الفصل الخامس والثلاثون
قفلت الخط وانا برجف وعيوني مليانه دموع وم قادرة اتنفس حاسه نفسي اتقطع، ف بقيت احاول اخد اتتفس، حسيت بصوت فجر بتقول لي شهد،
لبيت اتلفت عليها
جات مسكتني قالت لي شهد مالك؟ كنتِ بتتكلمي مع منو؟ سامر؟
بقيت شايفاها طشاش طشاش وم قادرة اخد نفس خالص،
بقيت اعمل ليها حركة بيدي،
قالت لي شهد، في شنو مالك؟مسكتني وقالت جمانه تعالي بسرعه،
جمانه جات قالت ليها مالها بسم •اللّہ̣̥ شهد؟
قلت ليهم م قادرة، م قادرة اتنفس،
جمانه قالت لي ټمٱم دقيقة، فكت لي الطرحه وزرارة العبايه
حسيت عيوني بتطلع م̷ِْن محلها وم شايفاهم جدجد، شبه وقعت
وعيت لقيت نفسي في الكلينك حق المستشفى مركبين ليّ اكسجين، وجمبي جمان وفجر واقفه ماشه وجايه وبتقول: ياخي دة حقير، حقير قلت ليك عايز يسل روحها حتى يرتاح
جمانه شافتني قالت لي شهد، بقيتي احسن؟
هزيت ليها راسي وطلعت بتاعه الاكسجين
فجر قالت لي مالو معاك؟
جمانه قالت ليها فجر بتبالغي طبعاً م تبقي اوڤر
سكتت
بعد نص سَآعهْْ مدة بقيت احسن طلعنا،
قالو لي نمشي البيت
قلت ليهم لٱ م ماشه،
جمانه قالت لي حترتاحي في البيت،
قلت ليها م ماشه وكنت ببكي دموعي جاريه عشرة عشرة
فجر حضنتني قالت لي قلت ليك اتجنبيهو ي شهد م تتواصلي معاه علشان يوصلك المرحله دي، تفتكري لْۆ مُتي موتك حيفرق معاه؟
لٱ طبعاً
قعدت ابكي نص سَآعهْْ، بعد م هديت حتى قالو لي مالو معاك فهمينا؟
قلت ليهم مشڱلهِ كدة بس، اتناقشت معاهو فيها
جمانه قالت لي هو ضرب ليك ناقشك فيها يعني ولا شنووو؟
هزيت ليها راسي بمعني لٱ
فجر قالت لي اها؟
قلت ليهم انا ضربت..
جمانه قالت لي ضربتي ليهو براك فتحتي الموضوع و ناقشتيهو؟
قلت ليها ايوة لأنو هو غلط ..
فجر قالت لي نقاش عادي ولا ردحتي ليهو عديل؟
قلت ليها ردحت
جمانه قالت لي وهو قال ليك شنو؟
قلت ليها م قال شي، قفلت الخط قبل م يرد
جمانه قالت لي مبسوطهه م̷ِْن حنااااان ابو اهلك ان شاءالله بس تكوني سمعتيهو النفسي اسمعو ليهو؟ احييييييييين ياااااااخ ليه م قلتي لينا عايزة اردح ليهو عشان نزيدو م̷ِْن الشعر بيت، بغض النظر عن الموضوع شنو المهم قلتِ ليهو كل الجواك منو؟
هزيت ليها راسي بمعنى ايوة
جمانه قالت لي يعني انتِ الاتصلتي، وفتحتي الموضوع، وناقشتي وردحتي للولد، وم خليتيهو يرد قفلتي الخط في وشو، وبعد دة بتبكي عشان ردحتي ليهو؟
سكتت
قالت لي الهرمونات عايزة مڼڱ شنو اليَوُمًًِ ي شهد؟ ↙ ↙ ↙ ↙ ↗ ↗ ↗
فجر قالت لي عايني م تركزي مع جمانه دي لْۆ باريتيها حيطلع في راسك ويدلدل رجولو، النهم بالله عليك م حاسه نفسك ارتحتي وقادرة تتنفسي وجواك نشاط وحيويه وطاقه سمحهه شديد بعد قلتِ ليهو الجواك كلو؟
سكتت
قالت لي انا م لقيت شعور مؤذي نفسياً زي الكبت عشان كدة هسي مبسوطه ليك يستاهل، حرفياً يستاهل، واوعى تزعلي عليه ايااااااك دة م يتزعل عليه خليك مصنددة كدة
قلت ليها اصلاً م زعلانه عليه ابداً كل حرف قلتو ليهو يستاهلو.
❖
عايني ي امي انا المدرسه م ماشه ټمٱم؟
امتحانات م ممتحنه، م عِن.̷̷̸̷̐ديّ مشڱلهِ، حأشتغل باقي السنه دي والم قروش و هعيد السنه الجايه..
م تنبحي، قفلي، يعني دايرة توري الناس انو نحن م قادرين ندفع ليك حق المدرسه؟قومي اللبسي امشي المدرسه
م ماشه، المدرسه م ماشه، امتحانات م ممتحنه
عنك م قريت ولا امتحنتي، انا زاتي لاقيه منكم شنو؟ لٱ عيال نافعين ولا ابو نافع، مرضتوني •اللّہ̣̥ يمرضكم، اي زول يشوف البنفع معاه ويعملو، يلا
❖
في جانب ٱڅڑ..
اسمعني هنا ي حاج وفتح اضانك لي كويس، ولدك مخلي بنات الحله كلهن وقاعد مقاصد لي دي؟
مخلي بنات اهلو كلهم الدكتورة والمهندسه وجاري لي ورا دي؟
انت ولدك دة م بتتكلم معاهو.؟ كان جنى يقول لي لينا جنيت، كان عقلو دة فيهو حاجه قول نشوف ليك طريقه علاج، انا شاكه البت دي واهلها عاملين ليهو شنو اصلو م ساي
ي مرة م تخلي الولد؟ يااااخي متين جا لمن دايرة تنفريهو م̷ِْن البيت ياااخي اجازاتو عشان نقتك دي طلع خلى ليك البيت وسافر
م بخليهو، ولد حشاي م بخليهو للعواليق، نقتي دي في مصلحتي، الناس ديل نحن م بنناسبهم، لٱ بشبهونا ولا م̷ِْن توبنا ولا م̷ِْن مستوانا، نحن نناسب ناس بشتغلو تحتنا؟شايفه ابوها متحكحك فْيَگ وعامل صحبك انا م عِن.̷̷̸̷̐ديّ شغله بس ولدي م بخليهو يعرس البت دي كان يقعد زي دة، والبيت زاتو بعد كدة يفضوهو يمشو يشوفو ليهم مكان تاني غير هنا، استغلالين، مستغلنو وهو.جاري ورا البت زي العوير وبريلاتو، وانت زاتك زي ولدك واحد، هي كان نافعه صح م كان العقد عليها طلقها بعد كم شهر، وهي فتاء م اديتها ولديها اديها ليهو وهي مطلقه عزباء؟ كل الناس بتقول في موضوع ورا طلاقهم دة ساي زي م بقولو واصلاً ماف طلاق بحصل ساي، البت العامله قاتله حيله دي م هينه، جرجرة الراجل واستغلتو واكلتو، اكلتو اكل صاااح بجي داخل شايل شي وشويات للتكيف دة ركبو ليها وجايب ليها غرفه كامله، خلتو يعقد عليها لَگِنْ اظن عقل وعرف البيها والعليها فكاها عكس الهوى الخروف العندي دة بدل يفهم ويتعظ مباريها وساكي دربها اظنها كاتباهرم ساي اصلو م ساي انا متأكدة البت دي م مخلياهو سااااي...
اها ياهو دة جا وسمعك..
امي انا البت دي كان داير اعرسها اصلو رفضك ليها دة م بمنعني، لأنو م عندك سبب، واصلو انا الحاجات البتقولي عليها دي م بتمنعني، لَگِنْ هي زاتها في نفسها رافضه فهمتي؟وموضوع البيت دة م تدخلي فيهو، وم تقابلي الناس ساي بدون سبب، الناس ديل بي بساطتهم دي العفه الفيهم م فينا نحن زاتنا، وانا كان قلت ليك م دايراها بكون كذبت عليك عشان اصلو م اتنافق معاك، لَگِنْ انا زاتي حتة فيها مشاكل وبتسمعها فارغات زي البتقولي فيها دي م بدخل بت الناس فيها، ټمٱم؟
مرتاحه كدة؟وم اعيد ليك موضوع البيت دة ي امي، حاولي م تتدخلي فيهو، والموضوع دة زاتو حاولي م تفتحيهو قدامي تاني.
❖
رجعت البيت وانا حاسه نفسي احسن، وكويسه شديد لأنو كل الجواي ليهو قلتو بغض النظر عن الطريقه القلت ليهو بيها الكلام وندمانه اني كنت كاتمة كل دة جواي وم واجتهو م̷ِْن زمان، لْۆ كنت عارفه اني ححس نفسي مرتاحه كدة كنت م̷ِْن بدري اختصرت على نفسي كتير،
لقيت امي وحبوبه عندهم خدرة بوروقو فيها وبشربو في جبنتهم وبتونسو، قلت ليهم مساء
حبوبه قالت لي مساء النور الليله مبدرة ..
قلت ليها اي طلعنا بدري
امي قالت لي ولقيتي مواصلات سريع عاد ټمٱم
قلت ليها يعني م شديد،
حبوبه قالت لي تعالي اشربي ليك قهوة،
امي قالت ليها خليها تاكل اول عشان م تقفل ليها نفسها
قلت ليها مصدعه حأجي اشرب قهوة بس استحمى اول، ابوي وين؟
امي قالت لي مشى الجامع يصلي وينتظر الناس كلها تطلع حتى يجي راجع، مسك ليهو مسؤليه كمان
دخلت المطبخ شربت مويه ودخلت الغرفه رميت الشنطه وانا بقلع في العبايه فجأة عيني وقعت على السرير وقفت واتجمدته في مكاني،
خطيت الخطوة الاولى، التانيه قربت على السرير شافع راقد ومغطى، رفعت منو الغطى، وطلعت بسرعه على ناس امي برة بقيت واقفه وبعاين ليهم..
امي قالت لي شوفتي المفاجأة؟
الليله زين نور بيتنا
انا لسه واقفه وبحاول اصدق انو جد يعني وم بتخيل
امي قالت لي ابوهو جابو، قال بكرة عندو امتحان انجليزي في المدرسه وم عارف شي، قال لينا قلت يسلم وبالمرة شهد تراجع ليهو، حتى جابو بهدوم المدرسه بتاعتو وشنطتو، وكان شفتيهو حلف كان يقلع ملابس المدرسه رقد نام بيهن وهو منتظرك قال الا يضربو ليك تجي ابوك قدر م حاول رقمك كدة م دخل معاها، اها زعل كدة شغلنا ليهو نصايب الكرتون البحضرها دي حضر كدة لمن نام
بي تقل لساني دة قلت ليها م، م، متين؟
قالت لي شنو المتين ابوهو جابو متين قصدك؟
جابو حوالي الساعه 2 كدة، م̷ِْن المدرسه طوالي وجابو هنا، حبوبتك قالتلو م تراجعلو انت ي ولدي، قال ليها والله ي حبوبه علاقتي بالانجليزي دة زي علاقه الاصلع بالمشط، كان شفتي عاااد مع حبوبتك الليله جنس ونسه وضحك م خلو شي، وحبوبتك عاد م خلت ليهو قصه زمان م حكتها ليها
حبوبه قالت لي عاد حبوبتك م وناسه والولد مبروك
دخلت الهول وانا بتلفت ي دوب اتوترت كويس، عقلي بقي يودي ويجيب، قصدو شنو م̷ِْن الحركه دي بعد السمعتو ليه دة كلو، وفهمو شنو اساسا؟هلً هو قاصد يلعب بأعصابي؟ ولا عايز يستفزني علشان ارجع اتصل عليه؟ دخلت الحمام استحمين، نص كامله بستحمى وبفكر، ابداً م اتوقعت منو الحركه دي، حتى راحه م عايز يخليني ارتاح عايزني اكون في حرب اعصاب بالصورة دي،
طلعت م̷ِْن الحمام شلت تلفوني ومشيت بيهو على باب الشارع اتصلت على فجر ودخلت جمانه مكالمة جماعيه،
قلت ليهم عاينو..
فجر قالت لي في شنو مالك تعبتي تاني؟
قلت ليهم لٱ
جمانه قالت لي وصلتي البيت؟ اتصلت تلفونك م بدخل، بقيتي كيف؟
فجر قالت لي رجع اتصل عليك او اتكلم معاك تاني؟
جمانه قالت ليها وووووووب فجر الناس في شنو وانتِ في شنو؟خليها تقول متصله مالها اول اديها نفس؟
فجر قالت لي احكي ي شهد..
قلت ليهم انا، انا جيت راجعه البيت، لقيتو جايب لينا زين؟
الاتنين بصوت واحد قالو لي ڼعمْ؟ً
قلت ليهم والله جد، جاب زين هسي قاعد معانا..
فجر قالت لي وااااااااااي م̷ِْن اللصقه، شهد انتِ متأكدة انك سمعتيه فارغ الزول دة؟
جمانه قالت لي اها وقال شنو لناس البيت لما جابو يعني؟
قلت ليهم قال زين بكرة عندو امتحان وعايزني اراجع ليهو..
فجر قالت لي اتخيلي راجل دة يعني جد م قادرة افهمو
جمانه قالت لي ولا انا بس خفت، وانتِ خافي ي شهد لانو كونو يعمل كدة يبقى اكيد في عقلو في شي، الرجال م زينا
فجر قالت لي بالعكس م تخافي حتى لْۆ خايفه اوعى تحسسيه انك خايفه، لْۆ جا خليك عاديه ومتماسكه قدامو، واضح انو عايز يدخلك في حرب اعصاب ليس الا، المهم قدامو خليك مصنددة كل م حسستيهو انك خايفه كل م عمل كل البطلع بيدو عشان يحرق اعصابك بعدين انتِ م عملتي شي تخافي منو ولا غلطتي، بالعكس البعمل فيهو دة نوع م̷ِْن الجبن ليس الا، وعادي ممكن تكلمي ابوك وتواجهيهو انتِ عملت شنو ولشنو..
قلت ليها فعلاً م غلطته عشان اخاف،
قالت لي بالضبط، وخليك متابعه معانا واحكي لينا اذا جا او في جديد ظابط؟
قلت ليهم طيب،
قبل ث افصل منهم ابوي جا داخل،
قال لي مساء الخير
قلت ليهو مساء النور اتأخرت مالك؟
قال لي جبت ناس ينضفو المسجد ويغسلو الوضايات اتأخرو عشان كدة،
قلت ليهو اهاااا طيب،
قال لي تعالي جيتي متين؟ لقيتي زين؟
قلت ليهو ايوة لقيتو نايم لَگِنْ
قال لي ابوهو جابو قال بكرة عندو امتحان، قريهو وبجي المساء كدة بسوقو
قلت ليهو قال بجي بسوقو بعدين؟
قال لي اي، كدة.فرشي لي سريري دة ارقد وجيبي لي مويه
قلت ليهو حاضر،
زين صحى، وجى جاري ومسك فيني،
شلتو وقلت ليه مشتاقين
قال لي كتير وباسني في خدي
قلت ليه بايعني م قاعد تجينا
قال لي اااااااا، بابا م قاعد يجيبني كل مرة بقول لي بكرة بكرة
قلت ليه قالو لي نازل امتحانات
قال لي اي امتحنا كدة، ورفع لي اصابعو العشرة، ضحكت قلت ليه كم يعني،
قال لي دقيقه احسبهم ليك
عربي، رياضيات، فنون، قرءان، فرنسي، و..
نسّْيتً الباقي، لَگِنْ انا، انا، انا قفلتهم كلهم الاستاذة قالت لي بابا كدة، وبابا قال حيجيب لي عجله جديدة
قلت ليهو حلو.طيب بس دقيقه اعمل العصير دة عشان تقفل الانجليزي كمان
قال لي انا حاااافظو كلو، خالتو نور حفظتني ليهو دقيقه، جرى جاب شنطتو فكاها وطلع كتيب الإنجليزي وبقى يسمع لي منو ويوصف ويقرا..
بقيت اعاين ليه وانا مستغربه، فعلاً هو م محتاج مراجعتي لانو نور حتكفي وتوفي، ي دوب اتأكدته انو فعلاً سامر عندو حاجه في راسو وم ساي،
راجعت ليه الحاجات الما متأكد منِْه ِْ̨̐ا وهو ماشاءالله في الانجليزي منافسني عديل، بقرا، وبستهجى الحروف، وبرد عادي لْۆ اتكلمت معاه،
خلصنا مذاكرة بقى يحضر في التلفزيون وانا قاعدة منتظرة لغايه م الساعه 10 جات، ابوي جا قال لي ي بت شهد..
قلت ليهو بخلعه ڼعمْ؟ً
قال لي سامر دة اتصل قال عربيتو عطلانه م بقدر يجي واحتمال لي بكرة م تتصلح مدخلها الورشه، خلي زين ينوم وبكرة الصباح وصليهو المدرسه عشان م معروف احتمال العربيه تتصلح واحتمال لٱ،
قلت ليهو هو قال كدة؟
قال لي اي، وانا قلت ليهو.م تجي شهد بتوصلو
قلت ليهو لَگِنْ ي ابوي كيف تقول ليهو كدة
قال لي اها اقول ليهو شنو زول بقول عربيتو عطلت اقول ليهو تَعاّإاّإلّ سوقو باقي الليل دة؟
قلت ليهو لَگِنْ انا عِن.̷̷̸̷̐ديّ جامعه والمواصلات..
قال لي اصحي بدري وصليهو في طريقك وامشي بهناك م مشڱلهِ اركبي امجاد ان شاءالله..
الافكار عِن.̷̷̸̷̐ديّ بقت زي الشكل الموجي طالعه نازله، وخلاص النوم طار،
جات امي قالت لي غسلي للولد ملابسو حقت المدرسه، اكويها الصباح كان الكهرباء م قطعت
عديت بأسوأ الليالي بس دي كانت اعظمها مش لعب بأعصابي بس دة م خلى فيني عصب سليم..
الأفكار كلها كانت متمحورة حوالين ي ربي عايز يعمل لي شنووو؟
اكيد استفزتو كلمة م راجل، اكيد بخطط يعمل لي شي م ساي انا متأكدة،
اصلاً كلمة م راجل دي م حيعديها ساي، انتِ زاتك ي شهد انفعلتي شديد ماف راجل برضى يقولو ليه م راجل،
م غلطته اي م راجل وكان لقيتو تاني بقولها ليه، خلي يعمل العايزو
فضلت في الدوامة دي وم عارفه روحي نمت متين، صحيت مخلوعه بصوت ابوي بصحي فيني اذان الصبح، قال لي قومي اكوي للولد ملابيو واكوي ملابسك قبل الكهرباء تقطع،
قمت وي دوب الخوف ↗ ضربات القلب ↙ الأفكار ↗ ↙
قلت لنفسي ي شهد م تمشي براك كدة شوفي صخر يوصلكم، م̷ِْن ضمن الايام صخر تلفونو قافل، لغايه م صليت وكويت، وبتماطل علشان الزمن يمشي وصخر يفتح تلفونو وابوي شغال لي اطلعي، اطلعي، اطلعي، الزمن الولد امتحانو...الخ
طلع جاب لينا امجاد قال لينا يلا،
ركبت وانا عيوني حتطلع م̷ِْن محلها، ابوي اداني قروش قال لي دي خلاها ليك اخوك قبل م يسافر امس الصباح وم تدفعي للأمجاد دفعت ليهو انا،
اتحرك بتاع الامجاد وزين بودع في ابوي وبقول ليهو جدووووو مع السلامه ي جدووو وبصرخ
اتصلت على صخر لسه تلفونو مقفول، رسلت ليه رساله محتواها ي صخر لما تلقى رسالتي دي ارجع لي ضروري، ضروري شديد منتظراك..
م عارفه الطريق كان قصير ولا بتاع العربيه مشاي ولا انا الما حاسه بالمسافه م̷ِْن التوتر،
كنت بقول لبتاع العربيه سوق على مهلتك ي عمو
فجأة قال لي وصلنا، قلت لي زين انزل يلا
قال لي هئهه دخليني
قلت ليهو زين..
قال لي ابيت دخليني جوة المدرسه
قلت ليهو م ياها المدرسه ادخل الاستاذ واقف برة
قال لي ابيت ابيت، عمل روحو زعلان وربع يديه
اتلفت بكل الاتجاها سامر ماف، وعربيتو م شايفاها، اتطمئنيت، قلت ليهو طيب تعال،
نزلت،
قلت للمشرف الواقف في الباب سلام عليكم
قال لي وعليكم السلام اتفضلو،
اتلفته مسافه ماف شي، دخلت، قلت ليهو وين فصلك؟
قال لي هناك اشر لي، فجأة سمعتو بقول بابا وجرى
كلمه بابا دي انا سمعتها بعيييدة
ركبي بقت تتطاقش قبل م اشوفو، ولما شوفتو شوفتو طشاش طشاش
كان طالع م̷ِْن المكتب ومعاهو زول بتكلم معاه وهو.شايل ورقه في يدو
اجري؟
لٱ ي شهد م تجري الجاريه ليها شنو اثبتي،
اتنفسي وم تخافي عادي، اي اتصرفي عادي، شال زين وكان بتكلم معاه وانا واقفه وحاسه راسي بكبر وراسي بصغر
قلت ي شهد اطلعي بس م تقيفي، اتحركت وسامعه زين بقول ليهو بابا عاين شهد، ديك شهد ي بابا، ي شهد..
م صدقت اني وصلت الاستقبال،
طلعت الشارع ي كافي البلا لٱ ركشه، ولا عربيه ولا مصيبه زمان،
بقيت اتلفت فجأة شوفتو وراي، بكل الخوف الجواي داك اتماسكت وعملت روحي عايزة امشي بس والله لحظِهّ ; .. م قال لي شهد لقيت دموعي جاريه عشرة عشرة وعايزة اجري، استعجل لحقني وانا ماشه بسرعه، قال لي بتكلم معاك انا، م وقفت، مسكني م̷ِْن يدي اتفكيت منو قلت ليهو بإنفعال م عايزة اتكلم معاك انا ودي م حركة ليك على فكرة، وانا نفسي قايم م̷ِْن الخوف، قال لي اهدي هسي بسم •اللّہ̣̥ مالك في شنو بتبكي؟
سكتت
مسحت دموعي، قال لي سألتك انا هسي؟
قلت ليهو.م ضروري تسألني خليني امشي وم تعترضني بس
قال لي اكيد م حتكلم معاك في بيتكم او في شارع بيتكم عشان اضايق ابوك واهلك
قلت ليهو يعني انت عايز تضايقني؟دة قصدك؟
قال لي شايفه؟ بتحوري المواضيع براك قصدي هنا حتقدري تتكلمي براحتك وتقولي العايزاه
قلت ليه م عِن.̷̷̸̷̐ديّ شي اقولو انا، العندي قلتو ي سامر
قال لي وانا سمعت كل حرف قلتيه، وحغض النظر عن كل القلتيه بس جاي اوضح ليك 3 نقاط، ممكن نتصرف ك ناس كبار وواعين وعاقلين وتسمعيني للنهايه؟ ممكن تبطلي امور الشفع البتسوي فيها دي؟
زي م انا سمعت كل العايزة تقوليه، مفروض انتِ كمان تسمعي انا عايز اقول شنو وننهي الموضوع دة،
ربعت ليهو يدي قلت ليهو طيب سامعاك
قال لي م هنا وم في الشمس دي،
قلت ليهو سامعاك قول العايزو،
قال لي دقيقه، مشى م تم دقيقتين فجأة جات عربيه وقفت في وشي، نزل القزاز قال لي اركبي،
ربعت ليهو يدي قلت ليهو قول العايزو هنا دة بس انا م بركب معاك،
نزل قال لي انتِ خايفه مني يعني ولا شنووو؟ي بت الناس م سائلك انا وماف سبب يخليك تخافي، اركبي خلينا نتفاهم بعقل، مهما كنت جبان زي م بتقولي م بمد يدي لي مرة انا، اركبي اركبي، فتح لي الباب، بي تردد ركبت،
وهو ركب، قال لي يعني فاكراني ممكن اعمل ليك شنو مثلا؟ً
3 نقاط حنوضحهم والسلام على طه ي بت الناس..
اولاً موضوع ابوك دة..
قلت ليهو م ابوي
قال لي المهم اياً كان، الزول دة فعلاً جا وقعد معي وطلب مِڼّي الطلب دة قبل اسبوع عشان م تحوري الموضوع م̷ِْن عندك وتربطيهو بموضوع قضيتي، الزول دة ردي ليهو كان انو انا م بقدر وقلت ليه م تدخلني في الموضوع شهد م حتوافق على حاحه زي دي، اصر وقال لي حاول وانا حنتظر مكالمة مڼڱ لْۆ م رجعت لي هعتبر انو دة رفض، وفعلاً م رجعت ليهو وافتكرت الموضوع اتقفل، ف انا مستغرب هو اتصل عليك بأي منطق؟وانا م مُلام ابدا، وعشانً م̷ِْن حقك تحتفظي بخصوصيه الموضوع دة رغم معرفتي بكل تفاصيلو، احترمت النقطه دي وم حبيت افاتحك فيهو، لْۆ حسيتي انو انا لآزٍمٍ اعرف كنتِ حكيتي لأني جيت وحكيت ليك وانتِ اتصرفتي بشكل اكتر م̷ِْن عادي، يبقى سؤالي حيبقى تطفل..
النقطه التانيه..
طلاقنا ي شهد..
كان بتكلم ومركز في السواقه
قال لي نحن م اتطلقنا م̷ِْن فراغ، نحن وصلنا لنقطه الطلاق دي عشان اصلاً الموضوع دة مترتبه عليه مسؤليات ظروفنا م قدرها،
م فاهمة صح؟
احكي ليك..
متذكرة يوم عيد ميلادي والهديه الجبتيها وبعدين اختفيت بسببها يومين وجيت راجع لقيتك زعلانه وحالتك مأساويه؟ متذكرة اليَوُمًًِ داك قلتي لي شنو وانتِ بتعاتبيني ي شهد؟
اذكرك..
ي شهد انتِ اليَوُمًًِ داك بالحرف الواحد قلتِ لي:
قبل م تقول اي شي سامر انا م حمل تعب، م حمل معاناة، م حمل تقلبات مزاجيه وزول يعاملني على كيفو، انا حرفياً عانيت في الحياة دي بما يكفي، عِن.̷̷̸̷̐ديّ هموم كتيرة م حمل اني اضيف ليها هم زيادة، امي وابوي وحياتنا وعيشتنا دي اكبر همومي، انت م̷ِْن هسي بتعمل كدة، قبل م نعرس بتعمل كدة م قادرة اتخيل لما يتم العرس هتعمل شنو اكتر م̷ِْن كدة بمزاجيتك ولا مبالاتك دي، رجعتي قلتِ لي افهمني ممكن تفهمني؟ حرفياً انا اصلاً حياتي دي مستهلكه والله الحياة ضاغطه اكتر م̷ِْن اللازم..
دة كلو كلام انا لغايه اللحظه م قادر انسى حرف منو، ي شهد اليَوُمًًِ داك انا شفت انعكاس معاناتك مِڼّي في وقت بسيط م̷ِْن دخولي لحياتك،
وصلتي لي فهم إني قدر شنو تاعبك، وقدر شنو انتِ م مرتاحه معي وقدر شنو الفيك مكفيك اصلا، ومً بقول م معاك حق ابدا، بسً انا الما كان عِن.̷̷̸̷̐ديّ حق اكمل معاك وابقى اناني واتمسك بزوله ابسط حقوقها م قادر اوفرها ليها، عايزك، وبحبك، ومتمسك بيك شعورياً بس الجُبن في الراجل بالنسبه لي بتمثل في انو يبقى استغلالي، عارف القصادو دي بتحبو وعارف روحو مستهلكها وزيتها طالع معاه وم قادر يوفر ليها ابسط حاجه هي عايزاها وهي الإطمئنان والراحه ويكمل عشان هو بحبها بس ويرضى ليها كل شعور سيء بتحسو م̷ِْن تصرفاتو،
عارف طبعي، عارف سلوكياتي معظمها مغلوطه، عارف نفسي اني م زول بركز وتصرفاتي دايماً عكس توقعاتك، وعارف إنو اكتر حاجه صعبه في الدنيا بالنسبه لي التعامل مع البنات م بقدر افهمكم وم بقدر احدد الواحدة عايزة شنو بالضبط، لَگِنْ ي شهد لْۆ راجل سمع الكلام القلتي دة مڼ لسانك وم خطى خطوة جادة وقرر إنو يخت حد للموضوع ي اما اتغير، او خلاك عشان م يستهلكك، وعارف انتِ طبيعه حياتك كيف وعايشه شنو هنا جد جد يبقى جبان واناني، ويبقى م راجل جد
حتقولي لي ليييه م اخترت تتغير ودة في حد زاتو جبن مڼڱ ..
عارفه ي شهد الواحد ممكن يتغير متين؟
لما يلقى القبول اول، لما يلقى الطرف التاني يكون متقبلو زي م هو م̷ِْن غير شروط، انا بكل السؤ الفيني دة جيتك، وم دسيت مڼڱ واقع شخصيتي ولا اتغمصت شخصيه تانيه، انا عارف انا شنو وم كنت منتظر مڼڱ غير القبول، لْۆ حسستيني للحظه إنك قبلانه بي زي م انا صدقيني كل يوم حتلقي مِڼّي نسْخَهِ احسن م̷ِْن القبلها، بالنسبه لي الموضوع طردي، في فرق بين اني اتغير عشان مجبور اتغير واتصنع عشان ارضيك، وبين اني اتغير واقدم احسن نسْخَهِ مِڼّي عشان الطرف القدامي دة إتقبلني زي م انا وبستحق إني اتغير عشانه واقدم ليه افضل نسْخَهِ مني، وبرضو م بقول دة غلطك ويمكن معاك حق انك م تتقبليني ويمكن بسبب ظروفك العايشاها إنت في غنى عن علاقه زي دي، وكان حيبقى جبن مِڼّي اني اتخطى القلتيهو دة واخليك عايشه في الهشاشه والمنطقه الرماديه دي، فعلاً بعدها كملت معاك عادي كم يوم بس گلآمَگ م فارق مخيلتي لحظِهّ ; ..
، خطوة اني اطلقك م كانت سهله، ضمن اصعب الحاجات العدت علي في حياتي كانت الخطوة دي بس كانت عشانك، يمكن كتير يشوفو الخطوة دي جبن، وم مبرر منطقي، ودة عدم تمسك، بس بصوت العقل والمنطق دة الصح حتى ولو اتفق الكل على انو غلط،
كنت بسمع فِيَه ودموعي جاريه، قلت ليه انا جيت وسألتك م واجهتني وقلت لي الكلام دة..
قال لي كنتِ حتعملي شنووو؟
حتحسي بتأنيب الضمير وحتشوفي نفسك غلط وانو م كان مفروض تقولي كدة، رغم انك م غلط ودة الشي الحاساه وقولتيه، ودي ي شهد تراكمات نتيجه لأفعالي و قلتيها وكويس إنو قلتيها..الاذى النفسي اسوأ شعور ممكن تعيشو لزول ي شهد وجريمة في حد زاتها في حق الطرف التاني، كونك عارف ظروفك وقدراتك منافيه لمتطلبات الزول دة وتفرض عليهو إنو يعيش معاك ظروفك بدون م تراعي هو عندو القدرة على الحاجه دي او لٱ دي حد زاتها جريمة برضو، اهلنا بقولو المرة ان م نفعت معاك فكها، وانا بالنسبه لي المرة إن لقيت روحك م قدر كفايتها الهي بتستحقها فكها احسن م̷ِْن تعيشها في معاناة هي م حملها واحسن م̷ِْن انو تفرض عليها تقدم ليها تنازلات بعد فترة م̷ِْن الزمن تحسبها ليها اختيارات شخصيها وتخليها تتعايش مع ظروفك، واقع المعاناة بتاعك دة، وم جبن وهروب على قدر م دة حق م̷ِْن حقوقها، خليها تعاني مرة ولا تخليها تعاني العمر كلو،
النقطه الأخيرة امس قلتيها بنفسك •اللّہ̣̥ يعين خطيبتك عليك، خطيبه شنو جبتي الكلام دة م̷ِْن وين اساساً ؟؟؟
م من أولوياتي أصلح صورتي عند زول، ودايماً حتلاقيني عند سوء ظنّك ومرات اسوأ بس دي واحدة م̷ِْن النسخ الطلعت بيها م̷ِْن علاقتي معاك، إني اشوف البستحق عتابي واعاتبو، اشوف البستحق تبريراتي وابرر ليهو، وبالنسبه لي بغض النظر عن كل شي إنتِ خليتي الحاجات دي تبقى اولويات عِن.̷̷̸̷̐دي ي بت اهليّ. ..
النقطه الأخيرة امس قلتيها بنفسك محتاج مڼڱ توضيح بخصوصها •اللّہ̣̥ يعين خطيبتك عليك، خطيبه شنو وجبتي الكلام دة م̷ِْن وين اساساً ؟؟؟
مليحيظهه
تاني الا السبت او الجمعه م معروف يعسل بس ادعو لي اموري المعكسه دي تتسهل ي حلوين ↙ ↙