتقدري تساعديني ولا لأ بس هو الموضوع مهم بالنسبه لي شديد، وعندي حلول تانيه متاحه بس قلت اشوفك انتِ اول
في اللحظه دي م بقى في عقلي الا موضوع خطوبتو
قلت ليه خير ان شاءالله
قال لي م فرض عين دي الحاجه العايزك تفهميها، يعني بتقدري ترفضي اذا م بتقدري وماف احراج ابداً
قلت ليه طيب قول ي سامر وانا اكيد حاجه م بقدر اعملها م بجبر نفسي اعملها
قال لي طيب، اخد ليه سكتته
قلت ليه اها مستنياك انا؟ ؟؟
قال لي حبوبه رجعت مكان م جات وقفلو القضيه، وخالتي نور م رجعت، طبعاً اول م خالي اتوفى حالتها النفسيه كانت م على قدر كدة وكل مرة بتسؤ بقت عايشه على المسكنات وكدة، كانت قاعدة في البيت الكبير براها هسي الحمدلله رحلتها معي، ف انا م عارف اتعامل معاها كيف، ولا عارف اقدم ليها شنو مع العلم قابلت دكتور ومديها علاجات وحيتابع معاها واي شي بس برضو في البيت وكدة..
يعني هو مش خاطب؟ ليييييهه يلجأ لي انا؟ وانا حأقدر اساعدو او افيدو كيف م فاهمة
قال لي فاهماني انتِ؟
قلت ليهو لٱ
بقى يعاين لي
قلت ليه جد، يعني هي م بتتكلم او بتتونس او كدة
قال لي ايوة بتتكلم وبتتونس
قلت ليه بتطلع م̷ِْن غرفتها؟
قال لي ايوة، بس انا م كل الوقت بكون في البيت، ف اغلب الوقت بتكون براها، بعدين الشغل والسفر وكدة م معروف متين حسافر يعني ممكن اليَوُمًًِ تجيني سفرة لأنو اصلاً عايز ارجع اشوف الحاصل شنو رغم انو في ناس ماسكين ليّ الشغل واحمد وابوه م مقصرين بخصوص الموضوع دة
على لساني جمله "جيب ليها خطيبتك تقعد معاها "وانا بعاين ليه كنت على وشك اني انطقها
قلت ليه طيب مش هي متابعه مع دكتور؟
قال لي اي قابلنا
قلت ليه بتاخد العلاجات؟
قال لي ايوة
قلت ليه طيب يعني انت خايف م̷ِْن قعدتها براها وكدة لما تسافر او تطلع وكدة؟
قال لي ايوة
قلت ليه طيب عاين زين وين؟
زين ممكن يشغلها ويملى ليها وقتها، يعني لما انت تكون ماف حيكون معاها زين م حتكون براها
بقى يعاين لي قال لي م فكرت في كدة فكرت في انو حأزيد الضغط عليها، قلت ليه بالعكس حيخفف عليها،
بعدين هي حتستقر هنا ولا راجعه؟
قال لي م عارف والله ي شهد
قلت ليه لْۆ حتستقر ممكن تشتغل وتملى وقتها بالشغل
قال لي احمد ومراد عندنا منظمة ماسكنها وهي م̷ِْن الناس الساعدتنا كتير في موضوعها بالعلاقات الخارجيه وكدة
قلت ليه بس خلي يمسكوها اي شي في المنظمة بحيث يضغطو عليها ويقولو ليها م عندنا غيرك يمسك ومحتاجنك وهكذا..
قال لي ممكن برضو، هسي انا م̷ِْن طريقي دة امشي اجيب زين اول بعدين اشوف احمد بخصوص شغل المنظمة دي..
قلت ليهو هو وين زين؟
اتعمدته اسألو السؤال دة عسى ولعل يجيب لي سيرة خطوبتو
قال لي مع الزوله القديمة الكانت ماسكاه قبل م اعرفك ديك
قلت ليهو اهااااا وانا بعاين ليه،
وصلت الجامعه قبل م انزل قلت ليه ان شاءالله تتحسن وترجع احسن م̷ِْن اول هي زوله ظريفه وطيبانه وتستاهل كل الخير، يعني فترة وحتعدي ان شاءالله بس محتاجه شويه وقت، ووقفة مڼڱ، م حأقول ليك حبوبتك لأنو قلبها دة م قلب ام البخلي بتو في حاله زي دي وبمشي لَگِنْ خالتك التانيه حتى وهي هناك بتقدر تدعمها وتساعدها، عموماً بخصوص الصحه النفسيه دي الأهل بكون ليهم دور كبير في تخطي المرحله وتجاوزها وليهم دور اكبر في تدهور حالتك ووصولك للقاع
قال لي ان شاءالله، عشان كدة لما فكرت في مسألة الأهل دي م خطر على بالي غيرك ي شهد...
❖
اجتهدت في إني أوصل ليها فهمي بس الوصلني منها إنها م عايزة تفهم، للحظه حسيت إني عايز اواجهه بموضوع ابوها ومعرفتي بيه، بعدين لقيت إنو هي م حابه فكرة انو تشاركني وتحتفظ بخصوصيتو لنفسها.
❖
في جانب ٱڅڑ ..
يمن
ايوة ي استاذ
تعالي لي المكتب هناك
طيب حاضر
بعد مرور 5 دقايق..
ڼعمًْ ي استاذ
ادخلي
حاضر، اتفضل ي استاذ
ي يمن ياااخي لغاايه اللحظه م دفعتي القروش، وامك حتى على المكالمات بقت م بترد، خير ان شاءالله التأخير سببو شنو؟
معليش ي استاذ امي اليومين دي شويه عيانه بس عشان.كدة
طيب والقروش؟ ممكن تحولها لينا بالتطبيق وهي راقدة في مكانها زي م زمان بتعمل ونحن بنديك الإيصال م إشكال
فضلت سااااكته،
قام على حيلو وشبه قفل الباب وصلح شكتو
قال لي خير ي يمن ليييه التأخير؟
م حسيت اني مرتاحه ليه اصلاً بنات كتيرة بتشكي منو ومن حركاتو ونظراتو احياناً بتكون م ټمٱم بس ماف واحدة بتقدر تقول لأنو ماف زول حيصدقها وحتتفصل ولأنو معروف في المدرسه استاذ الشيخ بإحترامو ومكانتو بين المدرسين والطلبه والمدرسه شبه حقتو م̷ِْن شدة م ليهو.مكانه فيها وهو زول كبير م صغير اولادو متخرجين وعندو واحد متزوج في عمر اكبر م̷ِْن ابوي عديل، وبعرف ابوي وشبه صحبو يعني
فجأة مشى يدو في ضهري براحه،
عايز اتلف عليه ختاها في رقبتي وقال لي الظروف الفترة دي م ټمٱم ولا شنو؟ لْۆ م ټمٱم عندنا استثناءات للطلبه نحن احكي لي سامعك انا...
وقفت على حيلي، قلت ليه خير ي استاذ؟
قال لي مالك خوفتي ولا شنو؟
اقعدي اقعدي،
قلت ليه لٱ انا كدة واقفه احسن، المهم لْۆ عايز تديني إيصال انذار اوديه لناس البيت ممكن تديني ليه..
جا علي ومسكني م̷ِْن كتفي واحد ويدو التانيه ختاها في جضمي وقال لي خوفتي جدجد شكلك في زول بخاف م̷ِْن استاذو ياخ؟وبعدين معقوله انتِ بدوك إنذار؟
عايزة اتفك منو جراني عليه وبقى ماسكني بكل قوتو وقرصني في بطني لزيتو وجريت فتحت الباب وطلعته، م̷ِْن الخوف حسيت نفسي مهبطه بقيت م قادرة اسند نفسي ولا امسك دموعي عشان ماف زول يشوفني، فجأة سمعت زول بقول لي يمن؟
اتلفت عليه لقيتو استاذ معمر الماسك شعبة.الحاسوب،
قلت ليه اهلين استاذ، ومسحت دموعي
قال لي خير مالك في شنو؟
قلت ليه ماف شي واتحركت مشيت الإستراحه وانا قرفانه م̷ِْن نفسي ومن اللبس بتاعي ومن كل شي، رفعت اللبس مكان قرصني لقيت المكان اتحول لبقعه حمرا بقيت ابكي في مكاني وانا م حأقدر اتكلم، ماف زول حيصدقني، اصلاً حتكلم اقول شنو؟حيطلعوني كعبه وقليلات ادب في المدرسه، واصلاً اخواني وامي شايلنها معي، ماف زول احكي ليهو بالقرف دة
❖
ي بت كان شفتي البت لما وريتها صورتك لمن عيونها عايز تطلع م̷ِْن محلها وعروق جبتها نطت، دايرة تموت كان شفتيها ام وش حامض
ههههههههههه غايتو انتِ
ي بت ها كان عندها باقي نفس فيهو هسي بتكون طلعت، اكيد ماف مقارنه يعني ي ندى زي م بقولو شن جاب الكيكة للويكة؟بس زي م قلت ليك خليك مفتحه ي بت اتمحلسي ليهو وخليك ناعمة واقتلي ليهو حيلك، اعرفي الحاجات الزمان هي بتعملها وهو م بحبها واعملي عكسها، بتقدري تتملكيهو بعقلك حبيبتي
فعلاً حسيت الحاجه دي، مش حكيت ليك بالعملتو يوم مسافر وقعدته اتبكى ليك وشبكتك خسرتو وبتاع؟ ي بت اول م جا قال لي جهزي نفسكم جاي سايقكم، لْۆ عارفه الحركه دي بتشتغل معاه كدة كان عملتها م̷ِْن زمان
هههههههه اي بس م تعيديها، يعني الراجل لما يضمن انو حياخد م حتفرقي معاه، لَگِنْ شنو شحتفي روحو، اتظبطي لما يجي، وعطرك فوق، لبسك، طريقه گلآمَگ وكدة، واختلقي ليك اسباب عشان يجي ويلقاك كدة، يعني مثلاً زين عايز يشوفك، زين ببكي، محموم، انا عيانه، عايزين كدة م لاقياهو لْۆ بتقدر تجيبو لينا، او عايزة الدواء الفلاني لي ابوي وم لقيتو لْۆ جمبكم صيدليه شوفو لي وكدة المهم خلي يكتر طلتو عليك ويشوفك كل مرة بصورة ارهب م̷ِْن القبلها، الرجال بحبو المرة البتبهرهم ف شنو ابهريهو، هو واضح انو زين دة نفسو الطالع ونازل ف حاولي إستغلي الحتة دي زي م شهد استغلتها وخلتو.يعقد عليها فاهماني انتِ؟
ايوة
بس خليك شاطرة وقادرة وقاهرة، الشحتفة دي البتجيب اخرو وحتخليك تعرسيهو حبيبتي
ان شاءالله ي سمهدل ان شاءالله ي رب بس ادعي لي عليك •اللّہ̣̥ ادعي لي اعرسو السمح بحبو شديد ياااخي واااي بس
❖
بعد مرور اسبوع..
وانا في المحاضرة وسرحانه بفكر في سامر، وكلامو لي ٱڅڑ مرة اتلاقينا فيها، هو كان بقول طالب مساعدتي وم فهمتو هو كان عايزني اساعدو كيف م̷ِْن اي ناحيه؟
فجأة جاتني مكالمة، عاينت للرقم وعملت التلفون صامت، رجع اتصل مكالمتين، لما م رديت،
رسل لي مسج محتواها "ارجو الرد للضرورة القصوى"
خلصنا محاضرة ونحن بنفطر تاني الرقم ضرب،
فتحت الخط قلت السَلٱمٌ عَلْيگمّ-ۈرحْمٌّة ٱللّہ ۆبُرگّاتہ ..
قلت ليه وعليكم السلام
قال لي كيفك ي بنتي ان شاءالله بخير؟
طبعاً الرقم غريب بس الصوت مألوف عِن.̷̷̸̷̐ديّ
قلت ليه اتفضل منو معي؟
قال لي م عرفتيني؟
قلت ليهو لٱ
قال لي معاك عبدالله والدك
سكتت..
والدك؟؟
قال لي او عبدالله المحامي إذا المسمى الواقعي بضايقك، المهم ي بتي متصل عليك بخصوص موضوع مهم جداً بخصني وبخصك وانتِ على معرفه بيه قبل
قلت ليه اي موضوع؟
قال لي موضوع قضية مقتل والدتك، خالتك الكانت حتقيف فيهو اتملصت، بقى ماف زول بقدر يقيف فِيَه ويطالب بالحاجه دي غيرك
بقيت ساكته
قال لي قبل اسبوع وزيادة اتكلمت مع سامر بحكم انو ممكن يكون اقرب ليك مِڼّي ويقدر يقنعك، طلبت منو يفاتحك في موضوع النسب بتاع الإسم وهو شكلو فتح معاك الموضوع وم اديتيهو رد لأنو م رجع لي، ف قلت اتصل واتأكد مڼڱ انتِ بصورة مباشرة عشان لْۆ خلصنا م̷ِْن موضوع نقل الاسم دة نبدأ اجراءات البلاغ حق القضيه مباشرة..
قلت ليهو نسب؟ نقل اسم؟ م فاهمة انت بتقول في شنووو؟
قال لي سامر شكلو م فهمك، قال ليك شنو هو؟ انا حسب فهمي قلت ليه البت دي لآزٍمٍ تديني حق النسب عشان هي تطالب بحق امها ك بت شرعيه، يعني قسيمة الزواج في، والشهود في، انتِ بس اسمك يكون منسوب لإسمي، يعني م̷ِْن اسم ابوك دة ما عارف اسمو منو حتكوني بإسمي شهد عبدالله...الخ حنعدل في الاوراق الثبوتيه حقتك كلها بصورة رسميه وهكذا، حتفتحي بلاغك ك بت شرعيه للمتوفيه دي وتطالبي بإدانة المتهمين، م عارف سامر فهمك شنو بس دة الفهم العام المفروض يصلك
قلت ليه سامر قال ليك انو حيقنعني انقل اسم ابوي لي اسمك انت؟ اتفق معاك على كدة؟
سكتت
قلت ليه دقيقة
فصلت منو وقفت على حيلي ومشيت بعيد م̷ِْن البنات،
اتصلت على سامر وانا برجف م̷ِْن الزعل، من اول جرس رد..
قال لي زارتنا البركة
قلت ليه انت منووو؟
قال لي ڼعمْ؟ً
قلت ليه انت منووو سألتك انا، انت منوووو؟ وشنو البخليك تدي نفسك الحق في انو تتفق مع المحامي بتاعك ولا سجم الرماد داك عشان تقنعني بموال إني اتنسب لي إسمو؟ شنو البخليك تدخل في خصوصيات زي دي اساسا؟يعنيً هو مسك قضيتك وطلعك علشان دة المقابل؟ياخ اتفووو عليك، على قدر م كل الحوالي قالو عليك حقير وعواليق ساااي كنت شايفاك راجل بالجد ومكذبه إضني عشانك لَگِنْ بالجد طلعت زي م هم بقولو، ودة ٱڅڑ شي اتوقعتو مڼڱ، لَگِنْ اصلاً م غلطك غلطي انا، اتوقع شنو م̷ِْن واحد جبان وم عندو شخصيه زيك يعني؟ وانت زاتك بتفرق عنو هو في شنو؟
الاتنين جبانين زي بعض، هو غش على واحدة وغلط معاها ومشى خلاها،
وانت برضو زيو بس فرقك منو انك م غشيت علي انا بس غشيت على بيتنا كلو واتجابنت وبعد م ضمنت مشيت ببساطه، الاتنين مريضين واي واحد زيكم مريض ومحتاج علاج، وي ريتكم لْۆ مريضين مرض عادي، لانو اي مرض ليهو.علاج الا لما تكون ناقص رجوله، كل الناس كانت بتحذرني منّ انو ارجع اتعامل معاك بعد العملتو معي بس انا كنت مصممة اجرب اتعامل معاك بأصلي! عارف يعني شنو بأصلي؟ يعني لما اتجاوزت ليك العملتو فيني م كفاك كمان جاي تاني تعمل الأسوأ منو؟
نفسي افهم جايب الثقه بتاعه اني حوافق وانت حتقدر تقنعني بحاجه زي دي م̷ِْن وين لما اتفقت مع الراجل؟ انت فاكر اني حأجامل في حاجه زي دي؟ ولا افتكرت انك حتقدر تستعطفني وتقنعني؟
الما عارفو إني رميت طوبتك اصلاً يعني ماف شعور جواي تجاهك غير القرف وبس وحكمة •اللّہ̣̥ هسي اثبت ليّ إنو انت مقرف بكل ما تعنيه الكلمة، وم تفتكر اني غبيه وعاجباني حكايه انك بتمشي وبتجي دي لَگِن عشان اثبت لنفسي انو افعالك دي بكل السؤ الفيها دة م بتكسرني، افعالك بتكسر مكانتك عِن.̷̷̸̷̐ديّ وفعلاً دة الحصل بالضبط، وبالمناسبه قول للجايبك تتوسط ليه عِن.̷̷̸̷̐ديّ دة إنو كل حاجة فى الدنيا دي تنفع تمشى بالواسطه إلا انك تبقى راجل، الموضوع م موضوع اسم بس اي كائن في الدنيا دي بقدر يلد حتى الحيوانات بتلد، بس م كل والد بتسمى والد فهمت؟
وانت •اللّہ̣̥ يعين خطيبتك عليك جد يعني نفسي في اللحظه دي اكسب فيها ثواب وانصحها علشان تكسب زمنها، واسمعها مِڼّي مش بس م تتدخل في حاجه بتخصني، انا شهد دي لْۆ لقيتني في النار زيدني حطب ټمٱم؟على قدر م حاولت احافظ على احترامي ليك بس انت م فشلت في انو توصلني للنقطه المقرفه دي معاك ...ْ