الجزء 27
خالو حسام قرر يعمل رحلة لي جبل اولياء بمناسبة رجوعي وعقد قران مكاشفي وماريا وكمان ترحيب بالحفيد الجديد للعيله طفل احمد وسلافه الكل كان مبسوووط بالرحله ..بس حبيبي كان زهجان من الصباح حاولت اسألو مالك في شنو المزعلك المضايقك احكي اي شي ...كان ردو الشغل يامرامي ...
وهو ماعارف مرام بتتعذب كيف بمجرد يضايق او تتنشن بيو حاجه ...بس تقريبا عرفت السبب او اتهيأ لي.... جات ماريا وهي برضو كانت ضبلانه مافيها النظره الساحره الكنت بشوفها في عيونها كل يوم ....ياربي بكونو متشاكلين مع اني مابحبها بس مادام هو زعلها بضايقو كده..... اتمنيت انهم يتصالحو كل حاجه ولا زعل مكاشفي حتى لو بسبب لي جرح والم ....
كانت في اربعه عربيات جاهزه للرحله عربية خالو حسام كان فيها هو وخالتو شذى وماما وخالتو اسلام... وعربية عم محمد ومعاهو خالتو عواطف وشيلناهم الفرشات والبيبسي والحافظات..عربية مكاشفي اكيد طبعا معاهو ماريا ..وعربية احمد ومعاهو سلافه فضل انا واولاد خالي حسام محمود وامجد وانا....
مكاشفي ناداني عشان اركب معاهم على قدر مامتشوقه ليهو ولي ريحتو واي حاجه تلمني بيهو الا اني اصريت اركب مع احمد ود خالي والاولاد ركبو مع مكاشفي .....مااكذب عليكم اداني نظره قربت اقع منها كلها لوم وليه يامرام انا مش قلت اي حاجه انا مسئول منها رديت ليهو بي عيوني لامن اديت نظره لي ماريا...تقريبا فهمني لانو زفر كمية هوى لو كنت جمبو كانت حرقتني.....
وصلنا الجبل وكان الجو مغيم وجميل جدا ..ياريت لو كنت انا وهو بس ياريت....
فرشو الفرشات واجرو واحد بتاع سمك كامل بي سمكو ويحمرو لينا ...استمتعنا بالفطور.... وقرر الاولاد ينزلو المويه قلعو بناطلينهم وقمصانهم وبقو بشورتات وتشيرتات داخليه...هههه عارفين شفت شنو رجلو محل الجرح القديم الانا كنت سبب فيو وهسي هو سبب في جرحي بس جرح من نوع تاني ..اتمنيت امشي عليهو والمسها زي زمان اتمنيت بمعني الكلمه من احساس.... بس انت ماحقي يامكاشفي ...بالمناسبه وين ماريا فتشتها بعيوني سريع لقيته قاعده براها خالتو عواطف اتكلمت معاها شويه وزحت شكلها لاحظت الاستياء الظاهر عليها ...
لقيت نفسي بمشي عليها وبقعد جمبها ماعشان شي الا عشان مكاشفي لانو مضايق من زعلها .... قعدت جمبها وسألتها مالك ماريا في شنو مضايقك...... شكلها اتخلعت من سؤالي ولا من انو انا اجي واسألها ماعارفه....سكتت مسافه وردت ...
ليه في شنو....
لو عارفه ماكنت سألتك ماريا.....
لا ياستي تسلمي انا تمام....
بس هو ماكويس ياماريا....
...... (اتفجأت من نظرة عيونها وسريع جات نظره الاستهتار الواضح وبي كل وقاحه)....
ههههه دلوعتنا الحلوة مرامي همها الوحيد فارس احلام الطفوله..وانا اقول ايه سبب الاهتمام ده ......
هو فارس بس مافي الاحلام. في الحقيقه والواقع ياماريا لو ماشايفه حقو تشوفي كويس ومااظن ارضى فارسي يكون زعلان...
طيب ماتسأليهو....
وانا ماجيتك ترشديني انا جيت لأنو حسيت انك انتي السبب....
...... (ادتني نظره لي لحظه حسيت فيها كل انواع الكره والحسد وردت لي بي سؤال كهرب كياني وطلع كل انواع الغضب جواي المحبوس من سنين)...
مرام هههه اقصد مرامي يعني بي قعادك مع الاروبين ومن غير اب دايره اسألك انتي لسع فيرجن ..بت يعني....
حقيقه ماتوقعت لي لحظه غمضت الدنيا في وشي وماحسيت الا الدموع نازله مني ....وكل الناس جات جاريه مرام مالك في شنو حتى مكاشفي من بعيد شكلو كان متابعني جاني جاري ...كلهم حوليني وماريا اتخلعت والكل بقول ليها مالها مرام حصل شنو ماريا كانت بتمتم ....مكاشفي مسكني من وشي بي ايديو الاتنين مرام مرامي في شنو حبيبتي...
ياربي بتوهم قال حبيبتي انفجرت بالبكاء والمره دي بي صوت عالي واستمديت القوه منو وقبلت عليها وبي كل الم عشتو التقول لي اول مره بنفس عن الجواي حسيت انو قدامي نسخه طبق الاصل من سمير سليمان حسيت اني جواي حزن والم قلبي تعب من شيلو لي سنين حسيت نفسي دي فرصتي افرغ شحنة من الالم والوجع......
انا عشت من غير اهلي ومن غير ولي امري بس شايفه الناس الحولينا ديل امي خالي بابا جدو مكاشفي خالتو عواطف كلهم كلهم كانو معاي في كل لحظه فاهمه في كل غمصة عين.. كنت بتونس معاهم كنت بسجل صوتي بي اساميهم عشان ماانساهم تخيلي منظر طفله تحافظ على لغتها الام ماتقدر تحافظ علي نفسها.... طفلة عاشت ماساة بتمنى ماتمري بيها ولا اي زول تاني في الدنيا والجاني منو المفروض يكون ابوها والبحميها وتناديو بابا ..طفلة كانت بتصبح بي علقه وتمسي بي علقه ماحتقدر تحافظ على روحها ...
مرام اهدي اهدي....
خليني مكاشفي انا لسه بت ياماريا ولو فتشتيني ماحتلقي شي غير اثار ضرب بس لي سؤالك انا لسه فيرجن...
🎀🎀🎀🎀🎀🎀🎀🎀🎀🎀
الي القاء في الحلقة القادمة
🎀🎀🎀🎀🎀🎀🎀🎀🎀🎀
?
الي اللقاء في الحلقة القادمة
🎀🎀🎀🎀🎀🎀🎀🎀🎀🎀