الجزء 25
نادتني امي عشان استلم الجوال من السواق ...رهيييب طبعا ياحليلك ياخالو ...بعد ربع ساعه اتصل علي خالو في النمره ..قال لي عجبتك ..
شديد خالو تسلم لي يارب.ماقصرته.....
ده جزء من حقك علينا مرام انا لو لقيت طريقه اعوضك عن اي دقيقه بتي بعدتيها عننا مابتأخر بس الحمدلله...
كوني القاكم ياخال دي بالدنيا وماعايزه اكتر من كده....
عايني ...
بي وين ههههه...
ههههههه طيب اسمعي طبعا جدك سليمان سجل ليك املاكو كلها بي اسمك ولامن حصل الحصل اعمامك ولاد عم ابووك جابو الورثه دي كلها لي امك ...وداد اصرت تدي اولاد هدى حاجه منها عشان تخفف من كرهها ليها وعشان برضو الاولاد مايتربو مجهجهين وعشان حاجات كتيره واهمها كرامة لوجه الله عشان ترجعي ليها بالسلامه ..باقي قروشك ادتني ليها ودي بي دوره عملت بيها معرض اثاث صغير كده للعفش الدمياطي مفصول بي كل حساباتو ودفاترو وماشاء الله المعرض من واحد بقو اربعه ... في الخرطوم 2 و1 في بحري والتاني في ام درمان ....والحمدلله كنت عامل وصيه لو حصل لي شي ده مال مرام ووداد ...واهو جيتي بتي الحمدلله حسلمك حقك عايزك تشتغلي براكي وتقيفي في حقك وبما انك كنت شغاله هناك ماحتقدري للقعاد ساي صح....
احي ياخالو حسام ذكرتني بابا جدو ..ربنا يخليك لي ومايحرمني منك.....
وانتي برضو ..ربنا يرحمهم ...عايني هههه اقصد اسمعي سجلت ليك تلفوناتنا كلنا ونزلت ليك الواتس والفيس والماسنجر وموبايل ماركت اوكي....
لالالا والله انت الذ خال بحبك موووووووت يامودرن خال....
مستهبله زي امك يلا باي عندي شغل واستعدي من الاسبوع الجاي حتنزلي معارضك بتعرفي تسوقي صح...
اي بعرف وبي رخصه عالميه كمان....
تمام بعدين المسا تجي تمشي مع احمد المعرض اختاري العربيه العايزاها....
بعدين ماممكن بكره....
ليه عندك شنو ......
ابدا بس مارقه مع مكاشفي ....
اااه طيب حلووو مكاشفي يغشيك واختاري الدايراها اصلا المعرض ضمن اختصاصو اوكي...
حاضر ياخالو ياحبيبي
🌷🌷🌷🌷🌷🌷🌷🌷🌷
قفلت الخط وانا دايره اطير من الفرحه واول زول رسلت ليو مكاشفي واول واحد اتصل بي مكاشفي ....بعد قفلت الخط حسيت نفسي دايره اطير من الفرحه لامن قال لي اي حاجه دايراها اطلب منو هو وبس ....بس هو ماحقك ..حق واحده تانيه يارب دي شنو الحيره دي معقوله اكون بحبو لالالا مااظن...انا لازم اشوف البت دي شكلها كيف جاني حب استطلاع شديد اني اشوفها مشيت لي سلافه لقيته قاعده تدخن ....ضحكت وقالت لي عقبال اختك انتي يامرام....
لالا ياختي بدري علي انا لسه دايره اشبع منكم ومن امي.....
برضو مصيرك تعرسي انا غايتو بديتها ليكم وجريت مكاشفي فضل هو يجرك....
مكاشفي تخيلي للان ماشفتها مرتو ....
عليك الله مع انها كانت قاعده يوم جيتي بس اتلخمنا بيك ونسيناها.... وبيني وبينك ماردتها... (ضحكت لي سرها الصغير ده) ....
عايني مرام افتحي تلفوني افتحي الاستديو بتلقيها اوصف ليك صورتها....
......(فتحتو وياريت مافتحتو البت قمر 14)....
جميله.....
جمال الشكل ماكل شي يامرام بذات للرجال..ماعارفه حاسه مكاشفي اخوي مامنسجم معاها...
كيف يعني....
ماعارفه يعني مابطلع معاها مشاوير براهم هسي مما جيت ماحصل طلعو مشوار عشا او عزمه بره زي احمد ماكان بعمل لي....
اممممممم.....
كدي خلينا منها بعدين تعالي اوريك شريط العرس حقنا احمد بيطلع الكوره المسا بكون فوق برااي...
المسا مافي طريقه.....
ليه مالك .....
مارقه مشوار مع مكاشفي....
ماشين وين.....
ماعارفه قال عازمني...
اممممممم زي حقتك القبيل...
هوووي سلافه بطلي حركات كونان دي.....
لا والله سمح بكره حنسمع ونشوف...
يلا بعد بقيتي تطلعي خارجيات انا ماشه مع السلامه...
مرام....
نعم.....
والله بتتشابهو.....
...... (مشيت خليتها وكلامه لسه في اضاني بنتشابه حتى امي وخالو لامن جيت علق بي كده الله يسهل ويعيني على القمر المعاهو دي)......
😍😍😍😍😍😍😍😍😍
جهزت ولبست فستان باكمام اسود وطرحه بينك مع لون الجزمه كعب عالي بالجد روعه قلت ماشاء الله احلى منها القمر دييكي ....
جات امي داخلي وبقت تقرى لي المعوذتين واية الكرسي ولامن خلصت قالت لي بعد كده ممكن تطلعي واقف ليك بره...
ليه امي ماقلتي من قبيل خليتني استعجل...
لا لازم احصنك اول ..خلي بالك من نغسك انا متاكده مع مكاشفي مابتحصل ليك عوجه...
........دخلت الهول لقيتو بلعب بلي استيشن مع محمود ماعارفه الخله يقبل علي شنو مع اني كنا واقفه وساكته ...وقف على حيلو وقال كلام في سرو وتاني على صوتو نمشي يلا...
مشينا واستمتعنا وقضيت وقت لو خيروني اقول ده كفاني من الدنيا اكون معاهو هو وبس ......
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀
مجروحه معذبه قلبي واجعني دخلت غرفتي ورقدت في سريري للبعاين نايمه بس كنت دافنه راسي في المخده ببكي بي طولي .... ماحسيت بي اذان المغرب ولا مناداة امي بس حسيت بي ريحتو حضورو صوتو لمسة يدو لي كتفي دايره اكورك فيهو اقول ليهو مالك داير شنو امشي ليها سيبني ماتعلقني بيك.....لقيت نفسي بقول
مكاشفي جيت بتين....
...... كان بعاين لي شديد..حسيت نفسي عريانه لامن قبضه لياقة العبايه اللبساها ماقلعتها من جسمي فاجئني بي ردو.....
مالك في شنو الببكيك شنو....
انا لا ابدا.....
مرام مالك....
مكاشفي بس اتذكرته كنت وين وهسي وين وكده يعني....
..... للحظه حسيت بيو ماصدقني بس رجع ضم يدي عارف مرامي وحاسي بي كل المريتي بيهو ياريت لو بقدر اخش جواك وامسح اي ذكرى مره بس اوعدك من اليوم ماحتشوفي شي يزعجك مجرد ازعاج.....
كنت دايره اصرخ فيهو والشفتو قبل شويه ده شنو ماريا يامكاشفي.... خانتني دمعتي جات جاريه ماميزته شي غير مكاشفي بضمني وبقول لي مرامي عليك الله ماتعملي في روحك وفيني كده......
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀