الجزء 14
سنتين بالظبط يامرامي مرت من مقتل حاج احمد واختفائك مرامي وتبعو وفاة حاجه فطين طبعا ماحتكوني عرفتي بي خبر وفاتها بس ماتخافي انا اي حاجه تحصل حاوريك ليها طيب بس انت حتجي بتين وقاعده تعملي شنو انا ممتحن السنه دي للجامعه عايز اقراء ادارة اعمال عشان ابقي شاطر زي عمو حسام طبعا سكنو جنبنا هههههه عارفك حتقول لي احمد كيف معاك ياستي احمد ولدو بقي زول كويس وبقي صحبي كمان ......
مكاشفي مكاشفي....
اي امي جاي...... مرامي انا ماشي امي بتناديني لي بعدين حبيبتي باااي...
قفلت جهاز التسجيل ومشيت لي امي شفتها عايزه شنو وجيت راجع تاني لسرحاني في مرام وجيتها ...جاني احساس انهم خلاص كلهم رضو وسلمو بأنو مرامي خلاص ماحتجي...وصراحه انا ذاتي بقيت احس انو مااظن نتلاقى هسي يمكن بعد 30 سنه او 50 نتلاقى ..... لكن والله جواي احساس قوي انو حنتلاقى بس بتين يامرامي بتين.......
🌺🌺🌺🌺🌺🌺🌺🌺🌺
وداد بتعاين في صور بتها في البومها الخاص جات شذى تناديها للغدا ...
وداد قومي حبيبتي الغدا جاهز.....
مفروض اليوم يكون عمرها 10 سنين اذا ..اذا كانت حيه ياشذى ...
هنا وداد غلبه تستحمل وبقت تبكي قبل مايد شذى تصل ليها وتخفف عنها صوت مكاشفي وصلها ببكي وبقول ...ان شاء الله حيه انا حاسي بي كده والله خالتو....
مكاشفي حبيبي تعال لي ولدي....
🌸🌸🌸🌸🌸🌸🌸🌸🌸
شذى غلبه القعاد ومشت نادت حسام يجي يتكلم مع وداد ومكاشفي ...وقدر يقنعهم وطلعهم للغدا بس والله الاكل كان مسيخ للكل مكاشفي قعد معاهم في الصينيه بعد اصرت وداد عليو وبقي يدخل لقمه في خشمو ولقمه لي وداد....وداد كانت بتاكل والدموع ماليه عيونها كانت بتشوف مرام في حنان مكاشفي عليها الوحيد الكان بخفف عليها محنه طووول السنتين الفاتو ولحدي اليوم
🎓🎓🎓🎓🎓🎓🎓🎓🎓
وهو اليوم ماشاء الله خريج من جامعة الخرطوم قسم ادارة اعمال هو احمد الليله تخريجهم والاسرتين بستعدو للتخريج وصلو النادي وحضرو الزفه ومكاشفي طلع مع امو وابو ووداد المسرح واستلم الشهاده وتبعه صوت المعلق يهدي مكاشفي الشهاده للغائبه الحاضره مرامي...... وداد حضنت مكاشفي بكت بصمت .
🎓🎓🎓🎓🎓🎓🎓🎓🎓
بعد انتهاء حفل التخريج محمد وحسام كانو عاملين برنامج جميل بتاع عشاء على اليخت في وسط النيل وفي نص العزومه والبهجه احمد حسام اتقدم لي سلافه وبقت الفرحه فرحتين والناس كلها قامت تبارك وجات عواطف لي مكاشفي عقبالك ياولدي ...
لالا ياحاجه خلي احمد يخارجنا من البت ونشم نفس انا وانتي وابوي....
كده يامكاشفي ..طيب عنديه فيك احمد تعال نعرس بعديو....
احمد نطه من محلو لا والنبي مكاشفي الله يرضى عنك انا ماصدقت وافقت .....
ضحكو وفرحو ورجعو البيت على وعد العرس يكون بين العيدين ويكون مكاشفي لقى عروس ....
مكاشفي مما رجع مسك سجل صورة وصوت كل التفاصيل لي مرام ...طبعا عمل نسخ لي تسجيلاتها العندو وتسجيلاتو ليها في ملف خاص الباسويرد بتاعو مرامي ومكاشفي
قال ليها احمد خطب سلافه ومصرين يخطبو لي انا كمان يامرامي اتخارج منهم كيف حبيبتي ...انتي عملتي شنو وقريتي شنو ...
انهى التسجيل ورقد يفكر في الراجيو من بكره حيستلم وظيفتو في الشركه محلو موجود والحمدلله كده اطمن على سلافه احمد زول كويس وحيحافظ عليها ويختها في عينيو ...بقي يفكر في حالو هو لازم برضو يرتبط ومصيرهم كان ماالليله بكره ..استغفر ربو وتلى المعوزتين والاخلاص واية الكرسي ..وناااام
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀