الجزء 30

رجعت وانا براجع اليوم كلو من بدايتو ولسان حالي الحمدلله الحمدلله.....وصلت البيت قلت ارتاح شويه وامشي لي مرامي لقيت خالتو وداد راجياني وتقريبا ملامحها كانت واضحه عايزه تتكلم في شنو حمدت ربي على اخر التطورات ...كنت ماحأعرف اقول شنو لو ماجات ماريا.....

سلمت عليها وقعدنا نتكلم امي خلتنا عشان تعمل لينا قهوه....

مكاشفي لي بتين حيستمر الوضع كده.....

بي استهبال جاوبت عليها ....وضع شنو خالتو....

(ههههه كالعاده زي بتها نفس الطبع الدموع جرن وبقت تبكي وتطلع في الكلام حته حته)...

مرام تعبانه مفروض مااقول كده بس انت معزتك زي ولدي ...مكاشفي مرام مما عرفت خبر عقدك وهي مابتنوم وعلى طول سرحانه كنت ساكته وقلت مااسألها بس كونو يصل انها تسافر ماحقدر....

(نططت عيوني) وقلت ليها:قلتي شنو مسافره وين...

مرام قررت تسافر مع اسلام اختي ....

ليه ....

ماحتقدر تستحمل الوضع براك شفته ماريا عملت شنو امس ومامعروف لي قدام يحصل شنو....

كل خير خالتو وداد....

ونعمه بالله بس كيف ولدي..... وبتي كل يوم بضيع مني.... وانا لو ماحسيت انك شايل في قلبك ليها زي الشايلاهو واكدت لي عواطف ماكنت سألتك...

(عاينت لي امي وانا بضحك ..الفوله ماتتبلى) ....

امي ردت علي ...ياولدي نحن خايفين عليكم ....

ماتخافو ست الكل وماحيحصل الا كل خير انا وماريا اطلقنا الليله ..... وان شاء الله الليله حأحسم موضوعي مع مرامي بس انتو ظبطو لي الجو...

اتفقنا وخليتهم بخططتو ...انا طلعت فوق حلقت دقني واخدت دش وقررت انوم شويه ..بعد ساعه يمكن صحيت ومشيت اشتريت شبكه كنت متأكد انها حتعجبها مش حبيبتي ..

لبست ومشيت عليهم لقيتهم كلهم قاعدين اتونسنا شويه وخالتو وداد وامي ظبطو قعده من امها ماتخيلتها تطلع حلوه كده حلويات وجاتوه وشاي لبن بالجد روعه...

جات قعدت جمبي بعد كبت لي كباية شاي لبن وختت لي قطعة جاتوه في صحن وقدمتو لي ..

شكرا...وواصلت كلامي مع سلافه بطمن على وضع البيبي ..

مكاشفي...

ايوه مرام....

ااه وينها ...

منو .....

منو يعني ماريا....

ماحتجي.....

انا السبب صح.....

لا.......

طيب....

ماجايا مرامي وانتي ما السبب اوكي....

(استفزاها كلامي وزي ماتوقعت الدموع جرن هههههه ولازم تقول المزعلها اصلها دي دموع الغضب )....انا عارف نفسي انا السبب بس خلاص حترتاحو مني يامكاشفي انا مسافره كلمها وممكن عادي تجي اصلا انا مما مرقت وبابا جدو مرق معاي بقيت غريبه ياريتني امووت والحقووو....

(قلبي وجعني من دعوتها قمت مسكتها من كتفها) لو حصل ليك حاجه انا اعمل شنو....

لوت لي شفايفها وردت..تتزوج حبيبتك....

اوكي وده الحأعملو...

دفرتني وعايزه تجري من الزعل....

يامجنونه تعالي....

فكني مش حتتزوج حبيبتك امشي ليها...

امشي ليها وين وهي قدامي واهلها معانا وحتى الشبكه قاعده...

لي لحظه حسيت بيها حتقع ...ههههه بس جات ناطه على رقبتي وهي بتبكي جادي عليك الله ماتكذب علي ...

والله مابكذب عليك...

ووووماريا...

ماريا اختارت سكتها ربنا يسعدها مع ود الحلال ويسترها...وهنا اديت نظره لي احمد.....

مكاشفي....

ايوه عيون مكاشفي...

يعني هسي انت لي انا براي....ايوه مرامي....

الحمدلله بحبك يارب....

وبحبك يامكاشفي

🎀🎀🎀🎀🎀🎀🎀🎀🎀🎀

شكرا للمتابعه الي اللقاء في صفحات اخرى تحمل حروفا قد تبكينا اوتسعدنا....ليس وجعا او فرحا ...فقط لأنها تلمس شيئا إستوطن روحنا.....

🎀🎀🎀🎀🎀🎀🎀🎀🎀🎀