الجزء 15
اسلام وصلت خامس يوم لعيد رمضان طبعا لحضور الزفاف حق احمد وسلافه والبيت جايط تجهيزات من ضربان جير وتغير ديكور وفرش الشقه الفوق لي احمد وسلافه ومكاشفي بهناك برضو في بيتهم اعدو العده من تغيرات في شكل البيت وتلبية متطلبات العروس من مشي للسوق وجري المحلات ...واتفقو الاسرتين انو المناسبه تكون واحده خاصه انهم عقدو ليهم في 27 رجب الفات فعملو حنتين كبيره وصغيره ويوم مفتوح فطور غدا والعشا كان في صالة على ضفاف النيل الحبيب الناس كلها اتجمعت الاهل والاحباب والاصحاب ..سلافه طلعت اجمل من الجمال واحمد برضو ماشاء الله عليهو ......بس بالجد الكان لافت الانظار والاعجاب بطلنا مكاشفي بي طول القامه وعرضو وضخامة حجمو وده نتيجه للرياضه المتعود يمارسها مكاشفي من صغير وزاد عليهو البدله اي بت سنجل اتجهت عليهو واي ام عندها واحده راكناها مشت لي عواطف..... مكاشفي كان مضايق جدا من التصرفات دي ومستني بتين الحفلة تخلص وقف بره يشرب سيجاره ..كان واقف قصاد النيل والصاله والصخب ده وراهو وفجاءه انتبه لوجود زول معاهو بره ...ودي ماكانت الا واحده ست او بي تعبير ادق انسه ......
........انتبهت لصوت مسج ولامن ركز على جهة الصوت ماكان الا واحده احلى من القمر وزايدا حلا كانت واقفه وبتعاين للنيل بي كامل اناقته شكلها من المعزومين للحفله وماعجبها الجو الصاخب الجوه دي وطلعت بره زي ...كانت واقفه وحركة الهوى بترسم لوحة مع تحركان ضفايره وانعكاس الانوار عليها كمل اية الجمال ..
ماشاء الله...
🌀🌀🌀🌀🌀🌀🌀🌀🌀
انتبهت ضيفتنا لوجود زول معاها وقبلت عليهو ..افندم
سلام عليكم ..مكاشفي محمد اخو العروس الجوة دي....
هههههه ( ضحكه رنانه ) ماريا فريد ..دفعة العريس الجوة ده....
ههههه تشرفنا اانسه ..صح
نعم وانت برضو باين عليك....
ليه مكتوب علي.....
لا بس شكلك جنتل ماالنوع البخلي مرتو براها.....
اطراء افهم ولا نوع من المجاملات اللحظيه...
باين شنو علي من عيوني.....
مابعرف اقرى لغة العيون وبذات الجميله دي ......
لكت اكيد بتحس...
♻♻♻♻♻♻♻♻♻
صراحه غلبني الرد البت شفته شكلها ومانوع البنات الهمهن يصطادو ليهم عريس والسلام...صحيت من سهوتي على صوتها بتستأذن ومشت من غير ماتستني ردي..دايره اوقفه اناديها صوتي ماطلع والادهي والامر ظهرت لي واحده تانيه بت صغيرة بي ضفيرتين طوال ماسكه حلاوة المصاصه وبتعاين لي ...قلبي عصرني ودخلت جووه والغريبه مالاقيت ماريا فريد خالص جوه وسط المدعويين وشكيت في لحظه انو دي واحده جنيه من البحر طلعت لي ورجعت تاني ....وفجاءه لمحت عثمان صاحب احمد الانتيم وهو معاهو كم بت ندهته عليهو جاني طوالي وسقتو على بره وطوالي داهمتو بالسؤال قبل مايبدا كلام معاكم واحده اسمها ماريا فريد ..
🍂🍂🍂🍂🍂🍂🍂🍂🍂
الزول ده نطط عيونو وبقي يقول لي مالها حقيقه احترت في لحظه لحركتو دي بس اهتمامي الاكبر في انو كيف اصل ليها ...
عثمان جيب رقم تلفونها وبس وعلى الله القاهو مقفول سامعني بظبطك وعارفني كويس..
عثمان اداني الرقم بس نظرات التردد اللحظتها في وشو اداني احساس احتمال يكون في شي بينهم وقررت اتاكد لو عندها حاجه معاهو اسحب نفسي ....وفعلا سالتو انت مالك عندك شي بربطك بيها اخوها حبيبها حاجه..
لالالا ياخي بس هناي استغربت لميت فيها وين ....
قلت ليو النيل ده ومشيت خليتو في حيرتو...
مامدام مافي شي بيناتهم انا اتكل على الله واتصل عليها...
تمينا الحفله وجرتقنا العروسين وهم طالعين عيني قبضت لي لحظه عثمان بتكلم مع احمد والتاني بسمعو بي انتباه وداير امشي عليهم اشوف الحاصل شنو نادتني امي واتلخمنا بي وداع العروس القلبي اتقطع في وداعها بس الطمني ربنا خلاني اودعها مازي مرام اختطفت في لحظه ولا ادتني فرصه اشوفها حتى نظره اخيره
الحمدلله..الحمدلله
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀