الجزء 24

صحيت من اذان الصبح صليت وقعدت قريت قران حمدت ربي وشكرتو على كل نعمو علي ورجوع مرام بالسلامه ....واستخرت ربنا في موضوع ماريا يارب اكتب لي الفيهو الخير...بس صورة مرامي ماكان مفارقه عيوني اتمنيت بتين الشمس تطلع وامشي اشوفها ...دخلت ادوشت ولبست وطلعت قعدت مع امي وابوي وسألوني من ماريا مالها امس ماقيلت وناوين تعملو شنو ...غيرت الموضوع بي انا مشغول الايام دي لسه شويه علينا ....

امي قالت لي عيونك بتقول غير كده فاضحاك يامكاشفي....

ماله عيوني امي.....

ماعارفه شوفها وأسالها ....

..... دخلت جوه عاينت لي وشي في مرايتي ماشايف شي غير صورة مرامي ..اتناولت نظارة الشمس وطلعت علي ييت ناس مرامي دقيت الجرس واول مافتحو الباب اول زول فتشتو مرامي وحمدت ربي اني كنت لابس النظاره لانو دمي فار لامن شفتها لابسه بنطلون وتيشيرت قدام احمد ومحمود حسيت انو هي حقتي انا مفروض زول يشوفه مافي صبحتهث عليهم سرييع وقلت ليهم عن اذنكم وانا داخل ليها وقفت نفسي وحرستها قدام الهول على مرئى بعيد من ناس البيت ولامن طلعت وهي لابسه الطرحه ضايقتني زياده كمان تلبسي لي انا وقدامهم عادي لقيت نفسي بصبح ليها من طرف مناخيري وبطلب منها تلبس كويس حسيت نفسي جرحتها ولا بتهيأ لي ماعارف وصدمتني اكبر لامن باركت لي العقد يعني حتى اسلوبي مااثر فيها ولاحست بي مضايق كنت داير اعرف فرحانه لي ولا زعلانه بس للأسف بقت ملامحه ماواضحه ماشفافه زي زمان قلت امتحنها واشوفها زعلانه ولا لا قلت ليها دايره حاجه ولامن ردت بالنفي قلبي قبضني مشيت منها وانا جاري هم فراقها لي لحظات وراي لامن وصلت العربيه قلعت النظاره دايره افتش في عيوني سمعت صوتها قلبي قبض زياده قبلت عليها وانا شايل هم الدايره تقولو ...جاتني تخيلو ولمستني ..مسكت نفسي بالعافيه اني انزل واحضنها وادسها من الدنيا كلها..... وهنا ضحكت لي وبي ضحكتها الدنيا كلها ضحكت لي في وشي.... وطلبت مني حلاوة اللحظه دي قربت اطير من الفرحه حتى قلت ليها مشتاق ليك حسيت بيها مرقت من جوووه قلبي..... و وقتي انتهزت الفرصه وعزمتها المسا ...اتذكرت انها بتحب الايسكريم وكمان فكرت امشي واشتري ليها كم عبايه ...ماتستغربو وماتحتارو ...دي مرامي انا وبس .....

🍥🍥🍥🍥🍥🍥🍥🍥🍥

وصلته المكتب واتفاجئت بي تلفون المكتب بيضرب بي رقم ماريا ....دي مالها كمان...

الووو السلام عليكم ماريا....

كويس لسه متذكر رقمي.....

المفروض انساهو.....

لا بس تتصل علي ..مكاشفي من امس تلفونك مقفول وقلقتني عليك انا قربت اجيكم....(هنا جاني كلام احمد طوالي رديت ليها).....

كان تتصلي بي احمد يطمنك...

ااه احمد انت ناسي انو متزوج وممكن اعمل مشكله .....

انتي داقه تحبيو ولا ناسيه انك مرتي....

انت الناسي يامكاشفي في شنو...

انتي المفروض توريني ماانا....

احمد قال ليك مكاشفي خلاك تتغير كده عني ..... ماتصدقو...

.......( بي كلامه ده اكدت لي شكوك انو في حاجه بالجد)......

انا مابسمع كلام زول في مرتي انا لسه بثق فيك ..تجي براك وتحكي افضل مما اقبل بره ...

مكاشفي....

نعم ماريا....

ممكن نتلاقى الليله....

الليله.الليله ...

اي الليله صعبه يعني...

لا ..مستحيله عندي مواعيد مهمه جدا....

اهم من ماريا حبيبتك.....

اهم من مكاشفي نفسو ...يلا باي ماريا عندي شغل برجع ليك بعدين وفكري في كلامي القلتو.....

🍇🍇🍇🍇🍇🍇🍇🍇🍇

انهيت مكالمتي معاها واتصلت على عثمان قلت ليو دايرك ضروري تجيني ....اعتذر الا المسا..... وانا المسا مشغول اتفقت معاهو الاقيهو في شارع النيل الساعه 12 بليل...

وسرحت في مرامي وقلت لازم اجيب ليها تلفون واتذكرت تلفوني مقفول ..فتحتو وجاتني مسجات في الواتس بس في واحده لفتت نظري واحده مرسله مسج كاتبه فيها...

ياريت الحلاوه نكهة الفرواله وتعال بدري دايراك توديني المقابر ازور قبر بابا جدو وحبوبه فطين ...طبعا اذا المدام سمحت....

على قدر مافرحت بالمسج غاظتني عبارتها الاخيره اتناولته التلفون واتصلته بيها ....

مرام ...

قلت شنو ماسامعه...

مرااااام...برضو لسه...

لالا الاسم ده ماصح عيد تاني....

ههههههه مرامي كده كويس....

ايوه كده قول ليها بالله في ثوابت مابتتغير حتى لو الناس عقدت....

مرامي بطلي الضرب تحت الجلد ده انا مابحب كده وبذات منك انتي ...

طيب بتحب شنو...

انا.... انا .....

ايوه انت بتحب شنو ..دايره اعزمك كمان انا برضو......

بس انا العازمك.....

لا انا قصدي على بكره انت ناسي انا بقيت مليونيره اي نعم مازيك بس برضو مابطال بنقدر على حق البرفاام....

اي صح التلفون ده الجابو ليك منو....

خالو حسام ...كلمتو الصباح رسلو لي مع السواق عشان اتصل بي ليندا واطمنها....

امممم طيب انا مابحب كده.....

شنو....

بحب لامن تكوني دايره حاجه تقولي لي انا ..انا مكاشفي وبس...

🎀🎀🎀🎀🎀🎀🎀🎀🎀🎀

الي اللقاء في الحلقة القادمة

🎀🎀🎀🎀🎀🎀🎀🎀🎀🎀