الجزء 2
مرام كملتي شاييك ياماما ..الزمن يابتي .
اي امي خلاص انتهيت بس دقيقه لكن.
تعالي هنا ماشه وين جوه تاني.
بابا جدو مالاقيتو دقيقه اسلم عليو وامشي سمح.
ههههههه والله انتي ....طيب اسرعي.
🍃🍃🍃🍃🍃🍃🍃🍃🍃
تدخل مرام غرفة جدها حاج احمد وتلقى قاعد في كرسيو بسبح مما شافه رفع ايديو وجات جاريه حضنتو
اهلا هلا بست البنات وصندل الشيخات.
خلاص انا ماشه مع السلامه بعدين حجيب ليك معاي شكلاته ناكله بالدس من امي.
هههههه سمح هسي براحه ماتسمعك حبوبتك.
مابتسمعنا نااااايمه هي .
مرام مرام اطلعي ...
امي بتناديني يلا باي.
جيبي بوسة بابا جدو اول
امووووووح
حبيبتي انا هـ اديك القروش وذاكري وماتاشاكلي مع صحباتك سمح.
سمح بابا جدو باااااي.
🍁🍁🍁🍁🍁🍁🍁🍁🍁
مكاشفي واقف بره قدام الباب حق بيتهم مستني مرام لامن تركب الترحيل بعد كده يمشي مدرستو الفي الحله لصق مدرسة اختو سلافه ..عكس مدرسة مرام بعيده شوية عشان كده بتركب ترحيل بوديها وبجيبها
مرام مما شافت مكاشفي جاتو جاريه
مكاشفي سلم عليها وقال ليها مرامي صباح الخير وهي ردت بي فرح وضحكة جميله ردت الروح في قلب مكاشفي صباح النور .... دخل يدو في جيبو وطلع ليها حلاوة المصاصه حقت كل يوم زي مامعودها .... وصلح ليها الطرحه في راسه ووقف معاها لامن ركبت الترحيل ..... وقبل عشان يشوف سلافه وين لقاها واقفه مع وداد ام مرام بعاينو ليهو .... وداد ضحكت وقالت لي سلافة يلا دورك جا
سلافه قالت لي مكاشفي خلاص ممكن نمشي بعد كده ...
مكاشفي ربت على راسه ومسكه من يدها واداها حلاوتها ومشى عشان يدخلها اول وبعد كده يخش مدرستو ....
🍂🍂🍂🍂🍂🍂🍂🍂🍂
مما رجعت مرام جري لي جدها ادتو الشكلاته حقتو ودخلت استحمت وغيرت بالملابس الجهزتها ليها امها وطلعت تخلص واجباتها سريع عشان توديها لمكاشفي يراجع معاها الحلول ومما انتهت جرت بيت ناس مكاشفي ....
لقت امها قاعده مع عواطف ام مكاشفي في عريشتها مما دخلت سلمت عليهم ودخلت جوه لقت مكاشفي نايم صحتو ودخلت ليو كسره من الشوكالاته كان داساها في يدها وبقت هي تمص يدها ويضحكو وسلافه واقفه تعاين ليهم .....
مرام طوالي قالت لي سلافه انتي بكره بجيب ليك ماتزعلي.
سلافه ردت طوالي لي مرام وقتي شكرا مادايره عندي كتيييير .
المشهد ده كلو ومكاشفي بتفرج عليهم ومبسوووط بيهم .......
بعد راجع ليهم مرام طلعت بره تشوف امها .
امي انتهينا.
راجعتيهم كلهم
اي امي.
يلا عواطف مع السلامه نمشي نحن
ردت ليها عواطف وهي بتلبس توبه والله لو ما الحجاج براهم كان قعدتك اتغديتو معانا لكن مافات شي هاك شيلي معاك الخضرة دي زيدوها في الغدا سمحه فاركاها ودي طرقتين كسره عايساهم في البيت.
تسلمي عواطف ابوي بريدها حينبسط الليله
يلا مع السلامه .
مكاشفي ودعهم ودخل مع امو وقعد يعصر ليها في رجلينا وبسمع ليها سورة يس و ص
لامن انتهي من التسميع امو سألتو من الصافات لسه ماكملتوها.
لسه امي ...نكملها بجي اسمعه ليك ... هسي اساليني من الكلمه والمعنى.
وماشاء الله مكاشفي سمعهم كلهم دعت ليو امو بالتوفيق وقامت بعد جا محمد عشان تجهز الغدا ويقعدو كلهم مع بعض...
🍀🍀🍀🍀🍀🍀🍀🍀🍀
بهناك في بيت حاج احمد رصو الاكل وداد والحبشيه مشت صحت ابوها وامها ونادت مرام
اي امي جايا
الحبوبه مضايقه من كلمة امي ..انتي بتك دي ماتقول ماما شنو امي المسكت فيها دي .هههههه بتحاكي في مكاشفي عارفاها مثله الاعلى طبعا
غايتو اقعدي في مكاشفي ومكاشفي لامن تلقيو البت شالها لي روحو .
ياريت امي يبقو لي بعض
شنو نحنا نربي وولد عواطف يشيل ..لامعليش مرام كان ماعرستها ليها سيد سيدها ماابقه فطين هنا حاج احمد دخل قحه وقال ليهم مرام زول بغصبها مافي وانا حي .
وهنا الكلام انتهى جات مرام جاريه باست جدها وقعدت كالعاده جمبو وبسم الله بدو ياكلو....
🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀