الجزء 10
بعد وداد قامت مع بتها دخلو الجهه التانيه من البيت حاج احمد اخد قعدة طويله مع سمير سألو فيها عن زمن وفاة حاج سليمان وليه مارسلت لينا يابني..مهما حصل بينا بتك ومن حقها علينا نجي نعزي في جدها ..
اتوتر سمير وحاج احمد لاحظ الشي ده وخلاهو ياخد راحتو في الكلام لامن بدى كلامو بأنو الوفاة كانت بعد سنة من تلاته شهور من طلاقهم هو ووداد وانو الوالد كان زعلان جدا على الطلاق ده بس كان امر محتم بعد تعامل وداد لي وشكوكها البفت تخنقني....
بس ماتنكر ياسمير انك بعد شهر اتزوجت هدى اللي على مااظن كانت سبب المشاكل وانت كده اثبت انو تصرفات وداد ماكانت مجرد شكوك....
وللمرة التانيه لاحظ حاج احمد التوتر والعرق البقي ينزل من سمير وبقي متأكد انو في حكاية ورى الكلام ده وقرر لازم يكشف الحاصل شنو وبذات انو سمير ماالراجل البمتلك حنية الاب ولا ده السبب الجابو ليهم لانو سلامو كان فااااتر جدا لمرام .... تمو قعدتهم وعملو جدول لملاقاة سمير ومرام ولي قدام حيخلوها تبيت مع اخواتها لامن تتعود عليهم .... ولامن جا يمشي اصر حاج احمد انو السواق لازم يوصل سمير وده كان وراهو هدف تاني لي حاج احمد......
🍂🍂🍂🍂🍂🍂🍂🍂🍂
الصباح حاج احمد وصلو تقرير كامل عن شغل سمير ومحل سكنو وكمان عرف الدافع الخلى سمير يجيهم بعد 6سنين وهو انو داير ينقل وصاية مرام عليها ويبقي الوصي على كل ممتلكاتها وده بعد اكتشف انو ابوهو حاج سليمان الماعندو غير سمير ماات وهو مسجل كل املاكو بي اسم مرام ده غير غضبو على سمير ومرتو هدى ونقل الوصايه لازم يتم بي اي صورة عشان ينقل الممتلكات بيع وشراء ومن بعد كده يرمي البت من جديد وقرر حاج احمد انو يمشي ويواجه سمير ومرتو بالامر ده .......
🍀🍀🍀🍀🍀🍀🍀🍀🍀
لاحظت وداد انو مرام اتأخرت وماجات من النادي ومشت تسأل عواطف اذا سلافه جات لانو يوم البنات مع بعض ومكاشفي يومو بكره وهنا اتفاجئت وداد بالسمعتو من سلافه.....
قلتي شنو ....
جا واحد عمو ساقها معاهو .....
شكلو كيف ..قال ليكم شنو .اهدي ياوداد تعالي بيجاي ياسلافه يابتي..
عواطف ساقت سلافه براحه قعدتها بعيد من وداد البقت زي المجنونه وبتكورك..احكي لي ياماما قال ليكم شنو وجاكم وين...
حاضر امي كنا واقفين مستنين عمو السر السواق بتاع بابا جدو جا واحد واقف بعيد نادى مرام ..اخدت نفس سلافه وواصلت ..شفتي ياماما مرام لامن قبلت ليو قالت هي ده الراجل عمو منو ..عمو منو...
قاطعتها وداد عمو سمير
اي اي خالتو عمو سمير عندو شامه جمب خشمو زي مرام...
واي ياعواطف سجمي الراجل خطف بتي القاها وين مرام تاني....
استهدي بالله كده نتصل بحاج احمد نحكب ليو هو حيتصرف وينو تلفونك....
تررررررن ترررررررررن تررررررررررن تررررررررررن ترررررررن تررررررررن
الي ام انقطع الخط وحاج احمد مابرد ومرام ماظهرت كررو محاولة الاتصال تاني وتالت ورابع والتلفون مابرد في النهايه قررو وداد وعواطف يتصلو بي حسام ...
والاخير مما سمع الحكايه فهم نصها ونصها جا جاري يفهمو وصل البيت كانت الساعه 5ونص ..
ده مامن عادة ابوي انو يطلع بي عربيتو برااااااو ويتأخر ومايوري زول ...
يمكن مرام معاهو اصبري وداد
اصبر وين حسام قلبي قابضني شديد في حاجه حصلت والله جد....
حاجة فطين مسكت سبحتها تسبح وتدعي محمد وحسام واقفين بره في الجنينه وبيحالوا كل زول بي تلفونو لامن التلفون بتاع حاج احمد قفل وده اخر صله ...
مكاشفي قاعد في طرف الحيطه ببكي وبقول يارب مرامي تكون كويسه يارب.....
وداد دخلت في حالة تانيه وعواطف بتصبر فيها .....
في عز الجوطه واللخمه الحاصله دي اذا بها تلفون حسام يرن ...
الووو السلام عليكم ..
وعليكم السلام...
حسام احمد التجاني...
ايوه نعم ....
اسفين بس ممن تتفضل عندنا هنا في قسم الصافيه ضروري...
ابوي حصل ليو حاجه....
ياريت تجي وحتفهم الحاصل وشكرا...
🍥🍥🍥🍥🍥🍥🍥🍥🍥
حسام وقع من حيلو محمد في شنو وهو بمسك فيو وكل ناس البيت جو جارين ...
ابوي ابوي قالو اجي قسم الصافيه ...
دورو العربيه محمد وحسام ووداد وشخص اخر ركب معاهم من غير مايحسو بيو مكاشفي ...
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀