الجزء 50

وصلنا شرق8 ، وقف العربية ، جمب. شاورماا ( البلد دي بيحبو الاكل شديد و خصوصاً الجاهز ) ..

حسيتو اتاخر و انا عايزة ارجع البيت عشان اكلم امي ،، المهم جاا ، ادا كل وحدة فينا كيس ،، و نزلنا عند السكن ، خليت مريم معاهم و شكلهم كان بيدل ان عندهم كلام او حيقولو حاجة ،، طوالي شكرتو و نزلتا ..

اغرب حاجة اتصلت علي مدام عبير ! رديت ليها و انا بفتح في باب الغرفه ..

*سلام عليكم

_وعليكم السلام .. وينك رحمة ؟

*في السكن

_متأكدة ؟

*ايوااا ، كنت في مشوار و حاليا في السكن

_عارفه انك كنتي في مشوار ، شوفي الساعه دخلت 12 و انت تلفين بالشوارع الكلام دا غلط و سمعه سيئة للسكن ..

*بس انا مشيت احول فلوس من شرق10 ما مشيت عشان اا...*قاطعتني

_ما يهمني بتعملي في شنو كنتي ، احترمي نفسك و من البيت للدوام و من الدوام للبيت ، واحترمي نقابك اللي في وجهك !

*..............*قفلت فيني الخط،!

اتضايقتا لمن قعدت ابكي ، حسستني انا تافهه ولا انا عبده مشترياها بقروشهاا ، و هي بتراقبني يعني ولا شنووو ، استغفرلله ناقصه ضيق انا ، حسبي الله ونعم الوكيل ، حسبي الله بس ..

دخلت ، استحميت ، و صليت ركعتين شكر انه فرجها علي ، و قعدت ابكي في السجادة ، كنت حاسة اسوء احساس في حياتي كلها ، بس كل مرة بقول انا مفروض ما ابكي عشان خاطر ابوي ، و دا اختياري انا اخترتو ، مفروض ابقى قدروووو ..! واصلو ما ابكي و اتحمل النتيجة ...

جات مريم داخله ، قالت لي تقبل الله ، قلت ليها منا و منكم ... قعدت في سريرها و وصلت الشاحن ، قالت لي رحمة بسالك ؟ قلت ليها خير ؟ قالت لي ليش لابسه النقاب انتي صغيرة ، قلت ليها ماشاءالله هنا بنات المواطنين و البدو كلهم لابسين .. قالت لي ايوا عشان بني ياس كلها بدو ، بس لو مشيتي ابو ظبي ولادبي ، ما حتلاقي كدااا ، بس هنا بنلبس العباة ... قلت ليها المهم رد على سوالك ، انا بحبو ومن انا صغيرة ،، قالت لي بس ظلمتي جسمك حلوو ،. قلت ليها امممم ، المهم مريم ، شكراااا ليكي ، و ما حأنسى جميلك دا ابداااا ...

قالت لي عادي انا كمان حأحتاجلك في يوم .. قلت ليها عيوني ليكي ...

مشيت سريري ، شحنت البطاقه حقت هلو ..

و اتصلت بأمي ...

*سلام عليكم ..

_وعليكم السلام .. اتاخرتي والوقت فات هنا

*اااي ياداب رجعت وصليت

_صوتك مبحوح ليه ؟

*مافي شي ..يمنة بتنقنق في شنو ؟

_ما عارفه زعلانه من مريم في حاجة و ابت تحكي لي

* قولي ليها دي اختك و امور الزعل دي ما حلوة ، و انتي كيف مع خالتو ابتسام ؟

_كل زول في حالوو

*طيب حمدلله ، اسمعيني ، انا حولت ليكي القروش الصباح استلميها ،، هي كتيرة ما تستلميها كلها هلي جزو في البنك بينفعككم ، تمام ! و ابدو في اجرات العمليه في اقرب وقت ممكن ، و شوفو الاحسن ، و متوكل ما بيتوصى ....

_ربنا يساعدك و يعدلها عليكي يا بتي و تفرحي طول عمرك يا بتي ، الله يخليكي لي يا رب ..حمدلله حمدلله ، و انت برسل ليكي اليفضل سددي بيهو و من البشتغلو كمان ، طيب ..

*اللهم امين ... لالا نا ترسلي حاجة انا هنا مرتبة اموري بس ، انتو م تنقطعوو ..

_طيب يا رحمة ..

*ناس عمي كيف ؟

_والله يا رحمة كتر خير سماح و مرة عمك رجلهم م بتنقطع مننا لكن عمك من يوم سافرتي م جا و من قبلها كمان ، و اسعد بجي مرات مرات ، اخر مرة جا قال داير رقمك و ما اديناهوووو ..

*ما مشكله اديهو بكون داير يسلم ، بس محيرني عمي صراحه ..

_عايزة امشي ليهم واقعد معاهو اشوف لو غلطنا ولا قصرنا معاهو بي حاجة .

*اي يا امي الا صلة الرحم ما تقطعوها ، شوفيهو يمكن زعلان بسبب سفري ، و انتي وريهو اني جيت اكلمو بس قالو مافي ،،

_م تشيلي هم .. يلا م اطول عليكي لمن نستلم بكرة بتصل عليكي ..

*اااي اول بأول عليكي الله يا امي ما تخلوني اقلق ..

_طيب يلااا ...

قفلت من امي ، مريم كانت براا في الحوش بتتكلم تلفون ، جاتني بعد رقدتا ، قالت لي رايك شنو نمشي ابوظبي بكرة !

قلت ليها بكرة ! والدوام ؟ قالت لي نسيت ، نمشي الاحد بعده ، قلت ليها تمام نمشي ليه لا .. جات البنت التانيه قالت ليها في معرض في المصفح حلو ، نروح المصفح اقرب ، مريم قالت ليها اممممم متاكدة معرض ؟

قالت ليها امم انتي فاهمة ، في سياح و كدا و مجموعه جاين ينبسطو ، و دولارات ، نسهر سهرة حلوة و في مصلحتنا و ....بعدها نمت و م ركزت في الكلام شديد ...

اليوم التاني ..

اتصلت علي سيدة قالت لي نتلاقي باليل ، قلت ليها تمام ،، و مشيت شغلي ،، نضفتت مع البنات ، و قعدنا ، جو زباين ، للحمام المغربي ، و بعدها واكس و كدا ، و فجأة جات داخله مدام عبير و معاها مدام سارة ،، و وحدة ما عرفتهاا ، كالعادة كلهم جرو عليها ، و انا من شفتها اتضايق ، طوالي عملت فيها مشغوله و داخله مارقه في المحل ..

نادتني ،،مشيت ليها .. قالت لي كيف والدك ؟ قلت ليها تمام ، قالت لي من وين الفلوس دبرتيها ؟ قلت ليها الله كريم ما بخذل عبده مهما ضاقت بتفرج ، .( ب ابتسامة باهته و برود ) قالت لي تمام تعالي

سوي لي شعري ،دي كانت اول مرة اعمل ليها ..

قلت ليها حابه كيف ، و بديت اعملو ليها ..

( في جانب ناس امي ،)

مشو المستشفى ، و دفعو القروش و خلصو الاجراءت ، والعمليه كانت صباح بكرة ..

دي يمنة كتبت لي الكلام دا في رساله ! و شفتها بعد خلصت لمدام عبير ..

المهم اليوم عدى و كالعادة سيدة تقولي بجيكي و ما بتجي ..

خلصنا و طلعناا بدري و كان بكرة اجازة ..

مشينا السكن .. البنات قالو يلا مافي وقت نقوم نجهز ، طبعا انا قاعدة و بعاين فيهم ، مريم قالت لي ليش قاعده قومي اجهزي ، قلت ليها ما لي مزاج والله ابوي بكرة العمليه و متوترة ، خليها يوم تاني .. قالت لي لا لازم تجي معانا احنا ما بنروح كل اجازة ..

قلت ليها خلاص عبايتي جمبي م عندي شي ،، ردت لي المغربيه التانيه قالت لي مجنونة انتي ، لا طبعاااا ، و فتحت شنطتا و جدعت لي حاجة ما فهمتها ، مسكتها لقيتها بلوزة كدا ، قلت ليها دي ليه ؟ قالت لي اللبسيها اي بنطلون جينز عندك !

قلت ليها تحت العباة ما حتظهر ، قالت لي لا حتطلعي العباة ، عادي ، مريم قالت ليها صح كلامها قومي سوي مكياج و زبطي نفسك و عيشي اللحظة و الا حأقوليكي رجعيلي فلوس اللي اخذتيها هههههههه امزح امزح ..مع اني ما حسيت انها بتهظر ، زي التهديد الغير مباشر ...

قلت ليهم تمام ... قمت لبستا و اتمكيجتا ، و لبست عبايتي و نقابي و قعدت منتظراهم !

( في جانب متوكل )

*الوقت اتاخر يا خالتي ، يلااا بوصلكم البيت و برجع المستشفى ..

_حترجع لشنو انت ؟

*عشان اكون متابع لو احتاجو حاجة اكون موجود..

_وشغلك ؟

*شلت اجازة ، م تشيلي هم انا رتبت كل حاجة يا خالتي ..

_حتبيت وين هنا يا ولدي نمشي كلنا و نجي من الصباح بدري ..

*لالا انا ابيت هنا افضل حاجة ،، يلا يلا

وين البنات ؟ (مريم و يمنة )

_مشو قدام م بعرف قالو حيحيبو شنو

*خليكي قاعدة ، حامشي اشوفهم عشان الوقت لازم ترجعو

_طيب ...

متوكل مشى من ممر ل ممر ، بفتش فيهم ، شاف مريم واقفه ، مشى عليها ، قاليها :

*ااا مريم ، وين يمنة

_متوكل ! ( بي فرح)

*عشان اوصلكم الوقت اتاخر وين يمنة ؟

_دقيقه يا متوكل قبل يمنة تجي ، ممكن اتكلم معاك ؟

*خير في شنو يا مريم ؟

_كدا م بينفع ، عشان كدا كنت عايزة رقمك

*رقمي !

_ايوااا ،،

*طيب اتكلمي اسي المانع شنو ؟ والموضوع عن شنو ، محتاجة حاجة ؟

_ايوا محتاجة ليك انت ، اديني رقمك

*نعم !

_بقصد ايوة محتاجة ليك تساعدني عندي مشكله و مافي غيرك بيقدر يحلها ..

*طيب اكتبي عندك ... 09....

،، طيب يمنة قالت ليكي ماشه وين ؟

_ااا جات جات ... يللا (فرحانة لمن يمنة استغربت فيها)

في جانبي ، انحنا اتحركنا ، و طبعاً جانا واحد برا بالعربيه ،و قعدو يتكلمو و يسالو عن وحدة ، الفهمتو انه في صلة قرابه بينهم و دا طمني شديد ..

المشوار كان زي ساعه كداا اذا ما اقل !

المهم وصلنا حي راقي شديد ، و تحديدا في بيت فخم ، قلت للمغربية التانية ، دي المصفح ؟ قالت لي ايوااا .. نزلنا ، و الزول دا مشى قدامنا فتح لينا الباب و قال لمريم البنات جوا اتفضلوو .. انا بمشي عشان تقعدو براحتكم .. قلت حلووو ..

و فعلاً هو مشى، و دخلنا و قفلنا البيت صوت اغاني ، و جاتنا وحدة لابسه لبس حدث ولا حرج ، سلمت عليهم سلام معرفه و كداا ، و قالت ليهم عرفوني على الحلوة .. عرفوها بي قالت لي افتحي وجهك ،، فتحت وشي ، و ديلاك طلعو العبايات ، و قعدووو في الجلسه ،، جيت اقعد مريم قالت لي مالكك قاعده بالعبايه طلعيهااا ...

و جات وحدة تانيه شايله الشيشه ،،، و انا بطلع في العبايه ، سلمت علي و كانو مركزين معاي شديد ، لمن مشيت علقت عبايتي و قعدتا جمب مريم !

بس و نسه والفاظ ، و حاجات كدا اول مرة انا اسمعا و اشوفااا ..

بقيت قاعده ماسكة تلفوني ... و فجأة مريم دخلت مع وحدة و التانيه الجات معانا مشت براها ، و انا جمبي كانت في وحدةالسلمت علينا اول ..

و فجأةالباب ، فتح و جو اربعه #رجال داخلين علينا ...