الفصل التاسع والثلاثون
اتبكمت اللحظه دي وبقيت اعاين حوالي،
قلت ليهه عاين اتحولت فجأة مالك؟
قال لي اتحولت؟
قلت ليهه ايوة اتحولت م̷ِْن ابجيقة لواحد تاني خالص..
ضحك وقال لي يعني الواحد يجتهد عشان يقول الفي خاطرو ترجعوه لأصلو وتحسسوه انو غلطان، عندكم في العديل راي وفي الاعوج راي نحن المفروض نسأل انتو عايزين شنووو والبرضيكم شنوووو؟
قلت ليه م اعترضنا بس م تتحمس كدة كمان
قال لي طيب حماسي محتفظ ليك بيهو لما نكون في بيتنا
سكتت
قال لي مرهق شديد وحاسي نفسي مصدع عايز اقوم اعمل لي قهوة واصلي العشاء عِن.̷̷̸̷̐ديّ فترة صلاتي مقطعه ي شهد جدجد بالذات العشاء...
قلت ليه طيب عاين انا عدت علي فترة كدة لقيت اني بكسل وبقطع الصلاة، ابوي قال لي عشان م.تكسلي اول م.تسمعي الاذانه قولي اللهم اني اعوذُ بك م̷ِْن الكسل وقومي اتوضي، انت برضو اعمل نفس الشي اول م تسمع الاذان قوم اتوضأ واللحق الجامع،
قال لي الا كدة، ححاول لانو لما م اصلي بكون مقلق وم بنوم كويس
قلت ليه اعمل زي م قلت ليك كدة، وهسي قوم صلي عشان م تكسل وتصبح على خير وحاول نوم م̷ِْن غير م تشرب قهوة علشان م حتخليك تنوم
قال لي ټمٱم ححاول يلا تصبحي على خير..
❖
لآزٍمٍ تأجر صاله واحسن صاله، اهلي واهل ابوك بالحيل فاتحين خشومهم فينا بي عرستك دي بنقدر نسكتهم ونوريهم اننا الحمدلله م مقطعين زي م هم بقولو وم محتاجين، لآزٍمٍ تعمل عرس على مستوى، وعايزين طباخ، وهسي ناديه دي يوم عرس ولدها اتفقت مع شركه عديل يخدمو الناس وم يخلو زول يرفع ملعقه، قلت اشوفهم لْۆ سعرهم كويس نجيبهم، السمح بعجب وانت الحمدلله ربنا فتحها عليك وري الناس انك م محتاج بالذات ام صخر دي بالحيل دايرة اوريها نحن م اي كلام، هسي الحمدلله طقم الكراسي حجزتو ودفعت قروشو، والسراير والترابيز برضو الحمدلله، فضل لي الديكور والملايات، ولو بتقدر دايرين لينا شاشه كبيرة في الهول ودايرين عاها الشي بتاعها الكبير البكون على الحيطه وبختو فيها دة سألت منو قالو لي ب 25 الف، شهر العسل دة م مشڱلهِ ممكن تغليهو وتقعد ليك في شقه هنا في الخرطوم بس ولا شنو اهم شي نجيه حالنا ي ولدي ...
جيت طالعه فجأة سمعت امي قاعدة مع مهند وبتقول ليه الكلام دة..
مهند اخوي الفترة الاخيرة دي كلها امورنا كانت ماشه بيهو، مرض ابوي، تكاليف عمليتو، مصاريف م بعد العمليه، ومصاريف البيت وغيرها دي كلها حاجات هو.كان واقف فيها، حتى لْۆ شغال وربنا فاتحها عليه بس برضو كتير عليه دة كلو وجاهو العرس ومصاريفو واكيد بكلفو شي وشويات وشهر العسل دة هو رغبتو يمشي ماليزيا ودة.م̷ِْن حقو طبعاً هو اكيد اشتغل يحقق العايزو،
امي ضاغطه عليه شديد والبتقول فِيَه دة فوق المعقول، دة غير انو بعد كدة حيكون عندو مصاريف م بعد العرس واحتياجاتهم، لما شافتني سكتت علشان عارفاني حأعقب على كلامها بس النقطه دي زعلتني شديد وامي المفروض هي الوحيدة التقدر ظرفو والبتقول فِيَه دة كلو فشخرة وبوبار على حسابو هو..
على خلفيه الموضوع دة إتصلت على سامر،
اول م فتح الخط قال لي شهد
قلت ليهو صباح الخير
قال لي صباح العافيهه
قلت ليهو كنت نايم؟
قال لي لٱ بس شايف السحاب شايل شكلو الخريف دخل والجو ظريف ف حاسي نفسي نعسان لسسه لْۆ م انتِ م كنت رديت..
قلت ليه ايوة ايوة، المهم متصله عليك علشان اتناقش معاك في موضوع كدة ..
قال لي خير ان شاءالله
سكتت مسااافه حتى قلت ليه اممممممممممم عندك مانع انو نعقد وخلاص؟ يعني ماف داعي احجز زفاف وصاله وفنانين وكلام زي دة
قال لي ليييييه؟
قلت ليه اصلاً انا م بحب الجو دة وم بدخل راسي، ممكن عقد، وجرتق وخلاص
قال لي انتِ عايزة كدة؟
سكتت، قلت ليهو هي حاجه يمكن شويه تكون صعبه عليك لانو عندك ناسك و..
قاطعني قال لي انتِ عايزة كدة جاوبي سألتك انا
قلت ليهو ايوة.
قال لي اذاً البقيه م مهمين، دة عرسنا واكيد حنعمل الحاجه البتريحنا نحن مش البتريح الناس التانين ف ابشري ي ستي وزاتو كدة الواحد يخلص بسرعه وياخد مرتو ويتخارج
سكتت
قال لي خلاص كدة؟في اي طلبات تانيه؟
قلت ليهو ايوة ٱڅڑ طلب اذا ممكن
قال لي قولي لي
قلت ليه ممكن تتصل على مهند وتقترح عليهو الإقتراح القلتو ليك دة برضو؟
سكت
قلت ليه صعب؟
قال لي م حكايه صعب بس اسي انا قبل شويه قلت لية دة عرسنا ونعمل العايزنو فِيَه، ف كونو اقترح على مهند اقتراح زي دة يبقى تطفل مِڼّي صح؟
سكتت، م عارفه اشرح ليهو الموضوع كيف، قلت ليه سامر انت عارف العرس وضغوطاتو الماديه وكدة، وعارف انو دي كلها حاجات لْۆ م اتعملت في العرس لٱ بتضر لٱ بتنف وم اساسيات، ف هو مضغوط زيادة انا عارفاه بس انا لْۆ كلمتو حيتحسس وينفش ريشو، انت اقترح عليه انو يعمل العرس والحفله هناك لمرتو ويجي هنا يتمم مناسبتو غداء ويسافر شهر العسل حقو بدل القروش الحيصرفها في الصاله والحفلات وفي النهايه يقضي شهر العسل بين 4 حيطان وطلبت مڼڱ تتكلم معاه علشان هو.بسمع گلآمَگ وبقتنع بيهه
قال لي فعلاً م̷ِْن ناحيه گلآمَگ صح، طيب حاااضر ولا تزعلي نفسك وتضايقيها، حتكلم معاه وحنظبط الموضوع مع بعض م تشيلي هم...
قلت ليه طيب ماشي
م بقدر اقول على سامر غير ربنا يرضى عليه ويراضيهه زي م اوقات كتيرة براضيني...
❖
على خلفيه كلام شهد فهمت هي عايزة توصل لي شنو، بعيداً عن كل شي شهد دايماً بتبهرني بمنطقيتها تجاه اهلها وواقعيتها لحياتهم بعيداً عن التكلف والموالات دي، في كل شي هي معترفه ببساطة حياتهم وعايزة تعيشها عشان م تكلفهم فوق طاقتهم حتى ولو على حساب انها تحرم نفسها م̷ِْن حاجات ممكن تتعمل ليها...
اتصلت علي مهند واتفقت معاه اني عازمو فطور ولازم نتلاقى ونقعد، وبالفعل دة الحصل..
العريس
ابو النسب
الاخبار ي زول ان شاءالله طيب؟
الحمدلله والله جري وتعب جد بس
ههههه جري العافيه ي زول سمح وبعدين دة حال العرس كدة
اي والله ربنا يعديهو على خير ان شاءالله
ان شاءالڵهٍ
قعدنا وبدينا نفطر وبنفتح مواضيع م̷ِْن شغل السعيه للزراعه للأراضي لغيرو، وجينا بناس البلد وطبيعه الاعراس عندهم..
قال لي ياخ ابسط م̷ِْن بسيطين، يعني العرس في الحتات ديك م بكلفك 50 مليون
قلت ليهو فعلاً لانو انت حتعمل شنو؟
حفله؟ بغنو ليك براهم بي طمبورهم واجهزتهم ديك وبتجالدو وببرمجو لغايه م اليَوُمًًِ يخلص..
ناس شيله ومأكولات دي ياهو حاجات بسيطه والخرفان والبقر وكل شي رخيص وهم متطلباتهم م على قدر كدة
قال لي فعلاً والله، وبعدين في حاجات م اساسيه التركيز عليها م ضروري يعني ناس حفله وكدة،
قلت ليه هسي انا قعدت مع خالتي في الارض وختيت ليها النقط في الحروف قلت ليها لٱ داير حفله ولا صاله ولا وجع راس، انا زول داير يعقد يسوق مرتو ويمشي، الضيوف حبابهم الف، صاله متحركه قدام البيت اتغدو وقمنا معاهم بالواجب وانتهى الموضوع
قال لي والله اختصرت على نفسك كتير
قلت ليه شديد ي زول، اها وانت باقي على شنووو؟
قال لي والله انا لغايه اللحظه بين بين، لأنو كدة كدة الواحد لْۆ قال يفتح موال صاله وحاجات زي دي بتجر
قلت ليه فعلاً والسنه الفاتت دي شويه الامور م كانت طيبه شديد وكل شي غاله ووضع البلد ث على قدر كدة يعني اي شي تهبشو غالي، تلحق لشنو ولا لشنو،
لْۆ داير راي، كنصل الصاله وم تحمل نفسك فوق طاقتها، قروش الصاله دي ممكن تسوق مرتك وتسافرو شهر عسل، وانت زول لسسه جاياك مسؤليات بالهبل بعد العرس ف شوف الاساسيات وعليك مصاريف وموالات طويله عريضه احسبها واحدة واحدة وشوف محدوديه ميزانيتك وابني عليها ...
❖
شهد..
ايوة ي مهند
تعالي كدة
طيب حااضر
امي قالت لي امشي على اخوك شوفيه مالو
طلعت مشيت عليه
قال لي اللبسي توبك وتعالي برة.
قلت ليه خير ان شاءالله؟
قال لي خير خير
رجعت لبست توب وطلعت عليه برة قعدنا في مكان ابوي،
قال لي طبعاً قبيل كنت مع سامر كان عازمني غداء
قلت ليهو ياااخي؟
قال لي والله، المهم قعدنا واتكلمنا وموضوع فتح موضوع قال لي انا م عامل صاله وحفله وكدة، عايز اعقد بس، عندك علم بالحاجه دي انتِ؟ناقشك فيها وكدة؟
قلت ليهو ايوة كلمني وانا زاتي لغيت فكرة.الصاله دي لانو موالها طويل وكدة، المهم اتفقنا على عقد، وجرتق في البيت وخلاص كافي جداً
قال لي متأكدة م عشان شي تاني؟
قلت ليهو شي زي شنو مثلا؟ابداًً والله بس عرس بسيط وخفيف وخلاص
قال لي انا زاتي ي اختي والله حسبتها جاي جاي لقيت الصاله والحفله والموالات دي ميزانيتي بتكون ضاربه شديد لْۆ عملتهم، وامي كمان •اللّہ̣̥ يديها العافيه مُصرة عليهم
قلت ليه عاين والله دي كلها حاجات م اساسيه طالما ميزانيتك م بتسمح طوالي تكنصلهم، تعمل مناسبتك غداء وتمشي تجيب مرتك وانتهى الموضوع بس
قال لي صح؟
قلت ليهو صح بالجد ماف سبب يخليك تضغط نفسك وتضرب ميزانيتك وحساباتك عشان تأجر صاله وتجيب فنانين، وتاني موال عشاء، وايييبيييييك ياخ دي براها ميزانيه عرس تانيه، العرس بالبسيط وبميزانيتك طالما ببقى اذاً الضغطه فوق كم؟
لٱ يكلف •اللّہ̣̥ نفساً الا وسعها ي مهند، وبعدين الحيمشو الصاله ديل حدهم معاك الصاله وبعد كدة اي زول برجع بيتو يعني لْۆ العرس دة دخلته في ديون بسببو ماف زول بشيلها معاك صح؟
قال لي صح والله
قلت ليهو اذا ي الحبيب ي الطبيب احسم الموضوع وخت امي في الصورة وخت ليها النقط في الحروف قول ليها عديل انا م عِن.̷̷̸̷̐ديّ ميزانيه صاله وفنانين، وانا بجي بطبل ليك لاني زاتي لغايه اللحظه م وريتها بإتفاقنا انا وسامر
قال لي بتطردنا
قلت ليهو حتلبس توبها وتطلع تخلي لينا البيت بس بتتحنك بتتحنك ي زول
قعد يضحك،
رجعنا البيت قلت ليه ابدأ انت ظابط؟
قال لي ټمٱم
امي كانت بتسوي الجبنه لي ابوي ولحسن الحظ انو ابوي قاعد،
مهند قال ليها امي كدة تعالي
قالت ليهو.مالك ي ولد؟
قال ليها تعالي،
جات، قال ليها اقعدي
قالت لي شهد الجبنه في النار وقعدت في طرف السرير قالت ليهو خير ان شاءالله؟
قال ليها خير ي امي،
ي جماعه انا والله قعدت مع نفسي وحسبتها جاي وجاي لقيت الميزانيه حقت العرس دة.كبيرة
امي قالت ليهو اجلتو للخريف الجاي؟
قال ليها لٱ ي امي أأجلو كيف؟
م اجلتو لَگِنْ الحاجات الما اساسيه دي شلتها برة.ي امي، ناس صاله وحفله وفنانين وكدة، عشان جد بتضرب ميزانيتي وانا زول لسسه يعني في اول الطريق..
قالت ليهو بدل تعمل عرس اي كلام جهز نفسك كويس وم تستعجل للعرس اخد مهلتك
جيت شايله الجبنه قلت ليها كيف يجهز نفسو وم يستعجل ي امي؟
العرس دة شنو ك شي اساسي مش عقد في الجامع واشهار زواج والباقي دي حاجات مختلقنها نحن برانا؟
خلاص اذاً هو يعمل البقدر عليه بس م شرط صاله وم شرط فنانين
قالت لي م قلنا شي لَگِنْ هو ولد واول عرسه يسوي عرس اي كلام كيف يعني؟
قلت ليها امي هو معرس لنفسو ولا للناس؟
معرس لنفسو، والعرس دة ليهو هو.والعروس انا الباقين وجودهم وعدمهم واحد يشوفو البريحهم ويعملوه ولا رايك شنو ي ابوي؟
قال لي كدة اسأليها هي عرست في صاله ولا عرست بي فنان ومصيبه زمان؟
قالت ليهو عرست بي جرتق يتكلمو بيهو لغايه اسي كان ناسي اذكرك..
قلت ليها يعسل انا زاتي عايزة اعرس بجرتق بس زيكك كدة
قالت لي شنووو؟
قلت ليها زي م سامعه كدة، سامر حيعقد ومناسبتو غداء وبس كدة بعد الغداء صفرته ليها صفارة بمعنى انو حنطير
قالت لي انتو لما بتتفقو ماف داعي تجو تتكلمو اعملو العايزنو وخلاص، دة عرس رخصهه
ابوي قال ليها يعني انتِ عرستي عرس رخصه؟
قالت ليهو زمنا الجرتق ورقيص العروس م بعملو اي زول
قال ليها خلي الاولاد يعملو العايزنو
مهند قال ليها انا بعمل حفله حنه، لَگِنْ العرس غداء بس وم بقصر في شي طباخ زاتو.بجيبو زي م قلتِ لَگِنْ صاله وحفله لٱ
قلت ليها عرس مختصر وظريف ولطيف ومن العصر الناس تشوف مكان مراكب ريدها بوين
قالت لينا م تنقو فيني خلاص اعملو الدايرنو بدون نقه بلبس توبي دة هسي وبطلع ليكم م̷ِْن البيت دة، وعملت روحها زعلانه قامت دخلت المطبخ وبقت تقلب فيه
مهند لحقها في المطبخ قال ليها ي امي، امي اسمعيني انا بتكلم معاك، شاهد الله ي امي م عِن.̷̷̸̷̐ديّ وان عِن.̷̷̸̷̐ديّ م ببخل على نفسي بحاجه زي دي، لَگِنْ شاهد •اللّہ̣̥ م عِن.̷̷̸̷̐ديّ وفوق ميزانيتي ودي حاجه بتدخلني في ديون وبراك شايفه اوضاع البلد والغلاء كيف..
قالت ليهو اعملو العايزنو انت واختك م تشاوروني
قال ليها كيف م نشاورك
جيت داخله قلت ليها يعسل، ي ام ضفاير، ي المشلخه انتِ، مسكتها في كتفها وقلت ليها مهند لسسه قدامو 3 عرسات، الوقت داك ربنا بفتحها عليه يعمل ليك حفلات ترقصي كدة لمن ركبك تورم
خلاص ي حجه يا عاين ليها سمحه كيف وهي زعلانه
خلاص ي امي مش انتِ دايرة الصاله والحفله نحن نقوم نعرس ليّۓ ابوي دة ونعمل ليهو.حفله في صاله كاربه
عاينت لي قالت لي قليله ادب.وم مأدبه اصلك
ابوي ضحك م̷ِْن برة قال ليها حتى قله ادبها سمحهه
قعدنا نضحك وبكدة شبه اتراضت لينا وفكت شويه،
الحصل شنو؟
م عارفه بس فجأة انا بقيت في عداد العروسات، حبسه وبيت ملان ناس عماتي واخوات امي وجيران وفجر وجمان قاعدين معي وم مقصرين مِڼّي في شي بس تجهيزات العرس، حد م اتمرمطته م حصل اتمرمطته زي م حصل معي وانا بجهز حاجات العرس،
جمانه قالت لي صخر سفروه مأموريه ليه اسبوعين وزيادة تلفونو قافل تخيلي
قلت ليها لٱ ياخ، حيرجع متين، قبل كم يوم شايفه عربيتو، قالت لي دة اخوه م هو م عارفاه حيرجع متين، فجر قالت ليها عارفه كل التفاصيل ماذا هناك ي اختاه..
قالت ليها ولا شي بس بحكم اننا متواصلين وكدة..
فجر قالت ليها اهاااااا الجمله دي انا بعرفها كويس اعملي حسابك ي اختااااااااهه...
اتصلت على يمن، تلفونها قافل، رسلت ليها رساله انها ترجع لي ضروري..
واتصلت على سامر، قلت ليهو اتصلت على يمن علشان اكلمها وكدة م قادرة اصل ليها،
قال لي وانا كمان م قادر اصل ليها، قال لي بالمناسبه ي شهد خالتي بكرة حتجيكم اظن عايزة تجيب حاجات الحبسه ولا شنو م عارف، بتحاول تتصل عليك..
قلت ليه حاجات الحبسه؟
قال لي ايوة، وبعدين عايز اشوفك مالك اليومين دي كل م اقول ليك كدة بتتحججي؟
قلت ليه علشان ببساطه ناس البيت حبسوني..
قال لي ڼعمْ؟ً
قلت ليه اتحبست
قال لي بعملوك ليك شنو اصلاً هي شنو؟
سكتت
قال لي مش اتحبستي لي؟ انا عايز اشوفك وانتِ محبوسه لي كدة
قلت ليه بطل ها، ممنوع الطلعه
قال لي طيب والزفاف حيبيبوه لغايه عندك؟
قلت ليه منو القال ليك حألبس زفاف؟
انا عايزة عرس بسيط م عايزة اللبس زفاف، عايزة اتجرتق بس..
قال لي ڼعمْ؟ً
قلت ليه زي م انت سامع كدة عايزة اتجرتق بس
المهم المناسب والمريح معاك ومن ناحيتي انا اكيد م بقصر المهم نتلم وتكوني في بيتي في اسرع وقت..
بقينا في موال الشيله وموالها..
❖
وانا بحسب في الايام لقيت باقي اسبوع م̷ِْن العرس، طلعت ركبت عربيتي عِن.̷̷̸̷̐ديّ حاجات كتيرة قدرته انجزها في اسبوعين واحمد والشباب م مقصرين ابدا..ً
مشيت بيتنا، او ممكن اقول بيتنا سابقا، ً
لما وصلت استقبلوني كلهم وتعابير وش واحد فيهم م بتتفسر، امي حضنتني وبقت تبكي،
مشيت سلمت على حبوبه، وقلت ليهم انا عريس يخوانا، عرسي بعد اسبوع ان شاءالله، العرس في صاله.. بإذن •اللّہ̣̥ تعالى عشاء،
يمن زغردت قالت لي العروس شهد صح؟ لقيت رسالتها نزلت عندي وتلفونها قافل، ياخ مبروك ي اخوي الف مبروك تتهنو ببعض ان شاءالله ي رب وجات حضنتني، قالت لي البدله اخترتها ولا اظبط موالها معاك؟
قلت ليها والله ي ريت يااخي بس للأسف العروس م عايزة تلبس زفاف عايزة تعمل جرتق بس هههههه
قالت لي ي سلام طيب حلو وفكرة ظااابطه ياخ بحب دماغ شهد دي انا، اذاً الجلابيه اختيارها علي والحنه والحركات وبتاع
قلت ليها منتظرك، قالت لي اول الحضور..
بهناك حبوبه زغردت لي وباركت لي، طلعت قعدت اتونست معاها كدة وطلعت، م حاجه تبسط انو علاقتي بيهم توصل المحدوديه دي بالعكس محزنه جداً لانهم.كانو كل اهلي م عِن.̷̷̸̷̐ديّ غيرهم بس هم الوصلوها لهنا ودة الشي المؤسف جدا...ً
❖
ام احمد كانت مصرة على انو العرس يبقى في بيتهم، وكل الترتيبات والتجهيزات عليها وزعلت شديد م̷ِْن انو انا هعمل العرس برة البيو
وبكدة خففت على خالتي ضغط، ف اتصلت علي خالتي واتفقو على كل شي،
❖
جابو الشيله خالتو نور وام احمد، وايييييييك جابو معاهم نسوان كميه،
انا م طلعت ليهم بس جات ام احمد قعدت واتكلمت معي، قالت لي عروس ولدي وبتي، وسلمت علي وحضنتني مسااافه وباستني
بقيت اعاين ليها..
قالت لي سامر دة ولدي ودامك مرتو اكيد حتبقي لي بت ولٱ م كدة؟
قلت ليها ايوة
قالت لي يلا بس شوفتي اي شي ناقص ارفعي سماعيثه التلفون وقولي لي ي ماما ناقص كدة، دة رقمي سجلي،
سجلتو،
قالت لي م اوصيك انا امك كويس؟
قلت ليها حاضر بإذن •اللّہ̣̥، تعالى، م
بقدر اقول اني م ارتحت ليها وانا ث لطيفه، هي لطيفه بصورة.مبالغ فيها وعايزة اتعامل معاها بس م قادرة في حاجز بمنعني م̷ِْن كدة..
❖
كل م ينقص يوم شهد بتتصل علي و بتقول لي فضل كدة ي سامر، فضل كدة بجد وبتقول كلامها بنبرة.خوف، بقيت اقول ليها شهد اناهعرسك م هعدمك،
❖
كل شي بقى جاهز، اجواء البيت كلها بقت اجواء عرس،
ونحن في غرفتنا بنتونس فجر فجأة. صرخت كلنا اتخلعنا، قالت لينا كيف نسينا؟ كيف حاجه زي دي تطلع م̷ِْن بالنا؟
قلت ليها شنوووو؟
قالت لي جيبي تلفونك
جمانه قالت ليها بسم •اللّہ̣̥ مالك؟
شالت تلفوني وشالت تلفون جمانه قالت ليها مسجله سمهدل بمنووو؟
جمانه ضحكت قالت ليها واااااااي نسينا نحن،
فجر قالت ليها دقيقه، ياهو رقمها،
اتصلت بتلفوني، شويه كدة فتحت الخط قالت الووو..
فجر قالت ليها سمهدل كيفك حبيباااااهه
قالت ليها وعليكم السلام ټمٱم الحمدلله ..
قالت ليها دايم عليك الْحٍمَدٍ حبيبهه، معاك فجر شكلك م عرفتي صوتي، متصله عليك برقم شهد معليش شهد مٍشغوٍلًهًُ شويه بتجهيزات عرسها
قالت ليها لٱ ياااااخي متين ماشاءالله الف مبروك،
فجر قالت ليها •اللّہ̣̥ يبارك فْيَگ حبيبهه، ف بس يعني طلبت مِڼّي اتصل عليك واوريك عشان م تزعلي منِْه ِْ̨̐ا، قالت ليك معليش النوضوع جا فجأة ومستعجل م لقت وقت عموماُ العرس يوم ..
قالت ليها فرحت ليها بالجد، دة منو سعيد الحظ دة ياخي..
قالت ليها فعلاً سعيد الحظ وهي سعيدة الحظ، راجلها القديم نفسو سااامر، كان في بينهم سؤ تفاهم شويه كدة واتحل الحمدلله جاها وقال ليها انا م بفكر في الاستقرار مع غيرك ابداً خلينا نحل اي شي ونتلم بعد كدة
سكتت..
فجر قالت ليها وموال الخطوبه داك م عارفاك جبتيه م̷ِْن وين حبيبه شكلها بت خالتك غشتك وساقتك بالخلا على العموم م علينا م تنسي العرس يوم... غداء في بيتهم حأرسل ليك اللوكيشن واتسب وم تنسي تكلمي عامر برضو ...ټمٱم حبيبه؟يلا مع السلامه شهد قومي يلا علشان ماشين نغير الطقم دة مش قلتِ م حبيتيهو سامر اتصل علي قال جاي علينا هسي عشان نمشي قال لي انبهك يلا يلا ي بيبي ..
كانت بتتكلم ولسه الخط فاتح
جمانه صفرت قالت ليها اقسم بالله متعهه ياخ م قصرتي معاها الخسيسه
قلت ليها ي حليلها
فجر قالت لي خلوها تتجلط الباطله والله لْۆ نسيناها كنت هزعل كيف ننساها يعني؟
حقيقةً يخوانا الواحدة لْۆ عايزة تتفشخر تتفشخر بصحباتها مش على صحباتها...
عدت الايام وخلاص يعني جات ايام العرس، سامر عملو ليهو.حنه وم كلمني الا شفت احمد منزل صورو وعامل ليه منشن فتحت البوست وشفت التعاليق..
شلت الصورة ورسلتها ليهو قلت ليهو واااااو
قال لي اتعملت لي غصب وفاجأوني بيها والله
قلت ليهو صدقت
قال لي شاهد •اللّہ̣̥ ي شهد
قلت ليهو طيب وبعد الحفله والحنه م اتصلت وحكيت لي؟
قال لي عارفك حتزعلي
رجعت عاينت للتعاليق كان فيها بنات
جيت قلت ليه عاجباك تعاليق البنات دي صح؟
قال لي انا؟
قلت ليهو اي
قعد يضحك
قلت ليه م تضحك قول لي احمد يحزف البوست دة
قال لي خليك م̷ِْن دة كلو هسي انتو حنتكم متين؟
قلت ليه حنتنا الليله حقت مهند، وم معزومين انتو
ضحك قال لي جاين
قلت ليه لٱ.
عملنا حنه احمد بفنان، وحنتي اليَوُمًًِ البعدو كانت، اتصل علي وبقى داقي جرس انو عايز يشوفني ضروري عشان الجلابيه حاسيها م ظابطه..
قلت ليهو يمن قالت لي ظابطه م تتحجج
قال لي يمن؟
متابعه يعني؟
قلت ليهو ايوة طبعاً الاوت فيت بتاع راجلي يوم العرس يهمني جداً
قال لي ي •اللّہ̣̥ ياخ كدة قولي راجلي دي تاني عشان اتحنك
قلت ليهو مع السلامه وم حنتلاقى الا يوم العرس
قال لي يحبسوك لي وم يخلوني اشوفك
يحننوك لي وم يخلوني اشوفك
اللهم ڵڱ الصبر
قلت ليهو بشكل مؤقت لَگِنْ لاحظ بعرسوني ليك وبدبسوني فْيَگ
ضحك قال لي!م التدبيسهه دي هي المصبراني على دة كلو انتِ قايله شنوو؟
قلت ليهو مع السلامه.
جا اليَوُمًًِ الموعود، اتصل علي الصباح
قال لي مرتي الا كم سَآعهْْ
قلت ليهو سغيل
ضحك قال لي برضو م حأشوفك؟
قلت ليهو لٱ
قال لي طيب، م مستعجل انا لانو اصلاً كدة كدة كلها كم سَآعهْْ ًِ وحتكوني باقيه معي العمر كلو
سكتت
قال لي يلا بس حبيت اصطبح بيك عشان استوعب انو انا جدجد حاصل معي كدة...
زحمه، وجوطه، وناس داخله وناس مارقه، وهناك ناس بتزغرد، وهنا ناس بتبارك، وهناك ناس ماسه الدلوكه وبتغني، وناس مٍشغوٍلًهًُ مع الفطور، وصينيه طالعه وصينيه داخله طلعنا مشينا بيت الجيران، وبحاول اتصل على صخر رقمو م بدخل، رسلت ليه رسايل كميه. ..
الاذان الآۆلْ اذن انا خلاص اتوترت، وكل م سامر يتصل بكنصل في وشو، الاذان التاني، الخطبه بدت،
م عارفه حسيتها زي م بدت زي م انتهت رغم انو الطبيعي انو الخطبه بطبيعه حالها بتكون طويله يعني، كانو بمكيجو فيني وبغنو، وشايفين الحاله الانا فيها ومشغلنها لي
البيت النحن فيهو في صف الجامع،
الصلاة دي لما بدت خلاص انا اعصابي تلفت، والدنيا حسيتها صنت فجأة..
❖
زي م بقولو اصدق مواعيد الغرام عقد القران، بالنسبه لي م كان عرس واكمال نص دين بس، بالنسبه لي العرس دة كان حياة كامله، فرصه جديدة للحياة لي وعوض عظيم م̷ِْن ربنا سبحانه وتعالى، كنت متوتر جداً وحاسي الزمن واقف، وكنت بتصل علي شهد عسى ولعل تخفف علي بس م كانت بترد ف احمد ومروان ومراد ان شاءالله م اصحابكم، احمد جاب لي سجارة قال لي بتخفف هاك، مروان قال ليهو دة الليله داير ليهو كرستاله بلح عديل ي زول، مراد قال ليهو بس كدة بنعزو طوالي، زولي زولي والله ي سامر م طلبته حاجه بس كان تقول لينا م̷ِْن بدري انك متوتر
ابو احمد لأنو هو كان والد بالنسبه لي حياتي دي كلها كان هو م̷ِْن الشهود، ومروان شاهد، وفريد شايل الكاميرا عشان يصور لحظِهّ ; .. العقد ڤيديو،
بدت لحظات العقد، حسيتها اطول لحظِهّ ; .. حتى اطول م̷ِْن المرة الفاتت، لما قال بارك •اللّہ̣̥ لكما..
حسيت اني عايز اجر يدي واطلع اجري عليها،
اخدنا نص سَآعهْْ عشان ننتهي ونطلع م̷ِْن المسجد،
وواول م طلعنا هاك ي طلق ورصاص احمد والمعاه
لآزٍمٍ كان امشي على شهد واللحق اطلع على البيت هناك عشان الضيوف والمعازيم
❖
عقدو، وبعلي عقدو سامعين الرصاص، ايووووويووووووي ي شهد عقدو
جمانه بقت تقول كدة،
فجر قالت لي بالجد عقدو اسمعي اصوات الرصاص، وبقت تزغرد
قالت لي اوعى تبكي، المكياج م بستحمل فاهمة اثناء م بتتكلم هي بقت تبكي وحضنتني، قالت لي متخلفه هسي اتحنكتي وبقيتي مرت راجل رسمي عاجبك كدة
جمانه جات حضنتني وبقت تبكي معانا،
بعد ربع سَآعهْْ كدة، الباب دق،
في شافعه مشت فتحت وجات جاريه قالت لينا في رجال برة
قالو. ليها رجال؟
قالت لينا العريس
قلبي عمل شحح
فجر قالت لي التوب ي شهد يلا بسرعه،
لبستني التوب، وكلهم بقو يتضايرو
فجأة سمعنا صوت سلام،
جمانه قالت ليهم اهلاً اتفضلو،
بقو يزغردو ويقولو ابشر ي عريس ابشر، وكلهم بقو يقولو ليهو ايوة هنا هنا
سامر جا داخل وكان شايل زين
م عرفت اعاين لسامر اللابس الجلابيه ولافي العمة ولا لي لزين الملبسنو جلابيه وطاقيه ومحننو واول م شافني قال ليهو بابا عاين دي شهد، شوفها عامله حلوة كيف لابسه توب
هي اتخلعت لما شافتنا، ف م عرفت تقول غير م ياها الجلابيه ظابطهه ي متحجج
م لقيت نفسي قادر اركز في تفاصيلها واشوف ملامحها اصلاً م محتاج هي تفاصيلها وملامحها كلها في قلبي، ولا سامعها هي بتقول في شنو حضنتها، بعد لحظِهّ ; .. صمت طويله، قلت ليها مبروك علي إنتِ للمرة الاخيرة ...
بعد مسااافه حسيت بتنهيداتها وهي بتبكي، قالت لي عاين جلابيتك الظابطهه دي حتتوسخ ..
قلت ليها فداك
عاينت لي..
قربتها علي وبقيت اقرا على راسها سورة الاخلاص ثلاثه، والفلق ثلاثه، والناس ثلاثه، وقريت عليها اية الكرسي وهي ساكته وماسكه يدي،
بعد خلصت،
مسحت علي جلابيتي وبقت تصلح لي فيها، ورفعت راسها قالت لي قرب ي طويل، وطيت عليها صلحت لي العمة ورجعت صلحت لي اكتاف الجلابيه قالت لي م اتوسخت
قلت ليها حتى لْۆ اتوسخت انتِ الحتغسليها في الحالتين يعني
قالت لي اناااااا؟
بقيت اضحك عليها،
طلعت م̷ِْن جيبي علبه الدبل، مسكت يدها لبستها الدبله، قالت لي التدبيسهه ضحكت وقلت ليها للأبد شالت الدبله ولبستني ليها وطلعتها، تاني لبستني ليها وطلعتها
وانا بعاين ليها بإستغراب،
تاني لبستني ليها وطلعتها في المرة الاخيرة قلت ليها بتعملي في شنو انتِ؟
قالت لي م انا ديل نحن الاربعه كدة،
قلت ليها الاربعه؟
قالت لي نسوانك الاربعه، شهد وشهد، وشهد وشهد
بقيت اضحك قلت ليها ي ساااتر ي رب كلهم شهد؟
قالت لي ااااي عندك اعتراض جريتها علي وبوستها في راسهَ اآ و
قلت ليها شهد واحدة مڼڱ مكفياني ما بالك اربعه شهدات كلهم انتِ؟
قالت لي شهدات في عينك اسي دة جمع ليك
قلت ليها يلا اصلاً الزمن شبه خلص م عايزين نتأخر
قالت لي على شنووو؟
قلت ليها على بيتنا
بقت تعاين لي، قالت ليهو زين حبيبي
قال ليها شهد صحي انتِ بقيتي عروس بابا؟
بقت تضحك قالت ليهو القال ليك منو؟
قال ليها دة بابا قال
جو داخلين علينا صحباتها، فجر قالت لي نحن نتعب بالساعات نظبط المكياج وانت تجي تبكيها لينا ي عريس مالك عايزنا نشتبك؟
قلت ليها سلموني مرتي بدون اشتباكات يخوانا
قالت لي دقيقه عايزين نصلح ليها التوب بس والمكياج لْۆ سمحت
قلت ليها انا اصلاً طالع، نص سَآعهْْ وحنجي راجعين تاني ټمٱم؟
قالت ليهو كافيه معانا جداً
❖
الحياة ممكن تدي فرص، مع نفس الزول الاتخيلت انو كل شي انتهى بينكم، ممكن تختبرك في الزول البتحبو، ممكن تلف بيك ولمن تحس نفسك اتجاوزت ترجعك نقطه الصفر وتخليك تحب نفس الزول دة مرة تانيه بنفس الشخصيه ونفس التفاصيل، الشي الوحيد المتغير فْيَگ طريقه نظرتك ليهو بكل الجوانب، هل هو بستحق انو تحبو مرة تانيه؟ هل هو بستحق مشاعرك دي؟ احساس الحب م هم على قدر م مهم احساس الراحه والطمأنينه هل انَت مطمن مع الزول دة؟ إذا لقيت معاه اطمئنانك وراحتك ف اذاً هو بستحق 50%م̷ِْن مشاعرك دي بدون تردد،
إنو نرجع انا وسامر وإنو يعقد ويشهر الزواج، ويجي داخل علي الدخله دي ويحضني الحضن دة ويقرأ علي المحصنات، وارفع راسي واركز في تفاصيلو وملامحو دي كلها وريحة عطرو تعلق في في ملابسي وانفاسي حتى دي كلها حاجات حتى في مخيلتي م كانت بتمر ابداً بعد انفصلنا...
سامر بعد سَآعتين اتصل علي، قال لي ي شهد حنصلي العصر ونجي خليكم جاهزين، بالفعل جا شويه كدة وقمنا طالعين، اول م وصلنا الباب لقينا اصحابو واقفين واصوات الزغاريد اختلطت بأصوات الرصاص اللحظه دي خلاص انا حسيت بهبوط عديل،
بقيت ماسكه فيه وجسمي تلج وبقول ليه سامر م قادرة امشي قول بيهم يوقفو،
وهم التقول الرصاص دة مدنهم ليه في صرفه صندوق،
اصوات البشارات مخلوطه بالرصاص والزغاريد لغايه م وصلنا البيت م وقفت، استقبلنا ابوي واعمامي في الباب وجو طالعين النسوان زادو.حماس البضربو رصاص، يمن وخالتو نور وام احمد شايلين الدلوكه، و بغنو..
مبروك يا صباح الخير، عريسنا البعادل الميل سوا وم بقول سويت ادى وم بقول اديت، ادى وم بقول اديت تسلم ي عديل البيت
م̷ِْن خوفي فكيت سامر م وقفت غير لما اترميت في حضن ابوي ومسكت فيهو وبقيت ببكي وهو ببكي بي صوت عالي مع خوفتي ديك، الرصاص وقف، ابوي قال لي المبروكه بقيتي مرت راجل خلاص ابقي عاقله وواعيه م كل الرجال ابوك
قلت ليهو اصلاً ابوي ماف زول بشبهو عشان كدة مهند كان جمبو قال لي ولا حتي انا؟
قلت ليهو ولا حتى انت، حضني قال لي بقيتي تشبهي النسوان الليله سبحان •اللّہ̣̥
قلت ليهو حيوان، ابوي سامع ولدك
ابوي بقى يضحك بقيت ببكي في مهند قلت ليهو، جات يمن مسكتني حضنتني قالت لي مرت اخوي السمحه
خالتو نور قالت ليها مرت ولدنا السمحهه
يمن قالت ليها بس هو م ولدي ي خالتو انا لسسه بيبي لَگِنْ خالتو نور ضحكت قالت ليها طيب معليش امي جات حضنتني وبقت تبكي قالت لي الليله ي شهد خليتيني انا وابوك برانا، الليله ي ست البيت وعمودو مخليانه وفايته خلاص ي ضل البيت،
الناس بقو يقولو ليها بثينه لا م تقولي گلآمَگ دة وانا بقيت ببكي فيها زيادة،
ابوي قال ليها بي هرشه كفى، ادخلو جوة سوقو البت دي خلاص،
دخلوني، وبدو يجهزوني للجرتق تاني،
عملو الجرتق بسرعه علشان م الزمن، ومهند مسافر يجيب مرتو، وانا كل مرة اطلع ليهم بحجه عشان الزمن بدري، اتصل علي قال لي اها جهزتي؟قلت ليه جعانه عايزة اكل، شويه كدة اتصل قلت ليه برتو لي في حاجاتي،
قعد نص ساعه قال لي هَ اآ ي شهد خلاص قلت ليه سامر م ممكن تضغطني كدة ياخي، قال لي طيب، غيرت ملابسي وجهزو لي حاجاتي وهو اصحابو اخدوها ونسه مع مهند وابوي واعمامي
عدت سَآعهْْ تاني حتى طلعت، على بال م اودع اهلي هو كان شايفني عشرة عشرة، ابوي قبل م نتحرك ساقو على جنب ووقف معاه مساااااااااافه حتى سامر حضنو وباسو في راسو وفكاهو، مشينا سامر عايز يطق م̷ِْن حركه تأخيري دي،
اول م اتحرك بالعربيه قال لي بدري ياخ
قلت ليه م̷ِْن عمرك، لسسه الشمس فوق ياخ
بقى يعاين لي بغيظ،
شويه كدة مسك يدي،
بقيت اعاين ليهو
وهو مركز وسايق وعامل زعلان وماسك يدي شوف ب•اللّہ̣̥
فضلت ساكته وانا بعاين ليه،
مشينا مسافه 45 دقيقه كدة بركنرالعربيه وانا قلبي عايز يطير، نزل، ونزل شنطتي شالها بجهه ومسك يدي بالجهه التانيه،
قلت ليه م قادرة امشي، قال لي اقلعيه
قلت ليه اطلع حفيانه؟
قال لي دقيقه،
فتح العربيه جاب نعال حقتو شكلها، قال لي هاك،
شلتها لبستها رجولي في نصها بقيت اعاين ليه ضحك قال لي بتلبسي مقاسات اطفال انتِ
قلت ليه اطفال في عينك يعني م انت الرجلك كبيرة؟
شال الشنطه ومسك يدي قال لي يلا
دخلنا طلعنا الطابق الآۆلْ وقف فتح الباب،
قلت ليهو باقي الشنط م حتنزل تجيبهم؟قال لي لٱ م عندنا ليهم وقت
وقفت وبقيت اعاين ليه
دخل وبقيت واقفه انا متسمرة مكاني، مسكني م̷ِْن يدي وقال لي يلا،
دخلنا وقفل الباب،
خلاص هنا التوتر واحساس الجلطه في الدماغ واللسان التقيل بدأ
وهو ماسكني من يدي وضاغط عليها خت الشنطه على جنب، قزبني عليه وقال لي بيتنا..
بقيت اعاين ليه
قربني عليه اكتر ومشى يدو في خدي، وباسني في راسي، وقال لي اخيراً ي شهد،
بقيت اتلفت واطرافي بردت..
لما شافني متوترة كدة ضحك قال لي خايفه مني انتِ ولا شنووو؟
فضلت على حالتي ديك
قال لي تعالى، الغرفه، دة ماشي بي على الغرفه،
دخلنا غرفه كدة قال لي م تخافي قدامنا سَآعهْْ بس حنرتاح فيها ونغير ونطلع
قلت ليه نطلع؟
قال لي عندنا مشوار لآزٍمٍ نمشيهو
قلت ليه مشوار؟
مشوار شنووو؟
قال لي مشوار مشوار المهم يلا غيري ملابسك
قلت ليه طيب شنطتي
مشى جابها،
عايز يدخل قلت ليه لٱ عايزة اغير وقفلت الباب
ضحك وقال ل يخوانا دة عوارة شنو دي؟
دخلت الحمام استحميت وغيرت ملابسي لبست بجامة طويله بسرعه وجيت طالعه،
قلت ليه ادخل
وهو بعاين لي بإستغراب،
قلت ليه على بال م تغير هعمل ليك قهوة، مش قلت مصدع؟
حتى لْۆ.م مصدع اكيد حتكون م شربتها اليَوُمًًِ
طلعت بسرعه مشيت الهول ودخلت المطبخ،
مليت التنكه مويه وختيتها في النار، فتشت البن والبهارات نزلتهم، وجبت كبايتين وجبت المصفى والسكر، المويه غلت، ضفت ليها البهار والبن،
جيت اصفي حسيت بحركتو،
اتلفت لقيتو واقف ولابس شورت وفنيله،
رجعت اتلفت وواصلت عُاَدّيَيّ وانا بحول عيوني يمين شمال، حسيت بحركتو بيقرب، بيقرب لغايه م حسيتو وراي مباشرة،
لخبطته السكر وشلت الكبايه واتلفت قلت ليه اتفضل، حاولت م ابين قلت ليه م عارفه سكرها كيف حيكون معاك بس مبدئياً هي ظابطهه
هو ملامح وشو بتقول انو عاجبو التوتر الانا فِيَه دة الحيوان
اخد منها رشفهه وانا بعاين ليه وهو شبه محاوطني
نزل الكبايه قلت ليه ظابطه صح؟
قال لي اقول ليك حاجه والله م فاهم ليها شي
قلت ليه كيف؟ غلطانه ا..
قبل م اتم كلامي باسني
وحقيقةً حقيقةً هنا ضاعت هيبة الردحهه الكانت طالعهه..
بعد م عمل الحركه دي رجع اخد ليهو رشفه وقال لي بتعابير وش ساخرة لٱ معاك حق جد ظابطهه ظابطهه جداً ماف كلام
وانا قدر السمسمه واقفه وبحاول اتماسك
شال كبايتين القهوة وقال لي يلا تعالي، دخلنا الغرفه،
قلت ليه مش قلت طالعين مشوار؟ اها الساعه خلصت،
عاين في يدو وقال لي لسسسه قدامنا وقت..
خت الكبابي ومسكني وقربني عليه تاني، قال لي خايفه مِڼّي انتِ ي شهد؟
هزيت ليهو راسي بمعنى لٱ
قال لي طيب مالك متشنجه كدة، انا سامر م زول تاني ياخي، وضماني عليه وباسني في راسي
بعد مسااافه راسي وقال لي الخايفه منو وموترك دة نحن م عندنا ليه زمن هسي ف شنو روقي
حيوان ياخي بلعب بأعصابي لعب
قعدني في السرير واخدني في حضنو بس قال لي شايفه اللحظه دي؟ مجرد التفكير فيها كان بهون علي حاجات كتيرة بعد م عرفتك، م بالك ب كونها تبقى واقع؟م كنت نعسانه بس م عارفه نمت كيف والله م سمعتو هو بقول في شنو كل المستوعباه انو ماخدني في حضنو بطريقه تخليك تنعسي وانتِ م نعسانه
لما صحيت الساعه كانت 6،
المغرب بأذن،
وهو زاتو كان نايم
قال لي الزمن عدى
قلت ليه ايوة فعلاً
نزلنا، صلينا المغرب، قال لي نجهز
قلت ليه ماشين وين نحن؟
قال لي خاطفك ي شهد خلي الفضول دة
قلت ليه طيب،
لبست بنطلونك قميص، وشبط
لما شافني قال لي لْۆ م الدنيا ليل كان ممنوع
قلت ليه ممنوع؟
شال الشنطه
قلت ليه بإستغراب الشنطه ماشي بيها وين؟
قال لي يلا ي شهد
طلعنا مسكني م̷ِْن يدي ونزلنا
، فتح لي ركبت ومشى خت الشنطه ورا وفتح وجا راجع ركب،
قال لي جربتي سفر الليل؟
قلت ليهو سفر الليل؟
قال لي ايوة مش دايماً كنتِ بتسأليني سمح ولا لأ ونفسك تجربيه؟
ضحكت قلت ليهو يعني نحن مسافرين؟
بقى يعاين لي قال لي رايك شنو انتِ؟
قلت ليهو بضحكه لٱ بجد نحن مسافرين؟وبالليل كمان؟
قال لي كل النفسك فِيَه حيبقى ي شهد
قلت ليه طيب نحن مسافرين وين؟ قول لي
قرب علي وربط لي حزام الامان وباسني مساااااافه وقال لي م مهم وين، المهم انتِ معي، يلا نتوكل على •اللّہ̣̥ ...
اتحركنا وانا مبسووووطه حاسه نفسي حأطيب م̷ِْن الفرح، ربطته تلفوني ببلوتوث العربيه وشغلت اغاني
رومانسيه، بعد مسااافه قلت ليه الشاهين..
قال لي ي عيون..
سكتت
اتلفت علي مسكت لحيتو بيدي وبقيت اصور فِيَه
ضحك،
بقيت اصور فِيَه ڤيديو وهو بتكلم معي وبقول لي بتعملي في شنو انتِ وبضحك..
مسكت يدو شبكتها مع يدي وصورتها،
شال يدي ضماها على صدرو وهو ساكت..
صورتو برضو
قال لي في حافظه ورا فيها مويه وعصاير
قلت ليه حلو انا عطشانه اصلا، ً
بقيت اغني مع كل غنيه تشتغل
هو هادي بس بضحك علي،
لما طلعنا م̷ِْن الخرطوم لاقتنا نقطه تفتيش، قال لي العوارض، قلت ليه مالهم
قال لي لوايق بس م بمرررو بسرعه
طوالي شغلت الغنيه بتاعه وليد م̷ِْن الشكريه وعليت الصوت، لما وصلناهم بقيت ازغرد بصوت عالي رقم اني م بعرف بس اجتهدته
سامر بقى يعاين لي مخلوع، وقف،
الشرطي قال ليهو ابشر ي عريس، قال ليهو ابشر ي سعادتك
قال ليهو اها وين وين ماشين تجيبو العروس ولا شنو،
سامر ضحك قال ليهو م عارف اقولها ليك كيف بس البتزغرد دي العروس
العسكري ضحك قال ليهو ي زول، لٱ ابشر ابشر،
طلع ليهو الورق م تم 5 دقايق قال ليهو اتفضل ومبروك
قال ليهو تسلم ي سعادتك
اتحركنا قلت ليه شوف بالله مررتك كيف
قال لي الكائن المعي دة بصدق انو يكون اي زول الا انو تكوني شهد
قلت ليه دي واحدة م̷ِْن الشهدات الاربعه يلا
ضحك مسااااافه وقال لي ايواااااااااااااا بالله
فضلنا ماشين وبنتونس مع بعض لغايه م قال لي دقيقه وقف العربيه رجع لي الكرسي لورا قال لي في حال نعستي وكدة
قلت ليه م حنوم اخليك براك..
❖
م عدت نص سَآعهْْ م̷ِْن جمله م حنوم اخليك براك دي ولقيتها نايمة على مدى كم سفرة.كنت بتصل بتكلم معاها وم بحس بالوقت وانا بتكلم معاها، ف سبحان محقق الرغبات، سبحان الببشر بما في القلوب...
واصلت مشي، وصلنا قريب الساعه 2 ص، وعشان الحته شوارعها كعبه صحت، قالت لي شالتني نومة لسسه م وصلنا؟
قلت ليها قربنا، حاولي نومي اذا نعسانه
قالت لي نعسانه بالجد
ربع سَآعهْْ بالكتير وقفت، نزلت فتحت الباب، وفتحت العربيه نزلت الشنط والحاجات دخلتهم، حتى جيت ٱڅڑ حاجه صحيتها، شهد، ي شهد
قالت لي ايوة
قلت ليها وصلنا يلا،
قالت لي وين؟
ضحكت، قلت ليها يلا
نزلت،
قلت ليها تعالى،
قالت لي دة شنو الضلام دة؟سامر نحن وين؟
قلت ليها تعالي، تعالي،
مسكتها وولعت الفلاش، دخلت البيت وقفلت الباب، قالت لي الارض لينه شكلو كان عندهم مطرة علشان كدة الكهرباء قاطعه، ضحكت
قالت لي مالك بتضحك انت؟
قلت ليها لأنو نحن في الحته مافيها كهرباء اصلاً م حكايه مطرة
قالت لي دة بيت ناس؟
قلت ليها لٱ دة بيتنا هنا
دخلنا الأوضه، قلت ليها هاك الفلاش غيري شوفي شنطتك وغيري ملابسك،
غيرت ملابسها ورقدت في السرير،
غيرت وضميتها علي ونمت...
❖
صحيت لقيت سامر جمبي وماخدني في حضنو، رفعت عيوني لقيت انو النحن فيها دة م غرفه، قطيه وشكلها رهييييييب عاملنها بجالوص وملوننها، سرير وكراسي ودولاب وتسريحه وشاشه في تربيزة، هي غرفه كامله مع بعض، والارض فارشنها بمشمع
عاينت لسامر هو نايم ختيت يدي في لحيتو وشلت التلفون صورتو، مع صوت الكاميرا فتح عيونو مخلوع..
عاين لي قلت ليه صباح الخير..
عاين لي مسااافه وجراني رقدني في حضنو وقال لي الأكيد الأكيد إنو انتِ الخير كلو م̷ِْن الصباح دة ولقدام ...
قلت ليه جايبني وين انت؟
ضحك قال لي معرسه زول خلا ساااااي انتِ تتوقعي نكون وين؟
قلت ليه م عارفه وين بس حماس الف، قال لي المهم هسي اطلع اجيب اللبن ونشرب شاينا ونشوف ورانا شنوو، قلت ليه ورانا شنووو؟ورانا شنو، ورانا شنوو
قال لي انا شخصيا بقى ً م وراي غيرك...
إقتباسهه:
في "" حدّثينا عنه"" قالت:
كان يقول دايٴماً: اللهم كلما استخارتك بشأني طميٴنها، أرِها الروٴي التي تعِدها مني خيراً و اشرح قلبها لي حتي تري خيري و يجلو الله شري فلا يوٴذيها ..
كنتُ أبتسم تنثني رموش عيوني خجلاً فلا تستر لمعتها و لا تستطيع إضاءة الشمس كشف كلمة آمين) التي أهمسها متوارية بظلّه.
كان كلما زارنا آمنت أنه منّا ..
كلما حدثته استجمعتني، ، و داويت كل ما انفطر من قلبي قبله، و كلّما حكي عنه أكملت قصتي.
يُرسل ما جري في يومه فأحس أنني عايشت أحداثه، و أُخبره أحاديث الصِحاب، آمالي القادِمة، و ماضي عُمري، كيف بدأ اليوم و كيف انتهي فأحسه قد:
((ولج الماضي، ، ، أضايٴه عالج شقاءه و حقق آتيه))..
ما سكنني منذه هم و لا عرِفت بقربه وجل ..
" منذه "
كل القصص صارت منذه هو المكان والزمان و التفاصيل العظيمة كلها و الأحداث تبدأ به.
أنا منذه و عمري أربع أعوام ثلاث لقاءات، آلاف الرسايٴل، و ملايين الأحاسيس العظيمة و الإستجابات ..
قلبي يحدثني بأنك متلفي 68
اللهم طميٴن كل راجية، و ارزق كل غافية علي حلم يقين التمام ..
Jasmeen Ali