الجزء 22
مرام اصرت تواصل لينا كانت تعبانه من الكتمان طووول السنين الفاتت دي دايره تحس بالامان كفايه الخوف الزرعو فيها سمير سليمان وبقي رفيقها وجليسها.... سمير سمير راسي داير يطق واعرف الحصل شنو قعدت علي الموكيت ومسكت يد مرام وقلت ليها قولي احكي مرامي واول ماتوجعك حاجه اعصري يدي قوي حتحسي نفسك مرتاحه وفعلا بدت تواصل سرد المأساة.....
😰😰😰😰😰😰😰😰😰
المنظمه وفرت ليهو بيت وشغل وخلال سنة لقيت نفسي في مدرسه انجليزيه ومع دراستي هنا في الخرطوم بالبريطاني ساعدني ياامي ..... كانت لغتي كويسه حتى احسن من لغة سمير وعشان كده بقيت بسجل بالانجليزي عشان مايفهم هو من طبيعه شغلو اندمج مع العاميه بتاعت الشعب واتعلم لغتهم...... عشت حاله صعبه السنة الاولى لامن قابلت ليندا ودي دكتوره في الطب النفسي للاطفال ...طلبتها لي المنظمه الكانت شبه متبنياني وعشان ليندا تقدر تشيل الخوف الجواي وتكسب صداقتي اخدت زمن لامن بالجد بقت صديقه بمعنى الكلمه لدرجة اني سمعتها التسجيلات ومن هنا فهمت الحاصل كلو والوقت ده كان تمينا سنتين وشويه وبقت تفكر كيف تصل ليكم ...بس قبل ماتبدا حصل الماكان بخطر في بال زول..... عقاب ربنا وصل لي سمير ...جاهو خراج في البطن وانفجر ومع التهاب الجرح جاهو سكري وده خلى الجرح مفتوووح سنة كامله لاقادر يتحرك ولا يعمل شي مستشفيات وغيار وريحه لليوم في انفي ماراحت مني كرهت الطب وكل شي كنت بفرح لامن اشوفو بكورك وبصرخ من الالم بي سببو اتخليت من حلمي لانو زمان كنت بقول انا حبقي دكتوره عشان اعالج بابا جدو متذكر مكاشفي بس هسي عشان اعالج سمير.....مش ممكن كان ده يحصل الزول المفروض هو ولي امري .... بالنسبه لي كان عدوي معليش مكاشفي ماقدرت اوفي بي وعدي ليك سمير كرهني كل شي كنت بحبو حتى امنيه صغيرة زي ابقي دكتورة ..... المهم بعد الفتره دي .... مات مات مات كان يوم فرحي كل الناس بتبكي الا انا كنت بضحك ...... اي ضحكه فيها صوت الم سببو لي سمير في روحي وضياعي ودماري.... للاسف المنظمه نقلتتي المانيا وهناك اتبنتني اسرة .... وليندا بقت تفتش في طريقه تصل لي بيها واجلت قصة البحث عنكم شويه خلت كينيا وجات استقرت في المانيا وبقت قريبه مني شديد لامن الاسره الكانت متبنياني لاحظت كده وبقت صديقه للعيله كلها مش انا بس لامن وثقت فيهم وحكت ليهم الحصل كانت رحلة بعادي عنكم تمت ال6 سنين وفعلا الاسره بي كامله ماقصرت بس بعد سنه ملت لانو السفاره وبذات انا ماعندي جنسيه ولا حواز سوداني وده خلى البحث من بره ولو ثبت صحة البقولو ممكن السفارة تساعدني والاسماء الكانت عندي بس ...النادي الالماني في العمارات هنا وعضويه اشتراك ليها 6 سنين واسم احمد التجاني المتوفي وامي وداد احمد التجاني وحسام احمد التجاني وانت يامكاشفي ... في البدايه كانو بفتشو اسمك بي اسم سمير .... لامن يوم في حوار اتذكرته خالتو عواطف وعمو محمد وهنا اعتمدو على الاسماء العندهم بس والحمدلله بعد مراجعات لاحظو تشابه الاسماء مع مشتركين لسه في النادي بس كان لازم تتأكد من انكم برضو تكونو مبلغين بي فقداني وده الكان بعملو خالو حسام ...خالو لولا انك لسه مواصل ومامليت ماكان صدقوني ...الحاحه الماعرفنها انو خالو حسام لي فتره قريبه جدا بدي يعمل بحث في مواقع التواصل الاجتماعي وسبحان الله خالو الخلاك تخت انو نحن في دوله اروبيه شنو ..لانك ضيقت بحثك هناك...
والله ابدا مرام بس انا فتشت مصر ممكن اقول حته حته ولقيت انو اتجاه سمير البحر الابيض بس والاتجاه للغرب يعني صدفه يابتي....
بس صدفة تفكيرك خالي هي الجابتتي ربنا يخليك لي ويخليكم كلكم.... مكاشفي كسرت ليك صوابعك .......
ههههه وعيت لي نفسي حكيت راسي بي يدي... دي حركه بعمله لامن اتحرج وقلت لي مرام ابدا ولا حسيت بي شي....
ههههه كيف عاين اثار اضافريني في يدك.. شكلي تخصص اثار فيك ...
غمضت لي بي عينها مرام قصدها على الجرح القديم ...هههه ماعارفه هي انو طوول الفترة الفاتت دي بقت احلى زكرى عندي....
🎲🎲🎲🎲🎲🎲🎲🎲🎲
خليناها ترتاح وطلعت اشوف احمد لانو برضو كان شاغلني موضوعو لامن جا قلت ليهو احمد تعال نتم كلامنا انت في شنو ماريا مالها وليه شايف اني استعجلت للعقد ..... في شنو انا ماعارفو قول ساامعك ...
احمد تمتم ولاتردد ماعارف بس حسيت بي كده وجاوب بعد كم تاتات انو بس شايفه دلوعه وانا زول بطبعي عادي وكلام فارغ مشيتو ليهو .... لامن براي افهم الحاصل بي طريقتي وده حنعرفو لي قدام...
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀
المغرب عازمك كم مشوار كده وحنجيب حاجه بتحبيها...
تمام .. باااي
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀