الجزء 28
كنت داير اسبح اسبح وبس افضي غضبي كلو الجواي ابدا ماافتكرت اتخت في موقف زي ده ..بعد ماقابلت عثمان وبعد تهديد اجبرتو يحكي كل شي وعرفت انو احمد كان مع علاقه مع ماريا وفيما بعد اطورت لي جنسيه وكان ناوي يتزوجها الا انو في زول جا اثبت ليهو انو هو برضو عندو علاقه معاها وده السبب الخلاهو يخليها ويقطع علاقتو بيها ويتزوج سلافه....بس هي لسه متمسكه بيهو وبتحلف ماعندها شي مع الزول القال الكلام ده..رجعت البيت والغضب ماليني وعامي عيوني وصلت كانت الساعه 1 صباحا ناس امي كانو نامو مشيت شقتي فوق استحميت واتوضيت وصليت وقعدت اقرى قرأن كريم لامن نعست ونمت سبحان الله حلمت بي زول قاعد تحت شجره جيت عليهو وسألتو مالك ياود العم قال لي داير اغير مجرى المويه دي قلت ليهو ليه قال لي بتأذي ناس اهلي وعزاز علي ..قلت ليو طيب مايجو يحلوها براهم مش بتأذيهم هم..قال لي بس انا الانكتب علي احلها زي ماانكتب عليك تساعد اختك وتتم ليها عرسها...قلت ليهو بس انا ذنبي شنو ..قال لي ياراجل انت بختك ..قلت ليهو كيف يعني ..قال لي انت عارف انك ساعدت اختك وسترت وهديت واحده من الضياع وفزت ونلت العايزو......
وصحيت من النوم لقيت اذان الصبح الاول استغفرت ربي وقررت اتكلم مع احمد وماريا .واحمد كان كلامي حار جدا معاهو وحلف بي الله انو كان ناوي يتزوجها ويصلح غلطو بس لامن لقاها راقده مع غيرو وبي اثبات الزول المارس معاها اكتر من كده اعمل شنو وبالنسبه لي سلافه والله حبيتها بعد العرس ولو رجعت تاني ماحأختار غير سلاف يامكاشفي والله العظيم....حسيت بي صداع فظيع وجيت البيت لقيت مرام وماريا قاعدين من التعب ماقدرت اقعد طلعت فوق ولحقتني ماريا ودي كانت الفرصه اتكلم معاها واجهتها بي فعلتها واعترفت لي بعد ماحلفت ماتقول الا الحق انها فعلا غلطت مع احمد بس والله مكاشفي ماسلمت زول غيرو نفسي وسلمتو بي حب وماحبيت غيرو والزول الجاهو ده بس عشان انا رفضتو وزعلت شديد على روحي لامن رماني وقررت انتقم منو ...
وتنتقمي بي انا ياماريا انا كبش الفدا بتاعك..طيب هسي عرفت... رايك اعمل شنو...
استرني يامكاشفي ....
امشي من قدامي وعشان استرك لازم تتوبي بالجد وتستغفري ربك والبعملو ربنا سمح...
🐾🐾🐾🐾🐾🐾🐾🐾🐾
وانا في سرحتي دي قبلت اعاين لي ماريا لقيتها بتتكلم مع مرام تاني رجعت لاحظت ناس البيت كلهم ملمومين في مرام جيت جاري ماعارف وصلت كيف ليها ولامن وصلت لقيت في حالة اسؤ من الجات بيها حاولت اسألها انفجرت بي مخزون سنين ده شنو مرامي اهدي حبيبتي...
مرام قالت كلام عمري ماافتكرت تقولو لي لحظه لقيت نفسي مفجر غضب بركان في وش ماريا يمكن البحر حسى بــغضبي الشجر جف ونشف من سخانتي ماريااااا.كيف تتجرئي وتسمحي لي نفسك تقولي كده...
ممممم..مكاشفي انا ماقصدي...
ماقصدك.... تساليها سؤال زي ده وماقصدك فاكراها شنو وانت منو عشان تفكري مجرد تفكير كيف تسمحي لي نفسك تشكي في مرامي ولاتختيها في سؤال زي ده عملت ليك شنو اذتك بشنو عشان مازيك وشبه المستوى الحضيض الجيتي منو ..فاكره كل الكون زيك او رخيصه زيك....
ناس بيتنا كل واحد مخلوع من البسمعو خالتو وداد مسكت مرام وحضنتها عمو حسام مسك نفسو عشان خاطري ...ماريا رجعت لي وراء..
جريتها لالا قلعت ليها كتفها يمكن وقلت ليها ...اي شي اي شي ممكن اتجاوزو ياماريا واستحملو حتى لو على حساب حاجات كتيره بس مرامي خط احمر ليك ولي غيرك هسي ولي قدام فاهمه فااااهمه...
ااايوووووه مكاشفي كتفي....
ولا بكفيني فيك قتلك لو لزم الامر اتفضلي اعتذري ليها اتفضلي...
حاااضر مراام اناا اسفه والله اسفه..
لزيتها زحي من وشي جيت لي مرام لسه بترجف مسكتها من وشها داعبت العنبه قلت ليها مكاشفي معاك وجمبك وطووول ماانا حي زول بيأذيك مافي ....
وقعت في صدري وضمتني بي كل قوه طالبه الملجأ للدرجه حبيبتي...اااهه...
رجعنا البيت ماعارف ماريا ركبت مع منو بس كانت بترجف وطوالي رجعنا انا سقت مرام ورجعنا... واول مارجعت امي نادتني ..
عايزاك يامكاشفي دقيقه....
ايوه امي...
ده شنو البيحصل ده....
في شنو ياامي....
مكاشفي ياولدي انا امك ولو ماحسيت بيك الحيحس بيك منو حاسه بي وجعك ولدي وحيرتك....
امي...
للدرجه كنت بتحبها...
ولي هسي لي هسي يمه...
حضنتني امي ولي اول مره اسمح لي نفسي تشكي وتبكي....
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀