الفصل السابع والثلاثون

ضحكت..

بقى يعاين لي بإستغراب، قال لي جادي انا ي شهد..

قلت ليه بقيت م بستغرب او اتصدم في شي بخص سامر كمل كمل..

قال لي برضو م زي م انتِ فاهمة،

عرس لي عرس بفرق ..

صاحبنا دة الأخو الوحيد ليّۓ اختو دي، وامو وابوه متوفين وهو العايلها ومهتم بي كل امورها حتى الما بقدر عليها بأجر ناس يقومو بيها، باقي ليها ام واخت واي شي وم عندها غيرو، حتى عرس م عرس لأنو م عايز يقصر في حقها او.كدة،

كلنا كنا بنتعجب م̷ِْن امرو، فجأة البت ظهر ليها ورم في الراس، بعد فحوصات وصور وبتاع طلع سرطان، والله ي شهد قعد في الارض وبكى زي الشافع لما استلمنا الفحوصات، الزول دة بقى زي المجنون م̷ِْن الهم قادرة تتخيلي؟وبراهو، زول م̷ِْن اهلو بقيف معاه ماف والبقيف م على قدر كدة يعني ضر اللوم بس م اكتر خالات على عمات ولا اعمام زاتو، نحن بس معاه بدينا نجهز في اوراق السفر عشان يوديها الاردن تتعمل ليها العمليه هناك والترتيبات هناك وكدة،

صاحبنا دة يوم لأخر اليَوُمًًِ بالليل معانا، قال لينا ماشي اصلي العشاء وانوم، اها النومة الياها ..

قلت ليه م فهمت؟

قال لي اتوفى،

قلت ليه اتوفى؟ مقتول ولا مالو؟

قال لي موت •اللّہ̣̥ ساي ي شهد والله يومو تم بس، الكلام دة قبل 4 سنه كدة بالضبط، نحن زاتنا لغايه اللحظه الموضوع دة باقي لينا كضب كضب ومأثر علينا، قادرة.تتخيلي لاخر لحظِهّ ; .. بالليل نحن مع بعض ونسه وضحك عشان نطلعو م̷ِْن جو الهم الهو فيهو دة والوقت داك هو وسامر كانو اختاروهم لعيبه في نادي كورة معروف وخلاص يعني شبه العايزنو اتحقق ومفروض يسجلو ف جاهو قدر ربنا على شكل ميته هينه شديد وزي الما حقيقة كدة..

المهم بعد الوفاة بكم يوم اتلمينا وقعدنا مع اهلهم عشان نشوف منو البمشي مع البت دي واجراءات العلاج والكلام دة،

الصدمة كانت انو.كل الناس دي اي واحد طالع ليه بعذر، هم اصلاً نسبة لإعاقتها م متقبلنها حتى صاحبنا دة كان نادراً م يواصلهم، متحمل مسؤليه اختو دي بحالتها دي براه،

قلنا ليهم يخوانا الزوله دي اوراقها جاهزة.واي شي زول واحد م̷ِْنكم انتو ممكن يمشي معاها ونحن متكفلين بي كل شي ذهاب وعودة ومصاريف واي شي بس لآزٍمٍ يمشي معاها زول للعلاج والعمليه وم ينفع تتأخر عشان الورم في زيادة.ووممكن ينتشر في اماكن تانيه ويتمكن م̷ِْن الجسم الوقت م في صالحها

قالو لينا كدة.نحن حنقعد ونتشاور ونشوف منو البمشي وبنديكم خبر..

تخيلي بهذا الاسلوب؟حنتشاور، دة لْۆ كلب م بتشاورو فِيَه خليك م̷ِْن انها بتهم..

عدت يوم، يومين، تلاته م رجعو.لينا، سامر إتصل لي عمها الكبير، ي خال اها الحصل شنو وبقيتو على شنو م رجعتو لينا؟

قال ليهو ي ولدي انا زول عِن.̷̷̸̷̐ديّ قلب وممنوع م̷ِْن الحركة والطيارات والحاجات دي، اتكلمت مع الناس دي كلها واي زول طلع ليهو بي حجه، م عرفت اقول ليك شنو والله خجلان مڼڱ عديل شان كدة م رجعت

في نفس اللحظه دي سامر قال ليهو ي خال لٱ إله الا •اللّہ̣̥؟

قال ليهو.محمد رسول ليهو

قال ليهو بتعقد لي عليها؟

قال ليهو ڼعمْ؟ً

قال ليهو بتعقد لي عليها؟

قال ليهو والله ي ولدي كان انت داير كذة انا م عِن.̷̷̸̷̐ديّ مشڱلهِ جداً

سامر قال ليهو طيب جاي عليك،

اتكلمت معاه ي سامر انت جنيت؟ قال لي ماف حل منطقي اكتر م̷ِْن كدة نخليها تموت يعني؟براك شايف اهلها، يعني كان ماتت م عندهم شغله، نكون م عندنا زمة لْۆ خليناها في الوضع دة دي اختنا ي احمد، دي اخت عزو ياخ كان هم بقو م عندهم ضمير نحن بنبقى زيهم؟

قرارو كان ارتجالي وم ليه تاني

المهم عقدو ليه عليها، جهز اوراقو سافرنا عملنا ليها العمليه استأصلو الورم وجينا راجعين، هي معاقه إعاقه ذهنيه مشڱلهِ في وظائف المخ وجسديه مشلوله شلل كامل، يعني بس كائن بتنفس وراقد في سرير كان بالكتير اتحركت بالكرسي المتحرك الا تتربط فِيَه،

والبت صغيرة م كبيرة، بعد م اتعرفتو بفترة تاني الورم ظهر في الراس ودي حاجه م كانت في حساباتنا ابداً بقينا في مقابلات ودكاترة وموالات زي دي، والله ي شهد بتعدي علينا ايام 3 ايام و 4 بنكون واقفين برجل واحدة في المستشفى كلنا وبنتناوب عليها،

قبل طلاقكم بفترة اهل البت عرفو انو سامر عقد،

الاسمها ام سامر هي المشت وقالت ليهم طبعاً وفهمتهم انو المنظمة النحن شغالين فيها دي حقت الزول دة وانو نحن ماكلي حق البت وحق ولدهم وموالات زي دي،

جونا موكلين كم محامي وبطالبو بحق البت وكدة،

دخلنا معاهم محكمة واثبتنا ملكيه المنظمة، عزو فعلاً كان ماسك لينا العمل الميداني كلو صراحه..

وعلشان نحن بنصرف على البت وكدة قالو دايرين البت هم حيتحملو مسؤليتها ونحن نصرف عليها م̷ِْن حق اخوها الفي المنظمة

سامر قال ليهم البت دي انا متزوجها م عِن.̷̷̸̷̐ديّ بت بديكم ليها، العندو عِن.̷̷̸̷̐ديّ شي داك القانون، عشان انا قبيل قلت ليكم البمارضها منو واحد فيكم ود رجال دق صدرو وقال انا ماف، هسي لمما جا دور القروش بقيتو اهلٍهآ

قالو ليهو انت اتزوجت م̷ِْن حق اخوها م كفاك دة استغلال لوضع بتنا وحق اخوها الميت..

سامر قال ليهم داك القانون امشو قولو ليهو الزول دة عرس وجيبو لي القانون البديني دة بالله انتو ناس فارغين ولا شنو؟

المهم ي شهد خاله سامر في امريكا هناك اقترحت عليه اقتراح و قالت ليهو رسل لي الاوراق حقت وضعها الصحي و جيبها لينا هناك في امريكا، وحتى خالتو الهنا اقترحت الإقتراح بتاع انو يسفروها وبالمرة يشوفو المشكله شنو بالنسبه لوضعها الجسدي دة، وطبعاً دي سفرة م كانت هينه، اقل الحسابات ليها ممكن تستغرق سنه دة في حال اتعالجت او استجابت للعلاج، وقابله للزيادة..

انا زاتي م عارف والله نهى البينكم كيف، بس الفترة.الاختفى فيها وكنتِ بتسألي وبقول ليك م عارف وبتاع كان سافر بيها والبت ي شهد اتوفت دماغياً في العمليه، بعد اتوفت

رجع هنا، بس قسيمة طلاقك دي هو جهزها قبل م يسافر ليهه؟

لانو كان في حساباتو يجي يصارحك ويحكي ليك موضوع عرسو دة، لَگِنْ ابداً م في حساباتو السفرة دي، وم معروف الفترة العلاجيه هناك تاخد كم، انتِ نفسك م كنتِ حتتقبلي واقع زي دة وتعليقه زي دي ي شهد ف خيار الطلاق كان حلو الوحيد واكيد كان حيشرح ليك فيما بعد بس اراد •اللّہ̣̥ وربنا م كتب للبت عمر..

مسحت دموعي، قلت ليه بس هو م قال علشان اتقبل او لٱ..

قال لي م هو.م حيقول لأنو دي مسؤليتو هو.م انتِ، انتِ م مجبورة عليها، كلنا قبل العرس قلنا ليه بت الناس دي ختها في الصورة، وم كذب او غش منو بس هو اصلاً م حاسبها عرسه على قدر م هي مسؤليه وواجب بس م اكتر وظرف جبرو.على الخطوة دي، لَگِنْ واقعياً البت دي اختنا كلنا والله ي شهد، وامانة صاحبنا لينا وقفنا فيها وكنا لسسه حنقيف فيها وحنعمل البنقدر عليه، اقول ليك شي لغايه اللحظه غرفتها في بيتنا بي اجهزتها وحاجاتها قاعدة، طبعاً كنا مقعدنها في بيتنا لانو الجو الاسري ليهو تأثير نفسي برضو وهي زوله طوله عمرها م بتشوف غير اخوها، ربنا كتب ليها وليهو راحه الاخرة ربنا يرحمهم رحمة واسعه م̷ِْن عندو، بقيت ساكته ودموعي جاريه..

قال لي عشان كدة لما اقول ليك سامر دة م زي م انتِ شايفاه م تفتكريني بدافع عنو، سامر دة ماف زول بعرفو اكتر مِڼّي انا ي شهد الحياة بس م منصفه معاه، عندو الواجبات والمسؤليات فوق كل شي حتى فوق نفسه ي شهد حياتو.كلها متمرحله ومراحلها كلها عبارة عن مسؤليات كبيرة هو بختارها لنفسو للأسف..

اهلو وإستغلالهم ليهو وتحميلو كل مسؤليه البيت مصاريف، لبس، اكل، شراب، علاج، فرش... الخ، زين، اخت صاحبنا دي...

حرفيا ي شهد لْۆ في زول الموت اهون ليهو.م̷ِْن الهو.عايشو وبعيشو دة انا بشوف سامر، ياخي ي شهد نفسي يوم يعمل الحاجه البحبها وينبسط بيها،

ابسط شي مش قلت ليك الكورة؟ روحو ونفسو حاجه اسمها كورة، بعد وفاة صاحبنا دة لغى تسجيلو في الفريق ورفض يلعب، وكره الكورة عديل، بعد فترة سنه وزيادة حتى رجع، لغايه اللحظه بتجيهو عروض تسجيل في فُرق لأنو متمكن شديد ماشاءالله وبدفعو ليه بالشي الفلاني بس برفض تخيلي؟

برفض عروض لأكتر حاجه بحبها...

سامر زول م عايش لنفسو ي شهد، عايش للناس الفي حياتو، واحدة م̷ِْن الاسباب المخلياه حتى نفسياً م يقدر يستقر،

هسي في الوقت الحالي، ارتاح م̷ِْن اهلو ومشاكلهم ومن حبوبتو بقى في خالتو، وزين

اذا في حاجه ممكن تكون إضافه حقيقية تدي معنى لي حياتو ف هي انتِ ي شهد، لانو حد م زهج م̷ِْن دنيتو دي بلهي نفسو بالخلا، بمشي يقعد هناك ان شاءالله سنه، مع الزراعه والبهايم، ويسافر م̷ِْن هنا لي هنا براه ويرجع،

ف جد التشتت الهو فيهو دة بحنن الكافر..

زمان كان نهائي م مقتنع بفكرة العرس قدر م ابوي وامي ديل يحنسوه يعرسو ليه ويستقر م برضى، ف كونك خليتيه يفكر في الاستقرار دة كان عظيم شديد وكان مستعجل يتم العرس كمان، بس امو جهجهتو وم خلتو عشان عارفه انو هو حيوقف صرف عليهم، وعشان حيطلع ولدها في البيت، وعشان سامر حيكون عندو مسؤليات غيرهم، عشان كدة شالت القسيمة ومشت حكت لي اهل صاحبنا، واهو بعدين طلع لينا موضوع مرضها دة رحمه •اللّہ̣̥ عليها...

حكيت ليك ي شهد لاني واثق بنسبه 100%سامر م حيجي يوم يحكي ليك التفاصيل دي، ممكن يبين ليك انو زهجان، تُعباُنٌ، منفسن، بس كونو.يحكي ك تتوقعي ابدا، حكيتً ليك عشان بس تفهمي انو سامر م جلاد ابداً بس فرضيات الحياة ليهو.جات كدة.

بعدها احمد وصلني الجامعه،

م عارفه كنت ببكي علشان انا ندمانه وحاسه بالذنب وتأنيب الضمير؟ ولا عتبانه عليه علشان م ختاني في الصورة، ولا، ولا، ولا..

فجر انفعاليه لْۆ.حكيت ليها، اتصلت على جمانه قلت ليها وين انتِ؟

قالت لي انتِ الوين نحن منتظرنك

قلت ليها ټمٱم

عدت يومين، اتصلت على مهند اخوي، قلت ليه مهند انا محتاجه قروش،

قال لي كم ارسلها ليك،

قلت ليه كتيرة..

قال لي كتيرة كم يعني قولي لي؟

قلت ليه يعني 15 كدة

م سألني قال لي عايزة.بيها شنو، قال لي طيب ټمٱم

تاني يوم اتصل علي، قال لي في وكاله تحويل في سوق بحري، امشي استلمي منها 30 الف، 20 شيليها انتِ وال 10 اديها امي ټمٱم؟

قلت ليه حاضر،

قال لي دة رقم الزول..

مشيت استلمت، وم رجعت البيت لفيت كتير، اشتريت حاجات عايزاهم حتى رجعت البيت،

❖

وانا قاعد مع خالتي بتونس وزين بلعب في التلفون فجأة جا طالع وهو بقول، ټمٱم، كويس اي، انا كمان مشتاق ليك

بقينا نعاين ليه

قال تعالي لينا انتِ، تعالي وديني المدرسه م عايز ترحيل..

قلت ليه زين؟

خالتي قالت ليهو بتتكلم مع منو كدة وضحكت

قال ليها دي شهد هاك سلمي على نور ي شهد،

بقيت اعاين ليه شهد؟ اكيد هو متصل عليها

زين قال ليها دقيقه،

فتح الاسبيكر وقال ليها يلا اتكلمي..

قالت الو؟

خالتي نور قالت ليها شهد ي بتي كيفك؟

قالت ليها خالتو نور اهلين، ټمٱم الحمدلله وانتِ؟

ټمٱم والله م عِن.̷̷̸̷̐ديّ عوجه، يخسي عليك م بتقولي اشوف خالتي نور دي حيه ولا ميته م̷ِْن محكمة سامر والايام الكئيبه ديك وخلاص؟

ق

ضحكت قالت ليها معليش والله ي خالتو انشغلت بالجامعه علشان كدة بس المهم طمنيني عنك

قالت ليها الحمدلله في نعمة والله بسأل مڼڱ سامر على الدوام

قالت ليها تسلمي م بتقصري ي خالتو

خالتي عاينت لي وقالت ليها اظهري علينا بجاي عليك •اللّہ̣̥ يوم

شهد قالت ليها بإذن •اللّہ̣̥ تعالى

قالت ليها اعتبريها عزومة م تنسي

شهد قالت ليها حاضر م عندك مشڱلهِ ابشري

زين قال ليها نور خلاص، شهد هاك دة بابا يلا ي بابا اتكلم

سكتت وبلعت ريقي

زين قال لي قول الوو ي بابا يلا

قلت الو؟

قالت لي كيفك؟

قلت ليها الحمدلله وانتِ؟

خالتي قالت لي اقفل الاسبيكر واتحرك يلا..

اتحركت م̷ِْن جمبهم وطلعت، لانو اذا هي ضاربه ف اكيد يعني م ساي غالباً عندها باقي ردحي عايزة تتمو بخصوص مشيه المحامي بيتهم، حتكون ي دوب رتبت افكارها وفضت لي

قالت لي الو؟

قلت ليها ايوة معاك

قالت لي فاضي؟

استغربت في هدؤها دة،

قلت ليها كيف؟

قالت لي فاضي هسي؟

قلت ليها ايوة م عندي حاجه

قالت لي يعني ممكن نتلاقى وكدة؟

قلت ليها جداً خير ان شاءالله؟

قالت لي ممكن ولا لأ؟

قلت ليها ممكن لَگِنْ في شنو خير؟

قالت لي لما نتلاقى بنتفاهم

قلت ليها طيب،

قالت لي انا هسي في الجامعه

قلت ليها بتطلعي الساعه كم كدة؟

قالت لي يعني 3 كدة

قلت ليها ټمٱم، 3 ونص كدة بكون عندك

قالت لي ټمٱم،

طالما حنتلاقى م استبشرت في الموضوع خير نهائي، •اللّہ̣̥ يوسع النفس، يغلط ابوها الردح يجيني انا اللهم طولك ي روح..

على الساعه 3 كدة طلعت، ومع الزحمه وصلت 5 لسؤ الحظ يعني ف دة برضو بقى موال إضافي..

إتصلت عليها م ردت، تاني رجعت وقلت يلا بدل الزعله بقو ليها زعلتين،

فجأة ردت قالت لي الو؟ وصلت؟معليش كنت بعيدة م̷ِْن التلفون

هادئه!ومعاها معليش كنت بعيدة م̷ِْن التلفون؟

قلت ليها انا كمان اتأخرت في الزحمه

قالت لي م مشڱلهِ هسي انت وصلت؟

قلت ليها ايوة

قالت لي طيب جايه عليك

بقيت قاعد ومحتار وراسي مسخن لمن جات، شايله حاجه في يدها ومغطياها

قالت لي سلام؟

قلت ليها إهٍٍََلٌٍٍََْيٌٍن

قالت لي ممكن تفتح لي الباب اركب؟

فتحت ليها الباب ركبت وانا ركبت

قالت لي،

يعني م كنت فاهم حاجه بس عملت روحي عادي

قالت لي حأطلب مڼڱ طلبين ماشي؟

قلت ليها طيب

فتحت الحاجه الشايلاها طلعت منها حاجه شكل إطار وم إطار، قالت لي امسك دي،

مسكتها

تاني طلعت علبه حاجه مربوطه كدة قالت لي هاك، فكها،

فكيتها، حاجه زي اللعاب زين حقت التركيب،

قالت لي ساعدني في تركيبها بس ي ريت تحاول على قدر م تقدر انك تنظمها

بقيت اعاين ليها

قالت لي يلا، انا كمان هساعدك على فكرة، ختها في النص هنا،

بدينا نركب،

انا محتار وراسي شاطب واي شي، بس تركيزي كان مع تركيزها في التركيب، ...

تقريباً نص سَآعهْْ بنركب وبنقلب وبنختار، شويه شويه، بقى يظهر شي غريب في اللوح،

كل م نركب بتكتمل حاجه،

لغايه م فجأة وضح عِن.̷̷̸̷̐ديّ الشكل،

صورة، او صورتي بمعنى اصح

بقيت اعاين ليها، ٱڅڑ حااجه قالت لي ودي هنا ي كابتن..

انا لسسه بعاين ليها وم فاهم، صورتي في الميدان وانت بلعب؟

فجأة رفعت القطعه المغطيه بيها الحاجه الشايلاها، كان صندوق..

قالت لي اتفضل،

قلت ليها ڼعمْ؟ً

قالت لي اتفضل، امسك، امسك بس

مسكتو منها

قالت لي افتحو ع فكرة م خاته ليك فيهو مفاعل نووي

فتحت الصنوق، لقيت فِيَه كفر، وكدارة، ولبسه كورة للريال مكتوب عليها الرقم بتاعي الانا بلبسو دايما، وصفارة، والحاجاتً البتلبسو في الركُب..

بقيت اعاين ليها بنظرات إستفهام ؟؟

قالت لي نسّْيتً اقول ليك الطلب التاني، ينفع تسوقني معاك مباراة في يوم م̷ِْن الايام؟ بقعد ساي والله م بكورك وبجوط ليك وكدة

في دهشه قلت ليها حاضر

قالت لي اذاً اتفقنا، م تفتكرها هديه بلا سبب بس دي رشوة علشان تسوقني وكدة احم احم..

ضحكت وقلت ليها طيب لْۆ قلت ليك لٱ؟

قالت لي ليه؟

قلت ليها الملعب بدخلوه رجال بس م اناث

قالت لي منو القال ليك انا إناث؟ انا رجال اصلاً شوف محل الاناث بوين

قلت ليها طيب وانتِ جايه جيبي كدارتك ولبستك حقت الرياضه وتعالي

قالت لي ظابط

ضحكت وهي صارة لي وشها، ياخ كائن غريب، م تقدر تزعل منو ولا تخاف م̷ِْنو، اذا في خوف جواك تجاهو ف هو خوفك م̷ِْن زعلو، وحكمة •اللّہ̣̥ بريئة حتى في زعلها، كنت بعاين ليها وبحاول افهم مالها وسبب التغير المفاجئ دة شنوو...

سكتت مسافهه حتى قالت لي ي سامر..

قلت ليها ڼعمًْ

قالت لي انا حتى لْۆ كعبه شديد م لدرجه إني م اتفهم مشاكلك لْۆ انت شاركتني بيها

قلت ليها كعبه؟ مين القال كعبه؟

قالت لي بغض النظر، المهم انا اكبر مشاكلي معاك هي انو انت م بتشاركني الانت بتمر بيه، وانا م حاوي علشان اعرف انت مالك،

بس الاكيد انو لْۆ جربت تحكي حتلقى نسْخَهِ احسن م̷ِْن الانا كنت عليها بكتير

قلت ليها الانتِ كنتِ عليها كانت احسن نسْخَهِ، وجاحد جداً البقول غير كدة حتى لْۆ كنت انا.

قلت ليه يعني اي ڼعمًْ كنت بضغط عليك شديد وكدة، وبكون عارفاك مضغوط بس انا كنت بعمل كدة عشان بهمني امرك وم عاجبني وضع انك كنت شايل هموم الدنيا كلها في راسك معظم الوقت وكدة...

عارف ي شهد م̷ِْن غير م تبرري، وم محتاجه إنك تبرري ابدا، ً

قالت لي يعني حتى لْۆ م.كملنا مع بعض وكدة بغض النظر عن الظروف الاتسببت في كدة م نفسي اكون التجربه السيئة ضمن التجارب الفي حياتك، اذا كنت مرحله عايزة.اكون مرحله مريت وم ضريت ابداً حتى اذا م نفعت..

قال لي ي شهد، اذا كنتِ مرحله ف انتِ الألطف والأحب واثرك اكيد حيكون باقي، بس انتِ م مرحله ابداً ولا حتتصنفي في يوم تجربه..

بقيت اعاين ليها وانا ساكت..

قالت لي المهم كدة صافيه لبن؟

قلت ليها م̷ِْن جهتي م كنت زعلان ولا حصل زعلت مڼڱ ابداً ي شهد، البيني وبينك بالنسبه لي صافي لبن للأبد حتى في اسوأ حالاتنا انتِ م بتزعل مڼڱ، او بمعنى اوضح انا م بقدر ازعل مڼڱ حتي لْۆ عايز كدة، الزعل على إني زعلتك بحماقاتي البسويها بس مڼڱ ابدا، ً

قالت لي اخيراً اعترفت بإنك احمق دي محمدة

قلت ليها لٱ احمق واحمق جداً على فكرة م شي داسيه والله بس لقيت الاحمق مِڼّي

قالت لي دقيقة ان شاءالله م قاصدني انا؟

ضحكت قلت ليها على الاقل انا معترف..

بقت تعاين لي بي زعل

قلت ليها شوفي م قلت شي انا وشك قال

ضحكت وقالت لي طيب حمقاء ارتحت كدة؟المهم الزمن حنزل علشان امشي البيت، ايك الساعه 6،

قلت ليها طيب خليني اوصلك.

وصلتها ورجعت البيت وانا حاسي انو جسمي اليَوُمًًِ ماخد كفايتو م̷ِْن هرمون السعادة، او هرمون السعادة هي الكانت معي بذات نفسها دي

❖

م عارفه انا عملت شنو، بس فكرة اني اكون واحدة م̷ِْن التجارب السيئة المر بيهو هو كانت حتحزني اكتر م̷ِْن حزني على نفسي، ف انا راضيه عن العملتو بقناعه، راضيه اني خطيت وبادرت، راضيه إني حاولت اخفف واهون عليه م شرط البينا شنو، المهم أنا بعد العرفتو إحترمتو اكتر، وحكمة •اللّہ̣̥ مهما بلغ زعلو مڼڱ م بتمسك، يعني بعد القلتو وسمعتو ليه داك كلو م سمعت منو نبرة م حلوة حتى، ولا حتى حسسني بالقلتو او عاتبني عليه، هو كل مرة بفرض إحترامو وانا العكس، بقيت عارفه ومقتنعه إنو هو م سيء بس الظروف الفيها هو هي السيئة بس مين دي الحتقبل تعيش مع واحد حياتو كلها عبارة عن تنازلات لغيرو حتى ولو على حساب نفسو وسعادتو؟

بتكلم مع جمانه بالليل قلت ليها جمانه عايزة اسألك

قالت لي اها؟

قلت ليها لْۆ في حياتك زول بحبك وكل تصرفاتو بتقول كدة، بس هو يعني زول م عايش لنفسو شديد كدة، حياتو كلها اهلو، والحواليه وكدة حتى انو بقدم مصلحتهم على مصلحتو حتكملي معاه؟

قالت لي لْۆ شفت منو لطف ومحبه وتمسك وإصرار علي حكمل و حخليه يعيش لينا، لينا دي قصدي بيها انا وهو، طالما بحبني معناها انا ضمن الأولويات ف انتِ م تفرضي عليه حاجه وتطلبيها بلسانك، بشويه حنيه ولطافه وتقبل وتفهم تلقائياً انتِ حتكوني العايزاه عندهه ...

عدت الايام وانا وسامر بقينا متواصلين عُاَدّيَ بتصل علي بسأل، وانا بتصل عليه احيانا وبتطول مكالماتنا احيانا، عدت عليه فترة سافر، وانا كنت وقتها نازله امتحانات، وطبيعي فترة الامتحانات بكون م طايقه نفسي حتى وبكون متجرسه شديد، قال لي رسلي لي محاضراتك حقت المواد Pdf، وعلشان الحته الهو فيها م شبكه كان يومي بنزل المدينه الصباح علشان يتكلم معي وانا ماشه الجامعه ويراجع معي الجزء الما مفهوم، بقول لي لما تطلعي رسلي لي رساله طمنيني عشان انا بكون رجعت الخلا، ونهايه اليَوُمًًِ بطلع ليهو اعلى شجرة كان م لقى شبكه تاني بنزل المدينه علشان يتكلم معي ويراجع لي المادة م̷ِْن التلفون، ومرسله ليه امتحانات هو بسأل وانا بجاوب احياناً للساعه 12، بعدها بقول لي يلا امشي نومي، احياناً بتجرس وببكي ليه، بهرشني وبقول لي شيتات وعندك محاضرات وحاضرة، سبب يخليك م تراجعي ماف، لَگِنْ بتتجازف، بقعد يسألني م̷ِْن اعمال السنه كيف، كان بشيل هم درجاتي في المادة وبخت ليها افتراضيات اكتر مِڼي

لما خلصت قال لي اها ضمنا الامتياز؟

قلت ليه حضوري في الامتحانات ك انتخاب العرب في كأس العالم الهدف المشاركه لٱ المنافسهه

ضحك قال لي يعني ماف امل؟

قلت ليه امل ماتت، المهم الحمدلله ماف جامعه تاني

قال لي منو القال؟

قلت ليه انا القلت

قال لي م تقولي كدة تاني طيب

قلت ليه ڼعمْ؟ً

قال لي زي م سمعتي

قلت ليه اي ڼعمًْ م اشتغلت كويس بس م لدرجه إني حأربت

ضحك قال لي منو قال كدة هسي؟

قلت ليها اها؟

قال لي المهم التخريج متين؟

قلت ليه م عارفه نحن م صدقنا اتخارجنا م متخرجين

قال لي كيف؟

قلت ليه كدة

قال لي طيب

حتعملي شنو؟

قلت ليه حقدم للخدمة، ومفكرة ارجع افتح الكشك بتاع ابوي في شارع النيل وحأجتهد فيهو واكبرو لغايه م يبقى مطعم ليه اسمهه، افضل م̷ِْن العطاله، اصلاً كدة كدة البلد دي اتخرجت شهادتك في الحيطه وامسك الشارع

قال لي للأسف الشديد دة واقع مأساوي والله

قلت ليه جداً بس يلا ربك كريم بتهون يلا..

❖

جمانه

اهلين

كيفك؟

ټمٱم الحمدلله وانت؟

زعلانه مِڼّي شكلك

ليهه لٱ ابدا، ً

اتصلتي وكنت في احتماع فصلت معليش م قاصد بس مجبور

لٱ عُاَدّيَيّ ي صخر والله م حاجه بتزعل، كنت عايزة اقول ليك انا خلصت وطلعت وكدة عشان انت قلت لي اول م تتطلعي اتصلي علي،

قال لي ها بشري اشتغلتي كيف ان شاءالله احسن؟

والله الحمدلله، مرهقه بس م̷ِْن الامتحانات ومعطتها ونفسياتها اخيراً الواحد حيقدر يتنفس هعهه

قال لي طيب هسي وين انتِ؟

قريبه م̷ِْن البيت،

طيب ټمٱم اصلي البيت واتصلي علي

طيب ماشي ټمٱم،

وصلت البيت، رجعت اتصلت عليه م رد،

بعد نص سَآعهْْ اتصل علي رقم غريب،

رديت

الو السلام عليكم؟

قلت وعليكم السلام

قال لي جمانه؟

قلت ايوة

قال لي معاك مندوب توصيل عندك عندي حاجه مفروض تستلميها اذا ممكن تديني الوصف كامل

قلت ليه طيب حاجه م̷ِْن منو؟ قال لي لما تسالمي حتعرفي التفاصيل،

اديتو الوصف

وصلني استلمت بوكس كبيير، وقعت ودخلت البيت وطلعت السطوح على طول، فتحت البوكس لقيتو ملان كميه م̷ِْن الحاجات، مق عليه توقيع، وفنيله بيضاء برضو عليها توقيع بقلم الحبر، وورد اصفر، وحاجات كتيرة داخل فيها لون عباد الشمس علشان بحبو، واخر حاجه طلعتها حاجه مكوة الشعر وم مكوة، صاعق؟ وورقه مكتوب فِيَه بي دة او بدونو خليك اكيدة إني حاضر دايماً ف م تخافي وخلي بالك م̷ِْن نفسك ي ست البنات

م̷ِْن الصاعق عرفتو صخر، على طول اتصلت عليه،

قلت ليه ياخي شكرا، شكراًً بالجد م عارفه اقول ليك شنو ياخ

قال لي اتوقعت اني م اللحق اصل واوقع ليك على فنيلتك، ف شنو اشتريت واحدة ووقعت ليك عليها ه، قلت ليه ماف تعليق مميز غير تعليقك دة صدقني

❖

إتصلت علي جمانه مبسوطه وقالت لي م شفتي صخر عمل شنو، وبقت تحكي لي،

قالت لي جد م بتتخيلي فرحت كيف،

قلت ليها حبيبي تستاهلي كل الفرح الفي الدنيا دي انتِ،

عدت يومين سامر م اتصل علي، تالت يوم حوالي الساعه 4 كدة جرس الباب دق،

سمعنا اصوات سلام برة،

حبوبه قالت لي منو؟

قلت ليها م عارفه والله،

بعد كم دقيقه ابوي جا قال لينا جيبو مويه وجهزو كبايتين عصير،

قلت لييه طيب حاضر، جهزتهم شلتهم وديتهم ليه اول م وصلت اللفه اشوف سامر قاعد،

اجي؟

بقيت اتكبكب واقول لنفسي دة الجابو شنو كمان؟

هو بعاين لي،

وصلتهم ختيت العصير وقرب يقع مِڼّي..

سلمت عليه وبالجمبه كدة كان في كراتين،

وانا ماشه وراميه اضاني سمعتو بقول ليه وبعدين م مسمدة ولا اي شي،

فضلت قاعدة ماشه وجايه لغايه م مشى،

ابوي جا قال لينا هاكم

قلت ليه دة شنو الفي الكراتين دة ي ابوي؟

قال لي حاجات جايبها م̷ِْن مزارعو، عمل ليه مزارع بتاعه خضار وكدة، قال لي بدل م تشتري م̷ِْن التجار وبسعر اعالي، اشتري م̷ِْن المزرعه مباشرة وحق الترحيل اصلاً مننا بنجيبو ليك لغايه عندك لٱ تتعب تتحرك تمشي السوق او غيرو، انت تدفع حق الكميه العايزها بس،

امي قالت ليهو عاد ماشاءالله شوف الطماطم دي تشبه حقت المصرين،

ابوي قال ليها قولي ماشاءالله ي مرة، الحمدلله شوفو ربنا دة كريم كيف؟

قالت ليهو الحمدلله رب العالمين ربنا يفتحها عليه فتحاً مبين م̷ِْن عندو ي رب، والله ولد مأصل وود أصول •اللّہ̣̥ يرزقه م̷ِْن حيث لٱ يحتسب

إتصلت عليه، اول م فتح الخط، قلت ليه شكراً ي سامر، شكراً بالجد،

قال لي على شنو ي بت اهلي؟

قلت ليه على كل مواقفك معانا،

قال لي اولاً دة م موقف، دة شغل، التجار بربحو كتير في بتاعين الخضار الصغار ديل ودة سبب في الغلاء، الفكرة كلها انو.نحن نوفر ليهم الخضار مباشرة.م̷ِْن المزوعه لمحلاتهم حسب الاتفاق، يتصلو علينا بس ويطلبو الكميه ونحن بنصلهم

قلت ليه برضو شكراً

قال لي طيب خالتي دي قالت لي اسألك جاياهم متين عازماك غداء

قلت ليه م عارفه والله

قال لي طيب هاك اديك ليها توريها م عارفه والله دي متين؟

الو، ي شهد ي بتي، اي انتِ سمحه واي حاجه لَگِنْ ابقي لي هديه ورضيه ي بتي، ليهه بتخليني احنسك عشان تجيني؟

قلت ليها ي خالتو

قالت لي متين؟

ضحكت

قالت لي اها؟ انتِ زوقانياً ساي مفروض تجي تشوفيني صح؟

قلت ليها طيب حاضر الجمعه بإذن •اللّہ̣̥ تعالى

قالت لي سمح، بس م تنطي

قلت ليها ابداً ه،

عدت الايام يوم ورا يوم لغايه م جا الجمعه، جهزت، وعملت كيكة شوكلاته ظابطه وغلفتها شلتها معي،

وصلت الساعه 3 ونص، سامر رسل لي اللوكيشن اديتو لبتاع الترحال، وصلت اصلت عليها لقيتها منتظراني برة رافعه لي يدها،

استقبلتني ودخلتني البيت،

قالت لي سامر وزين مشو الجامع صلاة العصر وم جو،

والله كنت شايله هم الكيكة اعملها ولا لٱ كسلت منِْه ِْ̨̐ا كويس جبتيها م قصرتي

دخلت قالت لي اتفضلي، جابت لي مويه وعصير، قالت لي عندي حله في النار، مشت، بعد مسافه ندهت علي مشيت عليها،

قالت لي اقعدي معي هنا م اخليك براك، بقت تتونس معي وتحكي لي عن حياتها وموضوع يفتح موضوع، لغايه م فجأة سمعنا صوت برة،

قالت لي ديل جو، م تمت كلامها جو داخلين عليها

زين قال لي شهد وجا جاري حضني،

سامر بعاين لي ساي

وقفت، قال لي السيدة شهد..

خالتو قالت ليهو سيدة لَگِنْ وضحكت

سلمت عليه، قال لي دخلوك المطبخ طوالي كدة،

خالتو قالت ليه هي م ضيفه لَگِنْ، هي ست البيت ولا شنو ي شهد؟

بقيت اعاين ليها

قالت لي هاك شيل لينا الصحون دي وديها برة،

شالها وطلع،

ونحن طلعنا برضو، قعدنا نتغداء وانا فجأة بقيت متوترة رغم إني بتونس وبضحك عُاَدّيَيّ وهم كمان، والجو لطيف،

قالت لي الجامعه وخلصتي، تاني عطله جد

قلت ليها بالجد والله

قالت لي مفكرة تصعدي ولا حتقدمي للخدمة؟

قلت ليها منتظرة النتيجه تطلع، استلم الشهادة واقدم للخدمة اول

قالت لي طيب حلو م تأجلي خالص

قلت ليها فعلاً

سامر قال شايف ناس الشهادة خلصو، ناس مدرسه زين رسلو لي رساله بتاعه بدايه تسجيل

خالتو قالت ليه اي، ونتايجهم م بعيدة حسب كلام الاساتذة لانو بدو التصحيح مباشرة

قال ليها ان شاءالله خير، ربنا يوفقهم

خلصنا غداء، شلت جزؤ م̷ِْن العدة وديتها المطبخ، جيت اشيل الجزء التاني لقيت سامر شايلها،

قلت ليه جيبها قال لي خليها،

خالتو قالت ليه يوم م قلت لي خليني اشيل ليك ملعقه ساي دي شنو العنصريه دي ي ولدي لٱ م كدة

حسيت نفسي عايزة اضحك وم قادرة.

بقيت اتلفت،

قالت ليهو سمح غسلها مدامك اليله اتجوعلت كدة

قال ليها م طلبتي حاجه ي خالتي،

عملنا الشاي وبقينا نتونس، لغايه م 6 جات، صليت وطلعت، سامر طلع يوصلني

قال لي شكراً لأنك قدرتي تخلي الفترة المضت دي تكون هينه ولينه بقدر الإمكان جدجد يعني واليوم دة بالذات

قلت ليه بعضاً مما لديكم ي كابتن

قال لي بمناسبه ي كابتن دي م ناسي إني مفروض اسوقك يوم الميدان

ضحكت قلت ليه وانا مستنيه اليَوُمًًِ دة

قال لي قريب ان شاءالله...

م عارفه إذا في زول غيري جرب إنو يحب نفس الزول مرتين او انا م عِن.̷̷̸̷̐ديّ كرامة بالجد وفجر لْۆ عرفت حتموتني، بس الما قادرة اشرحو، انا بحب فكرة انو انا جنمبو، بحب نفسي وانا جنمبو بس دي كل الفكرة وكل م اقرب خطوة قلبي بقرب 10 خطوات رغم اني م عارفه احنا في اي نوع م̷ِْن انواع العلاقات حالياً بس انا بحب كونو دايماً جنمبي مهما احتجتو مهما كان بعيد أو إختلفنا بيفضل دايماً جنبي طيف وخيال وروح، هو يفوز بي إنو رغم كل شي عايش جواي مهما حصل

❖

ي ابوي، انا الشهر الجاي بتم عرسي بإذن •اللّہ̣̥ تعالى

ي ولد الشهر الجاي كيف يعني؟

عديل ي ابوي، خلاص انا جاهز م عِن.̷̷̸̷̐ديّ شي والبت امتحنت شهادة سودانيه

سمح •اللّہ̣̥ يقدم الفيه الخير ان شاءالله،

امي تمشي تشتري الشيله والحاجات، احسبي وقولي لي الميزانيه كم

ي مهند ي ولدي م تتمهل، اول عرسه ادينا مهلتنا نصلح حالنا الناس بتجينا، دايرين طقم كراسي وترابيز، ودايرين نغير لون البيت، والحاجات الصغيرة ناس خبيز وشنو دي بتكلف زمن

سمح ي امي خلال شهر بتبقى، شوفي انتِ عايزة شنو والميزانيه كم عشان اعمل ليها حساب

بدينا تجهيزات لعرس مهند، فجر كانت مسافرة حلفت عليها م تسافر لْۆ م حضرت العرس، جات قعدت معانا، اشترينا الشيله وغلفناها، مهند اتصل علينا قال لينا سامر قال حيوديكم البلد بعربيتو.للشيله مشت امي وخالاتي،

انا كنت عايزة امشي بس امي م خلتني قالت لي ابوك والبيت، زعلت ودقيت جرس ليّۓ سامر، قال لي فعلاً كلامها صح عمي حيقعد مع منو؟وم تنسي معاك صحبتك م معروف ظرف الشارع لْۆ مشت وم كلمت اهلها،

شاكلتو هو زاتو قلت ليه اصلاً الواحد م يتمني شي في البلد دي معاكم

قال لي متمنيه شنو انتِ؟

قلت ليه اكيد م قلت ماشه اودي الشيله م̷ِْن فراغ او.حباً فيها، دايرة.اشوف البلد البقولوها دي

قال لي طيب بصورها ليك وبرسل ليك الصور قصرت معاك؟ كان بتكلم وهو بضحك

قفلت الخط في وشو، اتصل م رديت عليه،

انشغلنا بتجهيزات العرس وابضغطه، واتحبسنا نحن زاتنا ومعانا جمانه، قالت لينا اخوي جا البيت طبعاً كويس فترة العرس دي انشغل بي هنا شويه...

❖

شهد

هَِِْْْْلاّ

الاخبار وكيف مع جو العرس دة

اسكت اسكت م تزكرني انا ناسيه اسمي حتى

طيب خليني اخد مڼڱ دقيقتين ممكن؟

كيف كيف؟

اطلعي لاقيني دقيقتين

م بقدر

دقيقتين لْۆ زادو 3 خليني وامشي

خير ان شاءالله في شنو؟

لما نتلاقى بحكي ليك

قلت ليه ټمٱم

طلعت عليه في الزلط، سلمت عليه قال لي اركبي،

قلت ليه سامر انت قلت دقيقتين..

قال لي دقايقي لسسه م بدت،

ركبت

قال لي السيدة شهد

قلت ليه ڼعمًْ

قال لي الشحتفه النحن فيها دي م حلوة صح؟

قلت ليه م فهمتك؟

قال لي انا عايز استقر

قلت ليه برضو م فاهماك

قال لي يعني عايز اعمل بيت ومرة وعيال وكدة الكبر دخل والعمر ماشي في زيادة تعبت م̷ِْن جري الدنيا دي بعد كدة، داير اللحق اخوك ..

اتذكرت سمهدل وكلامها وموال انو خاطب، هو.م نكرو وم اكدو لي في نفس الوقت وانا م عارفه كيف اتخطيتو وافتكرت سؤالو لي داك نفي يعني هو هسي جاي يوريني انو عايز يعرس وكدة ولا عايز يستشيرني م فاهمة اي ڼعمًْ هو قال لي حأبقى واضح وصريح معاك تاني بس م لدرجه الوقاحه دي...

قلت ليه اها طيب حلوو ربنا يوفقك ان شاءالله

قال لي يعني انتِ م عندك مشڱلهِ؟ضحكت

قلت ليه ويكون عندي مشڱلهِ ليهه؟ ابداً خالص،

قال لي متأكدة؟

قلت ليه سامر؟ انت بتاخد راي في حاجه زي دي يعني؟مش انت عايز تستقر؟ استقر اذاً

قال لي ايوة.بس م عارف اوصل المعلومة دي للبت كيف؟

ضحكت قلت ليه كيف كيف؟ عادي ياخ عااين امشي قول ليها بالمختصر نحن بعد كدة مفروض نستقر في بيتنا..

فجأة قال لي طيب بالمختصر نحن بعد كدة مفروض نستقر في بيتنا، كفانا شحتفة..

،

بقيت اعاين لييه

قال لي عندك مانع نرجع؟ او ينفع نرجع، م هو الرغبه في الإستقرار دي م بحس بيها إلا معاك انتِ واظن احساسي دة كافي جداً لي إني م اكتفي بي وجودك بس في محيط حياتي، انا عايزك معي في بيت واحد ي شهد، عايزك في بيتي، م قادر اقبل بأقل م̷ِْن كدة مهما حاولت وقبل كدة اول حاجه قلتها ليك بصريح العبارة إني م حأكتفي بيك غير وانتِ مرتي ...

مليحيظهه..

م بتصبرو نهائي بس طوالي جارين للردم، يخوانا انا معاكم في السودان دة والله حيث لٱ كهرباء ولا مويهه، ولا مواصلات وعندنا في بيتنا نضافه وتجهيزات رمضان وام بتشاكل وبتقول انا لٱ ولدته لٱ ربيت عشان م اتشعلقنا في المروحه ونضفناها زي العندكم برضو