الجزء 16

وصلنا البيت بعد ودعنا العروسين ...والله اول مادخلته البيت حسيت بي وحشه غريبه في البيت خلاص ياسلافه مشيتي.... زي مرامي بس الحمدلله حدك هنا الجيران ووقت ماندورك بنلقاك بس الغاليه المشت من غير رجعه..... دخلته غرفتي غيرت ملابسي واستلمت الجهاز اوري مرامي العملتو كلو وحكيت ليها عن ماريا اللاقيتها واختفت فجأه...لقيت نفسي بنهي التسجيل وبتناول التلفون ومحتار في اتصل ولا لا خاصه الساعه كانت 2 صباحا ....

في النهايه قررت اشوف الواتس لو شغال ابعت مسج ..... وفعلا لقيتها متصله ولقيتها بعيده علي كونو اطلع واتصل وجرس وترد ...بعته ليها مسج كتبته ليها

سلام عليكم....

ياهلا......

المصحيك شنو لي هسي.....

مستنياك كنت...

هو بينا اتفاق او موعد...

لا ....احساس...

شكلك حساسه شديد....

ما طوالي .....

ماريا.....

ايوة مكاشفي.....

ممكن اتصل .....

...........

الووووو يابت انتي جيتي من وين...

ههههههه من هنا.....

لا بالجد اختفيتي وين قبيل...

والله كنت مصدعه وطوالي طلعت.....

اسف اذا شلت رقمك من غير اذنك....

ههههه اداك ليو احمد ياحليلو ..ربنا يسعدو ...

لالا عثمان.اداني ليو بعد حسسني انو زي الماداير....

ليه مالو...

بسألك انتي........

ابدا ماعارفاو....

شكيت انا طبعا يكون عندو يعني...

هههههه عثمان بتبالغ ديل اخواني هم بس عشان مابرضو فيني واحمد ذاتو كان حيتصرف كده لانهم عارفني كويس مابحب ادي رقمي لي زول ده الحاصل بس...

وانا شلتو ااسف....

لو وريتتي السبب ممكن اقبل اعتذارك ..ياتمسح رقمي وماتتصل تاني...

امممم طيب أذا قلت ليك عايزك على سنة الله ورسوله الكريم....

حأقول ليك أتو البيوت من ابوابها....

يعني افهم انك موافقه.....

الراي عندي امي وابوي وغير انو الزواج قسمه وانا مقتنعه من بدري انو قسمتي حتجيني لي عندي.....

.......

قفلت الخط بعد شلته عنوانها ..... ورقدت وانا محتار ياربي مااستعجلت البت هسي لحقت عرفتها يامكاشفي ..وفجأه جات في بالي مرامي ومشيت اتكلم معاها وحكيت ليها كل العملتو وفي النهايه حسيت بي مرامي متفقه معاي انو في سبب يعلمو الله ورفعت امري لله ورقدت نمت.........

🍀🍀🍀🍀🍀🍀🍀🍀🍀

بعد جيت داخله الصاله اول زول لاقاني عثمان انتي الجابك شنو هنا..

جيت عشان اطبقها على نافوخك انت وصحبك ..ابقي ما ماريا فريد لو خليتو احمد ده انا يلعب بي ويجدعني في النهايه ...

ماريا اخذي الشيطان وامشي بيتكم ...

الشيطان الليله صحبي ورفيقي وياقاتل يامقتول.....

......اضايقت لامن احمد لبس سلافه الزفته الخاتم وحسيت انو ده من حقي انا ده مقعدي انا ... انا السلمت احمد نفسي وحالي و ماحرمتو من شي ويجي في النهايه يجازيني كده... في عز غضبي وحقدي على كل الناس الجوه دي لاحظت مكاشفي وهو طالع على بره الصالة شكلو زهجان برضو وانا عارفه مسبقا انو هو اخو العروس الزفته دي وزي ماوصفو لي طويل وعريض ووسيم بس و ماخبره وده ظاهر من الاحترام الفي هيئتو لحقتو بره وانا جواي فكره لو نجحت حأكون بالجد انتقمت من احمد ....هههههه يالجد ود مسكين ماشه وراهو ماحاسي بي دي كلها شرده والنظره الشافني بيها لامن سمع صوت الرساله الرسله لي احمد بهددني لو عملت ليهو اي فضيحه يبقي اخر يوم في حياتي كانت اكتر من مضحكه بس هنا لازم مااغلط زي ماغلطت مع احمد ..هنا بس قررت اسقي احمد من نفس الكاس السقاني منو اعذبو اعيش جمبو وحوليهو وفي كل مكان يشوفني انا عارفه مسبقا مكاشفي من حكاوي احمد عنو وده الحيساعدني في انتقامي منك يااحمد حسام..

🎀🎀🎀🎀🎀🎀🎀🎀🎀🎀

الي اللقاء في الحلقة القادمة

🎀🎀🎀🎀🎀🎀🎀🎀🎀🎀