الفصل السادس
بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
في جانب تاني..
امي،
اي حبيبي
اليوم جهزو نفسكم عشان طالعين،
طالعين وين ي ولدي خير ان شاءالله؟
لالا خير قلت اطلعكم تغيرو جو شويهه ومنها نتعشى،
كدي ي يمة ولدي ولد الهنا والسرور حبيب امو ي ناس، خلاص كويس بكلم اخوانك،
ياسمين ي بت مالك م بتصبحي على الناس؟
صباح الخير،
اريتك كان م قلتيها مالك ي بت؟
صباح الخير ايويويويووووويوووويوووووي اها كدة تمام؟
اجي يخواني دي قلة ادب جديدة ي بت؟امشي غسلي العدة الراجياك دي ونضفي البيت دة سريع ي قليله الادب امسحي لي البيت دة جوة وبرة ونزلي الستاير دي غسليها يلا
قلته ليها خليها ي امي
انَت اسكت م تتكلم خليها علي البت دي قايمه ليها قومه كدة بتعرفها براها، طيري قلت ليك واعملي القلتو ليك يلا
امي قلت ليك خليها مالك انتِ هسي؟
هي ي ولدي لكن...
امي!!! خلاص قلنا خليها تمام؟
طيب خليتها،
يلا انا طالع!
حبوبه انا طالع عايزة حاجه؟
الله يرضى عليك ويحفظك ويحميك من عيون الحساااد الراصدين، انت ي يابا تتعالى وتتدلى بركه المولى عز وجل
امين ي حبوبه يلا في امان الله
مشى؟
اي مشى،
م خلا لي قروش الصندوق القلتها ليهو لكن!! غااايتو بقى متسيب خلاص في مواضيع القروش دي!!!
ي غادة ي بتي الولد م مقصر متحمل مسؤليه البيت كلها من ساسها لي راسها مصاريف على علاج، على حوجات اخوانو، يلحق لشنو ولا لشنو بس كدة قولي، اديهو نفسو شويه وقروش الصندوق دي م تلزميهو بيها لملميهن من هنا وهنا براااك،
عمتي الولد ولدنا وشغلو دة كلو اساساً بينا نحن ولينا نحن انتِ م اطلعي منها م تسمعي الولد قول مسؤليه البيت كلها في الراسو وتبقي ليهو وسواس دة واجبو
انا وسواس؟ سمح اسمعيها مني كويس واجبو قايم بيهو تالت ومتلت وهو م مجبور عليهو الدور والباقي على العطاله المعيشاهم تحتك وم قادرة تلزميهم يقومو بواجباتهم
يسرا: حبوبه وامي قومتو تاني تتناقرو؟
انتي م سامعه حبوبتك بتقول في شنوو؟
براك بديتي الشين ي رويس زي جردل الحمام
يسرا: حبوبه ه
م شغاله بيك ي عمتي انتِ م خرفتي خلاص عادي، وانتِ ي البتضحكي جهزي نفسكم وكلمي احمد اخوك ومرتو وملهم الليله سامر قال عازمنا طلعه
يسرا: بجد
ياسمين كانت شايله مكشاشتها في يدها لما سمعت امها فجأة وقفت وقالت ليها طلعه؟ طلعه وين ولشنووو يعني م فهمت؟
ماشي يودينا تعارف ه، الصوت كان جاي من ورا ياسمين اتلفتت بخلعه لقتها تماضر وكانت بتعاين ليها بخبث
بعدها تماضر كملت كلامها ب "ولا المناسبه شنو المطلعنا عشانها ي عمتي؟
والله ي بت امي شن عرفنا انا الولد قال لي كلميهم يجهزو عازمهم كان طلعت عزومه عائليه خير، ولو طلعت فيها تعارف خيرين لكن لسسسه ماااا اظن عندو فكرة العرس في بالو لسسسه عايز يكمل البنا دة ويأسس لي امو حتى بعداك،
اكتر من كدة تأسيس الا كان يحنط ليك نفسو ويغزها ليك في نص البيت ي مرة ي جاحدة النعم
يسرا: حبوبه براحه على امي دي بتجلطيها
حبوبتك دي مخرفه ساي م تشتغلو بيها ها،
الساعه 10 بالليل:
يسرا: اخيراً وصلنا، الساعه ي دوب 10 لكن نعسانه لمن م شايفه قدامي بس بالجد اليوم كان ظااابط لمن غلط حبيبي طبيبي ي سامر م نتحرم منك ي رب
يسرا نزلت لما جات ياسمين تنزل قلته ليها
ياسمين خليك م تنزلي دقيقة،
قالت لي
ا، ا، انا؟ قلت ليها ايوة دقيقه،
يسرا: يلا انا نازله ماشه انوم تصبحو علّۓ خير ياسمين اوعى تجي تولعي نور الغرفه بكفتك
بعد م يسرا نزلت!!!
ياسمين ي اختي انا عارف انو شغل البيت ومسؤليتو كلها عليك، وعارف انو دي حاجه صعبه شديد بس برضو يعني لو في حاجه مضايقاك انا اخوك مفروض تجي تحكيها لي وانا بلقى ليها حل، هسي قولي لي في شنو مضايقك وانا بي يدي احلو
سكتت مساافهه حتى قالت ليّ بصوت خافض م م ماف شي
قلته ليها طيب قبل يومين كنتِ بتبكي مالك لما كنتِ في الغرفه؟
قالت لي ماف شي والله مزاج بس
قلته ليها مزاج ببكي؟ههههه والله انتو البنات غريبات طيب اتفضلي
دة شنووو؟
حاجه كنتِ عايزاها وم طلبتيها مني بس كلمتي البيت كلو بيها،
قالت لي دي هديه ليّ انا؟المناسبه شنووو؟
قلته ليها المناسبه مزاج
كانت بتحاول تفتح الهديه قلت ليها افتحيها وشوفيها براحتك يلا خلينا ندخل البيت
قالت لي طيب حاضر،
ياسمين النوع الكتوووم شديد، م بتتكلم ولا بتبدي اي ردة فعل لحاجه ولا بتبين ضيقها، اكتر الاحيان بتكون قاعدة براها وقافله على نفسها وانطوائيه علي غير يسرا، ف شوفتها وهي بتبكي كسرت خاطري جداً خصوصاً ف كان لازم اعمل حاجه تطلعها من الجو دة وفعلاً حسيتها اتحسنت
❖
ياسمين: بعد دخلنا البيت ودخلت غرفتي فجأة جات تماضر داخله وراي قالت لي بصوت ملهوف اها قال ليّۓ شنو سامر؟
عينها وقعت علّۓ يدي لقتني شايله الهديه قالت ليّ كدي ي يمه جايب ليك هديه اها كدة ورينا جايب شنووو،
سكتت م رديت عليها
ردت بي اصرار كدة افتحيها بسم الله مالك خايفه مالك؟
فتحتها لقيتو تلفون،
قالت لي وبعلي جاب ليك التلفون البتهاتي بيهو ليك سنهه، عاد ټمٱم يختي، شي جايب شغاله عشان انتِ م تشتغلي في البيت وهي تمسك شغل البيت، وشي تلفون كلام عجيب،
استغربت م̷ِْن كلامها، شغاله؟
قلت ليها شغاله شنوووو؟
قالت لي عمتي م قالت ليك انو سامر وصاها تجيب شغاله تمسك شغل البيت وم يشغلوك انتِ وكدة؟عااااد لكن إهتمام عجيب ههههههههههه
قالت كلامها دة بخبث وطلعت وانا م ركزت معاها كنت حاضنه التلفون في قلبي وانا سرحانه..
❖
دخلت غرفتي غيرت ملابسي بملابس الرياضه عشان كان عندي مباراة، قبل م اطلع باب غرفتي دق إتلفت لقيتها ياسمين جات داخله
قالت لي سامر انت جبته لي التلفون العايزاه بجد؟ عرفت من وين الكلمك منووو وكمان كلمت امي تجيب شغاله تساعدني في البيت؟
ضحكت قلته ليها عندنا كم ياسمينهه نحن لمن يزعلوها؟، المهم عرفت الحاجه الانتي عايزاها وحتبسطك
جات فجأة واترمت في حضني بطريقه غريبه وهي ساكته
قلته ليها هههههه خلاص ي هبله،
حاولت ابعدها اتمسكت بي بزيادة،
بعد مسااافه جات يسرا داخله بتقول "سامر ي عنصري يعني شنو تجيب لي ياسمين وانا لا؟
ياسمين اتفكت مني بسرعه وهي متوترة
يسرا كملت كلامها ب "بتفرز بيناتنا يعني ي سامر قصدك بتفضل ياسمين علي؟
قلته ليها انتِ لمن تعقلي
قالت لي عاقله، والله عاقله، هسي عقلت، حتجيبو لي متين، بكرة، خلاص الاسبوع الجاي، خلاص شهر بصبر م مشكله عليك الله ي سامر، ارجوك، ارجوك، ارجوك
ضحكت وقلته ليها نتفاهم بعدين لاحق المباراة انا
طلعت وخليتها بتكورك وياسمين بتضحك وضحكتها دي كانت عندي بالدنيا
❖
محور القصهه كلو ابتدأ في اليَوُمًًِ الهتكلم عنهه دة، ممكن نقول انو اليَوُمًًِ البسببو نحن حالياً بنكتب ليكم...
في يوم قبل م اطلع الشغل إتصلت علّۓ امي بطمن عليها وعلى ابوي كالعادة،
اها ي بت م كفاك بعد كدة تعالي راجعه البيت ابوك دة بعد كدة بعرف انا قلبي دة بقى ما مطمن، تعالي راجعه البيت، ابوك كل يوم ينق البت، البت، البت
قلته ليها جايه ي امي بس نهايه الاسبوع دة وبعدين ابوي دة يومي انا بتكلم معاه م حصل قال ليّۓ تعالي امي بطلي حركات
م بقول ليك لَگِنْ بقول ليّۓ انا والله الليل م بنوم ي شهد بهاتي بيك
حبيبي ي ابوي، خلاص ي امي نهايه الاسبوع انا بجي ان شاءالله، يلا مع السلامه
ي بت اسمعي كلامي،
الو، الو، م سامعاك ي امي الرصيد انتهى
فجر بتضحك قالت ليّۓ امك دي تاخد جائزة اكتر زول اتوزع في الدنيا
كنت بتكلم معاها وشايفه زباين جاين علينا علشان كدة عملت كدة
فعلاً الزباين وصلو كانو 3 اولاد،
قالو لينا السلام عليكم؟
قلنا ليهم وعليكم السلام،
فضلو ساكتين
فجر قالت ليهم اتفضلو
واحد قال ليها معليش بس عندنا استفسار بسيط إذا ممكن!
قالت ليهو على طول
قال ليها الكشك دة حقكم؟
قالت ليهو ايوة
التاني قال ليها يعني م إيجار؟
هزت ليهو راسها
اتدخلت انا وقلت ليهو لأ م إيجار
واحد قال لي متأكدة حقكم؟
فجر قالت ليهو بضيق عفواً البخلينا نكذب شنووو معليش؟
قلته ليها روقي ورجعت قلت ليهم الكشك حق ابوي ي شباب في حاجه؟
في نفسي بقيت اقول معقول الولد كذب علينا وقال انو اشتراهو ك تعويض للكشك الاتكسر؟
بقو يعاينو لبعض واحد ساقهم ومشو بعيد وبقو يتكلمو وواحد طلع تلفونو وعمل مكالمه وعمل حركه كأنو ماف رد وكدة، بعد مسااافه جو راجعين تاني
قالو لي طيب ابوك دة اسمو منو ي بتنا
فجر عايزة ترد قلته ليهم معليش ممكن افهم المشكله شنو لْۆ سمحتو
قالو لي نحن في زول أجر لينا الكشك دة وقال لينا بجيب ليكم المفتاح، وليهو كم يوم بتجرجر معانا في موضوع تسليم المفتاح وهسي اتفاجأنا انو انتو فاتحين الكشك ونحن دافعين مقدم 3 شهور إيجار ي بتنا
حسيت نفسي م مستوعبه هم بقولو في شنو، قلته ليهم بصوت هزيل كيف يعني؟كيف أجرو ليكم ودافعين حق إيجار ومتين الكلام دة؟
واحد قال ليّۓ نحن قبل شهر جينا شفنا الكشك وتممنا عليه ودفعنا العربون، وهسي الاسبوع الفات دة دفعنا الإيجار قال لينا بس اجيب ليكم المفتاح بعد يومين وهسي ليهو 4 يوم عديل مما قال الكلام دة وكل مرة طالع لينا بحجه، مرة يقول مع ابوه في المستشفى، مرة يقول هو برة الولايه حاصل ليه ظرف، هسي ٱڅڑ مكالمه ليهو معانا العصر قال لينا شايل المفتاح جاي عليكم قلنا ليه زط بننتظرك جمب الكشك واتفاجأنا بي انكم فاتحين
فجر قالت ليهم هو منو ي شباب هو منو؟بتأجرو ساي انتو؟عارفين انو صاحب المحل ولٱ سااااي؟
واحد قال ليها زول جابنا عدييل شايل مفتاحو وورانا الكشك م̷ِْن جوة حيكون شنو يعني؟
قلته ليهم طيب عارفين الزول دة اسمو منو؟
فجر قالت لي اكيد حرامي ونصب عليهم حيعرفو اسمو م̷ِْن وين؟
واحد منهم قال ليّ اسمو مهند ودة رقمو ببدأ ب 01...
الكلام وقع علّۓ مسامعي زي الصااقعه، وفجر سكتت مساافه حتى قالت لي مش اخوك اسمو مهند؟
لساني اتشل
الولد قال لي اخوك؟ طيب كيف يأجر لينا وانتِ شغاله في نفس الوقت
فضلت ساكته وهم بتناقشو،
فجر قالت ليهم معليش شكلو في سؤ تفاهم ي شباب، هو م عارف انو نحن مشغلين الكشك وكدة لْۆ عارف م حيعمل كدة اكيد
واحد قال ليها اخوها كيف م عارف انها شغاله في الكشك قولي كلام معقول+ عارف ولا لأ دي حاجه م بتخصنا نحن البهمنا اننا دافعين قروش علّ إيجار محل وعايزين المحل وبس
فجر بقت تعاين ليّ، بعدها قالت ليهو تمام اتفاهمو معاهو احسن، اثناء م هم واقفين جو زباين غيرهم، فجر قالت ليهم اتفضلو، قالو ليها عايزين...
انا بقيت قاعدة وسرحانه وشايله الهم، مهند أجر الكشك لمدة 3 شهور، 3 شهور بحالهم، اكيد م رجع ليّۓ ابوي ولا كلمو اكيد، اكيد اتصرف التصرف دة م̷ِْن راسو
بعد م مشو الزباين والاولاد برضو مشو،
فجر قالت لي ابوك حيكون م عارف صّْح؟
هزيت ليها راسي
قالت لي طيب وحتعملي شنووو؟حتكلميه؟
قلته ليها م عارفه والله ي فجر
قالت لي ليييييهه اخوك دة هو بعمل كدة ي شهد؟يعني تصرفاتو غريبه بجد م تصرفات زول عاقل كدة رغم انو م صغير
سكتت ودخلت في ضفوري منها كان نفسي اكون م̷ِْن النوع البتباهو بي اخوانهم وكدة بس للأسف انا العندي جبان شديد ودايماً مصغرنا قدام الناس
بعدها قالت ليّ م علينا م حكيت ليك طبعاً الليله جايني البست وكدة،
قلته ليها بجد؟دقيقه افهم يعني عندك بست غيري؟
ضحكت قالت ليّ هو كراش م بست
قلته ليها كرااش وانا م عارفاه دة منو ي بت؟
قالت لي اي م حكيت ليك عنو لانو م كان في بينا تواصل علّۓ قدر كدة، واتقطعت منو فترة، جا السودان ورسل ليّ قال لي لآزٍمٍ اشوفك، هو معانا في عمان
قلته ليها كلام لَگِنْ
قالت لي يلا بس حيجيني نتلاقى نقعد شويه وارجع ليك م بتأخر
قلته ليها ظابط ي زولهه
قالت لي ولو اتأخرت بكون اتهبلت قدامو اضربي ليّ
ضحكت قلته ليها جاي متين هو؟
قالت لي بعد سَآعهْْ كدة
قلته ليها طيب حلووو حماس
بجي اول هنا بعرفك عليهو ونمشي
قلته ليها اممممم عارفك شغاله في محل زي دة وكدة
قالت لي عارف اي حكيت ليهو اني بساعدك وكدة وحتى لْۆ م عارف وين المشكله
قلته ليها لٱ بس م عايزة ادخلك في احراج
قالت لي اكفتك؟هل عايزاني اكفتك؟
فعلاً بعد سَآعهْْ وشويه جاها، كان جنتل شديد سلم علينا وعرفتو علي قال الا يقعدو في الكشك قلته ليهو لٱ القعدة م مريحه والكشك جايط وفي نار وغيرو احسن يمشو مكان هادي، قال لي انتِ م عايزة تعزمينا ي بخيله انا جعان قلت ليه اجهز ليك حقك تاكلو في مكان رايق، وفعلا دة الحصل،
بعد م مشو بنص سَآعهْْ والزباين ماشين وجاين فجأة اثناء م انا بخلص في زبون عيني وقعت على زول جاي م̷ِْن قطع الزلط هناك، الملامح م غريبه علي والشكل مألوف عِن.̷̷̸̷̐ديّ، مهند، ايوة كان مهند، كان جاي وملامح وشو م بتتفسر،
خلصته الزبون القدامي اتحرك وانا تركيزي كلو على مهند كان متخذ وضعيه "تأبط شرا"ً
كل م يقرب كانت ضربات قَلب بتزيد وفي صوت بقول ليّ اجري ي شهد بس قلت اُصلًيً م بجري وخلي يعمل العايز يعملو، وقفت لغااايه م وصلني عيونو كانت زي الشرار اول م وقف قدام الكشك قال لي بتعملي في شنو هنا؟
اخدت نفس مسااافه حتى قلت ليه زي م انت شايف
قال لي وريتي منو انتِ؟
سكتت
قال لي قفلي يلا وارح طيري قدامي
قلت ليهو اقفل؟ اقفل لشنووو ابيت م بقفل،
قال لي شهد ي..."لفظ قذر"انتِ ما دايرة تسمعي الكلام؟
بقيت اعاين ليه مصدومه م̷ِْن اللفظ القالو طبعاً مستحيل واخد يقولو لي اختو.بقيت اعاين يمين وشمال علشان اتأكد انو.ماف زول،
قلت ليه مهند احترم نفسك وحسن اللفاظك اضافه لي كدة انا م بقفل وم بمشي معاك لأني شغاله وم قاعدة اعمل في حاجه غلط
واديتو ضهري وبقيت برتب في الحاجات فجأة اسمع صوت طاخ، اتلفت لقيتو نزل الواجهه حقت الكشك الاماميه والمحل بقى زي المغلق كدة وقبل م اتلفت على مدخل الكشك لقيتهه في وشي دخل الكشك وجراني وكتفني م̷ِْن يدي عايز يسوقني بقيت اقالع والز فيهو، ضربني كف، قلته ليهو ي حيوان، بدل الكف لحقني اتنين وبقى يقول لي انا حيوان؟
اوريك انا حيوان كيف وبقى يكفتني بصورة متكررة في كل مكان في وشي، ولما خلاص فتر مسك وشي بي يدو واحدة وكتفني بي يدو التانيه ورجعني ليّ ورا، وورا دة كان في الكانو الفيهو شوايه الاقاشي، مع رجعتي لي ورا ضربته الكانون، "الكانون كان عالي م صغير" وجزء م̷ِْن الجمر اتشتت في الارض وهو لسه ضاغط علي ومرجعني لي ورا وضاغط على وشي بي يدو بكل قوتو لمن كتمت نفس رجع خنقني بنفس اليد، كان شايف انو الكانون ورانا وفيهو نار وشايف الجمر الاتشتت ومتعمد يعمل كدة،
انا بطبيعه حالي بمشي في المحل بالشٌراب بس وبكون قالعه الجزمه، فجأة حسيت بالجمر في رجولي، بقيت اصرخ واقول ليهو مهند رجولي النار، رجولي في النار ي مهند واي، واي رجولي،
لغااايه اللحظه م بنسى انو هو فتحه خشمو قال لي مش دايرة الشغل دة؟ يلا اشتغلي عشان اوريك قله الادب دي كيف،
وانا بصرخ بأعلى صوتي كدة خت ليّ يدي الإتنين في سلك الاقاشي وهو حار،
قدر م •اللّہ̣̥ اداني قدرة صرخت،
يعني تخيل احساس انو انت رجولك تحتها جمر، ويديك مختوته في سلك قاعد فوق النار،
م قادرة اتذكر وقتها حصل شنو كل السمعتو جوطه ناس كتار اتلمو في الكشك، ومهند كان بقول ليهم م تدخلو دي اختي م عندكم شغله، وفي ناس اتشاكلت معاه، وم بين الوعي واللا وعي سمعت فجر بتصرخ وبتقول: انت باااطل فعلا، وانتوً كلكم الواقفين هنا ديل زيو، واقفين بتتفرجو على واحد مّرَيَضّ بعمل كدة بحجه انها اختو، دي رجالتكم هاكم طرحتي دي اللبسوها عليك •اللّہ̣̥ وزاتها كتيرة عليكم ...
بعدها بقيت م سامعه ولا فاهمه اي شي إلا وانا في في غرفه الداخليه، فتحته عيوني لقيت ابوي قاعد في كرسي وخاتي يدينو الاتنين في راسو وبرجف،
وامي غالباها الحيله وبتقول حسبي •اللّہ̣̥ ونعم الوكيل، حسبي الله ونعم الوكيل وبتبكي فيك ي مهند كان انت صحي ولد بطني انا م عافيه ليك لٱ الدنيا لٱ اخرة، تلقاهو في حياتك قبل مماتك كان عزبتنا،
رفعت عيني لقيت فجر قاعدة جمبي في السرير انتبهت اني فتحت قالت لي شهد
ابوي رفع راسو، عيونو كانت زي الشرار زي الكان ببكي،
لما بقى يعاين لي قلت ليهو ابوي؟ ؟؟
فضل قاعد مكانو م اتحرك، اظن الوقت داك هو م قادر،
امي قالت بخلعه وهلع شهد، شهد ي بتي انتِ كويسه؟كويسه انت وقامت جات قعدت جمبي في السرير وتبكي، قالت ليّۓ ي بتي انا م كلمتك م حذرتك قبيل؟انا قلت ليك قلبي دة كان مكالني اصلو م ساي كنت حاسه حيحصل شي الليله دي
دموعي جات جاريه وابوي لسسه م فتح خشمو، وامي تبكي وفجر تبكي،
رفعت يدي كانو ملفوفين بي شاش، ورجولي برضو نفس الشي ال 2
سبحان الله الكذبه الكذبتها عليهم بإسم فجر انا كنت في وضعها الشاش، والسرير، وكل شي،
تركيزي كلو كان على ابوي وحالتو الهو فيها، قلت ليه ابوي
قال لي انا مقصر منك في شي؟انا قلت ليك م بقدر اتحمل مسؤليتك؟ حصل يوم احتجتي حاجه وانا قلت ليك لٱ؟بقيتي شايفاني عاجز خلاص وم حمل مسؤليتك؟مما كان عمرك يوم انا شايلك بتغلبني شيلتك هسي؟
قلته ليهو وانا ببكي ي ابوي م كدة والله
قال ليّۓ انا لغااايه م اموت ضراعي دة حيكون اخدر وحيلي دة ساندني أكفيك انتِ واكفي قبيله كامله، م تقولي اي شي هسي لمن تبقي عافيه نتفاهم،
سكتت ودموعي م كانت عايزة تقيف حسيت بالكسرة وخيبه الظن في كلامو،
طبعاً وشي كلو كان مورم، لأنو كان بضربني بي يديهو وهي ملانه ختم،
عدة اسبوع كامل، بدايه الاسبوع التاني رجعوني البيت رغم اني م م كنت قادرة حتى اوطي على رجولي زي الناس بس فكرة انو يومي امي وابوي متشحتفين جاين وراجعين كانت صعبه شديد علشان كدة قلته ليهم راجعه معاكم البيت، حتى فجر جات معانا، لما وصلنا ابوي قال ليها معليش ي بتي بيتنا ماااااا على قدر كدهه و..
عاينت ليهه، قبل م يتم كلامو فجر قاطعتو وقالت ليهو ي عمو م تزعلني منك لْۆ حاسبني بتك م بتقول كلامك دة
طبعاً نحن فعلاً بيتنا م على قدر كدة بالنسبه للحي النحن فيهو، بس عمرها الحاجه دي م كانت مقياس بالنسبه لينا وعمرو ابوي م سمعتو بيقلل م̷ِْن قيمة بيتنا ولا اي شي قدام زول والموقف دة زعلني
عدة يوم واتنين وتلاته، فجر بقت تمشي الجامعه وتجي راجعه تشرح لي انا المواد في البيت،
ومهند من ديك تاني م شفنا وشو،
في يوم ماسكه شيتاتي واثناء م بقرا جاتني مكالمه م̷ِْن رقم غريب، م رديت عليهو، المكالمه اتكررت مرتين برضو م رديت،
المساء فعلت جاتني رساله في الواتسب م̷ِْن نفس الرقم محتواها
السلام عليكم؟
فتحت الرساله وم رديت عليها
كتب لي شهد؟
استغربت طبعاً زول مرسل وبعرف اسمي كمان،
لما فتحت المسج وم رديت تاني رجع رسل علامات إستفهام؟؟
رديت عليهو ب "أهلين منو معي؟"
كان اونلاين رد على طول وق
قال لي بعتذر على الإزعاج بس جيت المحل كم مرة ولقيتو قافل وسألت وسمعت بالحصل ف حبيت اتطمن عليك وأعتذر
قريت الرساله واستغربت دة منو اصلاً م رديت عليهو وحظرتو وقفلت على كدة،
اليَوُمًًِ التاني كان عندنا Test وكان لآزٍمٍ امشي احضرو، شلنا الليل انا وفجر بنذاكر او فجر هي الكانت بتذاكر لي ونامت خلتني، حسيت نفسي عطشانهه نزلت قلت امشي اشرب مويهه واجي راجعه، وزير المويه كان بإتجاه الحوش البنومو فِيَه امي وابوي، وانا ماشه فجأة سمعت ابوي بيقول لي امي: طلاق تلاتهه انا لْۆ عارف ابوها منو وشايفو بانيها قصور وثرايا م بخلي ينقصها شي ولا تتشاقى في دنيتها دي عشان تحتاج ليهو
امي قالت ليهو شوف حال الدنيا دي ي الصادق، الجبناها م̷ِْن الشارع وقلنا نكسب فيها الأجر بقت لينا أحن م̷ِْن الجبناهو م̷ِْن لحمنا ودمنا، شوف حكمه •اللّہ̣̥، تجري بجاي وتجري بجاي عشانا، عشان م تكلفنا ولا تحمل علينا، وشوف ولد بطنا بعمل فينا شنو، كان عليهو يرش فينا بنزين ويحرقنا حييين وم يرف ليهو جفن، اخ ي الصادق اخ، هسي لْۆ كانت اختو م̷ِْن لحمو ودمو بعمل فيها كدي ي الصادق؟ كان بت امو بمشيها في النار ويحرقها كدة ويبقى فُرجه؟اظن لْۆ كانت اختو الوضع كان يكون مختلف
تمشي بعيد ليييهه ي مرة انتِ امو الوالداه م̷ِْن بطنك شوفي جنس معاملتو ليك دي، الولد دة مغضوب وطول م انا حي غضب •اللّہ̣̥ عليهو
الصادق م تقول كدة •اللّہ̣̥ يهديهو
منو انا؟ والله ادعيهو ليوم الدين كل م اقيف في المصلايه واواجه القبله دي ادعيهو كان حرق قلب المسكينه دي الله ياخد ليهو ولي انا ابوهو دة حقي منو وغضب الله عليهو تاني وتالت
كنت واقفه مصدومه وبسمع في كلامهم، م قدرت اكمل مشي، م مصدومه م̷ِْن السمعتو لأني سلفاً على معرفه بالقالوه دة كلو م̷ِْن وانا في خامس اساس، امي وابوي كانو على درجه م̷ِْن الوعي انهم يواجهوني بالحقيقهه دي، بس م عارفه كنت بسمع في كلامهم دة كأني اسمعو اول مرة رجعت خطوتين وتلاته وخمسه لغايه م دخلت الغرفه ورقدته في سريري وبقيت ابكى، قضيت الليل كلو بكى وانا بتذكر مهند كيف بعاملني م̷ِْن زمان مما انا قمت ولغايه م وصلت العمر دة، اصلاً عمرو م عاملني كأني اختو رغم انو م حصل امي وابوي حسسوني بأني م بتهم بالعكس كانو بعاملوني بطريقه احسن منو حتى عمرهم م فرزو بينا بالذات ابوي، بس مهند دايماً بضربني وبنهرني وبميل لي انو يأذيني م̷ِْن قمت وانا صغيرة هو بعاملني كدة، يمكن صح كلام امي او امو،
لْۆ كنت انا م̷ِْن لحمو ودمو بحق وحقيقهه م اظن كان حيعاملني، يمكن كان الوضع اختلف، او يمكن هو شايف إني مشاركاهو في امو وابوه او انا باخد حاجات وبعيش تفاصيل المفروض هو يعيشها واتحرم منها بسببي، يمكن دة هو سبب حقدو الدائم علي
فضلت صاحيه لغااايهه اذان الصبح اذن وقال" الصلاة خير م̷ِْن النوم، قلت وخيرً م̷ِْن البكاء"
ونزلت صليت،
الصباح ونحن طالعين الجامعه ابوي قال لي مالو وشك وارم الليله ي المبروكه انا م قلت ليك م تساهري؟
امي قالت ليهو كلمتها مليون مرة م تساهري م تساهري السهر دة بقطع قلبك لَگِنْ م بتسمع الكلام
فجر قالت ليهم انا نمت غايتو خليتها صاحيهه هههه
قلنا ليهم يلا نحن طالعين،
ابوي مشى ورانا، قلت ليهو ابوي ماشي وين انت؟
قال ليّ اوصلكم طريق المواصلات
قلت ليهو لٱ م بحتاج ارجع البيت نحن بنمشي،
اصر انو يوصلنا، بقى ماشي ويونسنا وهو وفجر ماسكين المواضيع لغااايه م وصلنا وفضلنا واقفين فترة والناس بتتزاحم في العربات البتجي، ونحن زمنا قرب، اخر حاجه جات حافله فجأة نشوف ابوي بتزاحم مع الناس، بقيت انادي عليهو ابوي، ابوي تعال هنا ي ابوي نحن بنركب،
فجر قالت ليهو ي عمو الله يخليك انزل انت صحتك م بتستحمل المدافرة دي،
م سمع لينا وبقى يدافر مع الناس لغايه م ركب وحجز ونادانا بالشباك وقال لينا يلا تعالن اركبن ي بنات، يلا ي اركبو بسرعه ي بنات اقيف ي سواق خلي البنات ديل يركبن،
ركبنا بعد م نزل جانا بالشباك قال لينا اها م تدفعو كويس دفعت ليكم انا،
فجر قالت ليهو م كان تتعب نفسك ي عمو
قال ليها م خلاص كلو واحد، اها يلا الله يوفقكم ويعدلها عليكم ي رب، المبروكه اها لْۆ حسيتي نفسك م كويسه اضربي كلميني اجي اسوقك سمح،
قلت ليهو حاضر ي ابوي يلا انت ارجع البيت بعد كدة
بعد اتحركنا فجر قالت لي هاك، كانت ماسكه 500 في يدها
قلت ليها دي شنوووو؟
قالت ليّ عمو قال يدوك ليها، وصلنا الجامعه وانا اصلاً مدبرسه وحاسه راسي كلو كابس وم فاهمه اي شي ولا مستوعبه شي، دخلنا الإمتحان وم قدرت اكتب حرف، كلام امي وابوي بس كان في إضني
جابوني م̷ِْن الشارع علشان يكسبو فيني اجر وثواب وبقيت ليهم محنه في علاقتهم، م عارفه انا فجأة الدنيا بقت مضلمه في وشي وحاسه بالذنب وتأنيب الضمير لييييهه بس دة الكنت حاساه تجاهم وتجاه مهند كمان، حاسه إنو انا السبب في انو يكون ولد عاق كدة، وانا السبب في انهم يقصرو في حق ولدهم الحقيقي م̷ِْن نواحي كتيرة، وانا السبب في اني اكون حمل تقيل عليهم في حياتهم وزيادة في مسؤلياتهم
م اشتغلت ولا حرف في الامتحان وم كتبت غير اسمي وطلعت، لقيت اقرب ركن بعيد كل البعد عن الناس وقعدته فِيَه واتفقعت بكى، كنت ببكي بس انا م عارفه ببكي ليييهه ماف سبب محدد ممكن يتقال عليه بس كل الانا عارفاه انو ضيق الدنيا كلها كان مكبوت في صدري وم كنت قادرة اتنفس حتى ف كنت ببكي لمن بتنهد،
قعدت قريب الساعه وزيادة في مكاني دة وتلفوني بضرب وانا سامعاه بس بدخل يدي في الشنطه بعملو صامت بدون م اعاين للرقم،
بعد مرور قريب الساعتين روقت شويه طلعت تلفوني لقيت فجر متصله علي قريب ال 100 مكالمه ومرسله كميه م̷ِْن الرسايل كمان
قبل م ارجع ليها رجعت اتصلت فتحت الخط
قالت لي بصوت عالي ونبره خوف شهد، شهد انتِ وين والحاصل عليك شنو، انتِ كويسه؟
قلته ليها بصوت مبحوح وحس متنهد ايوة تمام
قالت لي مالك؟صوتك مالو، شهد انتِ وين م تخوفيني عليك؟
قلت ليها انا في ...
قالت لي طيب جايهه، جايهه عليك
في ظرف دقايق لقيتها قدامي،
قالت لي بلهفه شهد؟ مالك ي شهد؟
جات مسكتني
هزيت ليها راسي بمعنى ماف شي لأني م كنت قادره ارد عليها،
قالت ليّ لٱ في قولي في شنو،
دموعي جات جاريه، جات حضنتني وهي بتقول لي شهد بسم الله مالك قولي ليّ في شنو حبيبي، مالك ي شهد م تبكي، شهد،
بقيت مترميه في حضنها وي دوب بقيت ببكي كويس وهي تهدي فيني وتتكلم معي، بعد مدة اتعدت الربع سَآعهْْ حتى هديت، رفعت لي راسي وقالت لي انتِ كويسه؟
هزيت ليها راسي بمعنى ايوة،
قالت لي الحمدلله طيب مالك بتبكي، في زول ضايقك م اشتغلتي في الامتحان كويس؟
سكتت ومسحت دموعي،
قالت ليّ خلاص ي شهد ارح غسلي وشك و...
فجأة اتلفتت وقالت لي : انت هنا، معليش يااااخ نسيتك بالجد
رفعت راسي لقيت قدامي الولد الاسمو سامر اخو البت ديك نفسو، استغربت م̷ِْن تواجدو طبعا، بقيتً اعاين ليه واعاين لي فجر
فجر قالت لي اتصل علي وطلب انو عايز اشوفك والح علي اوريهو بنقرا وين وكدة،
قالت ليهو معليش ياخي مرة تانيه بس شويه م تمام وكدة،
قال ليها لٱ عادي وكان بعاين لي قال لي السلام عليكم، انتِ كويسه؟
قلت ليه بصوت خافت وعليكم السلام، الحمدلله.
فجر قالت لي شهد اجيب ليك مويه؟
قلت ليها لٱ
قالت لي دقيقه جايه واتحركت مشت وانا بقول ليها لٱ،
بعد م فجر مشت
قال لي جيت بدون سابق انذار ويمكن في توقيت غلط بس اتصلت عليك وحاولت اتكلم معاك واتس كمان بس م لقيت طريقه تانيه اقدر اتواصل فيها معاك غير اني اجيك عديل،
عموماً الف سلامه عليك وأجر وعافيه، وحبيت اعتذر لأنو الشباب الاخوك اجر ليهم ديل شباب اصحاب اخوي م عارف اخوي فهمهم شنو بس جوني انا ووضحت ليهم انو الكشك دة م حقي، اصرو علي اني اخليهم يتواصلو مع زول م̷ِْن اصحاب الكشك ف اديتهم رقم اخوك دة الرقم الوحيد الكان عندي واخوك بالفعل إتصل علي بستفسر انو جوه شباب م̷ِْن طرفي حابين يأجرو الكشك كان عايز يفهم الحاصل ووضحت ليه سؤ الفهم، إعتذاري في النقطه بتاعه انو انا اقترحت عليه انو طالما الكشك فاااضي والحاج لسسه م كمل عافيتو ممكن يتأجر ويستفاد منو لغايه م الحاج يبلغ الصحه، دة كان مجرد إقتراح في مكالمه يعني م عشان الشباب اصحاب اخوي وكدة ف م كنت عارف انو انتِ فاتحه المحل، وم عارف انو اخوك إعتمد إقتراحي وأجر المحل بدون علمكم لأنو دي كانت اخر مكالمه لي معاهوهم، شكلهم اغروه بالقروش والكلام دة عشان كدة وافق، ف انا بعتذر لأنو الحصل ليك دة انا كنت جزء م̷ِْن اسبابو م مفروض كان أتصرف كدة بسسس قدر الله ماشاء فعل
قلت ليه حصل خير
فضل ساااكت مرة يتلفت ومرة يعاين لي في يدي الملفوفه بشاش ولرجولي برضو كانو ملفوفين ولابسه شبشب بيت عادي ومدخل يديه في جيوبو
فجر جات شايله في يدها حاجات، عصير ومويه واكل قالت لي شهد انتِ م فطرتي صح هاك اكلي، وبدون نقاش،
وقالت ليهو اتفضل
قال ليها شكراً م كان تتعبي نفسك
قالت ليهو العفوو تعب شنووو، اتفضل اقعد،
قال ليها لٱ على مشيه والله، يلا انا استأذن في امان الله
قالت ليهو شكراً
هزيت ليهو راسي واتحرك مشى.
❖
م عارف نفسي اتصرفت صح او لٱ بس العارفو انو الحصل لبت الناس دي ضايقني جداً خصوصاً بعد م لجأت لصحبتها علشان تحكي لي تفاصيل الحصل بالضبط والسبب، لقيت انها زوله بسيطه وبتعمل دة كلو عشان ابوها، ابوها هو محور العملتو دة كلو وبكل بساطه كانت دي جزاتها، تأنيب الضمير كان سايقني لغايه عندها واعتذر، على شنو م عارف بالضبط
اتوقعت اني اللقاها في وضع احسن م̷ِْن الشوفتو بيها
❖
اخر اليَوُمًًِ بعد م رجعنا البيت فتحت ضلفه دولابي فجأة لقيت بوكس باللون الاسود في الدولاب، ناديت على فجر كانت مع امي في المطبخ، قلته ليها عندك حاجه في الدولاب انتِ
قالت ليّ حاجه زي شنوووو؟
قلته ليها م تتغابي اكيد عارفه
قالت ليّ اي نسّْيتً اوريك ليها كدة افتحيها،
نزلتو وفتحتو، جوة البوكس كان في علبه، طلعتها وفتحتها لقيت فيها
شاش+معقم يدين ومعقم جروح+لصقات+مرهم جروح+كمامات+مناديل طبيهه
وورقهه مكتوب عليها م لقيت فرصهه اعتذر ليك فيها عن الحصل بشكل مناسب بس"أجر وعافيهه ي عافيهه والديكك وبمعنى ادق "عافيهه والدها"
ندهت عليها بصوت عالي وقلت ليها فجر؟؟
جات داخله وقالت لي سبرااااايز
بقيت اعاين ليها
قالت لي انا م لي دخل في الموضوع غايتو
وشي كلو بقى استفهامات كأنو منتظرة منها إجابه م̷ِْن غير سؤال مباشر
قالت لي زول اتصل علي وسلمني ليهو وانا سلمتو ليك
قلت ليها زول؟زول منووو؟
قالت لي توصيل ّ
قلت ليها بنفاذ صبر فجر؟؟
قالت ليّ خلاص الولد الاسمو سامر كدة ارتحتي؟...