الفصل الرابع والأربعون
م شفتها فرحت كيف ي سامر، بتتكلم معي بإحساس انها م مصدقه انها لقت شغل وحتمتحن الايلتس في نفس الوقت ياخي بكتني
•اللّہ̣̥ يديمها عليها مسكينهه تستاهل ربنا يجبرها ان شاءالله زي م جبر خاطري بيكك ي المبروكه ي شهد
سامر اعترف ليك بحاجه؟
قولي لي
انا كنت شايفهه نفسي كتيرة على الدنيا دي كلها لغايه م جيت انت بعدها م عارفه الحصل شنوو
الحصل إنو ماف شي اغلى مڼڱ وماف شي بوزنك وي بختي وهناي بيك، مفروض ننوم عشان بكره مواعيدنا مع احمد الساعه 10
بقيت ساكته وبعاين ليه..
قال لي في شنو؟م غيرتي رايك صح؟
قلت ليهو ابوي برضو قال لي مفروض اعمل زي م انت قلت كدة ورأيو م̷ِْن رايك بس..
م مرتاحه؟
سامر هو م كان زول كعب شديد صح؟ عِن.̷̷̸̷̐ديّ كم يوم بفكر في كدة بالذات بعد الحاجات الكلفني بيها دي يعني م عارفه اقول شنو بالضبط بس حد تفاصيل تعاملي معاهو هو عاملني بطريقه كويسه حتى في موال قضيتك لما عرف اني انا اخدته رقمو علشان اتكلم معاهو بخصوصها وكدة اتصل علي لما م اتصلت قلت ليه كلام م حلو وقتها
زي م قلت ليك انو عدوانيتك تجاهو مبررة لحد ما بس م بالحجم الانتِ اتعاملتي معاه بيه
م̷ِْن كم يوم قلبي واجعني ي سامر وبفكر في امي الميته م̷ِْن ناحيه، وفيهو هو م̷ِْن ناحيه م عارفه بفكر في شنو بس كدة هم في بالي
تعالي، ضماني عليه وقال لي دي كلها حاجات التفكير فيها م بفيد في شي، وبعدين م فكرتي فيها؟
الزول دة عايزك تكوني الولد الصالح والبار البيدعي ليهم ويتصدق بأسماءهم، حكمة •اللّہ̣̥ شوفيها بتجي كيف ي شهد، يعني ربنا سبحانه وتعالى م كتب يجمعكم في الدنيا بس سبب الاسباب البتخليك تكوني بارهه بوالديك حتى ولو بطريقه غير مباشرة، عارفه ي شهد اوقات كتيرة بحس بضيق الدنيا دي وانا براي يعني لٱ ام اللجأ ليها ولا حتى ابو شفتو بعيني في يوم بس كل م احس بالاحساس دة بعمل شنو؟
بتصدق ي شهد، كل م احس بفراغهم بتصدق لزول، كل م يمرو على مخيلتي بشوف لي زول محتاج افك كربتو، احياناً بشتري مصاحف بوزعها في الجوامع، واحياناً بشوف اذا في جامع ناقصو شي واعملو والاحساس دة في الاغلب ملازمني بشكل يومي بس اول م اعمل كدة ي شهد بحس نفسي شبه مرتاح او احساس الضيق ببقى اقل لأني عارف انو الحاجه دي ممكن تخفف عليهم وعلي كتير،
امي ي شهد لْۆ كانت عايشه حياتي يمكن شكلها هسي حيكون مختلف، كل م اتضايق بدل م اختفي كنت حأرقد في رجولها، وم حتجتهد عشان تعرف مالي انا امي لْۆ رمشته غلط ساي بتعرف اني م طبيعي..
العيد البعدي علي مسيخ لْۆ هي عايشه حأفرح بتوب وجلابيه العيد الحأجيبهم ليها وجوطه البيت البتكونو فيها ايام العيد ديك حأكون معاها فيها، اوقات كتيرة بتخيل لْۆ هي عايشه والدنيا عيد وصوتها مالي البيت، ي سامر هاك جيب لي دة، وجيب لي دة، ي سامر ارفع لي دة وخت لي دة، ي سامر عَلَّق لي الستاير، ي سامر ساعدني في الخبيز دة، ي سامر، ي سامر، ي سامر، وصباحيه العيد تصحيني م̷ِْن صباح الرحمن وتمرق لي الجلابيه وهي بتكورك قوم نلحق الصلاة، الجلابيه م مكويه كويس و... الخ، المشهد المحروم منو دة بعيشو في مخيلتي كل عيد بشكل كامل وبنبرتها على مر السنواو دي الحاجه الوحيدة البتخليني استقبل العيد بنفسيات احسن لاني بكون عشت الحاجه دي في مخيلتي حتى لْۆ وهم وخيال كونو بخليني اكتسب شعور احسن دي حاجه كفيله اني م امل منو ابدا، ً امي كانت هميمة ي شهد، هميمة شديد كانت بالذات في اي شي بتعلق بي، يمكن عشان وحيدها، عشان كدة لما ابوك وكلك بي إنو تكوني المسؤل عن الحاجات دي كلها انا م لقيت تعليق على التصرف دة غير انو عايزك تضمني الجنه ي شهد...
حبيبي خلاص، انا اسفهه على كل السؤ الانت بتحسو دهه
السؤ دة كلو جيتي انتِ وبقيتي ليهو جبر على صدقهه يمكن طلعت مِڼّي في يوم..
❖
في مقر المنظمة الساعه 10:
شهد قبل م نحن نقول اي حاجه انا عايز اسمعك انتِ، شايفه المفروض يتعمل شنو..
م تعايني لي وم تعايني لسامر نحن هنا اعتبرينا غرباء عندك عندهم حق بس واتعاملي معانا على الأساس دة
دة انا احمد ودة سامر، طيب؟
يلا قولي..
طيب انا شايفه انو في البدايه نحفر البير، ونكفل الايتام مبدئياً
طيب حلو كلام ممتاز، سامر انت ادرى بالمناطق الفيها شُح في المويه في القرى البعيدة البتمشيها ديك، شوف لينا اي منطقه الهي حوجتها اكتر للبير ..
فريد دراسه كفاله الايتام حتكون عليك، اعمل تقرير وشوف الاسر النحن ممكن نكفلها، حنحدد يوم ونمشي فيهو.مع شهد ..
الجوانب دي ممكن نعتبر موضوعها منتهي ي شهد، حنعمل دراسه وحنشوف تكلفه البير كم، وحنشوف الأيتام تكاليف كفالتها بشكل شهري حيكون كم حسب حوجه الفئات العمريه
طيب نركز في الجانب الإستثماري، الباقي ي شهد، طبعاً حسب گلآمَگ الخال رحمه •اللّہ̣̥ عليه اقصى حاجه عايزك تتبني دار مسنين، ودي حاجه م سهله محتاجه شغل شغل يعني انتِ فاهماني؟
ايوة فاهماك،
الإستثمار انا شايفه انو نأجر قطع زراعيه، او نشتري قطع زراعيه وازرعها العائد بتاع المحصول ان شاءالله لْۆ ربنا سهل ندخلها في حاجه يعني مثلاً المظلات في الشوارع العامه، ونتكفل كل سنه نتبرع بعدد م̷ِْن الكتب لمدارس المناطق النائيه وهكذا
ضحك قال لي لْۆ م قلتي نستثمرها زراعهه يعرفوك كيف مرت الشاهين
سامر قال ليهو انا م عِن.̷̷̸̷̐ديّ دخل والله دي افكارها هي
قال ليهو لَگِنْ افكار عمليه واستثماريه ممتازة هديت فيها ي زول، مرتك مشروع بزنس وومن ياخ
طيب ي شهد عموماً هي فكرة انو نشتري الارض صعبه لانو حتكون غاليه والزراعه زاتها ميزانيه، نحن ممكن نأجر وم حنمشي بعيد حنأجر م̷ِْن سامر نفسو عندو قطع كتيرة فاضيه وم مزروعه واتمنى انك م تعترض عشان حتسهل علينا جشع المزارعين ومُلاك الاراضي وانت عارف دي بدايه، حنأجر مڼڱ انت قطعه ومن الحاج قطعه، حنعمل دراسه جدوى مع مدير المالي وحنشوف البحصل شنو ونقعد تاني ي شهد..
ان شاءالله، عايزة اسألك ي احمد جمانه صحبتي اليَوُمًًِ مفروض عندها انترڤيو جات؟
ايوة جات..
بقى ساكت
قلت ليهو واتقبلت؟
قال لي مبدئياً ايوة لانو نحن م̷ِْن ناحيه اللغه الانجليزيه اللجنه لقتها ممتازة بالاضافه لي انها استوفت الشروط م̷ِْن حيث الشكل والحضور وكدة ف هي ان شاءالله تكون اضافه حقيقيه للمنظمة...
بس ي شهد طالب مڼڱ حاجه، تعملي حساب في البنك
عشان..؟
عشان القروش دي تكون تٌَحَتْ تصرفك وتشرفي على كل جنيه طالع تعرفي هو طالع كيف وماشي وين
بس..
ي زوله، دة المحامي قدامك استاذ لغمان اشرح ليها رجاءً عشان نحن الحمل التقيل
بعد المحامي خلص كلامو احمد قال لي ي شهد م تشيلي هم نحن معاك م تنسي هو خالي كمان م بخليك براك اكيد واي شي اي نقص اي غلط بنتحملو مع بغض
طلعنا م̷ِْن المنظمة احاسيسي ملخبطه بس مرتاحهه..
بعد اتحركنا بقيت ساكته وسارحه بعيد، فجأة حسيت بسامر ماسك يدي، قال لي ان شاءالله سرحانه في اسامي اولادنا...
بقيت اعاين ليهه
قال لي ولا شايله هم مواد الجامعه ي جرسهه..
ضحكت
قال لي اسرحي بس م تشيلي هم
قلت ليهو حاضر...
فجأة تلفونو ضرب،
فتح الخط وقال اي ي خالتي، ټمٱم الحمدلله، لٱ خلصنا وراجعين حتى،
طيب هاك، شهد دي خالتي،
الوو ي خالتو..
فجأة جاني صوت بقول انتِ ي سجم حايمة وين م̷ِْن الصباح م ممكن نجيك ضيوف وجعانين وتشغلونا في المطبخ
ضحكت قلت ليها فجر
قالت لي اللحقيني خالتو نور موقفانا في المطبخ برجل واحدة،
قلت ليها طيب طيب قريبين عليكم
قلت ليهو دي فجر في البيت وخالتو نور شغلتهم في المطبخ
ضحك..
شكلو وهو بضحك وماسك يدي ومركز في السواقه كفيل بي إنو يخليني م اسرح في غيرو ابداً
وصلنا البيت، لقينا جمانه بتكورك وبتقول: انا اصلاً غلطانه بجي بدون مواعيد وبدون م ادي خبر قال عامله ليكم مفاجأة فاجأتوني انتو، لْۆ.جيت وكلمتكم حتعملو حسابي اكيد
خالتو نور قالت ليهارمنو القال ليك؟ والله تجي تعملي حاجاتك براك حتى لْۆ اتكلمتي
وقفت قلت ليهم احم
اول م شافت سامر جرت دخلت المطبخ
خالتو نور وجمانه بضحكو وسامر برضو
جريت على جمانه وحضنتها، قالت ليّۓ ي زفته وين انتِ بتصل عليك م̷ِْن الصباح م بتردي قبلوني ي شهد قبلوني، قلت ليها ياخي مبروك مبروك جداً ان شاءالله فاتحه خير عليك ي رب
اتفكت مِڼّي وسلمت على سامر وقالت ليهو بالجد كلمه شكرا..ً
سامر قال ليها بتنا ماف شكر بين الاخوان، ابشري في اي وقت ربنا بوفقك
قالت ليهو ان شاءالله،
اتحرك دخل غرفتنا وجات فجر طالعه شايله العصير قالت عمرها م حصلت الضيف هو البضيف سيد البيت، قلت ليها مشتاقين اولاً
قعدنا نتكلم وناخد وندي مع بعض، فجر قالت لي شوفي يختي الجياشي الشغلو كلو ضرب وقتل وسلاح جايب لي جمانه علبه طبيه، فيها شي مرهم جروح وشي شاش وشي معقم وشي شنو وكاتم ليها "كل ندبهه ستزهر يوماً ما "
شوفتي العمق
قلت ليها الجياشي دة ان شاءالله صخر؟
جمانه قالت لي ايوة
بقيت اعاين ليها قلت ليها احكي لي كدة الحاصل، م̷ِْن وراي ي جمانهه
ضحكت قالت لي ي بت ماف شي، بس نحن اصحاب وعلاقتنا واضحه زي م انتِ عارفاها بس هو كدة لطيف شديد بجد واخو اخوان زول واجب وكدة
فجر قالت ليها النغمه دي سمعتها قبل كدة م̷ِْن شهد يعسل وفي النهايه عرستو
ضحكت وخالتو نور ضحكت قالت ليها سمح وانتِ؟
قالت ليها مسفوهه ي خالتو للأسف
جمانه قالت ليها لٱ والله علاقتي مع صخر ما فيها شي م̷ِْن دة،
بس هو ظريف، بهتم لأمري، وبقيف معي وكدة لْۆ شي غير كدة بكون واضح بس عموماً بحب الطريقه البعاملني بيها دي ف ما عارفه، يعني امس قلت ليهو انا متوترة وانا خايفه م̷ِْن الانترفيو وكدة، م̷ِْن صباح الرحمن اتصل علي قال لي م تطلعي جاي عليك اوصلك وعازمك شاي قبل المقابله، وداني النيل مكان هادي شربنا شاي الصباح ومشى معي المقابله وكان بهدي فيني وانتظرني لغايه م طلعت ورجعني ...
فجر قالت ليها اها دة شنو ي بتي؟حب ياخ
خالتو نور قالت ليها اسمعيها مِڼّي راجل م واضح معاك وبعمل ليك امور يخليك تخلي الباب متاكا والموال دة اوعى تخلي مشاعرك تكبر جواك تجاهو، اهم شي في اي شنب او دقن حايم الوضوح، م واضح يبقى طوالي تغضي نظر لْۆ نزل نجوم السماء وبنا ليك ناطحه سحاب زاتو علشان م تتعبي نفسك وتهلكيها في الفاضي ساي بالتفكير، اكعب شي تكوني معلقه نفسك م بين بحبني وم بحبني وتبني اوهام في نفسك بالمواقف بينكم، مهما كترت المواقف الوضوح والصراحه هي الفيصل غير كدة هو زول عادي بالنسبه لقلبك لغايه م يثبت العكس في ناس بطبيعه حالهم هم رجال هم لطيفين هم محترمين، بس نحن لضعف عاطفي بنفتكر نفسنا انهم بعاملونا بإستثناء رغم انو هم عموماً كدة مع الكل، ودة سبب معظم مشاعر الحب م̷ِْن طرف واحد، الواحدة اقل تعامل لطيف بتتكون جواها مشاهر على خلفيه التعامل دة..
فجر قالت ليها احا نور ماجستير علاقات
خالتو نور قالت ليها لٱ تنميه بشريه يعسل
جمانه قالت ليها فعلاً ودة الحاصل، هو بس راجل جداً والله •اللّہ̣̥ يسعدهه وبعدين انا عمري تفكيري م اتجاوز حدود الصحبه معاه
نهايه اليَوُمًًِ سامر قال لي بالمناسبه انا المفروض اسافر بكرة ي شهد،
قلت ليه وبتكلمني هسي؟
قال لي لَگِنْ خليتو بعد بكرة عشان النغمه دي، هناك الناس راجياني، وانتِ بعد بكرة مفروض تنزلي الجامعه صح؟
قلت ليهو ايوة...
قال لي تمام
قلت ليهو سافر اصلاُ م فارق
ضحك،
صباح يوم الجامعه وانا بجهز في نفسي لقيتو بطلع في ملابسو وبختها في شنطه ضهر
قلت ليهو مش مسافر المساء؟
قال لي لأ حوصلك الجامعه واسافر من هناك
قلت ليهو بس انت امس م قلت لي كدة، افتكرت اني حأجي راجعه اللقاك م ..
مسكني قال لي عارفك م حترضي بس موضوع البير لآزٍمٍ امشي اشوفو وكدة عشان يبدو فيها شغل على طول الناس ديل
قلت ليهو طيب انا معاك بس
قال لي م بتأخر كلها 15 يوم ي شهد..
بقيت اعاين ليه..
قال لي 15 يوم بس واكون معاك، اوديك اهلك؟
قلت ليهو خالتو نور قالت م اخليهم براهم وزين عندو اختبارات
ضماني عليه وقال لي طيب، طلعنا على الجامعه جاتو مكالمه،
فتح الخط قال ايوة،
ټمٱم م بعيد، ټمٱم طيب يلا في امان •اللّہ̣̥..
قلت ليهو دي منو؟ علشان هو اتكلم معاها بصيغه الزول العايز يقابل وكدة
قال لي واحدة
قلت ليهو واحدة؟ واحدة منوو؟
قال لي واحدة ي شهد، واحدة متفق اتلاقى معاها
بقيت اعاين ليه وهو ساكت،
قلت ليه ممكن تلفونك طيب عايزة اتصور
قال لي لٱ عِن.̷̷̸̷̐ديّ مكالمه مهمة
قلت ليه طيب ولفيت وشي منو وهو شغل اغاني،
وصلنا الجامعه نزلت، وهو جوة العربيه بتكلم بالتلفون،
نزل قال لي تعالي مسكني م̷ِْن يدي إتفكيت منو،
عاين لي ومشى وانا وراهو،
دخلنا الجامعه م مشينا مسافه فجأة في زول غمض لي عيوني وانا صرخت بأعلى صوتي ولزيتو،
اتلفت فجأة اللقى ليك فجر في وشي وهي بتضحك والناس بتعاين لينا وانا وشي م بتفسر وسامر واقف بضحك
فجر قالت لي شهد الطالبه
قلت ليها حيوانه انتِ؟
قالت لي لٱ انا فجر
قلت ليها بتعملي في شنو هنا انتِ؟وجيتي متين؟
قالت لي هي انا طالبه مجتهدة كمان م زيك كسوله
قلت ليها ط شنو؟
قالت لي ط طالبهه، في كل قسم التصميم بس م داخلي، تصميم بس وحأتخصص ازياء، القليل م̷ِْن كسر قواعد ناس البيت لٱ يضر
ضحكت وبقيت اعاين ليها واعاين لسامر، قلت ليها يعني انتِ هسي معي في جامعه واحدة تاني وفي مجال واحد؟
قالت لي شايفه بس م نفس القاعات للأسف عسى ولعل ننجح
قلت ليها وليه م كلمتيني؟سامر..
قال لي انا زاتي متفاجئ زيك بس المتذكرو انو هي ساعدتني في التقديم للمنحهه
قالت ليهو وطمعت قدمت لروحي قلت لْۆ م شالوني اقدم خاص وبس كدهه بالبساطه دي اصلاً انا الموضه والكلام دة غرامي وهوايتي كم سنه وافوت ليكم إيلي صعب زاتو اصبرو بي، المهم ركبت راس مع ناس البيت وبعدين شهد دي انا افوتها وين افوتها مكسرة.ان شاءالله
حضنتها قلت ليها بحبك ياخي ي مجنونه م بتتخيلي كنت شايله هم اني اكون براي دة كيف
سامر قال لي انا امشي،
قلت ليه لٱ استنى شويه م تمشي
قال لي عايزة حاجه؟
قلت ليهو لٱ،
فجر قالت لي شهد تلقيني في البينشات ديك طيب؟
قلت ليها حاضر، اول م اتحركت سامر قال لي اها،
قلت ليهو م تمشي خليك معي شويه بس
قال لي طيب حاضر، نقعد في العربيه؟
قلت ليهو ماشي، قام ماشي مسككتو م̷ِْن يدو،
ضحك قال لي قبل شويه حصل عكس كدة
سكتت
قال لي مستعجله دايماً كالعادة
طلعنا وصلنا العربيه قال لي لْۆ في محاضرة حتلقيها فاتتك
قلت ليهو انت مستعجل تفوتني؟
قال لي انا مستعجل امشي واجي راجع عشانك
قلت ليه طيب خلي بالك م̷ِْن نفسك وانت سايق، والحمدلله انك ماشي النهار
قال لي حاضر، كلمت احمد لبتاع الترحيل حيظبط ليك موضوعو وحيتصل عليك يوديك ويجيبك...
قعد معي قريب ربع ساعها بعدها هو اتحرك مشى وانا دخلت الجامعه،
وبس فجأة اتحولت لشهد الطالبه والعندها إلتزامات تانيه على عاتقها، زمان كنت مبسوطه ومرتاحه بكوني طالبه وبشتغل اساعد ابوي،
هسي انا متوترة معظم الوقت ومتضايقه م عارفه ليه،
مع مرور الوقت تأقلمت، الحمدلله البير امرها تم وكمان كفاله الايتام، ولما ابتدأ موسم الزراعه الارض اتجهزت وسامر وقف في زراعه الارضين بنفسو،
وبعد مرور سنتين وانجاز كم حاجه منها البير، وكفاله الايتام، والمظلات في الشوارع العامه، وامداد المراكز الصحيه والمدارس في المناطق البعيدة بالكتب والادويه، والمصاحف في الجوامع مع التركيز في احتياجاتها شبه اتأقلمت، وشبه بقينا كتله واحدة وشغالين مع بعض بنمشي اماكن الحوجات مع بعض وكدة..
جمانه نجحت في الايلتس في اخوانها رفضو ليها المشى ف استمرت في منصب العلاقات العامه وهو بقى ليها بمثابه ضربه حظ، بتجيها سفرات كتيرة لمؤتمرات بتسافر هي ك ممثله للمنظمة واثبتت نفسها في المنظمة وبقى وجودها اساسي فيها..
صخر سفروه السعوديه
مهند مرتو جابت ليه توأم
انا وسامر اغلب وقتنا بقينا متنقلين، لما يكون موسم حصاد بيجي يسوقني ويسافر بي البلد بقول لي بتفائل بيك
بقينا نعمل حملات توعويه للمناطق ديك لانو هم 0 تعليم، 0 كل شي، كل فترة وفترة بنتجمع كلنا وبنمشي للمناطق الما عارفين الحياة دي غير الاكل وشراب هي شنو، بنوعيهم توعيه صحيه، دينيه، وتعليميه لانو هم المدارس دي عندهم زي الحاجه الكعبه، الحملات كانت بتكون ظابطه شديد لاننا بنكون مع بعض حتى خالتو نور بتسافر معانا والفئة المستهدفه اكثرها مننا بتكون نساء
اتشاركنا مع سامر وقدرنا نتبنى تعمير مدرسه ومسجد في قريه ودي كانت اعظم الانجازات الاتعملت
م عارفه لو م هو وكلني التوكيل دة قبل يموت كان شكل حياتي حيكون كيف بس حرفياً وكل لي مسؤليه عالم جميل شديد، والاجمل فيهو انو كل م اصرف جنيه الجنيه بيتضاعف ف بتتوكل علي مسؤليه جديدة وهكذا...
اما عن سامر ف علاقتو مع امو واهلو كانت شبه مستمرة بس في حدود، بتجينا يمن وعلى 1 تواصل دائم معانا وهو علشان يمن م بنقطع يوم م تجينا برجعها وبسلم عليهم وبقيف على احوالهم طبعاً ابوهم م̷ِْن اتزوجت بقو م بشوفوه الٱ من فترة لفترة حسب كلام يمن انو مرتو مسكتو.متهم، المهم م لقيت منو غير الدعم والتفرغ الكامل عشاني، عشان م يحسسني إني براي، ومع كل خطوة بقول لي قربنا،
وبدأ يبني في بيتنا، كل يوم بجي يقول لي شدي حيلك في الدراسه عشان بيتنا دة لما يكتمل مستنيك،
لما تكون عندي امتحانات بخلي شغلو وبجي يقعد معي عشان م اتجرس ولو م جا براجع معي المواد بالتلفون بلقاه حافظها اكتر مِڼّي لانو بساعدني في الاختبارات وكدة
يوم وانا في الجامعه واصلاً ٱڅڑ يوم في السمستر علشان اجازة العيد، فجأة تعبت، اتصلت على فجر جات لحقتني، بعد اصرار منها مشينا اقرب مركز لانو حتى رجولي م كانت شايلاني، اتصلت على سامر كتير م رد، م اتصلت على امي وابوي عشان م يقلقو،
وصلنا المركز، عملو لي فحوصات، وانا م̷ِْن التعب لمن اخدته درب،
الدكتورة قالت لي فاقدة شديد راجلك وين؟
سكتت
فجر قالت ليها مافي خير؟
قالت ليها لٱ خير، كل خير، هي بس لآزٍمٍ تهتم بنفسها شويه وتاخد بالها م̷ِْن صحتها عشان هي حامل
فجر فتحت خشمها قالت ليها ح شنو؟
شهد حامل؟
قالتها بهجمه الدكتورة قالت ليها مالك مخلوعه كدة؟
فجر زغردت، وجات حضنتني قالت لي واي ي شهد هسي سامر يربيك ولا يربي اولادو
الدكتورة ضحكت قالت ليها ي حليلو
بقينا في موال كيف اكلم سامر،
فجر قالت لي اتصلي وكلميهو علشان يجي بسرعهه،
قلت ليها لٱ،
خليهو بعد يجي بعداك، هسي حأتفصم فيهو بس،
م اتصل علي إلا اليَوُمًًِ التاني،
قلت ليه غالبك تطلع محل فِيَه شبكه تتصل علي؟
قال لي م لقيت طريقه ي شهد
قلت ليه زمان كنت بتلقى طريقه كيف تطلع؟الاتغير شنو؟ ماف شي اتغير غيرك
قال لي مالك انتِ هسي في شنو جايطه؟
قلت ليه طالما انت شايف انو ماف شي بشستحق الجوطه اذاً م ضروري تعرف،
قال لي شهد صلي على النبي
قلت ليهو الف على الحبيب
قال لي انا في حصاد وجوطه وشغل والله واقف على رجل واحدة م̷ِْن صباح الرحمن م قعدته
قلت ليه طيب وانا؟ مش اهم م̷ِْن شغلك؟
قال لي اهم ايوة، طيب انا بجي بعد كم يوم
قلت ليه كم يوم؟ مش المفروض بكرة؟
قال لي حصل لي ظرف ي شهد م بقدر، رسلت ليك قروش مع احمد، شيليها وامشي مع خالتي وزين اشترو احتياجات العيد لغايه م اجي
قلت ليه م بشتري، وم عايزة قروشك خليها معاك،
كل گلآمَييّ معاهو كان القصد اني ابين زعلانه بس بعد م قال انو م جاي بكرة زعلت جدجد،
م مشينا السوق خالتو نور هي الطلبت لينا حاجاتنا اونلاين، قالت لي لما سامر يجي تمشو تجيبو الخبايز وكدة، يوم التامونه صحيت بس لقيت سامر نايم جنبي، على قدر م حسيت اني عايزة افرح واصرخ واحضنو على قدر م زعلتي منو منعتني لانو ولا فكر يرجع يتكلم ويتحايل علي زي زمان حتى، نزلت نضفت الغرفه والبيت وجهزت الشاي جيت لقيت زين قاعد جمبو وبصحي فِيَه وهو شبه صحى، قلت ليه زين حبيبي انزل يلا اسمع الكلام،
قال لي ابيت، وبقى يتونس معاه، سامر نزل دخل الحمام وجا طالع قال لي كيفك؟ قلت ليه ټمٱم الحمدلله وطلعت، ولا فكر يقرب مِڼّي حتى بس قال لي كيفك وطول اليَوُمًًِ م اتكلم معي انا المفروض زعلانه م هو صباح الوقفه طلعنا مشينا الكوافير اتحننت وعملت استشوار لشعري، وهي صبغت وظبطت روحها وجينا راجعين بالليل، برضو اتضايق بس م حب يتكلم قدام خالتو، لما دخلت الغرفه قال لي بتصل عليك م بتردي،
قلت ليه تلفوني صامت
قال لي المفروض انو نمشي السوق نشتري حاجات ونوصلها لناس عمي صّْْْْحّ؟
قلت ليه متين قلت لي كدة؟
قال لي م ضروري اقول ي شهد لينا كم سنه بنعمل كدة م جديدة عليك
قلت ليه انت هسي مالك فاير ممكن افهم؟ بالمناسبه انا الزعلانه م انت، وانا المفروض اتراضى م انت، انت الإتغيرت ي سامر فجأة وم عارفه مالك اذا في شي قول لي يمكن افهم بشكل اوضح
قال لي ټمٱم وسكت
قلت ليه هو شنو التمام؟ هل ټمٱم دي على تغيرك؟ ولا على لٱ مبالاتك؟ ولا على شنو بالضبط؟
قال لي لْۆ م قلت ټمٱم عوجه ولو قلتها عوجتين..
قلت ليه طيب راحتك ي سامر
، قال لي م قلتي لي هسي اشتريتي شنو للعيد جبتي احتياجاتك كلها؟نقصكم شي؟
قلت ليه م اشتريت وم عايزة اشتري، م عايزة اي شي
طلع وخلاني وهو ساكت..
زعلت لمن بكيت،
عندو فنيله كدة لونها سماوي لبستها ولفيت شعري كعكتين كل كعكه لون باندتها براه واحده زهري والتاني سماوي، ولبست شراب زهري اشتريتو جديد ورقدت ضبطته المنبه و نمت بي زعلتي ديك وانا ببكي، صحيت بيه وهو.جاي داخل ينوم دخل وطلع الف مرة حتى جا رقد،
المنبه ضرب رفعت راسي بسرعه وقفلتو، شلت تلفوني ونزلت الساعه كانت 11:55 دقيقه،
لما الساعه جات 12 طق كنت شايله جهاز فحص الحمل ومتجهاه بيدي على اتجاه سامر وهو نايم واخدته كم صورة، اظبط واحدة شلتها رفعتها استوري وعملت استثناء لسامر فقط يشوفها،
لما الساعه 12 جات..
❖
وانا في سابع نومه مع كل الضيق الانا فيهو دة صحيت بصوتها وهي بتصحي فيني الكلام دة ليله صباحيه العيد، ي سامر ي سامر..
رفعت راسي مخلوع، قلت ليها شهد؟مالك في شنو خير؟
قالت لي ممكن طلب؟
قلت ليها مالك؟
قالت لي افتح تلفونك
قلت ليها شهد؟ مصحياني نص الليل دة عشان افتح ليك تلفوني؟طيب م تشيليهو تفتحيهو انتِ؟
قالت لي م تتنرفز فيني طيب، عايز تفتحو ولا لأ؟
قلت ليها ټمٱم، نزلت جبت التلفون م̷ِْن الشحن اختصاراً للحيحصل والنقاش الحيطول وانا نعسان وزهجان، فتحت قلت ليها هاك
قالت لي لٱ افتح الشبكه وادخل الواتسب
بقيت اعاين ليها ليها بإستفهام كدة؟ ؟؟
قالت لي ممكن؟
قلت ليها ټمٱم، فتحت الواتسب قلت ليها هاك،
قالت لي انت فاهم انا م عايزاهو
قلت ليها طيب ي شهد في شنو م تجننيني ياخ ياخ الدنيا ليل مالك ي بت الناس اطلع اخلي ليك الغرفه دي؟
قالت لي شوفي الاستوري بس وخلاص..
فتحت الشبكه لقيتها خاته استوري فتحتها بعد مسافه الاستوري فتح وانا م شايف قدامي اصلاً،
صورة وانا نايم وهي في يدها حاجه مصوراها معي، وفي صورة تانيه برضو صورتي وفي يدها حاجه تانيه مصورة..
قلت ليها دة شنو هسي؟
قالت لي م عرفتو؟
قلت ليها هعرف م̷ِْن وين ي شهد؟
سكتت
ختيت التلفون ورقدت اتغطيت
بعد مسافهه قالت لي بصوت خافض الفي الصورة الاولى ده جهاز فحص الحمل، والتانيه صورة موجات صوتيه
الصوت كان بالنسبه لي بعيد م بين صاحي ونايم
بعد مسافه استوعبت رفععت راسي وقعدت، بقيت اعاين ليها وهي لسسه كانت قاعدة بتعاين لي،
شلت تلفوني فتحتو، واتس، استوري،
صورتي
ختيت التلفون على جنب قلت ليها ما هظار وحركات مڼڱ صّْْْْحّ؟
سكتت
❖
كان مصدوم زي الاهبل قام على حيلو مشى وجا وهو بحك في راسو شبه بحاول يستوعب،
جا قعد جمبي قال لي شهد انتِ بتتكلمي بجد صح؟
دموعي جات جاريه، "القليل م̷ِْن الدراما لٱ يضر"
قال لي م̷ِْن متين؟
وليهه انا م عندي علم؟
شهد
ضماني عليه بكل قوتو
قلت ليه لْۆ بتحبني زي زمان كان عرفت بس انا بقيت ولا في دائرة اهتماماتك ولا م̷ِْن اولوياتك، وقتك كلو مسافر مسافر مسافر شغل، شغل، شغل، طيب وانا؟
باس لي يدي قال لي حقك علي، وباسني في جبهتي مسافه وقال لي كيف ممكن تبقي م في دائرة اهتماماتي وانتِ اهتماماتي كلها اصلا؟ً
وبعدين قولي لي عرفتي متين وليهه م عِن.̷̷̸̷̐ديّ علم انا؟ احكي لي،
قلت ليه تعبت فجأة في الجامعه ومشيت المستشفى
قال لي تعبتي في الجامعه وم كلمتيني ي شهد؟متين؟
قلت ليه اكلمك ليه وانت اصلاً م مهتم يعني؟
قال لي شهد انا انقطعت م̷ِْن سماع صوتك يوم؟
لأ بقدر الامكان بحاول اطلع اللقى شبكه عشان اتصل عليك اصلاً اليَوُمًًِ م بعدي لْۆ م اتطمنت عليك رغم الضغط البكون فيهو والفترة دي فترة حصاد بنكون في الخلا فوق م بنرجع في نفس اليَوُمًًِ عشان الوقفه في العمال وكدة يعني م مني ي شهد
قلت ليه طيب اصلاً دي ضريبه الواحدة تعرس ليها واحد زول خلا ساي
قال لي يعني هسي نحن مستنين زياد الشاهين ولا سلافه الشاهين؟
قلت ليه لسسه م عارفه
قال لي البجيبو •اللّہ̣̥ كلو سمح، المهم الخلقه التامه، والأهم انهم مڼڱ و شبهك انتِ، شبه صباح يوم العيد السعيد دة...
م نام اليَوُمًًِ دة م̷ِْن الفرح وم خلاني انوم
تعب معي جداً فترة الحمل وانا حملي كان كعب ف بالتالي هو بطل معظم اشغالو قصادي
❖
هسي وبعد مرور 7 سنوات، قدامي سلافه الشاهين وزين الشاهين سنهوري، حياتي اتحولت 180 درجه، بقيت م̷ِْن زول ساي عايش مجهجه م عارف هو داير شنو لي زول واصل القمه في الراحه م̷ِْن كل الجوانب الحياتيه، حياة هاديه ومنتظمة، ربنا عوضني على كل شي بي شهد، وهي عوضتني عن كل تعب بي سُلافه والحياة اللطيفه المعيشاني فيها فعلاً البنات هم خير ونيس لأباءهم، ممتن جداً للإتزان الوصلت ليهو معاها واللي لولاها لسسه كنت حكون الزول الهو م عارف هو داير شنو، شهد رتبتني بالمعنى اللفظي للكلمه دي رتبت كل جوانب حياتي بأبسط العبارات
❖
م لقيت م̷ِْن سامر غير الدعم، دعمني وانا طالبه، دعمني في المسؤليه الرماها ابوي على رقبتي، حببني في التطوع لانو مشى معي كل المشاوير المتعلقه بالموضوع دة وخلاني اكتشف حاجات كتيرة في الحياة دي انا بعيدة كل البعد عنها وخلاني اشوف قدر شنو في ناس وضعها سيء وم ممكن نقول انهم عايشين اصلا، ً قدم لي جانب لطيف شديد في الحياة بتاعه العطاء دي، وقف معي وانا والدة جديد ونازله امتحانات، م اجمل بكاء في حضن راجلك لما يغلبك الشيت،
والان محدثتكم م̷ِْن قلب تجهيزات مكتبها الخاص بالتصميم الداخلي بعد م اتخرجت وبعد م صممت بيتها بصورة حريفه شديد وبقو بستخدموه للتسويق ليها كمان وبتجيها عروض شغل رهيبه شديد بسببو، م محتاجين اقول ليكم انو سامر هو البعمل كدة
فجر رجعت اهلها وهي شبه ابتدت تعمل مشغلها الخاص وعملت لنفسها موقع خاص بتصاميمها
اما جمانه..
شهد، تعبني ي شهد م عارفه اعمل شنو انتِ فاهمة لٱ عاجبو انا سنقل ولا عاجبو انا مرتبطه، لْۆ ختيت استوري لزول سااي يعقب عليها، هسي جاتني فرصه اني اسافر ك ممثله للمنظمة فذ مؤتمر ال... في الامم المتخدة، اخواني رفضو والمؤتمر المفروض بعد شهر، حكيت ليه وانا منفسنه وكدة، بعدين رفعت استوري لينا كلنا في المنظمة وفي واحد بضحك معي في الصورة ف اتخيلي طوالي قال لي صورة لَگِنْ وتاني م رد لما رسلت ليهو، امس قلت ليهو انت مُشُگلتگُ شنو انا عايزة افهم،
قال لي مشكلتك فهمك متأخر، عايزة تفهمي شنو يعني؟
قلت ليه عايزة افهم مُشُگلتگُ
قال لي كلمي اخوانك اني جاي احكي ليهم مشكلتي يوم 15 في الشهر، بعدها حأقعد معاك انتِ وافهمك
ڼعمْ؟ً صخر م فاهماك
قال لي م ضروري تفهمي كلمي اخوانك انو في زول جاي يقعد معاهم بتاريخ الشهر دة بس ي بت الناس قدر الفهمتيهو عندك مشڱلهِ فيه؟ اذا عندك مشڱلهِ قولي لي عشان م اصل انا نازل عشانك
واي ي جمانه صخر ي بختك وي هناك ي جمانه
قالت لي هسي م عارفه اكلم امي واخواني كيف ي شهد
قلت ليها خليهم، خالتو انا بتصل عليها وبفتح معاها الموضوع بقول ليها ولد جيرانا وشافها في عرسي وسألني منها وكدة وعايز يصل البيت بشكل جادي...
❖
حياتنا بقت مواسم، موسم الحصاد بسوقنا وبمشي بينا البلد بنقعد معاه لمن يخلص، وبعدها بنرجع ودي اللطف حاجه انو معظم خريفنا بكون معاهو في البلد بسوقنا م علشان الحصاد بسوقنا عشان يغير لينا جو، والاهم انو بقول لي انا بتفاءل بيك عشان كدة مهم جداً تكوني معي فترة الحصاد، بكون محتاج اصطبح بوشك يومي ي المبروكهه ...
❖
في الاخير م بقدر اقول غير شهد هي كل الخير، والخير كلو في شهد، والحياة زاتها بتمشي بخيرها لما ربنا يكرمك وينعم عليك بنعمة بتتمثل في هيئة كائن حي ...
❖
على لسان شهد:
الحاجه الوحيدة الطلعت بيها م̷ِْن علاقتي بسامر وكل الشوفتو في الحواليني سواء الكان بحصل في جمانه او غيرها انو
المرأة السويّة ما عندها أي مشكلة مع قوامة الرجل السَّوى ما بقدر اقول غير كدة ...
إقتباسهه
قال:
عررستها بعد تعب وسفيت التراب لحدي م وصلت ليها
بس هي عنيدةة شديد وبتعمل الفي راسها اول م نتشاكل وونتناقش طوالي بتلم هدومها وتقول ماشةة لاهلها ده طبعا غير انك بقيت م بتحبني زي زمان وطلقني ووديني اهلي اساسا انا ندمانةة عليك ف بقيت لما اكون عايز اتفاهم معاها ف شي بقفل الابواب كلها وبقول ليها والله بحبك زي زمان واكتر حتى اجي افتح خشمي واعااتبها ع حاجةة عملتها
قالت
ماف زول غيرو قدر يستحملني
ف اي شكلةة بكون انا الغلطانةة وهو البعتذر وبحنس وبمعلش
عمرري ما هنت عليهو نهائي دائما بجي ع نفسو عشاني
اخر شكلةة قالي اعملي البعجبك والبريحك ف الاخر انا ليك وانتي لي وانا م لقيتك بالساهل
اي هو سف التراب عشان يصل لي بس ل يوم الليلة ما سففني ليهو
كسرةة
عرسي الما بتهوني عليهو
❖
مع السلامه يخوانا فتكم بعافيه وكل سنه وانتو طيبين عساها ايامكم كلها خير ي رب وشكرن بالنون على متابعتكم رغم انو الونسهه دي جرت شديد بس الحمدلله عدت على خير ودعواتكم الحلوة بالله م تنسوني منها وليكم اضعافها ...