الجزء 5
اخيرا قدرت انوم سبحان الله بين صحيتي الصباح ودخول مرامي بي صحن العنب الله الحمدلله يارب انا كنت حأموت بالجد لو اتحرقت مرامي الحمدلله الحمدلله .....حسيت بي نفسي احسن شديد الصباح وكمان اطمنت اكتر بذات لامن اطمنت انو الاعصاب كويسه وممكن احرك اصابعيني وانزل المدرسه بعد اسبوعين وممكن امتحن عادي الحمدلله يارب حتى ناس البيت اطمنو شديد
🍥🍥🍥🍥🍥🍥🍥🍥🍥
خرجونا اليوم ده من المستشفى وحددو لي زمن المقابله ومما دخلنا البيت بفتش فيها كنت عارف انها خايفه وسلافه اختي الله يديها العافيه ماحتكون قصرت رغم انهم في خلاف دايم لكن كنت واثق انهم حيبقو صحبات شديد لامن يكبرو ..سرحت بي خيالي في شكل مرامي والشامه الزايداها حلا ههههه وبقيت بهبش في راس انفي لامن انتبهت فجاءه زي التقول في زول ضربني هههههه بس كان واضح السبب لقيت مرامي مستنياني وباين عليها القلق ياالله من البت دي ربنا يخليها لي ويحفظها رغم وجعي ده كلو كنت حاتعذب اكتر لو حصل ليها شي كان ...
🍥🍥🍥🍥🍥🍥🍥🍥🍥
مرامي واقفه جمب الباب بتعاين لي لامن رقدت كويس على السرير جات حاجه فطين كفرت لي وشكلها اتأثرت بي حالتي مع انو مرات بحس بيها مابتريدني شديد كده المره امي مشت تعمل لي عصير ....سلافه دخلت قعدت جمبي وبدت تحكي لي عملت شنو من امس حبيبة قلبي كانت متعوده تحكي لي اي شي يحصل معاها بس انا لي اول مره اكون مامع سلافة لاني مع البت الواقفه جمب الباب دي وابت تجي علي وخلاص حرقت روحي .. مرامي مالك واقفه هناك سااي ...جات علي وقالت لي انت زعلان مني
استغربت من كلامها وطريقتو منو القال ليك كده .... طوالي عاينت لي سلافة ..وانا فهمت الحصل زي ماكنت متوقع
مسكتها من يدها وقلت ليها في زول بزعل من صحبو ...حركت راسها بالنفي بس شكلو لسه مامقتنعها ..
قلت ليهم عارفين انو ربنا بحبني لانو كده حقعد في البيت وماحأمشي المدرسه ارتاح وانوم..
مرامي طوالي ضحكت و ردت انا ذاتي امشي احرق نفسي عشان اقعد معاك..
لالا يابت اوعك حاااره
يعني حارقاك يامكاشفي
لالالا انا كيف حارقاني يعني انا راجل بس انتو لسه صغار ماحتسحملو
البت شويه اقتنعت وقعدنا اتونسنا واتغدينا التلاته سوى وقيلنا اليوم داك كلو مع بعض
🍀🍀🍀🍀🍀🍀🍀🍀🍀
وداد دخلت لي ابوها حاج احمد وقعدت جمبو احي ياابوي قلبي واجعني على ود الناس مكاشفي ...الولد شهم واهلو نهائي مازعلو ولا حسسونا بي غلط مرام.....
ليه وداد بابتي ديل ناس اولاد اصول وماتنسي ده قضاء وقدر....
بس السبب بتي لي يوم القيامه حيكون مربوط اسم مرام مع الجرح.......
والبت متعلقه بيهو شديد مكاشفي بقيت اخاف تتعلق اكتر من كده..
وداد يابتي ديل شفع وكلكم لعبتو كده زمان ..... افكاركم دي التخلي الشفع ديل يفكرو بيها ..ادعي ليها وداد بتي ربنا يحفظها ويجعلها من المستورات.
امين ..امين ياارب.... انا حأقوم امشي اعمل لي غدا وشوربه لي مكاشفي تمام......
امشي بتي ربنا يغطي عليك ويحقق ليك الفي مناك ياوداد يابتي....
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀