الجزء 21
طلعت من غرفة خالتو وداد بي جسدي بس والله قلبي وفكري اتعلق بالبت الجوه غريبة الشكل ملكة الذكرى والفكر الله يامرامي
💝💝💝💝💝💝💝💝💝
قطعت افكاري ماريا وهي بتقول مكاشفي انا دايره امشي حاسه الجو موتر مع الضيفه......
ههههههه ضحكت وقلت ليها من الضيفه .... دي ست الكل دي ست البيت ده كلو دي نوارتو....ماحسيت بي نفسي الا لما لاحظت الدهشه في عيون ماريا.....وجا احمد علينا في نفس اللحظه وهو بعاين لي ماريا نظره كلها تحدي واحتقار ولا كمان الغريبه بسأل ماريا انت ماشه ولا شنو....
كنت بعاين لي احمد وانا بستحضر اخر كلام بينا قبل ظهور مرامي ...الله مرامي دايره اقعد معاك وافهم اي شي حصل ليك شنو بس لازم برضو اشوف ديل مالهم.....
احمد دقيقه ماريا ممكن تستني شويه...
انا انت ماشي وين مع احمد انا تعبانه مكاشفي تعال وديني حبيبي...
معليش مرام ..اسف اقصد ماريا ...بس شويه ....
وكمان شكلها قصتها طويله الامورة الجات دي..افندم.....مكاشفي انا ماشه حتوديني ولا لا....
انتظري اتم كلامي مع احمد وبوديك ...ااه بالمناسبه اسمها مرام وانا مابرضى فيها...
احمد دخل خشمو هنا مع انو كان ساكت ومربع ايديو....مكاشفي انا اصلا طالع لو ماعندك مانع نتم كلامنا بعدين ووصل ماريا...
حقيقه مع انو ريحني بتوصيلة ماريا بس حسيت انو في القصه قصه تانيه بس ماعلينا كلو حيبان لما اقعد معاهو ودعتها وشكلها اتخلعت لامن لقتني وافقت وبي طريقه غريبه جدا قالت لي سلم على مرام نيابه عني لامن اجيها بي نفسي ونتعرف .....
فجاءه كل حواسي صحت انا مفروض امشي جوه واشوف مرام وافهم حاجات كتيره ....كنت شايل هم البت واللاقتو
🔅🔅🔅🔅🔅🔅🔅🔅🔅
دخلنا انا وعم حسام ولقينا معاها امي وابوي وخالتو اسلام وخالتو وداد وسلافه ....طلبت سلافه من الحبشيه تعمل لينا قهوه وقعدنا كلنا عيونا في مرام ..اللي قامت وقعدت جمب امها وبدت تتكلم .....وتسرد كل العانتو المسكينه............
طبعا كلكم متشوقين تعرفو انا كنت وين وحصل لي شنو .....انا بعد ما سمير قتل بابا جدو اغمى علي ودي كانت اخر مره شفتها فيهو وهو مقتول بقي كابوس حتصدقو اذا قلت ليكم طوول ال8 سنين بجيني كل يوم ......ربنا يرحمو ...... صحيت بعد زمن لقيت نفسي في غرفه براي مقفوله علي لامن صحيت وبقيت ببكي جات داخله مره شفتها مرتين بس لامن جابت لي مويه ولامن جينا طالعين من بيتها...المهم عاملتني كويس وادتني مويه اشرب شفتها للحظات واختفت وعدتني حتجيب لي امي وطلعت وقفلت الباب ....عاينت حولي مالقيت غير شنطتي فتحتها لقيت ملابس الرياضه والبطاقه بتاعت الاشتراك والحمدلله الاشتراك كان تحت مظلة احمد التجاني ولقيت برضو جهاز التسجيل واشرطه في المليان منها والفاضي...شغلتو اخر واحد كنت بوري فيو مكاشفي عملت شنو من الصباح وانا بضحك قبيل اني كيف فته سلافه في الحوض بتاع السباحه بكيت اللحظه دي واتمنيت ارجع وسلافه تفوتني بس ماامشي واخليكم وهسي ببكي وقعدت احكي كأنو بعد شويه حالاقي مكاشفي زي كل يوم ويمكن ده النفعني وخلاني اصلكم مع بطاقة العضويه .....واصلت في التسجيل لامن نمت صحيت على صوت سمير بصحيني وطلعنا مع اذان الصبح يمكن مامتذكره كويس مشينا حته بعيده جدا بعربيه وكان بتكلم مع زول انو قبضو هدي وهو كان متفق يمشي مصر معاها وهسي احتمال تكون كلمت البوليس وطلب منو يحجز بي اي طريقه لي اتنين زينا لي مصر ونحن نمشي عكس الاتجاه وفعلا من عربيه لي مركب لي عربيه لامن وصلنا كينيا ماتتخيلو عانيت كيف من ملاريا وملابس غريبه اشتراها لي ووسخ وعفن الحاجه الوحيده المصبراني وجود التسجيل لامن وصلنا كينيا الاشرطه كانت انتهت طلبت منو اشرطه الغريبه خالص مامانع وكان شبه بجيب لي اغراضي كلها لامن اتعرف على واحده ودتو منظمه وده كان خلال اربعه شهور مما وصلنا وهناك تخيلو بقي يشحد بي تخيلي امي بقي يقول للناس انو امها ماتت وكنت لامن ببكي وبصرخ انو امي حيه كان بقول جاته حاله من وفاة امها و لامن نرجع بيضربني وبقول لي لو اتكلمتي انا حقتل امك زي ماقتلت جدك كنت خايفه امي اااه ااه....
😭😭😭😭😭😭😭😭😭
مرامي اهدي شويه اشربي المويه دي وواصلي ارتاحي..... حالتها كانت صعبه جدا وهي بتحكي طفله في العمر تمر بي ده كلو وسبحان الله مابراي لسه بسجل حتى هي ..ترتاح شويه مرامي وتورينا كيف التسجيل ساعده ترجع لينا ....
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀