الفصل الأربعون
بقيت اعاين يمين شمال في نايمين واعاين في السقف، قلت ليه مبالغه طبعاً حبيت شديد العاملنو في البتاع الشكل غرفه وم غرفه دة..
ضحك قال لي اسمها قطيهه
قلت ليه عارفهه على فكرة
ضحك و قال لي خلاص بدون زعل عارفه جعانه صح؟
قلت ليهو ايوة
قال لي ټمٱم اطلع اجيب اللبن وارجع نظبط موضوع الفطور طيب؟
قلت ليه ټمٱم،
نزل م̷ِْن السرير
قلت ليه بس حتجيب اللبن م̷ِْن وين؟
قال لي م̷ِْن الزريبه
نزلت وقلت ليه ټمٱم ماشه معاك ياخ
قال لي وين وين ي زوله مكانك
قلت ليهو لٱ ماشهه بس تخليني هنا براي كيف يعني؟ ..
قال لي لٱ قلنا اسوقك وين بطلي عوارة يقولو علينا شنووو الناس؟
بقيت اعاين ليه وانا ساكته
قال لي مالك؟
قلت ليه كيف يعني يقولو علينا شنووو؟
جا رجع قربني عليه وباسني في راسي وقال لي مرتي وتاج راسي واااي شي وم قصدي بس اصلاً المسافهه قريبهه لْۆ وقفتي في باب الشارع حتشوفيني وصلتها،
فضلت برضو واقفه وساكته
قال لي م مصدقه؟
طيب تعالي، مسكني م̷ِْن يدي وطلعنا م̷ِْن القطيه وي رهاااابه شكل الحوش برة، في عريشه فيها زي 4 عناقريب واظن مظبطنها جديد ضاربين القش المعمول بيها كم لون، وفيها لفلاف ماليها بالجمبات، والبيت كلو عبارة عن رمله بيضاء، وفي شجر مزروع بالجمبات، وبرميل مويه وجمبو ازيار ياااااخ شكلهم فنان والجو مغمم لمن ضباب،
قلت ليه سامر انت متأكد البيت دة م ساكنين فِيَه ناس؟
قال لي م هو عشان م ساكنين فِيَه ناس كدة مع حبه صيانه، وتوصيه م̷ِْن ناس بعرفهم انو يراقبو ويهتمو بيه الفترة الاخيرة دي بالذات وكدة، كنت مخليهو لزول شغال معي فترة هو ومرتو قاعدين فِيَه ماشاءالله م مقصرين زارعنو ومهتمين بيه، تعالى، دخلني مكان كدة مبني قطيه برضو، قال لي دة المطبخ، لف يديهو حوالي وقال لي او ممكن نقول مطبخك...
فيهو بس تربيزة فيها بوتجاز وانبوبه وكانون بالجمبه، وشويه حاجات بس وفيه عنقريبين وتربيزة
قلت ليه حبيتو ياخ ظريف،
في حله لونها اسود كدة شالها قال لي اجيب اللبن واجي، مش دايرة تشوفي المكان؟
هزيت ليهو راسي بمعنى ايوة
قال لي تعالى طيب..
فتح الباب، المكان النحن فِيَه عبارة عن مساحهه فاضيهه ومع المطر الدنيا كلها خضراء والبيوت بعيدهه مننا م شديد بس يعني مسافه
قلت ليه سامر نحن ساكنين برانا
قال لي لٱ بس هم اهل في بعض وانا غريب واشتريت الحته دي والجمبي دي كلها اراضي ناس غالباً بس م مسكونه، المهم عايني ديييك الزريبه الانا ماشيها ټمٱم؟
قلت ليه طيب يلا اسرع عشان المطر شكلو جاي
قال لي يلا ادخلي
قلت ليه لٱ بستناك هنا لما تجي
دخلني جوة وجر الباب وخلاهو متاكا وفتحه صغيرة قال لي م تطلعي راسك برة طيب؟
ضحكت قلت ليه طيب حاضر..
مشى وانا واقفه وبعاين ليه لغااايه م وصل قعد قريب نص سَآعه وزيادة ْْ رجولي لما نملت دخلت شلت مويه م̷ِْن البرميل ودخلت الحمام استحميت وغيرت وجيت اصلي حتى جا هو داخل..
قلت ليه م بدري
ضحك قال لي ناس البلد دي انتِ م بتعرفيهم ان م طلعو زيتك بالاسئله م بخلوك المهم ختي في حساباتك انو احتمال الحلة كلها تكون عندك هنا..
ضحكت وقلت ليه نحن م صلينا الصبح على فكرة، م نفسك تصلي؟
قال لي ادخل دة واجي،
دخلت القطيه علّى بال م افتش الاسدال بتاعي واطلعو واللبسو جا داخل لابس بس االشورت وخاتي الفنيله في راسو،
لما شوفتو اتخلعت جاي م̷ِْن الحمام كدة
فتح الشنطه بتاعتو لبس فنيله، قال لي المويه باردة شديد استحميت بيها كدة.؟
بقيت اعاين ليه وانا ساكته
قال لي كان تنتظريني اجي اركب الانبوبه دي وادفي ليك مويه
قلت ليه بصوت متردد لٱ م مشڱلهِ اصلاً متعودة م فرقت
قال لي طيب يلا نصلي، لبس
وجاب مصلايتين فرشهم هو قدام وانا ورا بدينا نصلي..
احساس اللحظه دي مميز شديد يعني لما يكون إمامك البتحبيهو وبالحلال وانتِ مع كل سجدة بتسمعي الهمس بتاعو وهو بدعي "اللهم بارك لي فيها، وبارك لٍهآ في، اللهم ڵڱ الحمد ولك الشكر على وفير نعمك علي"احساسك وانتِ بتسمعي الهمس دة مطمئن جدا...ً
خلصنا صلاة اول م اتلفت لقاني بعاين ليه، بكون نفسي اقول ليه كلام كتيييير بس اول م اعاين ليه في وشو لساني بتقل وبتلخبط وكلو بطير
قرب مِڼّي وباسني في راسي مسااااافهه وقال لي: لما قلت ليك محتاجك ترتبيني كنت بقول الكلام دة بالمعنى الحرفي ي شهد م اي كلام اتقال وخلاص..
قلت ليه حاضر انا هنا خليك واثق من الحته دي..
قال لي والحمدلله على نعمة انك هنا وبس ي شهد دي حاجه بحمد عليها ربنا صباح ومساء
قلت ليه طيب يلا عشان انا جعانهه ياخ
قال لي سمح تعالي خليني اربط الانبوبه عشان نخت الشاي،
اتقدم قدامي وانا قلعت الاسدال رقبتو ضيقه، لقيتو بقول لي استني استني، مسكني وطلعو لي، اخدته نفس مسافه وبقيت اصلح في ملابسي ضحك علي وطلع ولحقتو
ربط الانبوبه قال لي كبريت، كبريت مافي هنا خليني اجيبو م̷ِْن برة وبالمرة اجيب الحاجات م̷ِْن العربيه ..
مشى وجا راجع دخل حفاظه كبيرة واكياس،
تاني مشى وجا راجع جاب حفاظتين واحدة صغيرة وواحدة كبيرة
قلت ليه دة شنو دة كلو؟
قال لي م حقول ليك بس دي احتياطات ليك
قلت ليه لي انااا ليييه؟
قال لي خلينا نعمل الشاي، شلت منو الكبريت ولعت البوتجاز وختيت اللبن،
طلع لي كبابي، وكرتونه فيها كعك ومعمول وكرتونه باسطه
قلت ليه م قصرت جبت البلد كلها، هنا ماف يعني ولا شنوو
قال لي فعلاً ماف
قلت ليه بتهظر
قال لي حتى السوق عندهم يوم واحد في الاسبوع وحاجات بس للبقاء على قيد الحياة وكدة
ضحكت قلت ليه م جادي؟
قال لي عشان كدة قلت ليك الحاجات الجايبها دي تهمك لانو انا صحراوي و متعود على اي شي بس انتِ الا نطلع ليك المدينه يومي ونرجع لانو اكلهم ماااااا اظن يتجازف ليك
ضحكت قلت ليه ليييهه ياخ بتجازف بتجازف هههه
بقيت ارتب في في صينيه الشاي،
جهزتها وبقيت واقفه وحارسه اللبن فجأةز لقيتو وراي ولافي يديهو حوالي، شال قطعه معمول اكلني ليها،
اتلفت عليه و
قلت ليهو ايوة جعانه بس السكر حيقفل نفسي كدة
قال لي السكر بقفل النفس؟
قلت ليه اول مرة تعرف؟
قال لي لٱ بس سألت عشان انا عمري نفسي م اتقفلت منكك
اول صفهه اكتشفتها فيهو انو حناك شديد وبطريقهه مقنعهه كمان
ابتسمت باسني في خدي وقال لي الشاي شبه جهز، اتلفت عايزة اشيلو قال لي خليك، طفى البوتجاز وشال الحله طلع المصفى صفاه وقال لي يلا،
عايزة اشيل الصينيه قال لي خليها شالها وطلع، قلت ليه خلي نشرب هنا اصلاً الجو حلو ومغمم، قال لي طيب، احساس في برد وماف عشان الجو ظريف..
قعدنا في عناقريب الحوش شربنا الشاي وبنتونس بحكي لي كيف اشترى البيت دة وكدة لغايه م خلصنا م حسينا بالزمن الا لما الشمس طلعت والغمام خف، في قعدتنا دي سمع اصوات برة قال لي العربيه تقريباً خليتها فاتحه،
طلع مشى، وانا شلت الصينيه دخلتها المطبخ ورجعت القطيه بتاعتنا، شلت تلفوني فتحتو لقيت الشبكه طاشه وهو زاتو شحنو نازل، بقيت افتح واقفل في الشبكه،
جا داخل، قلت ليه شبكه خط واحد في التلفون ماف، ضحك قال لي هنا اصلا ماف شبكه ي شهد، قلت ليه وتلفوني شحنو شبه مخلص وقلت ماف كهرباء..
قرب علي وشال التلفون قال لي محتاجين ليه؟
بقيت اعاين ليه
قال لي في مولد صغير بس انا خاتيهو عند زول عشان م يتسرق بعدين بمشي اجيبو واجي،
خت التلفون على جنب وقال لي في الحالتين م محتاجين ليه، ، شخصياً السبب الكنت بمسك عشانو التلفون انتِ وهسي اكتفيت ف م عايزين زول يزعجنا ويشغلها لينا صح ولا م غلط؟
ضحكت
باسني وقال لي معناها م غلط
هنا خلاص اتوترت
قلت ليه سامر عايزة اقول ليك حاجه
قال لي اها؟
قلت ليه انا زمان..
بقى يعاين لي
قلت ليه لما اجي اعاتبك بكون بعاتبك عشان تكون معي بصورة افضل سواء في تعاملك او غيرو، م عشان تبعد مِڼّي و..
باسني وقال لي خلصتي؟
بقيت اعاين ليه
قال لي عمرك م توقفي عتابك لي لْۆ م لقيتيني بعاملك بالصورة العايزاها وحتى لْۆ لقيتيني بعاملك بالصورة الانتِ عايزاها م تكتفي بكدة اختلقي ليك اسباب عاتبيني بيها اتفقنا؟
بقى يعاين لي في عِيوني
هزيت ليهو راسي بمعنى ايوة وضحكت قلت ليهو يعني انكد عليك عيشتك
خت يدو في خدي قال لي عيشتي كانت نكد م̷ِْن قبلك ف حتى نكدك حيكون مختلف
اتحنكت مرة تانيه ببساطه
ضحك على شكلي وانا متوترة، قال لي مالك انتِ بتخافي مِڼّي ي شهد جدجد كدة جاوبيني خايفهه مِڼّي؟
قلت ليه ليييه انت بتقول لي خايفه مني؟وهوو بعاين لي لسسه، قلت ليه بصوت خافض زمان م كنت بخاف مڼڱ هخاف مڼڱ هسي؟ بالعكس انا مما عرفتك وانا دايماً بكون مطمئنه وانا معاك، اصلاً حبيتك عشان كدة الاحساس دة كان كفيل يخليني احبك...
ضماني عليه ورجع خطوتين لورا قفل الباب الدنيا كلها بقت ضلمه وحدس ما حدس بعدها ...
احساس انو تفتحي عيونك وتلقي جمبك البتحبيه نايم وضاميك عليه، وتسرحي وتمرحي في تفاصيلو الهاديهه برواقه وجاياك رغبه في انو تصحيه وتقولي ليه قدر شنو انتِ بتحبيه وانو اللحظه دي كانت ٱڅڑ توقعاتك الممكن تحصل في يوم وتكتفي بي إنو ترجعي مكان م كان ضاميك علشان م حتقدري تقولي كل دة بس كفايه عليك احساسك وانتِ في المكان دة ...
نزلت استحميت صليت الضهر والعصر الاتنين مع بعض وهو لسسه كان نايم، دخلت المطبخ حاولت اشوف الحاجات المتوفرة علشان اعملها،
كان جايب لي اندومي كرتونه، وفي بيض
فتحت الحفاظه لقيتها ملانه تلج وفيها جبنه، زيتون، سامبوسه جاهزة حتى ورقها ساح، وفراخ، وزبادي، ، وفي وجبات جاهزة بس
وجايب خضار برضو بطاطس واسود و..الخ
فتشت م لقيت طوة بس صحن استيل ختيتو في النيل وجبت الزيت، قطعت البطاطس صوابع وحمرتو، وعملت بيض، وحمرت السامبوسه، في صدور فراخ عملتها شوربه ونشلتها عملت ليها المطلوب وحمرتها،
على بال م هو يصحى جهزت الغداء،
جا داخل المطبخ، قال لي صحيتي متين؟
قلت ليه المغرب قرب يأذن حتى المفروض تسأل نفسك نايم لمتين
قرب مِڼّي وقال لي حناكل اي حاجه م كان في داعي تتعبي نفسك كل دة، دخل يدو في البطاطس ضربتو في يدو قلت ليه امشي صلي اول
ضحك قال لي كان تصحيني لما لقيتي الضهر والعصر عدى
قلت ليه هسي الحقهم على بال م اجهز
ضماني م̷ِْن ورا وباسني في رقبتي وقال لي والله مرتي شاطرة وفنانه عديل في المطبخ
اتلفت عليه قربني عليه اكتر قلت ليه كنت فاكر شنووو هااا فاكر شنووو؟
باسني وقال لي كنت فاكرك شاطرة وفنانهه وقد كان...
ضحكت، قال لي بس طوالي جاريه تردحي وتطولي لسانك
قلت ليه انا م رداحهه لَگِنْ
قال لي بس لسانك طويل، عاين لي م̷ِْن فوق لتحت وقال لي اطول مڼڱ، صح ربنا بياخد حاجه وبديك حاجه تانيه خالص
بقيت اعاين ليهو بغيظ
قال لي حأصلي ↙
قلت ليه امشي ي طويل
اثناء م بنتغدأ كدة جاتو مكالمه، شال التلفون وطلع، اتأخر طلعت اشوفو لقيت 3 صواني اكل في السراير البرة، جا وهو بضحك وبحك في راسو قال لي ناس الحله اها مش قلتي بتجازف
عاينت للأكل كان كتير لمن مسيخ
جا مسكني وقال لي حناكل اكل يدك طبعاً بدون خلاف..
قلت ليه ودة؟
قال لي حنحاول نتصرف فِيَه
بيقولو ااااي علاقه بين اتنين قبل الزواج بالزول الانت بتحبو دة وقبل م تكون معاه في بيت واحد البتعرفو عنو انت بالعموم مهما حسيت نفسك فاهمو وحافظو بصمة ما هو الا 10%بس م̷ِْن شخصيتو، م حتعرف هو شنو بالضبط مالم يجمعكم بيت واحد وغرفه واحدة وعشتو تفاصيل كتيرة مع بعض، وفعلاً انا شفت الحاجه دي في سامر، شفت مزاجو المتقلب، شفت لٱ مبالاتو، شفت برودو، شفت تصرفاتو الما مدروسه، وهسي وهو معي م شايفه غير حنيتو، وطيبتو، واهتمامو بتفاصيلي، عارف وفاهم كل شي عني م̷ِْن غير م اقول، موفر لي جو راحتي معاه م بقدر اقول غير على الاقل ي بختي ب ال 70%م̷ِْن شخصيه سامر العرفتها بعد العرس،
كان المفروض نرجع بعد اول 3 يوم بس انا رفضت نسبه لي انو الدنيا خريف والجو خرافي عندهم ومغري للقعدة فِيَه، معارفو كتار لمن غلط، ضبحو لينا كم مرة وعزمونا في كم بيت هناك، وفرض عين نمشي كمان هو بطلع احيانا، بقوً يجوني بنات الحله، حقيقةً اتصدمت في المكان واهلو، شفع صغار عمر 14، و 15 متزوجات ووالدات، اكبر واحدة عمرها 16 سنه، صغار عمر، صغار ملامح، صغار في احجامهم،
واحدة اسمها حمرة، بتجيني يومي بتتونس معي لما تلقى عربيه سامر ماف، وشبه بقت صحبتي واحياناً بتسوقني الجيران وتقول ليهم دي مرت سامر طبعاً كلهم بتلمو وانا بكون ساكته بعاين ليهم وهم بعاينو لي، كلهم سمحات ماشاءالله لونهم اسمر كدة ومشلخات في وشوشهم وشفايفهم برضو لونها اسود حتى الصغيرات كدة، كلهم تساريح شعرهم واحدة مساير م̷ِْن قدام وورا بمشطوه عادي، وبيوتهم عبارة عن حوش قش جواه بيت مبني بحصير مغطى بي مشمع وقطع، البيت بكون كبير ساكنين فِيَه الابو واولادو المتزوجين كلهم، سامر قال لي عارفه الناس دي هسي مش دة شكل بيوتها؟
اقل واحد بتلقي عندو 13 مليار في بيتو،
عندهم سعيه جد، وعندهم الزراعه، والبقر وبيع اللبن وغيرو، يعني اصلاً قروشهم دي م بصرفوها بياكلو من زراعتهم.دي وحالهم دة،
قلت ليه جد م ظاهر فيهم، وبعدين اولادهم صغار معرسين ليهم
قال لي البحصل 17، 18 سنه دة م صغير طوالي بعقلو ليه بت عمو، قلت ليه مبالغه البنات شفع قال لي اي اي، بناتهم م بدوهم زول م̷ِْن برة الا اذا عجبهم، كم مرة قالو لي نديك ابيت
قلت ليه ليه ابيت م ياهم سماحه الدنيا عليهم وصغار ..
عاين لي مسااافه وقال لي م قصه سماحه، ولا عمر ي شهد، انا داير اعرس لي مرة تبقى لي شريكه في اي شي، م داير لي غنمايه اقول ليها يمين تمشي يمين اقول ليها شمال تمشي شمال، البعرس المرة عشان يمشيها بكيفو دة زول عندو نقص في شخصيتو ف بكملْۆ بيها، الا كان على السماحه ي شهد والعمر كان عرستهم 4، بس مرة عقلها فاضي اوديها وين؟
قلت ليه عيب تشبهم بالغنم هم مساكين بس اهلهم جهلاء
قال لي جهل لابعد الحدود ي شهد صدقيني والمرة دي عندهم زي الارض دي كبار على صغار كدة، ناس رغم انهم طيبين وعشرتهم سمحه لَگِنْ برضو جهلاء شديد
، يوم حمرة دي جاتني الصباح بدري وسامر طلع اليَوُمًًِ داك، يدها كانت وارمة ولافاها بقطعه
قلت ليها سلامتك مالك؟
قالت لي الراجل امبارح قام علينا انا وضرتي وادانا الفيها النصيب شان مشينا لواحدة والدة واتأخرنا،
قلت لبها ي ساتر طيب يدك وارمة كدة يمكن كسر؟
قالت لي عادي هَ اآ كسر شنو بكرة بتبقى كويسه،
قلت ليها دقيقه، مشيت عملت ليها مويه دافيه بملح جيت عملتها ليها ولفيتها
صغيرة هي عمرها 15، 16 سنه معرسين ليهَ اآ راجل كبير ومتزوج، وسمحهه سماح ماشاءالله
قلت ليها وهسي طلعتي كيف؟
قالت لي مشى الخلا فوق، قلت اجي اشوفك واقعد معاك قبل يجي، وجبت ليك معي الدلكه دي عشان اعملها ليك في جسمك
قلت ليها طيب دقايق استحمى واصلي واجي عليك
استحميت طلعت برجف مشيت صليت وجيت راجعه،
قالت لي مستحميه ومغسله شعرك ليشنوو في البرد دة كان تصلي ساااي قلت ليها هههههههه م ينفع اصلي ساي
قالت لي لييي شنو؟
قلت ليها علشان م ينفع، انتِ م بتقومي تغسلي شعرك حتى تصلي؟
قالت لي بري حرمان م حصل
قلت ليها كيف يعني؟
طيب في حاجه اسمها غسل م سمعتي بيها؟
قالت لي ودي شنو يااا دي؟
بقيت اعاين ليها بإستغراب، قلت ليها ي حمرة، اي مرة متزوجه في حال حصل بينها وبين راجلها شي او جاتها العادة الشهريه بتغتسل علشان تصلي على طهارة، دي حاجه م حصل ناس البيت قالوها ليك
قالت لي بري وحاتك شي م فاهماهو م̷ِْن البتقولي دة،
قلت ليها ولا واحدة م̷ِْن المتزوجات معاك شفتيهم بعملو كدة؟
هزت لي راسها وقالت لي حمواتي كلهن معي في البيت ونسوان اخواني م بنعرف شغلتك دي اشهد، غمضته عيوني مساافه وقلت دة اسمو غسل الجنابه ټمٱم؟
يعني...الخ
بقيت اشرح ليها،
اليَوُمًًِ التاني جابت لي كم واحدة قالت لي شهد كدة قولي لي الكلام القلتي لي امبارح، هَ اآ اسمعن عشان تاني م تكضبني ..
حقيقي في السودان دة في ناس بعيدين كل البعد عن كل حاجه نسبه الجهل في المنطقه دي 100% بالمعنى الحرفي
لما جا سامر قال لي ارح اللبسي طالعين،
ساقني وداني الحفيرة، ولف بي الحواشات
قلت ليهو دة مكان شغلك؟ قال لي ابداً المكان دة بالنسبه للخلا بتاع شغلي مدينه.
كنا حايمين برجولنا والجو كان جات مطرة ووقفت
قلت ليه طيب ارح نمشي،
قال لي وين ي زوله داك م بتمشي ولا بتقعد خلينا هنا احسن
عندهم بحر كدة مشيناه، ودخلني الجناين
كل يوم كان بسوقني مكان العصر حرفياً شهر العسل لْۆ كان ركبت ليه طايرة كنت هزعل لانو م حيكون مميز كدة ببساطتو دي فعلاً الشريك هو البفرق، يمكن لْۆ كان حصل معي كدة مع زول غير سامر كان الموضوع بالنسبه لي فرق
سامر في كل مكان كان شغال لي فوتغرافر، صورني في الحمار، وصورني وانا راكبه الكارو، صورني في البحر، وصورني فوق الشجر حق الجنينه كل الصور بتوب وشبشب البيت وانا م قصرت عملت ليه جلسه تصوير وهو راعي شايل عكازو مع الغنم ولابس العلى •اللّہ̣̥
ٱڅڑ يوم لينا جا لقاني برتب في الشنطه، مسكني ورمى الملابس،
قلت ليه مالك؟
قال لي طالعين ارح سرعه
قلت ليه وين؟
قال لي بس اجهزي،
وانا بجهز لقيتو لابس طقم الكورة الجبتو ليهو داك
بقيت اعاين ليه..
قال لي لآزٍمٍ نختمها بي مباراة تشاهديها انتِ مش وعدتك بكدة؟
ضحكت قلت ليه كذاب والله؟
باسني ولبسني الكاب قال لي يلا تعالي ارح
طلعت، ميدان الكورة جمب البيت ومتلمين كتار، الحله كلها اظن نسوان ورجال وشفع،
لما نحن جينا بقو يعاينو لينا لاني كنت ماسكاه وهو شايل الكورة،
بدو يلعبو حرفياً كانت متعهه اولادهم م بعرفو يلعبو بس سامر وفريقو لعابين
صورتو فيديو وصورتو صور كتيرة
لما رجعنا البيت اول م قفل الباب مسكتو ولفيت يدي حوالين رقبتو قلت ليه بحبك،
قال لي ڼعمْ؟ً
قلت ليه بحبك شديد ي كابتن
ضحك وقال لي وانا بحبك عارفه كدة انتِ صح؟
قلت ليه طيب م نرجع ياخ نقعد حبتين شويه هنا يومين ان شاءالله
ضحك قال لي لٱ لآزٍمٍ نرجع عندنا موضوع مهم لآزٍمٍ نلحقو
قلت ليهو موضوع؟ موضوع شنووو؟ قول عندك م عندنا
قال لي لٱ عندنا
بالفعل اتحركنا بالليل جو ناس الحله ودعونا وادوني حاجات بلديه كتيرة،
قلت ليهو جد م كان نفسي نرجع ياخ بالجد الحته حلوة يعني تنسيك الدنيا بغض النظر عن الظروف الفيها
قال لي عيوني حنجي راجعين تاني، لما يكون عِن.̷̷̸̷̐ديّ موسم حصاد اجيبكم معي انتِ وزين، نخلص ونرجع
قلت ليه طيب حلوو كدة
وصلنا الخرطوم نص الليل ومشى على طول بيتو م البيت المشيناه اول مرة داك
قلت ليه دة البيت الكان قاعد فيهو اخوك صح؟
قال لي كان ايوة، نزل فتح الباب ودخل العربيه، دخلنا البيت فتح الابواب دخلنا،
قال لي يلا تعالي، مسكني م̷ِْن يدي البيت كان مظبط ومفروش جاهز، دخلنا غرفه كدة قال لي دة كدة بيتنا طلع جاب مويه وجا، رقدنا نمنا، الصباح حوالي الساعه 10 كدة صحيت لقيتو هو زاتو صاحي، قلت ليه حبيبي صباح الخير، قال لي صباح النور، خت يدو في خدي وقال لي ي دوب كدة بقى بتسمى صباح بيت وانتِ وروقهه وبشارات سمحهه تشبهك
قلت ليه •اللّہ̣̥ يبشرك بالجنه
نزل دخل الحمام شويه كدة ناداني قال لي شهد الضلفه الفي النص فيها بشكير ناوليني ليه
قلت ليه حاضر
نزلت ومشيت فتحت الضلفه الفي نص مديت يدي وفجأة وقفت واتسمرت في محلي، بعد مسااافه لقيتو وراي وبلف يديهو حواليني
قلت ليه دة شنوووو؟
قال لي م عندنا بنات يتحرمو م̷ِْن حاجه نفسهم فيها
في الرف كان في مجسم بتاع تصميم بيت معمول رهيييييب
قال لي مش انا قلت ليك محتاجك ترتبيني؟ وبيتنا برضو محتاجك ترتبيهو بس بعد السنه الاولى ليك ك طالبه تصميم داخلي طبعاً
اتلغت عليه قلت ليه ڼعمْ؟ڼعمًًْ ؟ڼعمْ؟ً
رفع لي التلفون وقال لي دي منحهه في جامعه ... ماف زولهه بتستحقها غير مرتي، جات كدة اتوكلنا قدمنا ليهَ اآ وبقت م̷ِْن نصيبنا نرفض؟ لأ طبعا، ً
قلت ليه دراسه؟ اقرا تاني؟
قال لي مجال كان نفسك تقريه وبشبهك زاتو سمح زيك كدة ليييهه م تقريه؟
قلت ليه سامر انت عايز تجنني؟
قال لي اي عروس راجلها بقدم ليها هديه في عرسها، ودي هديتي، جات متأخرة بس نتيجه المنحه اتأخرت في الطلوع، وبالنسبه للقرايه حتقري يعني حتقري ماف نقاش لانو بيتنا مستنيك،
قلت ليه ياخ، ، عايزة ابكي ضماني عليه وقال لي اهتماماتك اولوياتي مش قلتِ لي جرب عيش لنفسك مرة واحدة؟ انا حالياً بحرب اعيش لنفسي...
زمان كنت بتمنَّى لما يجي اليوم الأقولْ فيه إني وافقت على شخْص مَا .. وموافقه يكُون شريك ورفيقْ وخطيب وحبيبْ وزَوج أكون فعلاً لقيت الشخص البيستحق كدَا ..
- أكون لقيت الشخص الما اخجل لو يوم شافني بشكلي المرهَق والتعبان وسامر ياما شافني بكل حالاتي
- الما بيقللي مني في وجودي أو غيابي أو بينُه وبين نفسُه حتى
- المابيهمل حق ربنا وعارفُه وحافظُه.
- شخص يكون كفيل انو يتحمل مسئوليتِي طول العمر.
- الشخص البعتبر أهلي أهلُه.
- شخصْ يرفع من قيمتي وطموحي وم يقلل أبداً من أي جهد بسيط أكون بعملُه.
-شخص يعوضنِي عن كل حاجه حصلت في عمري سواء عارفهَا أو م عارفها
- شخصْ م يجيي يوم أندم إني اخترتُو
شخصْ يخليني مهما أقابل أجمل وأحسن م اتهز ويكون على بالي العمر كله.
شخص يكون مسؤول من نفسُه وراجل وكلمته سيف، وم مستنّي زول يمشي ليهو أمورو
شخص يكون شايفني جميلة حتى لو أنا م جميلَة.
-شخص م بيستخسر فيني شي، كل حاجه قادر يعملها ليا.
والحمدلله إن ربنَا منّ على قلبي .. ورزقني بالشخص دا وأفضل من مما كنت أتمنى، الحمدلله انو كل الحاجات دي لقيتها في سامر، هو م خلاني احبو بس، إمرأة العزيز م حبت سيدنا يوسف الحب العادي دة، لأ حتى في وصف حبها قالو "لقد شغفها حبا"وديً اقصى مراحل الحب، وانا احساسي لسامر موازي تماماً للمرحله دي م̷ِْن الحب ...
وعلى صعيد الفصلان الشاهين دة لْۆ كان بين الف راجل في الدنيا فايتنو مسااافه في الافضليه كنت هختارو برضو ي جماعهه...
❖
شهد قدرت تخلي نفسها في كفه تانيه خالص عن كل الباقين، وحقيقةً ربنا بيعوض، بيجبر، بهون، م بتعرف كيف بتجي الحاجات دي بس انا جاتني في هيأة شهد...
حبيبي
ايوة
عاين اكوي ليك اي قميص، وحتوديني متين مشتاقه لأهلي انا
قلت ليها بكرة ان شاءالله
قالت لي طيب اكوي ليك اي قميص؟
قلت ليها البتختاريه انتِ،
اليَوُمًًِ التاني مشينا اهلها، وكان مفروض نمشي ناس خالتي بس الزمن اتأخر رجعنا البيت،
مشيت شربت مويه وجيت راجع غرفتنا لقيتها قاعدة في السرير وماسكه تلفونها و فوق الدرج بتاعي بوكس متوسط،
رفعتو وانا بفتح فِيَه قامت وجات علي وقفت في راسي فوق السرير،
بعد م فتحتو قالت لي م براك بتكون طويل هسي انا كدة اطول مڼڱ وم براك بتعرف تهدي كمان
جايبه لي مصحف، ومصلايه صغيرة، ومسبحه إلكترونيه وعطر...
ضحكت وهي كانت بتصور قلت ليها ياااخي، شلتها نزلتها، لفت يديها حوالين رقبتي وقالت لي مش قلت بتحس انو.احياناً انك بعيد م̷ِْن ربنا المصحف دة.خليه معاك في العربيه والمسبحه خليها تلازم صباعك وحتستغفر وتذكر ربنا كتير، والمصلايه دي خفيفه بتقدر تلفها وتنزل بيها في اي مكان سمعت فِيَه الاذان تتوضأ وتصلي صلاتك وم تخلي الوقت يفوتك، والعطر عشان كل م عينك تزوغ يذكرك انو نحن هنا
ضحكت وقلت ليها م اعتقد في اعظم م̷ِْن كدة هديه، وبعدين العين م بتزوغ إن م زاغ القلب، وانا قلبي دة مليان وعمران بيك انتِ بس ي بت الناس...
❖
ونحن بنحضر في التلفزيون او هو بحضر في التلفزيون وانا راقدة في رجولو وبفتح ليه في مواضيع مرة بسفهني ومرة برد علي، فجأة جاتو مكالمة، عاين للتلفون كم مرة وختاه على جنب، قلت ليه مالك؟
قال لي مافي شي، بس هو تعمدو م كان طبيعي..
اتوقعتها ندى، قلت ليه رد يمكن الزول دايرك موضوع
قال لي ماف شي ي شهد
❖
ياسمين كانت بتتصل، وانا نسبه لي إنو هي الفترة م̷ِْن العرس كانت بتتصل وبترسل رسايل كنت متجنبها، وم داير اخلي شهد تنتبه للنقطه دي،
ٱڅڑ مكالمة كانت م̷ِْن رقم يسرا،
اتصلت 3 مرات افتكرتها حركه م̷ِْن ياسمين، المرة الرابعه رديت
اول م فتحت الخط الصوت كان: ي سامر اللحقنا، امي ماتت ي سامر ماتت امي...