الجزء 7
المدرسه والمدرسين قدرو موقف مكاشفي المرضي وماحبو يضيعو ليو مجهود سنة وبذات انو مكاشفي زول مجتهد في دروسو و طالب مهذب ومحبوب بين زملائه ومدرسينو ومتوقعين الناس دي كلها انو يتذاع بالعشره الاوئل وهسي الله يستر مع رقدتو دي .....
بقه يذاكر في البيت واصحابو بقو يجيبو ليو الملخصات والمزكرات في البيت ومكاشفي بقه بين رقاد ومذاكره ومراجعه لي سلافة ومرام وبين غيار للحريق الهسي الحمدلله بقه كويس جدا والجلده الفوق شبه نشفت بس الاثار موجوده
🍡🍡🍡🍡🍡🍡🍡🍡🍡
ههههههه سبحان الله اثار تثير العطف والرأفه في قلب كل زول يشوفها بس عند مكاشفي احساس غير ...بقة زي ايقونة بتتعزف اوتارها القشره وخشونة الجروح البداعبه وتبدع فيها لمسات انامل مرامي و عيون مرامي وضحكت مرامي وهي قلقانه داخله ومارقه مرة تسأل ومره تبكي ومرة تحصن ياالله على جمال طلتك يامرام...كل مايجيني طيف ذكراك لامن جيتي وقبلت على الجرح بشفايفك عشان يبقه كويس حسب محدود تفكيرك البرئ بس انا من جواي بقيت كويس من شوفتك ياحبيبه ربنا يخليك لي.....
🍡🍡🍡🍡🍡🍡🍡🍡
مكاشفي سجمي بتتكلم براك....
لالا امي مافي حاجه....
سمح لكن مافي حاجه ...هسي اقرا وخلي السرحان ده بعدين سامع...
مكاشفي دنقر راسو من الخجل ودسدس عيونو في كتبو وكراساتو القدامو ....
الجو بقه مكهرب امتحانات ومذكرات بذات عند ناس مكاشفي حتى انو مرام بقت تدخل بالدس عشان تشوفو ووقت بقبضوها ويطلعوها تضحك هي ويضايق مكاشفي لو بي يدو يقول ليهم خلوها لي لو قعدت حانجح ....
🍭🍭🍭🍭🍭🍭🍭🍭🍭
سلافه ومرام خلصو امتحاناتهم وبقه اسبوع واخونا مكاشفي ينزل امتحانات الشهادة وزعوهو في مركز شويه بعيد من الحي والليله عملو جدول للبتين خاصه مرام جدول توزيع المقابلات وبقوها يوم بعد يوم لمدة نص ساعة ......
مكاشفي قاعد يسمع في ونسة البتين مرة يتشاكلو في منو التتكلم اول ومنو التحكي وسبحان الله مكاشفي رغم قعادو مانسى حلاوة المصاصه حقت كل يوم وهي يوم فاكهه ومره عنب عشان سمعت بابا جدو قال الفاكهه بتخلي الزول زكي وشاطر وبقت تجيب لي مكاشفي عشان يجي الاول ويفوت ولد خالها حسام الممتحن سوى مع مكاشفي ...
جات عواطف يلا يابنات خلاص انتهت الزياره الي الخارج...بس انا لسه ماوريت مكاشفي عملنا شنو انا وسلافه في الشارع قبيل ....لالا ده بكره....امي دقيقه ممكن ...
مكاشفي ... نبهتو بي نظره... القرايه ياولد ..
حاضر امي بس دقيقه ادي مرام حاجه...
طيب سريع يلا سلافه ...مرامي خمسه دقايق وتجيني بره الليله حأوريكم تعملو الكريمه كيف..
حااضر خالتو عواطف...
مرام جات لي مكاشفي تسألو من الحاجه وطلعت جهاز هيتفون اداها ليو وخت فيو شريط واصلا زمان كان علمها استعمالو هي وسلافه كان بغنو وبسجلو صوتهم ويجي يسمعو .... يلا يامرامي شيلي الهيتفون ده وكل ماتعملي حاجه قوليها وسجليها هنا وانا بسمعها كلها....حاااضر ...شالت الهيتفون وجرت طلعت...
وبدت تحكي كل شي حتى لامن طلعو مع امها وسلافه الحدايق ورتو بالتفصيل عملو شنو....وتاني يوم جابت ليو الشريط وهو كان مجهز ليها شريط تاني جديد...
وبدى يسمع في كلام المسجلاهو ...ياخي ده بقي يتبسم ساااااي ويرجع يقرا بي نفسيات عاليه جدا ....الليله من الصباح صحو مكاشفي بدري والصلاة والمراجعه وتسميع الصور لانو الليله قرأن اول يوم ..وطلع عشان يركب ركشه لقى حاج احمد واقف ليو هو والسواق بتاعو وصلوا للمدرسه وراجع معاهو الصور التلاته يس والصافات وص والحمدلله طلع حافط واتفق معاهو كل يوم بسوقو ويرجع هو مع اصحابو...
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀