الجزء 26
تخيلو ماقادره انوووم كل مااغمض عيوني تترسم لي ملامح وشو ...تتلحن لي كلماتو في آضاني حتى لمساتو الب الصدفه بترسل الحراره لجسمي ...لسه كلماتو القال لي واحنا بناخد الايسكريم من 41 محلي المفضل رجعت ليهو بعد السنين دي كلها بس زي ماهو مع وجود بعض التغيرات زادتو جمالا زي مكاشفي زاد تعلقي بيهو ...انتو عارفين حصل شنو اصريت انزل من العربيه واخش المحل معاو مع انو كان زحمه بس كنت مشتاقه ليهو شديد ونحن واقفين في الصف في واحد تطقشني من غير قصد ولقيت نفسي بميل ومكاشفي يسندني ..ههههه وادى نظرة للولد ...الولد بي كل حسن نيه اعتذر... في مجموعة بنات كانت متابعه الاكشن ده علقو والتعاليق جووووووه اضنينا ..لكن مامزه تستاهل ..التانيه قالت هو ذاتو ماهين عايني البودي ده.....لالا هي احلى لون زي المنقه.....
مكاشفي اضايق جدا ورجعني العربيه وقفلني وجا راجع جاب الايسكريم لامن ركب كشرت ليهو وشي طوالي قال لي..
في شنو مالك.....
انا ماشافعه مكاشفي .....
عارف....
طيب ليه التعامل ده يعني..وديل بنات....
حتى ولو .....
ليه......
زول يتغزل فيك قدامي مافي مرام خلصنا....
...... (فجاءه ابتسمت قبل علي مستغرب ورفع حواجبيو جيت عليهو ومسكتو يدو كنت محتاجه كده اللحظه دي زي ماادى نفسو الحق في حمايتي وتوضيح البحبو والمابحبو كمان انا بعمل البحبو) ......
ياالله انا بحبو شكلي ..شكلي شنو ده مؤكد يارب اعمل شنو انا استحاله استحمل يكون لي غيري طيب ليه ماجاب لي سيرتها ولامن سألتو اتجنب الحديث في الموضوع ده حتى تلفونو وانا معاهو اتصل كتير ولامن طلبت منو يرد يمكن موضوع مهم قال مااهم مني معقول تكون هي ....وهل انا بالجد اهم منها بس ممكن لسه خاتيني اختو لا احتمال بحبني طيب لو بحبني كان يستنى ليه استعجل ليه ماصبر شويه...اااخ راسي داير يطق دايره حبة بندول .....
اتناولته حبة ونمت
☀☀☀☀☀☀☀☀☀
صحيت الصباح واول شي بعد ادوشت ختيت عطر خفيف ومكياج هادئ لبست عباية من عبايات امس الاشتراها مكاشفي ..طلعت بره واول زول لاقيتو ...قلت الحمدلله طلعت كانت حتكون مشكله لو اتأخرت ولقيتو طلع ....
سلمت عليهم كلهم وهو كالعاده خاتي نظارة الشمس رغم اني امس كنت قريبه منو شديد الا انو اليوم حاسه نفسي ابعد مايكون....
ماينفع كده انا لازم اضع حل للنزاع الحاصل جواي ده ولازم افهم انو مالي واعود نفسي على كده......
كنت سرحانه فجأه انتبهت لي مسج في الواتس عاينت للمسج لقيتها منو رجع الدم للجريان من جديد في عروقي عارفين كتب شنو...
مرامي مالك في حاجه مضايقاك ماتنسي كلامي لو في اي شي وريني انا هنا ليك انتي وبس...وتاني مرة ماتتأخري كده انا عندي شغل وماممكن اقعد اليوم كل ارجى مززتي تطلع
قلبي بقي ينط وجنتي ظهرت من غير مااحس بقيت بحك في شامتي حاولت اعاين ليهو ..بس من غير فايده الجدار الحاجز مامديني فرصه اقصد النظاره طلع مع احمد وخالو حسام وهو طالع ناولني حلاوتي بس المره دي ادى معاي سلافه اللي بدوره رفضت وقال ماطايقه طعم سكر كلنا فرحنا وقلنا ان شاء الله خير ...بعد طلعو مشيت لخالتو عواطف مما جيت ماقعدت معاها برانا ياسلام ده البيت الكنت بقضي فيو معظم وقتي اكتر من بيتنا اشتقت ليكم .... اتونست مع خالتو عواطف كتييير واستأذنتها اشوف البيت لانو بالجد مشتاقه ليو .....ضحكت لي وقالت لي اي حاجه في محلها بالنسبه للغرف الا الطابق الفوق عملنا شقه مكاشفي ونقل غرفتو لي فوق لامن يتم عرسو....
مع انو كانت نيتي اتجول واستذكر ايام جميله من الطفوله بس رجليني ودتني الشقه فوق ولقيتها فاتحه الحبشيه كانت بتنظف طلبت منها تواصل عادي لقيت جهاز اللابتوب في السرير...حاولت افتحو بس لقيتو عامل باسويرد ..خليتو اتجولت بين دولابو وملابسو وريحتو انسجمت وماانتبهت للحبشيه الكانت واقفه مستغربه...ارتبكت واعتذرت وطلعت طوالي..نزلت تحت لقيتها قاعده مع خالتو عواطف كانت بتبكي ..على مااظن عرفتوها ايوه ماريا زفت حفظت ملامحها حته حته كانو لاقيتها جدجد .... سلمت عليها خالتو عرفتها بي حسيت بيها ركزت شديد معاي او انا برضو كنت مركزه ماعارفه بس المتأكده منو انها جميله وجميله جدا....ابيت امشي البيت واتصلت بي امي متحججه بي خالتو عواطف اني مشتاقه ليها ....قعدنا لامن جا مكاشفي داخل كان شكلو تعبان مرهق زهجان في شي حاصل مع حبيبي ...سلم علينا ...طوالي قامت الاستاذه جابت ليو عصير وكباية موية ..حسيت بالسكينه في قلبي لا وكمان هو بشكره بي ابتسامه استأذن يطلع يغير وطلع وخلاني انا وعدوتي الجديده شكلو ماحــ اكره سمير سليمان براهو ...طالت الجلسه دخلت قطعت فاكهه واستأذنت من خالتو عواطف تودي ليهو .... خالتو كانت مبسووطه جدا وقال ليها اتفضلي ده بيتك يابتي ..قربت افنها بالمجله الكنت ماسكاها وماشايفاها ...اتأخرو ساعه وخمسه واربعين دقيقه بعملو في شنو ديل ماقدرت استحمل ومافي سبب يطلعني قلت لي خالتو انا ماشه ..استغربت والغدا قلت ليها سلافه رسلت لي مسج اجيهامجتبي عمر:
وطلعت ..طلعت وانا مقهوره