الجزء 29
اكتر حاجه كنت محتاج ليها اللحظه دي مرامي ...بيني وبينها مجرد حوائط من اسمنت وسيخ وغالبني اصلك حبيتي ...دخلت غرفتي لقيت مسجات في الواتس عباره عن تسجيلات صوتيه ...عارفين حقت منو هههه ايوه مرام بس الماعرفنو انها رسلت تسجيلات السنين كلها نقلت لي بطاقة الذاكره ورسلتها واحده واحده لدرجه اني بقيت بمسح من اشيائي الخاصه كنت مشدود مع اي حرف قالتو عشت كل الامها استحملت كتير....اتصلت عليها لقيتها لسه صاحيه ...
مرامي...
ايوه مكاشفي....
سامحيني....
على شنو مكاشفي....
ماقدرته احميك الفتره دي ماقدرت احس بي المك ده كلو ماقدرت اصل.....
بتحبها.....
مرام.....
بتحبها مكاشفي....
في حاجات بتتحسم عليك وتبقه جزء منك لازمه عليك .....
وانا...
انتي جزء مني مرامي ..معقوله انتي بتسألي.....
بس حقها عليك اكتر مني....
مرامي....
نعم.....
خلي في بالك حاجه واحده مافيش ولا حيكون في زول ليو حق علي غيرك انتي....
ليه....
عشان انتي مرامي...
يعني لو كنت هند اوسعاد كانت مشكله.....
ههههه انتي الليله دمك خفيف جدا....
وانت دمك تقيل جدا وانت عامل نفسك اهبل عن اذنك....
مرام.....
دايره انوم....
.........
فاهمك وحاسي بيك بس اعمل شنو انا اذا موضوع ماريا ماقادر احسمو لي هسي خايف اطلقها وتجي تعمل مشاكل لي سلافه وتخرب ليها بيتها ..انا كده متحكم فيها وماحتقدر تعمل حاجه....ااااخ راسي
☀☀☀☀☀☀☀☀☀
صحيت الصباح رغم اني عارف انها زعلانه بس ماقدرت احرم نفسي من شوفتها وهي برضو انا متأكد انها حتطلع كنت بصبر في نفسي وانا قاعد معاهم في التربيزه احمد قال لي يلا مكاشفي ...ماقدرت داير اسألهم عنها عم حسام وقفني بي اشاره وناداني وقال لي حتستمرو كده لي بتين ....
قصدك شنو عم حسام.....
مكاشفي ياولدي ابوي زمان قال مرام انت وليها وسندها والله مما نزلت من العربيه يوم جات واول سؤال كان عنك اتذكرت كلمة ابوي ماتضيع نفسك وتضيعها وماريا استحاله تسعد مع راجل بحمل بين جوانحو امرأة اخرى ....انتبهت انو احمد كان قريب وتقريبا سمع ولو جزء من الحوار...استسلمت وجيت على باب الشارع سمعتها ردت لي الروح وثقتي في اني لسه بفهمها وانو البينا استحاله يتأثر بي اي شي قالت لي...
ماشي من غير ماتسلم علي ...كده علموك ماقالو ليك مرام لو مالاقيتها وصبحتها عليها يومها مابتحسب من عمرها....
هههههه....(ضحكت وانا نفسي اخدها واطير)... لا ابدا كنت داير استأذن من المدير اني حتاخر لامن ست الحسن والجمال ترضى....
.......يلا يلا بطلو وانا هسي مديرك بقول ليك اذن ليك مافي اتحرررك يابني...
وصلت مكتبي...شويه كده وجاني احمد ...
انت ليه بتعمل كده....
انت اكتر واحد المفروض ماتسأل السؤال ده....
طيب اديني فرصه احلها انا ...اصارح سلافه ومتأكد انها بتحبني وحتتفهمني...
اوعك حتى تفكر ...انا بالجد حأرتكب فيك جريمه....
اوكي عن ازنك....
✨✨✨✨✨✨✨✨✨
تميت الدوام وكنت ناوي ارجع البيت انووم وبس لقيتها واقفه جمب العربيه ياسااتر
في شنو ماريا جايا لي هنا...
دايره اتكلم معاك...
نعم ...
ماهنا ممكن تقعد في حته....
طيب اتفضلي....
......
مشينا جمب النيل هي الاختارت المكان ده وقفت العربيه ونزلت القزاز ونزلت مقعدي شويه وختيت ايدي على راسي ..وقلت ليها سامعك...
هههههه ياسبحان الله قبل سنه كنت انا واحمد هنا بس كنت خايفه حد يشوفنا وهسي معاك برضو خايفه حد يشوفنا...
وهسي ليه...
عشان الجميل القاعده معاهو مكشر ....
لا ابدا ماريا بس تعبان....
ياسلام مكاشفي ياريت عرفتك من بدري قبل مابقى كده ...
كلنا بنغلط ماريا والشجاع البعرف غلطو ويصلحو.....
انتي عرفت الحاصل ليه ماطلقتني ..العملها معاي مارضى بي....
لانك احتجتي لي واخترتيني انا ...وانا اخدت وعد من بدري كل واحده ست في اي موقف لقيتها لازم اساعدها ههههه عارفه ياماريا كنت بفتكر انو لامن اخدم اي واحده ان شاء الله اقطعها الشارع ربنا حيساعد مرامي هناك وحيجيب ليها اولاد الحلال اليقيفو معاها واهو الحصل لامن جاتني....
ربنا يخليكم لي بعض...
.....(عاينت لي ماريا بفتش لي تفسير للقالتو)....
ايوه مكاشفي ده مامحلي انت عارف انا زمان كنت بفتكر نفسي من غير احمد مابسوى شي ومافي راجل زيو بس لامن شفتك وهزت الكتف (اشرت على محل امس) صحتني مكاشفي انا كنت رخيصه ضايعه..حاقده وماشايفه غير الانتقام لحدي مالاقيتك ووريتني معنى الراجل بالجد الواحده لامن تفرض في روحها بتفقد كل الاحترام لي روحها وللناس بتبقى فاجره وقحه دي انا كنت كده بس والله مكاشفي بيك اتغيرت مكاشفي..
(كنت مهجوم من الكلام البتقولوا واتذكرت الحلم الحلمت بيهو والراجل التحت الشجره زي الشايفو هسي قدامي)...
نعم ماريا....
ممكن قبل مانمشي المأذون تحضني زي ماحضنتها يوم جات نفسي احسو اعيشو ...
كانت بتبكي نفس الجمال الشفتو فيها اول يوم اخدتها في حضني زي بتي اختي بس... كانت بتبكي لامن بتنهد اخدت مسافه ورفعت راسها وهي زايده حلا اكتر من اول بوستها على راسها واتحركنا المأذون
🎀🎀🎀🎀🎀🎀🎀🎀🎀?