الجزء 15
خالتي عاينت لسماح ، عشان م تزعل ، و قالت ليها امممم ، اهاااا
بس و فجأة خالتي بصوت عالي !
بقت تنادي ،يُمنةةةة يا يمنة ، امي قالت ليها براحة وطي صوتك في رجال في البيت !
بس يمنة جات طالعه و اسماء وراها !
يمنة قالت لخالتي مالك بتكوركي بسم الله ، لو همستي ساي بسمعك ،، قالت ليها تعالي اقعدي اكلي السلطة ، لو عايزين شاي انتي واسماء امشي اعملي لنفسك واعملي ليها !
قالت ليها اسي الكوراك دا كلو عشان كدا !
حمرت ليهاااا ، طوالي جات قعدت واسماء جات وراها قعدت ،،
قلت لخالتي حنتك دي عاجباني ازبطا كيف زيك كدا ( تغير موضوع ) ، قالت لي باللصاق ، و بقت تاكل !
بس بعداك امي استلمت الونسة ، ضحك و هظار ما خلو شي ، مرة عمي قالت لي اها سفركم متين !
كلهم انتبهو وعاينووو لي مع بعض !
قلت ليها لسه والله ما حددنا ! اسماء قالت لي ماشين وين !
قلت ليها عمرة اذا ربنا سهل ، قالت لي امممم حلوو ،، و سكتت ، ما عارفه بت خالتي شايلاها مع اسماء كدا ليه ، عاينت ليها كدا عين ، نظام انحنا ماسالنا انتي بتسالي مالك وملقوفة ، بس اسماء اصلاً كدا عفوية !
بس جااا اسعد ، بقول لامو ابوي بقوليكم يلاا ! قلت ليهو لسه بدري قوليهوو ،، قالت ليهو تعال صحي نسالك ، قاليها في شنو يا امي ، قالت ليهو تعال ، جاا قريب ،و انا بس وشي دا دايرة اشيلو اديو جواا اي جيب كان لقيت طريقه ، و هو بتكلم مع امه وعينه فيني اناا ، عملها واضحه اووفر ،،
بس بقت تساله عن السفر والاجراءات ، وكلام زي دا ما اداها عقاد نافع !
لمن خلاص بقو طالعين ، ودعتهم ، ، اسعد طلع معاهم ، و انا بقيت بلملم في الحاجات ، طلعت الكعب ولبست شبط البيت ، و بقيت بشيل واردم في الحوض وادخل التلاجة ،، لمن خلصتا ، دخلت المطبخ اروق فيهووو ، بس جا اسعد ، واقف في باب المطبخ !
قالي دي كتيرة عليكي انا بساعدك ، قلت ليهو شكرا ، قالي زحي ، م رديت عليهووو ،،
ختيت الطرحه في وشي ( قولو لي بعد شنو خاتاها ) ، جيت طالعه ، مسكني من يدي ، قالي ليه مغطية وشك ، فكيت يدي ، قلت ليهو يدك ما توصلني تاني مرة !
مشيت خليتو واقف ، دخلتا غيرتا ، و نضفتا وشي ، وطلعت بي توبي ، لقيت المغسلة فاضية !
عاينت ما لقيتو !
طلعت عشان امش الحمام ، مع فتحت باب الصالة البطلع الحوش سمعت صوتو ف التلفون ، بتكلم بصوت عالي ، بيقول :
والله العظيم ما بكذب عليكي ، انتي براكي ما واثقة فيني ...
رجعتا دخلتا قلتا وقفتي دي حيفتكر ممكن اني بتصنت ، وطلوعي حيسبب ليهو احراج ، تاني قلتا يولع انا مالي !
طلعت توووووووش ،على الحمام !
و رجعت ، و كان لسه ماسك تلفونو ولا عاين لي اصلا لاني م عملت صوت في مشيهي ، وانا بقفل الباب ، سمعتو بقوليها انتي الاخترتي الدرب دا بتصرفاتك معاي،، قفلت الباب والصوت راح ،،
دخلت سخنت باقي الكبدة ، عملت سندوتش و شلتا سلطة ف كورية وفتحت التلفزيون وفاتحه الكرتون ..
قام جا ، عاين لي بنطرة كدا زي نظرة اللوم والعتاب ، شككني في نفسي !
م اشتغلت بيهو ، سفتو دخل الغرفة حقت النوم ، مسافة ، و . جا شايل البنطلون والقميص والجلابية القبيل علقتهم ، و ما اتكلم معاي ، دخل بيهم الغرفة التانية ،، و طلع لابس الجلابية ..
حسيت انه مممن يفهم تصرفي غلط ، قلت ليهو اسعد ! ( وقف ) ..
قلت ليهو انا شلت ملابسك دي علقتها في الشماعة عشان امك وامي لو دخلو الغرفة ما تكون في شكوك ،دا كل الفهم !
عاين لي ،و قالي ،اذا ما عايزاني بتدافعي عني لشنو ! اذا عندك امل في حاجة بينا قولي !
( جملتو زي الكبو فيني موية تلح )
وقفت على حيلي وقلت ليهو ! ما غريبة عليك تفهم فهم وسخان زي دااااا ! كوني احترمت رغباتك و قمت بتصرفات حسب اخلاقي و تربيتي ، الظاهر اني كنت غلطانة عشان حاولت احافظ على صورتك الرجولية قدام اهلك وقدام عمي .. !
فا لحد هنا و تحترم كوني ساكته وقاعدة لحد اللحظة دي ، م تخليني اتصرف تصرفات تحولني ل رحمة تانية غير الانت بتعرفا !
( وقف مخلوع في ردة فعلي القوية والاسلوب الاول مرة يشوفو مني و فيني ) قالي ، اسسسف ، كان جينا للجد انا الشكلي عشمان ! حقك علي اسف ! وطلع الحوش ، و بعد دا لسه جملتو حارقاني بالجد ما قدرتا اتجاوزا الليلة ديك ..
المهم فاتت الليلة دي ،و م كنت عارفة ان في عاصفة جاية علي !
صحيت بصوت التلفون ، عاينت للشاشة لقيتا شيماء ..
* السلام عليكم شوشو صباح الخير ..
_ شوشو شنو بس وياتو صباح ، قومي النتايج طلعت و ما نزلوها ف قروب الدفعه و قالو زي الزفت الناجحين يتعدو على الاصابع ..
* استغفرالله دا خبر شنو يا ربي ،،
_ قومي ، اجهزي نتلاقي في مكانا ..
* طيب طيب ، اوففف يا ربي ..
_ م تنسي الكرنيه !
* ما معاي في االبيت ، بهدين دا لشنو ما كنا بندخل عادي !
_ ما بهرف اظن عشان السستم ولا شنو م عارفه انا نبهتني فاطمة ،، طيب المهم ، لازم حاجة فيها اسمك الثلاثي !..
* المشكله المحفظة الفيها البطايق في البيت حتى بطاقتي الشخصية ...
_ اتصرفي ياخ انجزي والله غالبني القعاد والمشي زاتو ، انجزي ياخ ..
طيب طيب ..
قمتاا بخلعتي ديك ، بقيت بفتش في شنطة يدي الوحيدة الجبتها ، لقيت وصل تسديد الرسوم ، فرحتا فرح ، شلتو ختيتو في الكومدينة ، عشان م حشيل شنطة حاختو في جراب التلفون من وراا ! ( اااي انا كمان بهمل الحركة دي ههه ) ..
المهم جريت الحمام اتشططفتا سرعه ، و دخلت ف اقرب عباية و نقاب وشرابات وجوينتات الحمدلله ،، و شلت التلفون من جمب المخدة وشلت قرووش ،، عاينت لقيت الوصل واقع ، رفعتو ، و جريت جري ، ختيت القروش والوصل في التلفون من ورا ..
و طلعتت وشلت المفتاح ، طلعا اسعد طلع شغلوو ..
مشيت الشارع اقرب امجاد اخدتها و اتحركتا ، و شيماء كرهتني اليوم الاتولدتا فيهو بكترة الزن والاتصال ، اول مرة اخاف من نتيجة كل مرة بمشب و انا ضامنة نجاحي الحمدلله ..
بس ،وصلتهاات ، و بعداك كملنا للجامعة سواا ما خلينا دعاء حايم ما خلينا سورة ما قريناها ، لمن وصلنا ، يدينا دي تلج بس !
دخلنا طوالي ، قلت ليهاا ،، دخلونا عادي اصلا مافي امن على البوابة مالك طيب شابكاني اثبات وما اثبات !
قالت لي م بعرف دا كلام فاطمة ،، قلت ليها حمدلله معاي الوصل غايتو يا رب يفيدني !
دخلنا بنفتش في البورد مافي ،، لفينا لف مافي ،بنسال بقولو لسه م اتعلقت نزلت ف الجهاز ،،
دخلنا المكتب لقينا صف من دفعتنا ، كلهم على جهاز واحد ، بتقول اسمك وبتوري اي اثبات انك ف الجامعه و من رقم جلوسك بطلع النتيجة ..
بلد في كل حته صفوف استغفر الله ،انحنا قعدنا عديل ، لحد م الصف اتحرك شوية بقينا واقفين ف الاخر و الورانا قعدو !
بي جاي جاي ،دورنا جاااا ،، قدامي شيماء تتراجف زي الجلي لمن وترتني ، لان اغلبية القدامنا شايلين مواد !
بي قدرة قادر لمن ادتو الكرنيه وطلع اسمها ، طلعت ناجحة بي الجلالة ،،فرحت و اتفائلتا شديد داخله بي ابتسامة ..
طلعت الوصل من الجراب ،و اديتو للراجل القاعد على الجهاز مطبق ، الوراي قالت لي ارفعي قروشك وقعت ( وانا بطلع الوصل ) وانا مدنقرة ، قالي اسمك : اسماء علي عثمان علي !
وقفت على حيلي ! قلت ليهو نعم !
قالي وصلك دا تبع جامعة السودان يا اخت ! خطفت منه الوصل ،، و بقيت بقراا في الاسم !! ، شيماء واقفة بتتكلم معاهو كيف الكلام دا ، دي اسمها رحمة محمد ، ارجوك عايزين نعرف النتيجة ، دخل اسمها بيظهر ، دي دفعتنا وكلهم بشهدو انهت بتقرا معانا ، وهي حافظة رقم جلوسها ارجووك ....
في اللحظة دي انا الدنيا لافة بي لدرجة حاسة اني ماشة في حفر ، الواطه دي كأنها طالعه ونازله بي !
ما عاينت وراي تاني ومشيت كيف ما عارفه ، ركبت اقرب مواصلات ، و تلفوني دا يرن شيماء تتصل ، و تتصل وتتصل ،، اخر ما فكرت ارد ، قلت ليها انا ماشة بيت ابوي وبرجع امشي البيت انتي ، بتقولي مبرووووك وفرحانة و انا كلمت الراجل وشافها و ارجعي وين انتي ،و انا هنا قفلت فيها الخط ، وقفلت تلفوني !
ما مستوعبة حاجة ! معقولة !
رجعت البيت كيف ما بعرف ، والله ما بعرف ، بس دخلتا ، قلعتا النقاب ،حسيت بخنقة ، لمن جريت بفتش ل موية اشربا ، شربتا و جيت قعدتا ومسكت راسي ..
قلت انا اكيد ملخبطة ، مستحيل ، مستحيل ، مسكت التلفون فتحتو ويدي بترجف ، اتصلت على سماح ...
* السلام عليكم ..
_ هلا بالحب وعليكم السلام ،كيفك ..
* حمدلله بخير ،،
_ صوتك مالو ؟
* مشروقه ساي ، اسمعيني كنت دايرة اسألك عن حاجة بخصوص اسماء !
_ خير !
* هي بتقر في ياتو جامعه ، عسان النتايج طلعت ؟
_ في جامعة السودان !
* ....................
_ الووووو رحمة !
* اا م معاكي ، اه ا ا اسمها منو بالكامل !
_ ليه في شنو ؟
* عايزة اش ف نتيجتا بس
_ لازم رقم لكن
* كدي نجرب بالاسم قولي !
_ اسماء علي عثمان علي ذكريا !
..........*
_ الوووووو
_ رحمة !
_ الوووووووو يا بت ، الووووو .....
* فصلتا المكالمة . قفلت التلفون *
معنى كدا دا الوصل الكان في الدرج يوم كنت بفتش في شاحن ! وقع وما رفعتو لانه امي اتصلت علي ! معنى كدا ان !!
البت البيحبها اسعد راجلي ، هي اسماء اختو لراجل سماح بت عمي !
معنى كدا ان يوم السونكاب حق عرس سماح ، الكانت معاهو اسماء في الغرفة في وضع مخل و خادش ، هووووو ..... هوووو ... هوووو ......
!!
أسعد !!