الجزء 8
ايام الامتحانات كانت صعبه على الكل الام والاب والاخت والجارة الصغنونه .... بحالة التنشنه المصاحبه جو الامتحانات وسلافه الممنوعه من التلفزيون ومعظم الوقت مع مرام الشاغله روحها بتسجيل كل التفاصيل في الاشرطه الاداها ليها مكاشفي لانو برضو بقت زي التلفزيون من المحرمات الي ان تنتهي الفتره ...بس مرام صعب الزول يسيطر عليها ولا قوانين الدنيا كلها تقدر تمنعها من شوفة مكاشفي ....انصاعت لاوامرهم في البدايه بس سرعان مالقت الحل في ملاقاة مكاشفي وده لامن قعدت انتظرت جدها في المظله حقت العنب ههه كانت لسه لابسه البيجاما حقت النوم الصحت بيها....
مرام مالك قاعده هنا حبيبتي ....
بابا جدو عايزه عنب اقطع لي ..
ههههههه جدا ياالاميره ...اتفضلي تأمري بي شي تاني عشان طالع....اقدمك ممكن....
هههههههه وتسلمي على مكاشفي ارح عارفك....
الغريبه حاج احمد ماتفاجأ عكس مكاشفي الاتلخبطت احاسيسو بين شوف ومفاجأة سعيده اليومين الفاتو ديل خالص ماشافها وصبر نفسو بي الشرايط العندو.... سلمت عليهو وادتو الاشرطه الجديده والعنب وضحك وهو بعاين لي حاج احمد وقال ليها يلا مرامي انا ماشي الامتحان ادعي لي اجيب درجه كبيره ...
يارب يارب انا بحبك شديد وانت بتحبني اسمع كلامي وخلي مكاشفي يجي الاول اكتر من احمد حسام ياااارب....
حاج احمد ضحك وقال ليها امين يلا مكاشفي اركب يابني عشان ماتتأخر مرام جوه يلا حبيبتي... باي باي...
🍥🍥🍥🍥🍥🍥🍥🍥🍥
انتهت اخيرا فتره التنشنه اقصد الامتحانات وكل الناس اتنفست من الكبته الكان موجوده ومكاشفي اول شي عمله طلع صندوقو الصغير وجاب الهيتفون التاني الاشتراهو وبدى يسمع في كل التسجيلات العملتها مرام يضحك ويبتسم ويضايق اذا سمع حاجه ضايقته ......
ورجعت القعدات والونسات وتغيب مرام من البيت وقعاده طول الوقت في بيت ناس مكاشفي رغم نقنقت حاجة فطين بس حاج احمد كان راضي ومبسوط وكمان نزلهم التلاته اشتراك في نادي يقضو فترة الاجازه الي ان جاءت بداية السنه الجديده ونتيجة الامتحانات الناس دي كلها متوتره وقاعده قصاد التلفزيون منتظره المؤتمر الساعه 11 وبدي بي كلمه من وزير التربيه والتعليم ومباركتو لكل الناجحين وتمني التوفيق للمااتوفقو السنه دي وبدت اذاعة النتيجه والاولى كانت بت من مدرسه خاصه احرزت مجموع 280 والتاني والثالث والرابع والخامس الي الثامن وكان الاسم واضح ابهج وابكى محمد وعواطف ومكاشفي وضحك وصريخ سلافه ومرام وزغاريد وداد ....انتو لسه ماعرفتو المذيع اذاع مكاشفي محمد الامين مكاشفي الثامن على مستوى الخرطوم بمجموع 274.....
مبرووووك ولدي ..
مبروك مكاشفي ...
ومرام جااات جاريه حضنتو وشااله فووق مكاشفي وهو بضحك الحمدلله انا كنت خايفه مكاشفي ..مكاشفي بيضحك ويقول عشان تعرفي انو ربنا بحبك شديد واستجاب لي دعوتك......
🍁🍁🍁🍁🍁🍁🍁🍁🍁
حاج احمد مما جا ضبح الخروف كرامه وسلامه وبرضو مانسى خروف احمد حسام ولد ولدو وده جاب 255 ومشو كلهم باركو ليهو واتوزعو الاثنين في مدرسة الشيخ مصطفى الامين ... مكاشفي قبول عام في الفصل المنافس ...واحمد قبول الخاص ومعدلو حيحدد يمشي اي فصل تنافس بين اثنين بدى بالدراسه والفصل..... والله اعلم ينتهي وين .....
🎀🎀🎀🎀🎀🎀🎀🎀🎀🎀
الي اللقاء في الحلقة القادمة
🎀🎀🎀🎀🎀🎀🎀🎀🎀🎀