الجزء 1
مرام وين ياامي الام حاجه فطين شايقيه مشلخه راقده في السرير المقاصد الممر البودي الحوش المنو لباب الشارع وتحسب في قروشها بترد على وداد بتها :كالعاده في الشارع مع الاولاد بتلعب هسي فاتت بي فوقي .....
يامرام ..... يامرام
مرام : ايوه امي
وداد : مرام يابتي...انا مش قلت ليك ماتطلعي الشارع تلعبي مع الاولاد انت بت محلك جوه
مرام :بلعب مع مكاشفي مامع الاولاد.
وداد تكتم الضحكه عشان ماممكن تشاكله وتضحك وهي عارفه كويس بتها ذكيه وبتنوم على الخط ...لا يعني مكاشفي بت
مرام تضحك لتستفز امها وتضحكه معاها
لا لا امي بت كيف ماشايفه شعرو قاصيو
وداد : طيب كان عارفه ولد البلعبك معاهو شنو انا مش قلت تاني بس مع البنات ما ممكن بت تلعب مع ولد
مرام :لي امي ماممكن
وداد : بس كده ماممكن وخلاص.. امشي العبي مع سلافه ..هسي يوم طلعت بره
مرام:سلافه بدقني
وداد:بدقك ساي .. لو ماغلطي مابتسألك
🎀🎀🎀🎀🎀🎀🎀🎀🎀
مرام مشت وهي لسه مامقتنعه بي اجابة امها ... ووداد تقعد في نص السرير المقاصد سرير حاجه فطين بتفكر حتقدر على المسئوليه دي ياداب وداد عمرها 7 سنين ولسه مشوارها طويييل وابوها سمير مما طلقها لا سأل منها هي لا بتها بس كتر خير ابوها حاج احمد المسكه والتزم بي كل منصرفات البت ..ابو وداد حاج احمد تاجر كبييير ماشاء الله عندو عمارتين في العربي وغير المحلات الصغيرة ..وامها حاجه فطين مره رغم الله اداها ليو بتحب القروش زي عيونها ... وداد عندها اخو واخت بس اخوها متزوج وساكن الطائف مع مرتو واولادو التلاته ماعندو بت اسمو حسام واختها اسلام في كندا متزوجه بس الله مااداها جنى وحسب ماظاهر السبب راجله لانو مانعه تعمل اي فحوصات بحجة انو بحبها هي وماهمو الاولاد ..زي التقول مقتنع انو هي السبب حتى جياتها لي ناس امها السودان فترة بسيييطه وبكون لصقه ومغرق حاجه فطين بالهدايا والقروش عشان يكسب ودها وفعلا حاجه فطين مابترضى في محمود اللي هو راجل اسلام وبقت تقول لي اسلام الولدو عملو شنو عايني اختك والرميه المرميه ليها اهم شي راجل يصينك ويحبك وانسي اي كلام فارق ....اسلام شبه رضخت للموضوع ده وبقت ساكته وقاعده ..... وبتحب مراام زي عيونها ومابتبخل عليها بي شي ... اما عمنا حاج احمد ده وحسام ولدو بس همهم الشغل مابدخلو خالص في قرارات البيت ولو ادخلو بكون الموضوع طلع من الطور او يكون ازى واحده من بناتو وهنا حاج احمد ممكن يقتل عشان خاطر بناتو ...اما حبيبنا البطل مكاشفي ده ولد الجيران امو عواطف وابوهو محمد وعندو اخت واحده اسمها سلافه قدر مرام بس الغريبه مابترايدها عكس مكاشفي ومرام مع انو مكاشفي في ثامنه ممتحن للثانوي بس روحو ونفسو مرام ولو ماشافه يقعد يحوم قدام بيتهم لامن تطلع حتن يمشي يشوف شغلتو ولو سلافه شاكلتها مستعد يشاكل سلافه ويمكن ده سبب عدم الريده بين البتين .......
محمد وعواطف اسره مستقره ماديا واجتماعيا بس طبعا ماديا مابنفس مستوى اسرة حاج احمد ...لانو محمد كان يااداب مراقب مالي يعني راتبو قدر حالو بس ممشيه امورو والحمدلله وعواطف مرتو بت خالتو في الحسبه ومرتو ماشاء الله عليها ست بيت وفااهمه وواعيه بترييد وداد ام مرام وعلاقته معاها قويه جدا وسرهم عند بعض زي اولادهم مكاشفي ومرام ولدو سلافه ومرام في يوم واحد وفي نفس المستشفى لانهم كانو حاجزين مع بعض للمتابعه سبحان الله والاتنين احتاجو للحضانه زي يومين وطلعوهم ولامن محمد مشى مع مكاشفي يشوف بتو ومعاهم سمير ابو مرام اتلخبط مكاشفي اول مادخل الحضانه جرى جمب سرير مرام وقال لي بابا داير اسميها مرام عشان اناديها مرامي ههه ابو ضحك و قال ليو كده بس علم وبنفذ ...... ولامن جات السيستر وقالت ليهم لا دي بتك يامحمد دي بت سمير ..... بس مكاشفي كان مصر انو دي مرام وبذات بي علامة الشامه الزايداها حلا جمب خشمه ..... وتحت اصرارو وريدة وداد ليو سموها مرام وبقت بالنسبه ليو مرامي الليله وبكره ولي ابد الابدين....
🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀