الجزء 21
هو كلمني يا رحمة ..
* كك كلمك بشنو يا ابوي !
_ انتي متوترة كدا مالك ؟
* عشان الكلام غريب علي و بحاول استفسر منك كويس بس عشان افهم واقدر ارد ليك بي وضوح ..
_ كلمني انه دايرك !
* دايرني في شنو ؟
_ رحمة حيكون دايرك يشرب بيك الشاي يعني ، دي شنو الاسئلة دي ، داير يتقدم ليكي عديل !
* ي ( بتمتم لمن سكتا ) يت يتقدم لي انا ! متوكل !
_ شوفي يا بتي ، بغض النظر عن رايك ولا اذا ما عارفه ولا ما مستوعبه انا يا بتي ما حأجبر وحدة منكم في حاجة تتعلق بالزواج، واجبي اوعي وانصح وارشد ، متوكل راااجل دي مطيها لمن نفسك ينقطع ،، وضكران و قلتها و حأقولهااا ،، بس يا رحمة الزول دا عيشتو صعبه ، انا ما قصدي اتكلم في حاجة ربنا قسمها ليهو ، بس كمان ما برمي بتي ، و في نفس الوقت واثق ان ما حيجي يوم ، و ينومك جعانه ولا بردانة ، بس انا بوريكي وضعو كيف ، و رغم ذالك واثق ان حيجي يوم متوكل دا يوصل مرحلة كويسه في المجتمع و وضعو يتعدل ،، بس فكري و ردي لي ...
* يا ابوي انت كلامك زاتو بين البين يعني انت عارف وضع زي دا ما بيفرق لان انحنا زاتنا لا قدر الله يمكن ربنا يشيل ممننا العندنا دا، ومعليش يا ابوي لكن انا من زواجي الاول بالجد قررتا اني ما استعجل و اصلا ما افكر في الموضوع ،نفسي اشتغل و اعمل ليكم حاجة يا ابوي في النهاية انت ربنا ما كرمك بي ولد لكن كرمك بي بنات يسدو عين الشمس وانت ماشي في كبر يا غالي ، لازم نريحك ، حنقعد للزواج و بعداك عيال و اهااا تاني ما حنقدر نحقق حاجة ، تجربتي في الزواج كانت لخير لي ربنا قسمو ، حمدلله ما اتعلقت وارتبط بي بيت ولا شافع ، عشان بالجد كان قرار ما حسبت ليهو ابعاد ، يا ابوي انا نفسي اسوي ليكم اااي انت ما محوجنا لحاجة لكن احساس اني اعمل ليكم حاجة دي مريحه شديد ،، فهمتني !
_ فهمتك يا رحمة ، بس كمان البت م ليها غير راجلها ف النهايه لا انا لا امك حندوم ليكي ..
* ان شاءالله تدومو لي و نعيش ايام حلوة مع بعض ..
_ يعني ارفض متوكل ، ولا تفكري في كل الاحوال هو داير يخطبك لمن ياسس وضعو ، في الفترة دي انتي حققي رغباتك .. دا ثا بيمنع يا بتي ..
* ياخ انا محظوظة كونك ابوي مرات بحسك اخوي والله يا ابوي انسان متفهم و متفتح بالجد انا محظوظة ، مرات بقوم ابوس امي انها اتزوجتك و بقيت لينا اب ، حمدلله عليك ،، وانا ما عندي مشكله طالما حيقيدني بزواج من اسسي !
دقييييييييييقة ! ابوووووووي ! يا الله ، انت .. انت قلت لمتوكل اني كنت متزوجة قبل كدااا ؟
_ ايوة طبعاً لازم يعرف ..
* يا الله !
_ يا بت هو زاتو حيكون عارف الحلة دي قدر كدا و غير كدا انتي بتتكلمي في شنو ، لازم يعرف انتي كنتي متزوجة فاهمه يعني شنو ؟
صح كلااااامك .. ربنا يكتب الفيهو الخير يا ابوي ، اتوكل والشايفو صح ابقى عليهو ..
_ ما داير قصة اسعد تتكرر واحس بالذنب ..
* لالا اسعد حاجة ومتوكل حاجة والحمدلله على ما اراد الله ..
_ طيب طيب ... يلااا خلونا نتعشى ...
طلعنا جهزت العشاء ثع امي واللي هو يمنة وامي عايزين يعرفو في شنو حاصل كنا بنتكلم فيهوو !
يعاينو لي وانا بالجد بالي ما معاهم ، بفكر في متوكل حيقول عني كذااابة ، لمن سألني انتي متزوجة قلت ليهو لا ، في حين ان ابوي كلمو اني كنت متزوجة !
بس والله ما قصدتا اكذب عليهو ، قصدت بس ما افتح الموضوع و ما عارفاهو حيجي يتقدم لي ، يا الله ......
المهم ما صدقتا خلصنا العشاء ، و دخلت غرفتي ،، دخلت الواتساب ما لقيت منو اي حاجة !
( في جانب اسعد )
_ انت متغير مني ليك فترة يا اسعد ، وكل مرة بسألك بتسكتني ب حجج غريبة ! بس صدقني تاني ما حأسالك ..
* ااااي متغير يا اسماء ّ!
_ ما محتاج تقول لانه واضح بالنسبه لي ،و تحب اقوليك من متين ؟ من وقت طلاقك من رحمة انت متغير معاي ، انا ما غلطت لا عليك لا عليها ، و مافي زول بيقدر يغلطني لان انحنا مرتبطين من يوم جيت مع اخوي وخطب سماح اختك ، يعني هي الدخلت في نصنا و بوظت علاقتنا ، ورغم كدا استحملت فكرة زواجك منهاا و وثقت في كل كلمة كنت بتقولها لي انك حتتزوجني ، طيب اسي مطلقا ليك اربعه شهور ، ليه ما جيت اخدت خطوة جادة في موضوعنا ؟
* اسماء ، انا مصدع و قرفان عليكي الله ما تنكدي علي !
_ اسي انا بقيت مصدر النكد بالنسبة ليك صح يا اسعد ! وين حبيبتي و بحبك وكلامك داك ؟
* استغفرالله العظيم ... اسماء !
_ نحم !
* مع السلااامة .... * قفل فيها الخط !
( في جانب متوكل )
* كلامك كان صح ، فعلا كانت متزوجة و اتطلقت عشان كدا ما كان ظاهر لي !
_ هي حكت ليك ؟
* هه لا ابداً عرفت من عم محمد !
_ براهو كدا حكى ليك ؟
* لا ... خلي الموضوع دا اسي ، انا محتاج امشي اشحن تلفوني ، بتكون منتظراني !
_ طيب ، هونها و م تشيل هم !
* اساساً ، نحن ناس على الله !
_ ونعم بالله ...
بعدها بي ساعه ، رسل لي في الواتساب عادي ،، سلم علي عادي زي كل مرة ، ما دخل معتي في اي تفاصيل ولا اي حاجة !
انا اتحسستا ، حاسة منظري بقى سخيف ..
قلت ليهو :
* ما عايز تقول حاجة ؟
_ لا ابداً ...
* امم طيب
_ قولي ..
*
بصراحه ابوي فاتحني في موضوعك ..
_ طيب !
* متزكرة من فترة سألتني ، اذا كنت متزوجة ولالا ، وقلت ليك لا ! .......
_ كملي !..
* بصراحه كنت متزوجة ولد عمي و اتطلقت منو بعد الزواج بأيام ، و ما كنت حابة احكي الموضوع دا ،،
_ كنتي بتحبيهو ؟
* هه ابدا ابدا ابداااا ،كان زواج اقل من تقليدي وشي ما كان بعرفو كيف ، و طبعاً زي ما عارف صعوبة الموضوع دا في مجتمعنا وحدة تطلق بعد ايام من زواجها ، الناس ما بترحم ، بس يقولو البت معيوبة وكل المشاكل تقع في البت وسمعتهت و سمعة اهلها ، بس انا م اهتميت وقراري كان حاسم و كنت ح اتحمل الاضرار ان وجدت وقتها ،، و فترة واجتزتها لدرجة قضيت عدة هي ما مفروضه علي !
_ ما اكذب عليكي راسي جاط و حاسس اني عايز اعرف تفاصيل .. دا اذا حابة !
* من اول يوم في الزواج التغير كان ظاهر ، قاعدة براي في فندق ونفس الشي في البيت وبعدها عرفت انه متزوجني مجبر علي و انه بيحب وحدة تانيه ، وكان بيكلمها في وجودي فاهم انت عدم الاحترام كان واصل لياتو درجة ، بعدها بقدرة ربنا اكتشفت وعرفت حبيبتو دي تبقى منو ، و اتطلقت تاني يوم ورجعت بيت ابوي معززة مكرمة والحمدلله م ندمانة ابداً !
_ قضيتي عدة ما عدتك كيف !
...........*
_ اهااااا فهمت فهمت .... حمدلله ، حمدلله ،، انا اريد وانت تريد والله يفعل ما يريد ،، لعله خير ، مش يمكن عشان مكتوبه في نصيبي انا ؟؟
في الاحداث الجاية
* مع احترامي ليك ، انا # حأسافر !
_ رحمة ، فكري بهدوء فكري في وجهة نظري لو سمحتي ، انتي بنت !
* انتي بنت ! ياخ كل حاجة لا وغلط وحرام وعيب عشان انا بنت ، ليه ياخ البنت دي ما بني آدم برضو ! شوووف ، شوف يا متوكل ، انا بحوجة للسفر داا ، و انا اااسفة لان حأخلي حبي ورا ضهري !
_ عندك الحل يا رحمة بس انتي اخترتي الطريق الاصعب ! فا انا اسف اني حأخيرك رغم اني مفروض ما اخيرك بعد جملتك الاخيرة القلتيها دي !
يا انا ،، يا السفر ؟
* السسسفر يا متوكل ..✋
...
احب اقوليكم ان الرواية ياداب بدأت #شرق_8