الجزء 11

السلام عليكم ...

وعليكم السلام نعم اي خدمة...

اه اسف انا حسام احمد التجاني اتصلتو علي اجي عليكم اصلو ابوي...

ايوى طيب دقيقه اهدى استاذ اتفضلو هنا في مكتب الضابط المناوب وهو وحيوضح ليكم اي شي واي استفسار بي كل التفاصيل...

🌀🌀🌀🌀🌀🌀🌀🌀🌀

تحياتي.جنابو ديل اهل المجني عليه وصلو..

ابووي..

دي اخر صرخه سمعتها من وداد اختي وبقيت فجأه انا المسئول من اعرف الحاصل ومن انو اشوف اختي وافتش مرام واشوف منو العمل كده ..بس سبحان الله ربنا الهمني بي كلمة إنا لله وإنا اليه راجعون ومن اللحظه دي حسيت بي قوة وشجاعه ولقيت نفسي بمسك اختي برفعها الكرسي واتصلت على عم السر السواق يجينا هنا ...من غير مايوري امي حاجه ومشيت سقت الضابط بالجنبه يفهمني الحصل شنو وابوي وين هسي...

والله ياسيد حسام كل التفاصيل العندنا هسي انو جانا بلاغ من الحلفايا بأنو في صوت اطلاق نار في منزل الجاني وفورا اتحركنا كل اللقيناهو ام وطفلين وهي ماسكه اولاده وبتقول هو القتل وساق البت ومشى انا ماعندي دخل ...

هنا قلت ياالله رحمتك ولطفك ....الجاني اسمو سمير سليمان...

ايوه فعلا بتعرفو...

ده طليق اختي والبت الساقها بت اختي اختطفها الليله من النادي وياريت تصرفو نلحقها قبل مايعمل فيها شي...

وهنا حسيت زول ماسك يدي وبقول لي عمو حسام انا خايف قبلت لقيتو مكاشفي ...

مكاشفي الجابك شنو ولدي لا حولاولاقوة الا بـ الله..

عمو حسام مرامي وين...

حنلقاها...ماتخاف انت الجابك شنو وجيت مع منو...

معاكم انا داير مرامي عليك الله ارحكا ليها حيقتلها زي ماقتل بابا جدو....

وهنا لي اول مرة دمعتي تنزل وحضنت مكاشفي وبكيت على قدر قدرتي وقلت ربي وكيلي ووكيل الغافلين ...مرام امانة عندك ياالله ...

😭😭😭😭😭😭😭😭😭

استلمنا الجثمان من المشرحه بعد اتحدد اسباب الوفاة اطلاق رصاص في القلب والبطن ادت الي الوفاة بالحال ودفناهو في مقابر الصحافه وجات اختي اسلام وراجلها هاشم من كندا فور سماع الخبر...

مات ابوي قبل مايودعنا وقبل مايوريني اعمل شنو واتصرف كيف اول مره احس نفسي صغير وصغير شديييييد والكل محتاج لي اولادي اللازم انقلهم هنا عشان ماممكن اخلي امي ووداد براهم ..ووداد الفي حاله مايعلم بيها الا ربنا بقت بس قصاد الدربات وحقن مهدئه ...وامي المفاجاءه دخلتها في كومة سكري مرقت بي الله وجلاله ..ولا حبيبة قلبي مرام الله يامرام الله ياحبيبة جدك وعد علي الا الموت يمنعني اجيبك يابتي واخد بي تار ابوي من الكلب ده ...

مسكته التلفون اتصلت على الضابط المتحري في القضيه وسألتو من المستجدات ...

وقال لي انو حولو هدي لوكيل النيايه واخر اخبار من سمير انو ركب من الميناء البري متجة لي مصر وادو تعليمات لي حرس الحدود بي كده....

وطلبت منه بالتلفون انو اجي واقابل هدى دي اذا امكن وافق واتفقنا على بكرة الساعة 10......

♻♻♻♻♻♻♻♻♻

يمكن وقت اتحرقت ماخفت كده واتزكرت شرايط مرام مشيت جري اسمعهم زي البطمن نفسي انو مرام كويسه وحترجع لي واول واحد اسمعو مرام وهي بتحكي كيف انها صلت ودعت لي ابقي كويس وربنا استجاب ليها ....طوالي مشيت صليت وقعدت ادعو الله وفجأه حسيت جمبي زول ببكي قبلت لقيتها سلافه ...

قلت ليها ماتبكي ياسلافه مرامي جايه ودموعي جاااريه خايفه اكتر مني سلافة ذاتها...

🍁🍁🍁🍁🍁🍁🍁🍁🍁

اليوم ده قيلناهو بين تعازي واسئله والحمدلله في محمد نعم الجار والاخ والله ياابوي ليك حق الله يرحمك وقف معاي وقفة رجال عمري ماحنساها ليو وكان متحرك معاي في كل التحركات ومتابع معاي اي شي حتى غسيل الجنازة غسل معاي وهو الوحيد اللامن قلدتو بعد دفن المرحوم استمديت منو وجود الاخ الكبير والاب الراحل....

جا الصباح واتحركنا انا ومحمد وهاشم لمقابلة هدى ومحاولة معرفة اي شي يفيدنا...بس تأتي الرياح بما لا تشتهي السفن وده الحنشوفو في الفصل الجاي...

🎀🎀🎀🎀🎀🎀🎀🎀🎀🎀

الى اللقاء في الحلقة القادمة

🎀🎀🎀🎀🎀🎀🎀🎀🎀