الجزء 31
بس الباب خبط في اللحطة دي ، انا اترعبتا قلتا 100% دي حتكون امي ....
مصيبة و حتحصل !
مريم عاينت ، و اتخلعت و وقفت محلها ..
انا اتاكدت في سري ان دي امي ، قمت جزيت على باب البرندة لقيتو شاب كدا ماشاءالله !
عاينت لخالتو و مناهل قلت ليهو دا واحد ! عشان يلبسو ...
خالتو قالت ل مريم دا منو ؟ مريم سكتت واتخلعت ..
لبسو و قالت لي فضليهو .. قلت ليهو تعال ادخل .. و زحيت من المدخل و قفت جمب مناهل .. بس مع دخلتو مناهل دي رجفت و قعدت و عيونها دي اتملت دموع .. قالت ليهو ححسام!
ابتسام قالت ليهو حسام ؟ خير ؟
قاليها خير يا عمتي ، جاي في كلمتين و ماشي !
قالت بيهو خير !
ياخ بيعاين لي مناهل و بدا كلامو قال :
مشكلتكم انتي وابوي الما مفهومة دي ما بتعني لي و لي ذنبنا انحنا عشان تكسرو لينا فرحتنا بالطريقه دي ، رغم اني واثق ان ابوي الغلطان يا عمتي ، و انا ما جاي عشان اتكلم في منو الغلطان فيكم !
انا يوم جيت و خطبت مناهل كنت جاي وعارف انا داير شنو وكلمتي وحدة ، وخلاصة الكلام العرس دا قائم ، حتى لو زمنو فات يا عمتي ، انا بسمع كلام ابوي في الصح و في البقنع عقلي ، انا بشتري مناهل بنور عيوني ،و ما حأخليها مهما يحصل و عرسنا حيتم على اكمل وجه الداير يحضر يحضر و الما داير ما يحضر ، دا اخر كلامي ..
خالتو ابتسام سكتت ، قالت ليهو ابوها مافي ! في السجن !! قاليها سمعت انه في السجن بس اكيد حيطلع ، عم محمد معروف .. قالت ليهو و السجنو ابوك !
قام وقف على حيلو وانا شهقتا ، قلتا ليها بصوت واحد كيف يعني ؟
قالت محمد مانعني احكي ، بس يا حسام انا ما ناقصه مشاكل مع ابوك ، بتي بجيها نصيبها يا ولدي ، اتوكل انت ..
قاليها والله الا ابقى ما راجل كان اخليها و اقوليك شي ! عمها يعقد لينا و انا بمشي لعم عبدالله بكلمو ، و متاكد حيرحو الموضوع دا ..
خليتهم بتناقشو وطلعتا براحه ...
مشيت لناس امي ، بسالوني عن الحصل و انا ساكته ، اخر شي قلت لمتوكل اتحرك من هناا ، امي بتقولي في شنو ؟
قلت ليهاا مافي حاجة ، كل العرفتو ان في سر ولا حاجة بين ابوي و عبدالله او خلاف والله اعلم ، او عايز يلوي يد ابتسام ما بعرف ، هي قالت ابوي منبه عليها ما تتكلم ، و يا امي حالتهم لا بتسر عدو ولا حبيب والله العظيم يا امي الوضع سيئ و خصوصا مناهل ، بس سبحان الله ولد عبدالله نهائي تقولي ما ولدو ، شهم و مصمم العرس يتم !
متوكل ، ساكت وتلفونو بيضرب كتير و هو بيكنسل ، يضرب ويعملو صامت ..
اخر شي قالينا انا عندي مشواار لحد القسم و برجع .. فعلا وصلنا و دور فات
بحاول اتصل ما بيرد علي ابداااااً ... لحد المغرب متوكل دا لا بيرد ولا رجع ، دمنا نشف.. وانحنا منتظرين !
بس جانا قريب العشاء ، قالينا اللبسو !
بقينا في وين و ما وين ابا يتكلم ، و لونو مخطوف و شاحب كداا ..
انا كنت عارفه في حاجة حاصله لمن يدي بترجف و اعصابي باظت !
لبسنا ، و ركبنا معاهو ، ان متوكل دا بفتح خشمو بحرف يتكلم ، مافي ، ساكت و حواجبو معقودة ...قلت لبهو ليه ما رديت على تلفوناتي ! ما رد علي ، لمن كررت ليهو سؤالي ، قالي مشغول ..
سكتا طوالي ،و المشوار طال علينا في السكة ،، بس لمن وقف بينا قدام بوابة مستشفى الامل التخصصي ( اسم عشوائ)!
كلنا لبدنا في العربيه لا قادرين نتكلم ولا قادرين نسأل !
( في جانب اسعد )
كذااااابة ، كل الكلام دا كذب يا ابوي !
عم الفاضل : انت اسكت ! كملي يا اسماء ..
اسماء ( بي بكا و شهق ) : كذب علي رغم اني كنت رافضه , بقى يزن علي لمن اقنعني بي بي حبو ، لحد مافي يوم عمل عملتو غصب عني و قال انه ما قاصد ، لمن شافني ببكي و منهارة قال انه حيتزوجني و صدقتو لانو ما كان عندي حل غير اصدقو ، و بعد فترة اتفاجات انه اتزوج رحمة و خلاني انا معلقه في النص و بعد طلقاها برضو رفض يصلح غلطتو يا عمي ، انا ذنبي شنو يحصل فيني كداا ، و انا جيت كلمتك عشان اخوي لو عرف ولا ابوي ..... اااا ... ااااا يي يمكن المشكلة دي تتسبب في طلاق لا قدر الله يعني انت عارف خالد اخوي حمقي و ممكن ، يطلق سماح بسببي و انا ما بقدر اتحمل ذنب زي داا يا عمي. ....
( اسعد كان مخلوع في التأليف الحاصل من اسماء و انها بتهدد بطريقة غير مباشرة ، يا الله فعلا الواحد بكون معمي في حبه لشخص و ما يعرف انه مقرف ومنحط الا لمن تحصل حاجة زي دي )
عم الفاضل كان خجلان و بيعاين لاسعد بأنكسار ، ان وصلت بيك التفاهه تعمل كدااا !
اسعد ما قدر يسكت ، قال لابوه : طالما الموضوع اتفتح دا المصحف ، اقسم بالله ما اجبرتها و لا اغتصبتها ، بالعكس هي الجرت وراي لمن حبينا بعض و ارتبطنا و فعلا وعدتها بالزواج من قبل ما تحصل حاجة بينا يا ابوي ، و بعدها اتزوجت رحمة حسب رغبتك و لحد ما طلقت رحمة انا كنت متواصل معاها ، بس بعدااااك .... بعداااك ...........
عمي : يعني فعلا دا سبب طلاقكم انت و رحمة يا اسعد ! صغرت راسي قدام اخوي و مرتو و بتو ؟
اسعد : يا ابوي بعد طلاقي انا انقطعت من اسماء تماماا والله العظيم
..
عمي : انقطعت منها بعد شنو ؟ بعد خراب ملطه ؟ شوف يا اسعد ، دي بت و سترتهت في رقبتك ، و المرة دي بالجد انا حأجبرك عليها و بالقوة ، و الموضوع منتهي !
اسعد : لا يا ابوي ، ااااسف ، جبرتني مرة و وافقتا ، لكن المرة دي لااااا ، و لو حأتزوج ما حأتزوج غير #رحمة ! عن ازنكم ........