الجزء 62

_خلاص ، في باقي يومنا دا انا برتب الامور ..موافقه ؟

*ايوا موافقة .. ااا بس ما عارفه اقوليك شنو طيب عشان ما نجبر بعض بزواج بالطريقه دي ، ما بتقدر تتسلف لي المبلغ اسددو ، عشان اقدر ارجع السودان اتصرف و ارسلو ليك ! والمشكلة ممنوعه من السفر و في نفس الوقت زيارتي قربت تخلص و ما بقدر اقعد مخالفه دي مصيبه ..

_رحمة انا والله متسلف ( تتزكرو في الطيارة لمن قال لي انا كل شي يخطر على بالك متوفر ! المهم يعني حبيت ازكركم !) ، بس كل البقدر اوفرو ليكي هو الشغل ، ممكن هما يسلفوكي و بعدين يتوفر ليكي سكن و تنقلي عندهم و تتحرري مني .. عشان كدا قلت ليكي الزواج مؤقت و مافي داعي الاهل يعرفو ..

*فهمتك ، طيب معليش يا متوكل حاول تنججز لي في الشغل انا السي في بتاعي جاهز معاي في الشنطة ..

_طيب هونيها يا رحمة كل شي بيترتب اكلي الايسكريم دا خلينا نتحرك عشان ارتب الوضع و تمشي الشقه ترتاحي ..

*طيب ..لونو ازرق كدا دا بطعم شنو!

_جربي بس ، الهيرشي الفوق طعمو لذيذ ..

( في جانب مناهل ومريم )

مريم : مالك حميتيني نمشي معاهم المستشفى !

مناهل : مريم ، انحنا حنقعد ككدا لحد متين عالة عليهم ، انحنا في حياتنا دي كلها اتلاقينا معاهم بالعدد ، و مرة ابوي ما مرتاحه ليهم يا مريم ولا عشان زمان كان بتجي تشاكل امي ما عارفه ..

مريم : انا شايفه العكس ، اتغيرت و الزمن بيغير يا مناهل ، و بهدين في يدنا شنو نسوي و ما سويناهو !

مناهل : اشمعنى هما شغالين واحنا لا ! عايني مرة ابوي مدعوكة دعك م بتنوم الا كم ساعه عشان تشتغل الخبايز دي ، عكس امي ، امي استسلامية و قاعدة وما قادرة افهما ..

مريم :يا مناهل ، الحصل دا هد حيل امي ،كسرها ،و محملة نفسها الذنب ،لا قدر الله ابوي دا حصلت ليهو حاجة امي دي مكن تروح فيها بعد الشر ..

مناهل : كلو نصيب ، بس الماقادرة افهموو متوكل ولا اسمو دا علاقتو الغريبه دي ث

معاهم ما قادرة افهما ، متزكراهو مرة مشيت الجزارة اجيب كبده كان اداني ليها ، بس هل هووو من اهل مرة ابوي ؟

مريم : امم اااا ... ااا المهم يا مناهل لازم ننزل نفتش شغل ، وانا جامعتي و خليتها بسبب عدم القروش بشتغل معاكي ..

مناهل : غيرتي الموضوع يعني و ارتبكتي كدااا ،في شنو ؟

مريم :مافي شي المهم زول بيساعدهم و خلاص ، مش زينا كدا .. كتر خير حسام ..

مناهل : عارفاكي معجبة بي متوكل على فكرة ..

مريم : مناهل ، مافي اي حاججة بالشكل دا .. بتتخايلي ساي. ..

مناهل :لا م بتخايل

مريم : على فكرة متوكل دا خاطب رحمة من ابوي قبل اليحصل دا ، عشان كدا ريحي بالك ..

مناهل : و رحمة احسن منك بشنو ، عاجبك طوالي ختي خططك و بقي حقكك ..

مريم : مناااااهل ! دازكلام شنو

مناهل :دا الصح يا غبيه ،رحمة اسي في الامارات فكرك حتجيب خبر الكحيان دا ، انتي هبله ولا شنو بكرة ترطب و ما تشتغل بيهو و تشوفي كلامي دااا ..

مريم : تفتكري !

مناهل : ايواااا

مريم : لالالا ما صح يا مناهل رحمة ما تستاهل كدا ، زوله اختنا و بتحبنا ..

مناهل :حب شنو انحنا مفروضين عليهاا ، بطلي غباوة ، و ركزي مع متوكل و ابقى زكية ..

مريم : خلينا في موضوع الشغل اسي ، حنعمل شنو ؟ لازم نتحرك

مناهل : عايزة مصلحتك و انتي اقعدي اتعاوري كددداا ،، ما بعرف نشتغل شنوو ..

مريم :اوففففف

مناهل : اسمعي ، رايك شنو نمشي بيت عمي نتعرف عليهم ونسلم عليهم..

مريم : عمي الفاضل قصدك هه و انحنا بنعرفهم من وين ، بري لالا م بحرج نفسي ..

مناهل : شوفي بيحبو رحمة و يمنة كيف لازم نمشي و نتعرف ، و بعدين شفت لي واحد بيرش مويه براا ما عرفتووو ، المهم رايك شنو ؟

مريم : امممم انتظري مرة ابوي تجي نمشي معاهااا.. وبعدين هو في المستشفي يوم عملية ابوي ما جا سلم علينا ،،

مناهل : عشان ما بيعرفنا بلا مرة ابوي بلا زفت هدا الباب جمب الباب ،قومي يلااا ..

مريم :يلااااا ...

( بعد تلاته ساعات عندي )

_رحمة ..

*نعم !

_دا العقد ، اصحابي اتنين شهود وقعو ، و انا كمان ، فضل توقيعك بس !

*كيف يعني ما ماذوون؟

_على فكرة انا مستعجل اصحابي منتظرني انجزي و قعي و بعدين انتي من زمن الماذون اسي بقو بي مكاتبهم ، كل شي جاهز .. يلا

انا خلصت الاجراءات بس باقي توقيعك هنا !

*توقيعي !

_خلصي عشان اصحابي منتظرني تحت ..

*فهمني طيب دي شنو ؟

_دي موافقتك ، يلا وقعي بفهمك بعد ارجع ..

*طيب .. اوقع هنا ؟

_لا هنا ( خت لي صباعو محل التوقيع )

*تمام ... تم

وقعتا ، و طوالي نزل و قفل باب العربية ..

ما عارفه ليه ما حسيت بحاجة وقتها ، يمكن عشان كان حل مؤقت وقتها ،و اتوسمت في مؤيد الخير ..و بقيت ادعي بس اتوفق في موضوع الشغل داا اقدر اصلح وضعي ..

( في المستشفى )

يمنة : يا امي ،، امي ..... امي .....

امي : مالك بتهمسي !

يمنة :اتلفتي براحة ،، على شمالك شوفي الواقف داك مش !!!

امي : وينو ... ! الكلب الحيوان بكل وقاحه جاي هنااااا ...

بس خالتو ابتسام سمعتهم و اتلفتت ليهو

مسافه تعاين بس يمنة سبقتهم الاتنين ، وجرت ....