الفصل الخامس
م فهمت صخر عايز يوصل لشنو بطريقه كلامو معي بالشكل دة بس العارفاه اني محتاجه افكر في كلامو بشكل منطقي شويهه، اهلي بستحقو انو افكر واحسبها علشانهم، م عندهم غيري وانا م عِن.̷̷̸̷̐ديّ غيرهم وانا السند الوحيد ليهم، سندوني م̷ِْن انا صغيرة ف اعتقد انو دة اكتر وقت ممكن اجازيهم فِيَه وهم اصلاً م عندهم غيري
❖
ي ملهم وين انت؟ خلاص تعال لي البيت عايزك، لا تعال وانا بقول ليك، تمام منتظرك،
❖
في قعدة شاي عصريه مع ابوي وامي..
ي ابوي قبل كم يوم لقيت صخر في الشارع واتكلم معي بخصوص موضوع البيت وما البيت وكدة..
ابوي قال لي مالو البيت؟
قلت ليهو اقترح علي اقتراح كدة ي ابوي قال لي انو ممكن أديكم الجزء بتاع بيتي الفي الناصيه وفاتح في الزلط دة وكدة،
امي قالت ليّ بري عشان بكرة امو تشيل حالنا بلسانها الطويل دة بري •اللّہ̣̥ يكفينا شرو وشر امو،
ابوي قال لي وبعدين انا لقيت بيت زول سيدو مغترب برضو وقاعد يبني فيهو وقال داير ليهو غفير بي اسرة يحرسو ليهو البيت والمواد وكدة بس لسسه م اخدتهه الاكيدة م̷ِْن الزول ي بتي
قلته ليهو ي ابوي هسي بكرة اول م يضمن غرضو اتقضى وبيتو جهز يجي ويقول ليك عندك مدة اسبوع تطلع لي م̷ِْن البيت ونتجهجه نحن، وبعدين منو القال ليكم صخر عايز يدينا ليهو مجان، صخر قال حيأجرو لينا، يعني ي ابوي نحن حنسكن بحقنا فهمتني؟
إيجار؟ي بتي نحن حمل إيجار؟ انتِ عارفه الايجارات بكم؟ يعني اقل شي 25 الف، نحن البناكلو ي دوب نلملمو
قلت ليها ي امي قال لي بديكم ليه ب 10 الف بس، ودة م مبلغ كبير شديد بالنسبه للموقع وبالنسبه لشكل البيت اقل شي 35 الف
اها هسي ال 10 دي حتطلع م̷ِْن وين؟
ي امي م احسن مما نقعد في حق الناس ونتمرمط كدة؟ لمتين بس؟ بي حقنا دة قاعدين وعينا قويه وقانونياً بنقدر ناخد مدتنا لْۆ الزول حاول يجبرنا بالطلوع ولا شنو ي ابوي؟
خلاص ي بتي دامك قلتي كدة خلاص كويس، ال 10 دي هي زاتها شنوووو ولا شي والله بجاي وبجاي هينه وبتطلع
ابوي قال كلامهه دة وانا علّى علم انو م حمل المبلغ دة في الشهر، وصخر م جاب لي سيرة.إيجار ابداً بس دي كانت الطريقهه الأقنع بيها ابوي، دي الطريقه القدرت اتدارك بيها احتمال الرفض بتاع ابوي وتأثير امي عليها، بالليل رسلت لي صخر رساله محتواها:
صخر كيفك مساء الخير، ام تكلمت مع ابوي في موضوع البيت الإقترحتو علي وكدة، في البدايه رفض بس بعدين فهمتو انو نحن حنأجرو منك ف بعدها وافق، علشان كدة اذا موافق على فكرة الإيجار دي اديني خبر علشان ابوي مستحيل يوافق بغير كدة
الصباح وانا في المواصلات تلفوني رن، رفعتو لقيت المتصل صخر رديت عليه ..
الووو
قال لي صباح الخير
قلت ليه صباح النور
قال لي وين انتِ؟مستنيك تطلعي
قلت ليه اطلع؟
قال لي اي مش انتِ في البيت؟
قلت ليه لٱ انا طلعت الجامعه
قال لي طيب بتطلعي متين م̷ِْن الجامعه؟انا عايز اتكلم وقلت اوصلك معي في الطريق
قلت ليه بطلع حوالي الساعه 4 كدة،
قال لي طيب ټمٱم بجي عليك قبل 4،
قلت ليه لٱ م...
قال لي جاي اتكلم معاك اصلاً انا، ف حأجي عليك بدون حركات منك
قلت ليه طيب ماشي
وصلت الجامعه اثناء م انا قاعدة في البينش، حسيت بزول خت يدو في عيوني، بقيت اقول فجر، فجر ياخ بطلي هبل، مسكت يدها زحيتها ورفعت راسي لقيتو عامر،
على طول وقفت على حيلي قلت ليهو عامرر،
قال لي صبح صبح،
قلت ليهو صباح الخير،
طبعاً لما شهقت لما شفت سمهدل جايه علينا،
قال لي وين الشابه دي؟
قلت ليهو منو فجر؟لسسه م جات
قال لي دقيقهه اتصل عليها..
اول م فجر جات قالت لي احكي لي امس حصل معاك شنووووو؟ مشيتي للمرة؟
قلت ليها تخيلي طلعت مرت منوووو؟
قالت لي منوووو؟
قلت ليها الولد الاسمو سااامر والولد ولدو
قامت على حيلها وقالت لي كذاااااااااابهه م بصدق، متزوج يعني؟
قلت ليها اتصدمت طبعاً لما شفتو في وشي واتفصمت فيهو
قالت لي كذابهه؟اها والحصل احكي
قلت ليها م حصل شي بس قال انو شال الاسكرين م̷ِْن الاستوري بتاعك وم عارف انو انا صحبه الاعلان وكدة
قالت لي م̷ِْن الاستوري حقي اناااااااااا؟ اهاااااا صّْْح صح انا مسجلهه رقمو نسيت اها وبعداك خليتي الموضوع يعني؟
قلت ليها لٱ طبعاً محتاجه للقروش انا،
قالت لي طيب حلوووو بتدرسي وين؟
قلت ليها المفروض في بيتو بس م بقدر قال حيشوف خيار تاني...
فجر انا اليَوُمًًِ حأطلع بدري شويه عشان صخر قال جاي علي
قالت لي صخر لَگِنْ وبقت تعاين لي بخبث
قلت ليها بحكي ليك
قالت لي متين لما تمشو شهر العسسل؟
قلت ليها بطلي هبل لما يجي وقتو هحكي ليك
❖
ي عمتي سااامر دة عندو قرووش رااااقدة م تسمعي كلام حبوبه دة، تكاليف زيادة شنو دة واجبو ولا شنو؟ هسي سهام قالت عمل لي ولدو استاذة خاصه في البيت اها زول لْۆ م عندو قروش بجيب استاذة خاصه؟وكمان قعد يصين لي اهلو الجاين ديل في البيت كلو م̷ِْن برة ليّ جوة، واظنو نسى موضوع شغل بيتنا الواقف في النص دةكلو كلو، عشان كدة امشي اتكلمي معاهو وختي ليهو النقط في الحروف
ايا والله صّْْح كلامك ي تماضر، كدة النقوم عليهو...
في الغرفه ...
هسسي ي ولدي قروش الصيانه والشغل دة كلو م̷ِْن خالتك رسلتهم ليك مش؟ولا بينكم حسابات؟
رفعت راسي عاينت ليها وانا ساكت
قالت لي انا قلت لْۆ بينكم حسابات وكدة بعد تخلصو ليهم شغل ترجعو تشتغلو لينا نحن كمان لانو نحن كنا قبل والمفروض شغل بيتنا دة يتشطب برضو قبل الخريف ما يجي ولا گلآمَي شنووو ي ولدي؟
قلت ليها طيب ي امي، بس ديل ناس جاين ينزلو في البيت يعني هم الأهم لأنو م ممكن ينزلو في بيت مقفول ليه سنوات، لآزٍمٍ يتصان
قالت لي م اعترضنا لكن برضو البنا والمواد واي شي بقى غالي وتكاليف، م بتقدر على تكاليف بُنا وصيانه بيتين في الغلا دة،
قلت ليها ي حجه م تشيلي هم مش البيت دة؟ انا لْۆ م بقدر اتمو م كان بديتو بس انتِ شيلي الصبر شويهه
قالت لي خلاص كويس •اللّہ̣̥ يرضى عليك ي ولدي، انا ماشه على السوق
قلت ليها طيب، قبل م تطلع يسرا جات داخله بتنادي وبتقول سمسم صباح الخير
قلت ليها صباح النور،
قالت لي قروش الجامعه ي سمسم
قلت ليها نزلتها ليك قبل كم يوم في الحساب ونبهتك
قالت لي م مصاريف، الرسوم ي سمسم
قلت ليها اهاااا صح طلعت م̷ِْن بالي،
قالت لي الاسبوع دة اخر اسبوع للسداد قالو ي سمسم
امي قالت انت ابوك كلمك في موضوع ايجار المكتب الشهر دة صح؟
قلت ليها اي كلمني ساعي ليهو في الموضوع دة كم يوم.كدة بس،
يسرا قالت لي انا قبل موضوع إيجار ابوي دة ي سامر
قلت ليها ټمٱم بنبهك لما انزلهم ليك في الحساب
قالت لي ټمٱم يلا باااي انا طالعه
امي قالت لي وانا كمان طالعه •اللّہ̣̥ يرضى عليك ي ولدي
قلت ليها امي خلي حبوبه تجهز عشان انا طالع اوديها المقابله لأنو عِن.̷̷̸̷̐ديّ شغل م راجع بدري
قالت لي خلاص كويس.
❖
شهد ي شهد
صخر گّيَفْ الّحّال ٱن شْاءِ اللٌہ بَخّيَرٌ؟
الحمدلله وانت؟
الحمدلله
اها نمشي على وين؟
قلت ليهو البيت علشان الزمن وكدة،
قال لي قلتي كدة؟ معناها ندخل في الموضوع على طول، موضوع الإيجار دة طلعتي لي بيهو م̷ِْن وين؟
قلت ليهو صخر ابوي م حيوافق لْۆ م حتأجر لينا البيت
قال ليّۓ وانا كمان م حأوافق أأجر ليكم ي شهد معقوله؟ نحن ناس اهل وجيران وبعدين حتى لْۆ ما كنا اهل الناس بالناس ولا شنووو؟
قلت ليهو عارفه ي صخر والله م بتقصر بس معليش المرة دي اعفي لي م بقدر اقبل مساعدتك لانو ابوي م حيوافق وانا م بقدر اكذب عليه في حاجه زي دي صراحه
قال لي طيب ي شهد طالما دة گلآمَگ ودي الحاجه البتريحك على العين والراس ناخد إيجار، شوفي المناسب وانا م عِن.̷̷̸̷̐ديّ مشكله، البيت جاهز م فيهو شي، انا بكرة بعدي على عمي وبتكلم معاه وبسلمو المفتاح تمام؟
قلت ليه طيب ماشي،
قال لي الجامعه كيف؟ والمواصلات كيف وكيف هسي بترجعي براك؟ عشان لْۆ م عندك مشڱلهِ ارجعك معي في طريقي
قلت ليه لٱ برجع مع صحبتي فجر
تلفوني فجأة رن..
رديت الوووو
قال لي السلام
قلت ليه وعليكم السلام،
قال لي سامر معاك
قلت ليه اهاااا اهلين
قال لي المفروض اليَوُمًًِ نتفق على مكان وكدة ولا غيرتي رايك م رجعتي لي
قلت ليه معليش اليَوُمًًِ كنت شغاله جامعه، بس بكرة ان شاءالله انت حدد المكان المناسب وانا بجي عليكم وبعتذر اليوم
قال لي تمام م مشكله بكرة ان شاءالله شوفي الزمن المناسب وقولي لي.
وانا نازله م̷ِْن العربيه امي كانت داخله على البيت ف شافتني، وقفت لي جمب الباب اول م دخلته قالت لي بي نهرة دة شنو ي بت؟
قلت ليها شنو ي امي؟
قالت لي شهد فتحي عينك دي وشوفي الارض عديل م عايزين سُمع وكلام فارغ في الحله، نازله م̷ِْن عربيه الولد دة جايه م̷ِْن وين؟
قلت ليها امي جاني في الجامعه واتكلم معي في موضوع البيت بس
قالت لي البيت دة م يجي يتكلم مع ابوك مالو محنن؟ ليه يتكلم معاك انت؟ انت الراجل؟
قلت ليها تمام ي امي تمام
قالت لي المهم م اشوفك نازله م̷ِْن عربيتو تاني فاهمة ولا لأ؟
قلت ليها حاضر ومشيت دخلته غرفتي
❖
اليوم التاني ابوي كان عندو جلسه غسيل، مشينا الغسيل اتصل علي سامر، قال لي وين انت انا قريب م̷ِْن جامعتك شايل مشوار لْۆ فاضيه اجي عليك عشان تقدري ترجعي البيت،
قلت ليه لٱ انا م في الجامعه، معليش انا مع ابوي في المستشفى اول م يخلص برجع ليك قفلت الخط قبل م يرد علي
ابوي خلص ونحن راجعين اتصلت عليهو،
قلت ليهو انا طلعت بس حأوصل ابوي واجي عليك ممكن تحدد لي المكان؟
قال لي تمام، الرياض شارع المشتل في...
قلت ليه طيب ماشي،
وصلت ابوي البيت ورجعت منو مشيت عليهو.كان وصف بتاع مكتبه، لما وصلت اتصلت عليه وين انتو؟ قال لي وصلتي؟ طيب دقيقه طالع عليك،
قلت ليهه ټمٱم، فضلت واقفه 3 دقايق فجأة جا طالع م̷ِْن المكتبه لابس قميص كاروهات بالاسود والابيض وجواهو وفنيله بيضاء زراير القميص فاتحه ولابس كاب،
قال لي السلام عليكم
قلت ليه وعليكم السلام،
قال لي كيفك؟
قلت ليه الحمدلله معليش لْۆ خليتكم تنتظرو بس والله كنت مع..
قاطعني قال لي لٱ م مشكله عادي ي ستي، الحاج مالو اجر وعافيه خير ان شاءالله؟
قلت ليه الحمدلله بس كان عندو جلسه غسيل مشيت معاهو ورجعتو البيت حتى لحقت اطلع
قال لي ربنا يكتب عافيتو ي رب،
قلت ليه امين، ندخل؟
قال لي ايوة هاك دي بطاقتك عشان م بدخلو م̷ِْن غير بطاقات،
دخلنا طلعنا للطابق التالت حتى وصلنا، لما وصلنا لقيناه زين ناااايم في المقعد،
ابوه ضحك قال لي دة لحق نام، دقيقه، زين،
قلت ليه خليه حتى لْۆ صحيتو حيكون زهجان ومدبرس م حيستوعب، خليه ياخد نومتو شويه كدة،
قال لي ټمٱم تشربي شنوووو؟ قلت ليه لٱ م بحتاج،
قال لي معقوله؟دقيقه،
مشى وجا راجع،
كان في لابتوب في التربيزة فتحو وشال الشنطه بتاعه زين طلع منِْها اسطوانات وقال لي طيب ابدي معاي انا طالما دة نام، واحد صحبي اداني ليها الاسطوانات دي قال لي حتفيدك برضو، وفي برامج برضو قال لي ممكن تنزلها وقنوات يوتيوب بس م فتشتها
قلت ليه طيب م انت زول جاهز ممكن تتعلم براك بدون م تستعين بي انا
رفع راسو وبقى يعاين لي وهو ساكت
فجأة جات واحدة شايله مويه وعصير وقهوة،
قال ليها شكرا، ً بعدها قال لي اتفضلي شلت المويه شربت، قال لي الوالد بغسل يومي؟
قلت ليه لٱ 3 مرات في الإسبوع،
قال لي اهااااا معاهو م̷ِْن بدري ولا قريب؟
سكتت مسااافهه حتى قلت ليه م̷ِْن بدري بس م شديد،
قال لي ربنا يكتب عافيتو ي رب
قلت ليه امين، نرجع نكمل كنا وين؟
قال لي كنا في طيب م انت زول جاهز ممكن تتعلم براك بدون م تستعين بي
رفعت راسي عاينت ليهو لقيتو بعاين في تلفونو، عاين لي وقال لي مش قلتي كدة؟ شايفه انا زول مركز ومجتهد كيف؟
ضحكت ضحكه خفيفه وقلت ليه واضح شديد،
قال لي طيب نبدأ م̷ِْن وين؟
قلت ليه انت عايز يبدو معاك م̷ِْن A,b,c بجد ولا كيف م فاهماك؟ م قريت خالص؟
قال لي نحن قمنا ناس شغل وسواقهه وامسك وخت ساااي م ركزنا مع موضوع القرايه دة ف شنو محل م تبدي معي ابدي
قلت ليه طيب وهسي عايز تتعلم ليييهه م فهمت؟
قال لي عشان البلد دي بقت م بلد قعدة نيه السفر واصله السما بس شويه كدة •اللّہ̣̥ يهون
قلت ليه في دي معاك حق، السودان م بلد قعدة
طيب انا حبدأ معاك م̷ِْن الصفر، يعني من، A,b,c,موافق
قال لي ابشري
شلت الدفتر وبديت اكتب فِيَه وهو ماسك تلفونو وشغال فِيَه بعد خلصت رفعت راسي وهو لسه شغال في تلفونو،
قلت ليه اول شي ممنوع التلفون عشان حياخد م̷ِْن زمنك وزمني
رفع راسو عاين لي وهو ساكت، بعدها قال لي طيب ټمٱم، قفل التلفون وخت التلفون على جنب
قلت ليه حنبدأ بالاساسيات في اللغه ركز معي عندك هنا... الخ
قبل م نخلص بدقايق زين صحى وتاني رجع نام ابوه صحاه، م كان في طريقه ادرسو قلت ليه بكرة ححاول اجي بدري و اشتغل معاه هو اول،
قال لي تمام، طلعنا وهو شايل زين وانا شايله ليه الشنطه واللابتوب، فتح باب العربيه الورا ورقدو في الكرسي،
وفتح باب العربيه القدامي وبقى يعاين لي،
قلت ليه لٱ اتفضل مديت ليه الحاجات
قال لي اركبي
قلت ليه لٱ انا حأمشي اركب المواصلات
قال لي ي زوله معقوله اركبي ياخ، اركبي
فضلت واقفه
قال لي يلا،
قلته ليه طيب بس زين دة كدة حيقع، خليني اشيلو معي قدام،
قال لي طيب دقيقه، شال مني الحاجات وفتح باب العربيه ختاهم وشالو، ركبت واداني ليهو،
جسمو كان حااااار شديد مكوة بس، اول م ركب
تلفونو ضرب رد وقال: ايوة ي سهام، اي سجلنا في مكتبه عشان كدة، خلصنا هسي وراجعين ايوة، ، تمام يلا سلام.
قلت ليه الولد دة محموم جسمو حار شديد،
قال لي بجد؟كدة، خت يدو في راسو، قال لي فعلا، ً زين، زين، بقى يحاول يصحيه
قلت ليه خليه م تصحيه
اتحرك بالعربيه وكل شويه يشيل يدو يختها في راس زين،
قال لي قبل كم يوم حصل ليه نفس الشي والدكتور قال حاله إلتهابيه عاديه لَگِنْ الحمى خفت بتذكر،
قلت ليه كتب ليه ادويه؟
فجأة وقف، قال لي دي مستشفى ادخلو اعمل ليه فحوصات،
نزلت دخلت معاه، عملو ليهو الفحوصات م عارفه قالو ليه شنو بس كان متوتر لمن ملامحو متغيرة، والدكتور كتب ليهو حقن ساعات ودربات ركبوها ليه على طول، والولد كان يبكي ويصرخ وقف المستشفى كلها علّۓ رجل واحدة رغم انو ابوه شايلو كان ببكي وسامر حاضنو وبهدي فِيَه وبقول ليه انت مش راجل، م̷ِْن متين الراجل ببكي،
الدكتورة قالت ليه لآزٍمٍ يرقد في السرير،
زين كان ماسك في ابوه بكل قوتو م عايز ينزل وهو ببكي، ركبو.ليه الدرب وهو في حضن ابوه، اصعب لحظِهّ ; .. كانت اللحظه دي حسيت ابوه حيشوت الدكتورة والدرب م̷ِْن كتر م هو بقول ليها براحه عليهو دة طفل م بستحمل براحه، ، مرة يبكي ومرة يسكت بعد ابوه يهديه لغايه م نام وهو بتنهد، وابوه وشو مخطوف
فضلت قاعدة معاهم لغااايه بعد المغرب، الغريبه كل الوقت دة ماف زول جا، لٱ امو ولا غيرو، قلت ليه انا حأمشي لاني اتأخرت ربنا يكتب عافيتو ي رب، قال لي استني، رقدو في السرير براحه وطلع وراي،
قلت ليه خليك معاه عشان ممكن يصحى ويرجع يبكي، وبعدين اتصل على امو خليها تجي عليه افضل تكون جمبو في الوقت دة لأنو هي بتقدر تهديه وكدة،
قال لي تمام.
قلت ليه يلا سلام،
رجعت منهم وانا قلبي مكسور وموجوع على الولد وحالتو الهو فيها، بالليل اتصلت على ابوه م رد،
اليَوُمًًِ التاني برضو اتصلت م رد علي لما جا اليوم التالت والرابع حتى م رجع لي، اتصلت على رقم المرة الأول مرة اتصلت علي ديك،
قلت ليها السلام عليكم كيفك تمام؟
قالت لي الحمدلله
قلت ليها معاك شهد
قالت لي ايوااا عرفتك كيفك ان شاءالله بخير؟
قلت ليها الحمدلله، اتصلت عشان اتطمن على زين بقى كيف؟ان شاءالله اتحسن
قالت لي زين؟ لييييهه مالو زين؟
استغربت طبعاً كيف مالو؟
قلت ليها معاي سهام والدة زين ولا منوووو؟
قالت لي ايوة معاك سهام
قلت ليها طيب معليش زين قبل كم يوم كان عيان لما ابوه جابو المكتبه للدرس وكدة ف قلت اشوفو بقى كيف
قالت لي زين عيااان م̷ِْن متين؟
قلت لنفسي اجي يخوااااني دة كلام شنووووو في ام م بتعرف ولدها كان عيان ولا لأ؟
قلت ليها م عندك علم؟
قالت لي سامر م كلمني والله يطرشني وانا زاتي عندي كم يوم م شوفتو بعيني لٱ هو لٱ زين ولدو، سامر عشان انا بقول ليهو خليهو معي م بسمع الكلام،
قلت ليها اهااااا طيب انا قلت بس اشوفو كيف، لَگِنْ تمام
قالت لي انا بتصل عليهو اشوفو هسي،
قفلت منها وانا مستغربه يعني معقوله امو تكون م عارفه ولدها عيان ومرقد في المستشفى؟وليه م كلمها؟ حتى لْۆ عندو مشاكل معاها معقوله م يوريها انو ولدها عيان ومحتاج ليها بحالتو ديك؟
وانا طالعه م̷ِْن الجامعه رجعت اتصلت في رقمو تاني المرة دي رد علي، قلت ليه السلام عليكم كيفك؟
قال ليّ الحمدلله
قلت ليه عِن.̷̷̸̷̐ديّ كم يوم بتصل عليك م بترد، كنت عايزة اسأل زين بقى كيف اتحسن ان شاءالله؟
قال لي والله اليومين المضو ديل تعب شويه لَگِنْ هسي اتحسن
قلت ليه لٱ ياااخي، طيب خرجوكم وكدة؟
قال لي لٱ لسه بكرة ان شاءالله
قلت ليه يعني لسسه في المستشفى؟
قال لي ايوة لسسه،
قلت ليه ټمٱم، قفلت منو وحكيت لي فجر قالت لي ارح نمشي ليه في المستشفى، انا اصلاً كنت ماشه، لما وصلنا هو اتفاجأ انو نحن جينا وشو كان شااااحب ومتغير 180 درجه، وزين كان نايم، قلت ليه اجر و عافيه بقى كيف؟
قال لي الحمدلله بخير هسي،
فجر قالت لي الحمدلله على سلامتو، خير ان شاءالله مالووو؟
قال ليها تسسسلمي والله قالو حاله إلتهابيه تقريباً
قالت ليهو تغيرات الجو وكدة المهم عوافي م يشوف شر، كانو براهم في الغرفه م معاهم زول وماف اثر لي انو كان معاهم زول،
فجر جاتها مكالمة قالت ليها عن إذنكم وطلعت
قلت ليه لما م رديت علي اتصلت علّى امو اطمن عليه، بس هي كانت م عارفه شي، حتى انها اتفاجأت وانا استغربت طبعاً بس
فجأة زين فتح وبقى يبكي، ابوه قام عليه، قال ليه زين انا هنا ها، بقى يبكي شالو حضنو وقال ليه عاين الجا منو هنا، استاذتك جات تسلم عليك مش عيب تبكي قدام استاذتك انت زول كبير كدة؟
قلت ليهو زين حبيبي كيفك؟
سكت وغطى وشو في حضن ابوه،
شكلو هو زاتو اتغير كسر خاطري
بعد مساااااافهه فجر جات داخله، وفجر النوع الما عندو دة بعرفو ودة لٱ بتدخل في الناس علّۓ طول، شالت زين وبقت تلعب وتتكلم معاه غصب
بعد م قمنا طالعين قلت ليه معليش حأتدخل في حاجه م بتخصني بسسس وجود امو جمبو في الوقت دة مهم شديد حتى لْۆ عندك مشكله معاها هي م̷ِْن حقها تعرف انو ولدها عيان ومرقد في المستشفى، انا اتصلت اتطمن عليه منها ولقيتها هي نفسها م عارفه، م م̷ِْن حقك تحرمها م̷ِْن امومتها ولا م̷ِْن حقك تحرم الولد م̷ِْن امو، في مواقف زي دي ي ريت تخت مشاكلكم وخلافاتكم على جنب علشان م تأثرو بيها على صحه الولد، حاول بس خت نفسك محلها وتعرف موضوع مرض ولدك م̷ِْن زول غريب، وحاول تخت نفسك مكان ولدك وم تلقى امك في اكتر الأوقات الانت محتاج ليها فيها، لْا حظته ليك بتكرر ليهو جمله انو الراجل م ببكي كتير م̷ِْنو القال ليك الراجل م ببكي؟
ي ريت الاعتقاد الغلط م يخليك تخت قواعد غلط، الراجل دة مش كائن حي وبحس الما ببكيهو شنوووو؟ لْۆ بتحاول تقسيهو وتربيهو كدة ف انت كدة بتربي في حجر، وشكلها دي تربيتك الاتربيت عليها انت، لانو انت لْۆ بتحس بالجد م حتعمل كدة وانا اسفهه على تدخلي في حاجه م بتخصني بس حبيت اقول ليك الكلام دة.
قلت الكلام دة وقلت ليه عن اذنك واتحركت مشيت، كلامي كان كلام زعل حتى نبرتي الاتكلمت بيها كانت نبرة زعل
بالليل مسكت تلفوني فتحت الواتساب لقيتو مرسل لي رساله،
كان عامل اسكرين لي محادثه ومرسلها لي وكاتب لي تحتها "لْۆ كانت امو م كانت حتتجاوز رساله زي دي عُاَدّي ي شهد"
محتوى محادثه الاسكرين كان "سهام انا في المستشفى زين دة تُعباُنٌ شويه وهسي مرقد م معروف نطلع متين، رسلي لي ملابس واغطيه وحاجات لأنو ببرد شديد هنا"
رديت عليه ب إستفهامات كتيرة م رد علي،
اتصلت عليه تاني يوم الصباح م رد رسلت ليه مسج محتواها "متصله عشان اتطمن على زين معليش على الازعاج"رجع اتصل علي المساء "
رديت عليه قال لي مساء الخير؟
قلت ليه مساء النور، كيفك
قال لي الحمدلله
قلت ليه زين بقى كيف، ان شاءالله اتحسن، خرجوكم ولا لسسه؟
قال لي ايوة الحمدلله احسن، وخرجونا الصباح عشان كدة م قدرت ارد عليك،
قلت ليه اهاااا تمام الحمدلله طيب ي سيدي الف الحمدلله على سلامتو واجر عافيه ي رب
قال لي •اللّہ̣̥ يعافيك ي رب تسسسلمي على اهتمامك ي استاذة شهد ياااخي م قصرتي.
قلت ليه العفووو دة الواجب، المهم برجع اتصل عليك تاني اتطمن عليه وكدة
قال لي ابشري،
عدة اسبوع في يوم هو اتصل علي براه قال لي في الجامعه؟
قلت ليه ايوة،
قال لي تمام، ممكن تجي المكتبه اليوم ولا م عندك طريقهه؟
قلت ليه معاك زيين؟
قال لي اي زهج م̷ِْن طلعه حبسه البيت وكدهه ههههه
قلت ليهه طيب، حلووو ماشي انا بطلع بعد سَآعهْْ كدة،
قال لي تمام اتفقنا،
بعد ساعة كدة طلعت مشيت المكتبه، لقيتهم منتظرين وبلعبو في اللابتوب، نص درستو ونص قضاهو لعب، قرايه بالتحنيس كانت طلعنا م̷ِْن المكتبه سامر قال لي شهد انا حأوصل زين سريع كدة وادخلو البيت عشان مواعيد الدواء حقتو بعداك اوصلك انتِ
قلت ليه ممكن انا انزل اركب مواصلات م بحتاج على فكرة
قال لي خليك المسافه قريبه م بعيدة
قلت ليه تمام،
مشينا مكان كدة غير البيت المشيت ليه انا اول مرة، نزل زين شالو ودخل بيه بعد 10 دقايق جا طالع شايل زين وحاضنو، وقف في الباب وفي مرة جات برضو وقفت في الباب وبتحنس في زين وهو ببكي وبمسك في رقبه ابوه، وابوه بحنس فِيَه بعد مساااااااافه حتى المرة شالتو ودخلت وسامر قفل الباب،
سامر جا راجع قال لي معليش اتأخرت مع زين ولياقتو،
قلت ليه لٱ م مشكله، شكلو متعلق بيك اكتر م̷ِْن امهه هههههههه،
سكت مسااافهه حتى قال لي متعلق بي اكتر م̷ِْن امهه عشان هو فعلاً فاقد العنصر دة في حياتهه
بقيت اعاين ليه بنظرة كلها استفهامات كدة؟ ؟؟
بعدها قلت ليهه كيف؟يعني انت وامو منفصلين ولا كيف م فهمت؟ ومعليش هرجع اقول ليك تاني كلامي حتى لْۆ منفصلين انفصالكم م مفروض يكون سبب في انكم تظلمو الولد في نصكم، او انَت م م̷ِْن حقك تحرم الولد م̷ِْن امو لانو مستحيل ام تكون عارفه بحاله ولدها ان شاءالله لْۆ عطس ساي بتشيل هم م بالك لما يرقد مستشفى؟
قال لي شهد البتقولي فيهو دة كلو انا معاك فيهو بس م واقعي وانتِ فاهمة غلط،
سهام م أم زين ي شهد، سهام مرت اخوي، وانا م متزوج اساساً عشان اللحق اطلق والموالات الانتي بتقولي فيها دي كلها،
زين ولدي بالتبني،
لما قال لي كدة بقيت اعاين ليهه كدة بصدمهه
قال لي اتبنيتو قبل 3 سنه، بس انا متكفل بيهو عندي 6 سنه م̷ِْن هو عمرو يوم،
قلت ليه م قادرة افهمك كيف يعني؟
قال لي جاي عليك بالكلام،
قبل 6 سنه كان العادي بتاعي اني بسااااهر برة البيت وبرجع متأخر البيت، م̷ِْن ضمن الأيام راجع الساعه 3 ص، وفي جمبنا زي بيت فاااضي وناس الحله برمو فِيَه نفاياتهم وكدة، وانا داخل على الحله اصوات سامع اصوات الكلاب وهي بتنبح، وفي نص الاصوات دي في صوت شافع ببكي، مرتين قلت لنفسي يمكن انا م سامع كويس بس صوت الطفل م̷ِْن صوت الكلاب واضح، وكان واضح انو الكلاب دي لمتها ونبيحها دة م ساي، ولعت فلاشي ومشيت عليهم،
كانو توأم، زين دة ومعاهو اخت بت مرمين في كرتونه كبيرة مقفله وحتى شكلو ي دوب مولودين بس لفوهم بدون م يحموهم حتى ورموهم في الكوشه، البت كانت متوفيهه للأسف، و زين كانت رجلو مكسورة وحتى كانت عندو مشڱلهِ في التنفس دخلوه العنايه المكثفه على طول وفكرة انو يعيش دي زاتها كانت بعيدة ومستحيلهه بحالتو الكان عليها، بعدها شالوه ناس دار الرعايه وحصل معي تحقيق وموالات وفي الاخير طلعت م̷ِْن الموضوع وطالبت بي اني اتبنى الولد وطلبي اترفض، سعيت 3 سنه عشان اقدر اخد حضانته السنين دي كلها كنت بس متكفل بيه وبمشي بزورو وكدة، بعدها صرحو لي اتبناه والحمدلله حالياً ليه 3 سنه معي ف هو اكتر م̷ِْن ولدي ي شهد
انا في اللحظهه دي بقيت اتخيل هل انا برضو اترميت الرميه دي وبالشكل دة؟ معقوله امي وابوي برضو لقوني بالطريقه دي في الشارع؟ ليهه م حكو لي هم لقوني وين وكيف، ودموعي جات جاريهه، بكيت كملت البكى وانا م قادرة امسح دموعي وم قادرة افسر ليه انا ببكي كدة ليهه بعد مساااافهه قلت ليه طيب يعني هسي مخليه في بيت اخوك وكدة صح؟
قال لي لا، انا اساساً اخدتو على اساس انو يعيش معي في البيت الكبير وكدة وحتى اللجنه بتاعه الدار لما جات تشوف الاوضاع والجو وكدة جات البيت الكبير اللي هو بيت اهلي بس اهلي كانو رافضين الفكرة، بعد اخدته موافقه الدار على تبني الطفل الناس الهسي وصلت ليهم زين ديل راجل ومرتو كبار العمر كدة وبتهم كانت فاتحه حضانه، ساعدتني كتييير في موضوع زين دة وبقت لي بيبي سيتر وللأن مساعداني والله ي شهد بس هسي اتزوجت الشهر الفات، وحتعيش في بيت اهلها ديل عشان تخلي بالها منهم لانهم كبار في العمر امها م بتشوف كويس وابوها عندو سكري وضغط يعني ي دوب تلحق ليهم هم وراجلها، عشان كدة عايز احل الموضوع دة وم احمل عليها زيادة،
قلت ليهو طيب ممكن توديهو بيت اهلك وتختهم امام الامر الواقع بس
قال لي ممكن اعمل كدة وم اللقى اعتراض منهم بس انا م عايز اوديهو البيت لأني م ضامن انو في زول حيخلي بالو منو بالطريقه الانا عايزها، وم عايز ارجعو الدار ابداً لأنو خلاص بعد كدة هو شايفني انو انا ابوه وكل شي والمحيط بتاع الدار ي شهد مهما حكيت ليك عنو م حتقدري تستوعبي الحأقولو ليك لْۆ م دخلتيه بنفسك وشفتي، وم عايز حياتو كلها تكون وسط حضانات عايزو يتربى وسط أسرة فهمتيني؟ اثناء م بنتكلم لقيت انو نحن وصلنا، قلت ليه نزلني هنا بس،
قال لي م اوصلك البيت، قلت ليه لا نزلني هنا احسن المسافه قريبه اصلا، ً
قال لي تمام
قلت ليه شكراً يديك العافيه وربنا يهون عليك ي رب
قال لي الله يعافيك ي رب تسسسلمي
رجعت البيت والموضوع دة معلق في راسي م قدرت اطلعو وم قدرت انوم إتصلت على فجر حكيت ليها وانا ببكي وهي تبكي وتقول لي كر علي ي شهد قلبي ي شهد، وجع قلبي قلت ليها م شفتي الولد متعلق بيهو كيف تحلفي 60 يمين تقولي ابوه ابداً م اتخيلت انو م يكون ابوه او كدهه
كملت بكاي مع فجر وبرضو م ارتحت قفلنا م̷ِْن بععض وانا ببكي، لأنو حالتي موازيه لحالة زين بالضبط، انا كمان كنت زيو يعني كل م اتخيل نفسي مكانو واتخيل انو ابوي بعد م رباني كدة يتخلى عني ويرميني في الشارع او يرجعني الدار موقفي حيكون شنو؟
شلت تلفوني واتصلت عليه،
اول م رد قال لي الو شهد؟
سكتت
قال الووو؟
قلت لي اي معاك كيفك؟
قال الحمدلله تمام
قلت ليه معليش على الازعاج متصله عليك في الوقت دة بس اتصلت عليك علشان اسألك، عندك مشكله تجيب لينا زين يقعد معانا في البيت؟
بعد مسااافهه قال لي نعم؟
قلت ليه اي نعمْ نحن وضعنا عموماً يمكن يكون م على قدر كدة بس بنقدر نخلي بالنا منو ...