الجزء 17

صحينا الصباح كلنا تعبانين من العرس وتعبو بس والله الفرحه باللمة كانت مابتوصف واللمه الفي بيتنا شوية ضيوف ناس خالاتي وعماتي شرفونا وونسونا وملو لي امي البيت وخففو عنها كتير من فراق سلافه..... سلمت عليهم واول شي قابلوني بيهو عقبالك يامكاشفي وكل واحده بتظبط لي بتها طوالي حسمت ليهم الموضوع بي انو قرب ان شاء الله وبذات لامن وقع اختياري على البت بس لازم اسأل منها الاول ...خالتي ردت لي اوعي تقول لي غريبه مننا ....اشرت ليها بالايجاب بحركه من راسي ومشيت طوالي مااديتهم فرصه للاسئله .... وكمان كان لازم اشوف خالتو وداد امس شكلها ماكان عاجبني خالص دخلته سلمت على خالتو شذى كانت قاعده مع اخواتها في الجنينه سألتها من خالتو وداد وين قالت لي في غرفتها جوه اقعد مكاشفي اشرب معانا الشاي وتعال نختار ليك واحده من بناتنا الامس بقي لازم تلحق احمد...ضحكت واستنجدت بي ماريا ووريتها انو عيني وقعت على واحده وزميلة احمد بس لازم اسأل احمد اول منها .....

بعرفهم كلهم منو دي بس وريني اسمها....

ماريا فريد خالتو شذى بتعرفيها....

كيفن مابعرفها عز البنات والله لي احمد كانت مابتفارقهم وبي صراحه لو مااحمد عينو على سلافه كنت اخترتها ليو اوعك تضيعها...

ضحكت من كلام خالتو شذى اصلها طيبه وعلى نياتها وبترمي الكلام سااي من غير فرامل بس ريحتني في رايها عن ماريا ودخلت عشان اكلم خالتو وداد اهم زول عندي....

🌀🌀🌀🌀🌀🌀🌀🌀🌀

لقيتها بتقره في قران....قعدت وراها وارخيت جسمي على السرير بتاعها لامن نمت ...بي صراحه ارتحت كتير من تلاوتها ..

صدق الله العظيم....

عايز اقوم عليها وارقد على رجلها لقيت مسكت ورفعت لرب الكون تدعي ....يارب ياكريم يارحيم ارحم والدي واوسع مرقدهم واجعل الجنة مثوى لهم (صمتت مسافه لامن شكيت في حاجه وبي صوت مبحوح مخنوق بخشوع واصلت ) يارب احفظها اينما كانت وباعد بينها وبين كل حرام ومعصيه يارب يامن أويت يونس وانقذت ابراهيم ..يارب ياحبيبي انقذها من كل شر واجمعني بها غانمه منتصره بحبك وحب نبيك ياكريم الهمني الصبر والسلوان واحفظ احبتي واهلي ...

امين يارب

مكاشفي انت هنا حبيبي...

كانت الدموع ماليه عيوني جيت عليها وهي في كرسيها قعدت في الواطه وختيت راسي على كتفها وقلت ليها حتكون كويسه..

سكتت مسافه ...حاولت اقلع الاجابه من صمتها اجابه كلنا ماعارفين ولا حنعرف بتين حنرتاح من السؤال ده...

تبتبت على راسي وقالت كلو بي يد الله يامكاشفي الحمدلله على ماقسم واعطى ...

مالك الليله في شنو مضايقك ....

انتي الوحيده العرفت انك حتحسي بي ...

مكاشفي قلقت بي ولدي مالك...

.....حكيت ليها تفاصيل الحصل امس ولي هسي ماعارف انا اتصرفت واستعجلت ليه كده مع انو مامن طبعي...

ضحكت وحضنتني ياسلام مكاشفي خبر السرور ولدي وماتفكر ده نصيبك ولدي وجاك لي عندك ...انت عارف مكاشفي زمان وانتو صغار كنت بحلم دايما ولو مابخاف الكذب بقول اني شفتكم مع اولادكم وحكيت لي ابوي الله يرحمو عارف قال لي شنو...

قال شنو خالتي ....

قال لي مكاشفي مرام دي حقتو سماها وشالها وطبعها وحتكون من نصيبو بإذن الله.... بس الحمدلله

والله ياخالتو وداد طول السنين الفاتو بشوف نفسي معاها والله جسم انسه كبيره ناضجه بس وش حبيبتي وحياتي مرامي...

سبحان الله وده اكتر من مره ولامن حكيت لي ابوي قال لي عشان هي لسه في تفكيرك واقنعني انو اشوف واحده واول ماشفت طبيت بالعرس.

ربنا يسعدك مكاشفي ..استخير وانا برضو برقد ليك بــ خيره..

🎀🎀🎀🎀🎀🎀🎀🎀🎀🎀

الي القاء في الحلقة القادمة

🎀🎀🎀🎀🎀🎀🎀🎀🎀🎀