الجزء 69

بجاي جاي ، قمتا ،، قفلتا شنطي ،، العبايه و الحاجات الجابهم لي طبقتهم و ختيتهم في السرير .. ّ

طلعت براا ، كان مافي ، دخلت الحمام ، استحميت ، ورجعت الغرفة ،، قفلت الباب ، و لبست عبايتي ومسكت نقابي في يدي و بقيت اعاين ليهو !

هل انا استحق اللبسك ؟ استحق تسترني و انا ما سترت نفسي ؟ الفايدة شنو اللبسك انت تستر وشي ، و انا اعري نفسي ! الفايدة شنو من لبسك و انا ما احترمتك !

ختيت يدي في وشي ، و بالجد البكى ما قادرة اوقفو ، ما قادرة حتى الجواي ما دلير يبرى !

تلفوني رن ، لقيتا سيدة ،، قالت لي انزلي عشان الوقت ما بقدر اطلع انا بكرة مداومة ،، قلت ليها تمام .. جريت شنطتي و شلت شنطة يدي و طلعت من الغرفة ، كل دا و هو برا مافي ، كنت متوقعه يكون في البلكونة ، قلت لو في البلكونة بي حركتي كان جاا. .

المهم فتحت الباب ، و جريت الشنطة بالقوة وقفلت الباب وراي ،و دخلت الاسانصير ، و نزلت ..

وانا طالعه لقيت راجل داخل ، طوالي مد يدو على الشنطة ، قلت ليهو لا شكراا ، قالي انا كنت طاالع الشقه الاستاذ مؤيد كلمني ، قلت ليهو شكرااا ، و جريتا برااااي ، لمن وصلت العربيه لقيت سيدة واقفه ، من شافتني جات جارية علي حضن و بوس ..

قالت لي اركبي اركبي .. فتحت لي ركبتا ، و داك دخل لي الشنطة في العربيه ..

اتحركنا ، قالت لي في شنو مالك ، و مؤيد دا منو احكي لي الحصل شنو الفترة دي كلها و انا والله اسفه يا رحمو غصب عني ..

قلت ليها لا عادي ، ما حصلت حاجة مجرد صديق ساعدني وخلاص ،، قالت لي متاكدة مجرد صديق وخلاص ؟

قلت ليها ايواااا ،، قالت لي اممممم ، المهم مشوارنا لسه طويل شوية ،اتعشيتي حاجة ؟ قلت ليها لا وجعانه .. قالت لي اتوقعتاا انا طوالي بعمل حسابي في الاكل ههه ... مدي يدك وراا شيلي ..

شلتا ، و قعدت اكل اول مرة اكون متضايقه و ما اتحول لتمساح ، حرفياً نفسي مسدودة ،، اكلت نص السندوتش و رجعت الباقي و زجعت الكرسي لي ورا ،و شبه نمته ، حتى سيدة لاحظت لتصرفاتي المختصرة و كلامي المختصر ...

قالت لي في وحدة مؤجرة معاي في الشقه ، ما تركزي معاها شديد ، اصلا ليها غرفتها الخاصه بس بتجدع كلام تشغيلات ..قلت ليها تمام ..

وصلنا البناية ، حقتهم ، نزلنااا ،،

شلت شنطتي و دخلناا ،، بتقولي تعبانة و نعسانة ، ( طبعاً لبسها عجيب ، لابساهو بي زيت بس دا التفسير الوحيد لضيق الهدوم حقتا ) .. انا بس بعاين فيهاا ، لانو لمن بتجيني الفترة ديك كانت بتجي بي عبايات ، زي م قلت ليكم بني ياس بدوية بتحكم الناس تلبس عبايات ،، المهم فتحت الباب دخلنا ، شقتهم ظريفه و كبيرة ، تلاته غرف .. دخلت طوالي قالت لي البيت بيتك انا تعبانه و بكرة مداومة ، يلا تصبحي على خيرر ..

قلت ليها انا مكاني وين ؟ قالت لي انا سريري كبير ، و الغرفة ديك فاضيه فيها سريرين ، و دي م تفتحيها حقت البت المعاي ،. قلت ليها خلاص بدخل الغرفه ديك انتي اخدي راحتك ،، قالت لي طيب يللااا ..

فعلاً دخلت الغرفة.. غيرتا ، و رقدتاااا ، و النور منور بس شايفه الدنيا دي كلها ضلام ومسيخه ،الزعلني اكتر ، ما دق تلفون ساي يتطمن علي .. زعلت من نفسي اني لسه بتوسم فيهو الخير ..

تاني يوم الصباح ، في جانب امي و يمنة و معاهم سماح ..وهما داخلين المستشفي ..

_يا امي انا بس نفسي اعرف ديل مالهم ما بيمشو لابوي ؟

*تسأليني اناا ؟ اكيد ما بجبرهم ..

سماح : دايرين الصراحه ، اخواتك ديل يا يمنة اصلي ما بلعتهم ..

يمنة : زعلوك في حاجة ؟

سماح : كدا بس لله في لله ...

مع وصولهم المستشفى ،كان متوكل واقف من قبلهم منتظرهم و شايل ليهم خبر !

وقفتو وقفة زول شفقان ، و ظاهر عليهو ، امي قالت لي خير يا متوكل ؟

يمنة دي بتعاين ليهو و حيلها برد !

قاليهم .. عم محمد !

كلهم بصوت واحد قالو ليهو : مالووووو !

متوكل : فتح ... يمنة ضربتو قالت ليهو ما قادر تقول كدا من الاول هوفتني ياخ الحمدلله و الشكر لله ، و امي دي بس شوية و حتزغرد ، من الفرح ... جروو. عليهو

بس كان معاهو الدكتور و كم ممرضه و مساعد ، لانه ما بيتكلم ، بس حمدلله ..

امي : متوكل في باقي قروش في الحساب ؟ عشان التحاليل دي اكيد بقروش و لسه الجاي كمان ..

متوكل : دا الموضوع الكنت عايز اكلمك فيهو يا خالتي انا مجرد ما جيت سألتاا ، لقيت في اجراءات جديدة مع خزنة المستشفى ، و تم دفع التكاليف شاملة كامله لحد ما يطلع من المستشفى ..و اكيد مافي غيرو عمل كداا !

امي : انا الراجل دا استحالة اشيل منو حاجة

متوكل : انتي ما تشيلي ، بس عمي محمد محتاج و عايني لبتك المتغربة و ضايقة المُر محتاجة تسدد لناس الشغل ، عايني للمصلحه يا خالتي ...

امي : لاحول ولاقوة الا بالله ..

في جانبي ، بحاول اتصل على امي ما بترد علي .. لمن خلاص في اخر جرس و قنعته رفعت لي ..

*امي انتو كويسين ؟

_انا مريم يا رحمة ، امك مشت المستشفى و نست تلفونها هنا ..

*تمام .... وقفلت من غير اي حرف زيادة ..

_رحمة..... الوووو الووووو

مناهل قالت ليها بالسرعه دي !

مريم قالت ليها غريبة ، رحمة ما تسلم علي و لا تسألني منكم و لا تاخد و تدي معاي في الكلام. !

مناهل قالت ليها ، خلاص افترت مشت الامارات يختي تاني بتتزكرنا هه .. مريم قالت ليها ما رحمة الممكن تفكر بالطريقه دي صدقيني في حاجة ..مناهل قالت ليها انتي مهتمة بيها ليه ! ركزي على متوكل يا الغبيه ..

بعد قفلت من مربم ، بقيت بفكر في انهم ليه ما مشو زيارة لابوي ، مع امي و يمنة ، احترت و سكته ،، اتصلت بي سيدة ، وريتها اني عندي مواعيد اذا فاضية توديني ..

قالت لي ايوااا ، جايه البيت .. المهم قفلت منها ، و جهزت اموري كلهاا ، و كل مرة اتزكر مؤيد الما عبرني لحد اسي دمي بيغلي ، بكره نفسي ، بكره كل حاجة .. خلاص اخد العايزو تاني حيسأل فيني ليه !

ااااااااااخ يا مريم ، كدا كدا بسببك انا اتدمرت لكن وربي المعبود كان اخليكي ابوي ما جابني ..

المهم ، سيدة جات ، لمن عرفت انا ماشه وين ، برضووو طلعت لي ملابسي الابساها و ادتني عباية من العندهاا ، و طلعناا ...

وانحنا في السكة جاها تلفون غريب ، كانت بتتكلم بالالغاز ، لمن حيرتني و بتحاول بقدر الامكان اني ما افهم هي بتقول في شنوو .. المهم وصلناا ، التنظيم حق المسابقة كان في قاعه زي قاعات الافراح ، لدرجة البوفيه دا فاتحنو و تنظيم على مستوى .. حسيت بي رهبة و ان حدي حيكون في المكان دا و ما واثقه اذا كنت حأفوز ..

المهم سألنا واحد من التنظيم ، قعدنا في مكان خاص غير عن باقي الطاولات التانية ، سيدة قالت لي ، والله يا رحمة لقيتيها انا لي سنة وزيادة في البلد دي ما حصل سمعت بالمسابقه دي .. قلت ليها هي شنو اللي لقيتها انا حدي هنا حاسه برهبة فظيعه وانا اصلاً نفسيتي تعبانة وما حاسه ان دا وقت مناسب للمنافسه دي .. قالت لي انتي هبلة ولاشنو ، دي فرصتك اثبتي وجودك و الهنا ديل ما احسن منك بحاجة ، و بعدها عندي ليك حلاااااااة سهرررررة تستاهليهااااا ..

قلت ليها دايرة الحق ، محتاجة ،،، و تعالو شوفو المفاجأة ، منو الجات قعدت جمبي في كراسي المتأهلين و ما عرفتني !!

هههه هناااا ياداب الرهبة راحت و حسيت اني داخله مجزرة ، حياة او مووووت و ما شايفه قدامي ، غير النجاح و بس ، و دا اول كف حتاخده مني !

سيدة : مالك ؟

* جيبي تلفونك ، افتحي لي النوته زبصوت واطي)

سيدة : بسم الله .. طيب امسكي.

*(كتبت ليها )

سيدة : كذااااااابة ، يااااااتا ؟

*ماتتلفتي كدا ياخ ..

سيدة : سمح ياتا وحدة فيهم

*قاعده جمبي طوالي ...

في الحلقة الجاية

، صراحة ما عارفه ابدا من وين ! لكن شفتي الدنيا دي كيف !

جابتك لحد رجولي ، سبحان الله ، منو كان يقول ان ممكن يجي يوم انتي التمدي لي يدك فيهو ، عرفتي اسي البتكبر بالعنده ان ربنا قادر ياخدها من يدو زي ما اداها ليهو ؟ عرفتي ان نوائب الدنيا تدور و كل ساقي سيسقى بما سقى !