الجزء 18

ماريا اتصلت على مكاشفي تاني يوم لامن بدت تحس انو مكاشفي شبه الداير يرجع ولا يمكن خايفه من اي حركة غدر من احمد او عثمان...المهم اتصلت عليهو وقالت ليهو بعد السلام...

ازيك مكاشفي ...

بي فتور مكاشفي رد ..الحمدلله...

حست بي برودة ردو وطوالي داهمتو...اسفه للازعاج بس حبيت اقول ليك انك كبرت في عيني كتير لامن حسيت بيك دقري ومابتاع لف ودوران وكمان عثمان واحمد ماقالو في حقك الا كلو سمح ويكفي انك اخو سلافه ...المهم انا وريت ناس ابوي ومستنيك انت واهلك تجو بي صفه رسميه يوم الجمعه الجايه لانو ماشي الحج باذن الله ماحيقدر يقعد اكترمن كده وانت مامحتاج يسألو عنك بس الشكليات المرضيه لابد منها...

مكاشفي نطط عيونو وكل القدر يقولو خير ان شاء الله... وانهت المكالمه ...

........ده مأزق شنو يامكاشفي وناس احمد لسه ماجو ياربي اعمل شنو ..كدي اشاور عمي حسام وابوي...

والله يامكاشفي انا شايف انها بت ناس كونها عايزه الدقري والعديل ولا رايك شنو محمد...

نفس كلامك ياحسام وفي النهايه هي خطبه ممكن تعتبرها فترة اختبار ليكم الاثنين ...

على خيرة الله حددو الجمعه بعد المغرب ومشو محمد وحسام ومكاشفي ومحمود وهشام اخوان احمد الصغار ديل من الرجال ومن النسوان عواطف واختها سعاد ووداد وشذى واسلام....

وصلو البيت في الصحافه شرق جمب محطة 7 ..حقيقه الناس استقبلتهم احسن استقبال مافضل الا يضبحو وبعد ماقعدو واتقدمو بي صورة رسميه خال البنيه قال لي ابوها انت عايز راجل لي مرتك ولا شي تاني..

قالو افوو اكيد راجل...

الخال رد طيب طوالي اعقد...

مكاشفي داير يدخل مع ابوهو وحسام...

بس الخال حلف طلاق وقال حررم مادايرين شي ووقت ماتستعد تعال شيل مرتك بالعندك والمافي نحنا شارين راجل....

عقدو ورجعو البيت بي خلعتهم ولامن وصلو البيت عواطف قالت ليهم احرجتوني عاد ياابو مكاشفي انت وولدك خليتوني امشي ايد قدام وايد ورى لازم نمشي الاسبوع الجاي تاني نودي حاجه بسيطه كده رمزيه وكرامة عقد ...وقبل مايتمو كلامهم تلفون مكاشفي دقه..

الووو اوووووه العريس كيف..

بلا عريس ولا كلام فارق كيف تعقد وماتوريني مكاشفي...

في شنو احمد تلفوناتكم مقفله والموضوع والله من يوم عرسك لليوم اسبوع ومشينا خطوبه الله يعلم بس الجماعه اصرو وعقدناا....

لا اله الا الله...

في شنو احمد....

كدي ماتعمل اي خطوه لامن اجي انت وقعت في داهيه وربنا ينقذك...

في شنو فهمني..

لامن نجي انا حأحاول الغى حجزي واجي الاسبوع الجاي لازم بس خلي اتصالي بيك سر لامن اجي اوكي...

حاضر...

♻♻♻♻♻♻♻♻

مكاشفي مشى المطار يستقبل العروسين وهم جايين في الشارع اتصلت عليهو ماريا ..

وين حبيبي...

رد مكاشفي بي حرج وضيق واضح في الشارع ماشي على البيت اصلو العرسان جو...

بالسرعه دي ....

نعم افندم ...

لا اقصد مالحقو يستمتعو .....خلاص انا حأجي البيت بهناك تمام..

اوكي ..باي....

🍃🍃🍃🍃🍃🍃🍃🍃🍃

ماريا حست بي خطورة جية احمد المفاجئه دي وقررت تكون قريبه لو حصلت اي شي ....

وبالجهه التانيه البيت عمران ضبايح والناس راجيه مكاشفي والعروسين ....

وتلفون حسام دقه وطلع سريع ..لا ده طلع جاري ولا قبل وراهو ...

مكاشفي جا مع احمد وسلافه ولقى الناس دي كلها متحيره .... مالكم ياخوانا

وحكو ليهو الحصل ..وبيتصلو حسام مابرد استمر الوضع ساعتين لامن رد حسام انا في السكه وزول يتحرك مافي .... في اللحظه دي احمد جرى مكاشفي بالجنبه وبقي يقول ليهو انت لازم تطلق البت دي ....

ليه احمد في شنو انا من تلفونك حاسي في شي.......

حاجات مش شي واحد.....وقطع كلامهم صوت عربيه حسام

العربيه وقفت حقت حسام نزل حسام بس بي شنط سفر ومعاهو واحده انسه جميله لابسه فستان ازرق بي اكمام تلت ترباع وطرحه بالاصفر وشنطة يد انيقه ولابسه نظاره سوداء باين عليها اثار البكاء الممزوجه بي دموع فرح ولقاء حسام داخل وماسك البت ودموعو جاريه ...

الناس دي كلها اتحيرت دي منو دي منو ...

الا مكاشفي جرى خلى احمد واي حوار كان بينهم رمى محلو ....وجا حاضن البت وهو بكورك اتأخرتي لي كده وصمتو الاتنين صوت بكاهم بس وحضنهم القوي لي بعض زي الخايفين يفقدو بعض تاني ...

حسام كورك انتو لسه ماعرفتو دي دي مرام

🎀🎀🎀🎀🎀🎀🎀🎀🎀🎀

الي اللقاء في الحلقة القادمة

🎀🎀🎀🎀🎀🎀🎀🎀🎀🎀