الجزء 55

*ايوة بس طردوني ، ما عارفه اسوي شنو ما بقدر ارجع السودان كدا و انا مديونة ..

_طيب انا في دبي بجي بكرة ، بتنتظري و لا كيف ؟

*بنتظر ..و ......

_شنو ؟

*انا موافقة على الشغل القلتي عليهو!!!!!

_لالا دقيقه ، رحمة ! انتي عيانه. ولا شنو ما جادة صح ؟

*(قعدت ابكي ) اسوي شنو طيب ! اسدد كيف يا سيدة ، انا كدا حأتسجن عمري كله دا اذا ما رحلوني ما بقدر اكسر قلب امي علي لاني الوحيدة الصممت على السفر دا !

_اسمعي ، عندي صحبتي في شرق7 تحت ، بكلمها تسوقك تبيتي معاها اذا الوضع متأزم شديد معاكي !

*لالا بنتظرك لمن ترجعي ،مش حتجي بكرة ؟

_ايوة ..

قفلت منها و بقيت قاعدة ماسكة راسي الداير يطرشق ، و عايزة اللطش نفسي انا كيف فكرت في كدا !

معقول كلام اني في حسبة المتزوجة دا حيأثر في تفكيري ! طيب و متوكل !

هو متوكل وينو ؟ مشى عمل علاقه مع اختي ، ااااخ يا وجعة قلبي ، اااااااخ اااخ ..

(في جانب متوكل )

*ايوا يا يمنة و، لو جاهزين انتظروني نمشي المستشفى سوااا ..

_انا مريم يا متوكل ، ما يمنة ..

*مريم ! انتي ما ....*قاطعتوّ

_انا اتصلت من عند يمنة لانك حاظرني ، و السبب الاساسي لاتصالي انا حابة اعتذر ليك بكل اسف عن البدر مني !و تاني ما حيتكرر الحصل صدقيني ندمانة و اسفه ، و انا ما عارفه علاقتك بي رحمة و الله ، و مفروض ما كان اتصرف بالطريقه دي !

*حصل خير ..

_ما زعلان مني ؟

*لا حصل خير ، اديني يمنة لو سمحتي ..

_هاك ....

يمنة : هلاااا بالغالي اخبارك

*حمدلله بسط يشفف ..

يمنة : دايماً عليك يا رب

*اها حتطلعو متين ؟

يمنة : انا جاهزة والله ، بس امي دي عندها شغل ما بعرف حتخلصو متين ، ادوك خبر ناس المستشفى ؟

*لالا ما اتصلو ، بس عايز اتطمن ..

_خلاص امشي انت و طمنا ، لحد م امي تخلص كان الوقت اسعفنا بنجي ..

*تمام طيب كلمي خالتي

_طيب ..

بعدها بشوية ، يمنة طلعت على الشارع العمومي عشان تودي طلبيه ، حيستلموها منها ، وكانو دافعين ، دفعه من المبلغ ، لاقاها محمد صاحب متوكل ، قريب من الشارع ،، اتردد يجي عليها !

فاا اخر حاجة جا عليهاا ..

_السلام عليكم

*وعليكم السلام ( هي ماشة )

_اديني اساعدك ، جيبي ( مد يدو على اكياس العلب) ..

*لالا شكرا هدا الشارع انا وصلتا ، شكراا ليك

_جيبي بس ،مد يدو شال الكيس منها ، و التاني هي مسكتووو ..

*انا وصلتا والله شكرا ليك اديني ..

_انتي جيبي المعاكي ، وصلتي وين في الشارع كدا ..

*اي في ناس حيشيلوهم

_طيب خليني شايل لمن يجو ..

*ما ليها لازمة ..

_عم محمد بقى كيف ؟

*ابوي ! كو كويس حمدلله ، بتعرف ابوي انت؟

_عز المعرفه ، اتلاقينا في مناسبه كان في بيت عمك ، اكيد ما حتتزكري ..

*اهاا لا والله ما اخدت بالي !

_ولايهمك ...

*طيب انا استازنك عشان الوقفه ما ظريفه و عارف انت ناس الحله وكدااا ..

_اسف والله ما قصدي ، بس الناس يجو يشيلو حاجاتهم بمشي ، لانو تقيله حرام ..

*صراحه هي تقيله بس عادي .. اااا اعتقد ديل هما ، جووو

(ادتهم الحاجات ، و قالت لمحمد شكراا و مشت ..

ناداها ... وقفت!

قاليها ولا شي .. استغربت و كملت مشيها ..

اما في جانبي ، مريم جات البيت ..

داخله مارقه ، مارقة داخله .. لمن

جات علي و انا في الحوش قالت لي :

_انا جبت صابون ، اغسلي لي ملابسي

*نعم ! واغسل ليكي انا ليه ؟

_لأنك مدينو لي ..

*دخل الدين في البتقولي فيهو دا شنو ؟

_امممممم مشكلتك ما عارفه انا ممكن اسوي فيكي شنو يا رحمة و انتي ماناقصاش بلاوي ..

*مريم ، قد يبدو ليكي اني هشه و ضعيفه و يمكن استسلامية ! لكن الواقع غير ، ما انا اليدي تتلوي ، و لو يدي دي زاتا وجعتني بقطعا من جذورها !

عايني هنا .. دييك الغساله و دا الصابون ،، اتعاملي انتي ... عن ازنك !

_رحمة !

*!!

_راح تندمي صدقيني ، انا مريم ، و اللعب معي صعب ، قدامك فرصة اتراجعي و اعتذري ..

*اعتذر ! هه هيهات ، بتك يا حاج محمد الجزار ..

_اوكي لا تعتذري ، اعطيني فلوسي ..

*شوفي يا مريم انا عارفه انك ما محتاجة فلوسك ، بس حابة تزليني و عشان اكون معاكي واضحة و صريحة دي حاجة عمرك ما حتقدري توصلي ليها .. دي نقطه

و النقطة التانية ، عندك معي فلوس ما ناكراها و لا بنكر حق بني آدم ، لو ما بتعرفي مبادئ السودانين واخلاقهم في الامانة ، امشي اسألي عنناا .. اكرر ليكي اصبري علي و انا حأسدد ليكي قروشك ، في الفترة الحأقعد فيها هنااا ، تفادياً للمشاكل ..

_هههههه اي امانة ، وانتي سمعتكم هنا في الطين ، تحبي تزكرك ! ان ركوب السيارات عندكم عادة ! هاااا ولا الفلوس اللي بتاخذوها من السيارات! عن اي امانة بتتكلمي ؟

*و انتي فرقك منهم شنو ؟ علي الاقل ما بيمشو بيوت ، و لا بيبدلو الرجال كل يوم زي فردة الشراب ، و لا عشان انتي مغربية استثنيتي نفسك ؟ الجنس ما مبدأ للغلط !تحبي ازكرك بالمصفح ؟

_احترمي نفسك ، انا سكت ليكي كتير ..

*لا ما تسكتي ، عسان لمن تتكلمي عن السودانين ما تجمعي ما كلهم نفسك و لا نفس اللي بتشوفيهم بالشوارع ، و هسي ماليه لزوم الكل

ام دا كل وحدة ادرى بنفسها و بأهلها ، اخر كلامي ،، انا زيارتي باقيلي فيها شهر ، انتظري الشهر و انا بسدد ليكي قروشك ، غير كذا ما عندي ...

_امممممممممم ، والله على حسب مزاجي..

* !!

مشيت خليتها ...