الجزء 23
وحدة من بنات اهلها ، قالت ليها : انتي متخلفه ولا شنو ! اكيد ما جادة يا منهل عايزة دي تبشتنك قصدك مش تمكيجك ، !
مناهل : الهزار الزي دا ما حبابو يا اريج !
اريج : هزار شنو انتي ما شايفه وشها عامل كيف ، دي حنتك عايزاها تبهدلك !
مناهل : اريج اسكتي عشان ما اخسرك ..
قلت ليها : هههههههههه ، علاقة وشي شنو ؟
اريج : والله المخليكي تتنقبي دا سبب كافي للاجابة !
قلت ليها : عارفه نوعيتك دي ،ما بستخسر فيها زمن للنقاش لانك ما حتستوعبي و النقاش معاك حيكون عبارة عن جدل بيزنطي !
مناهل : رحمة ما تزعلي منها ! يعني عاجبني وشك انتي يا ريج ما كلو مكياج !
اريج : بتشاكليني عشانها ؟
مناهل : اذا انتي ما احترمتي انها اختي بتجرحيها قدامي ، و اسلوبك دا ما اسلوب وحدة عايزة لي الخير !
اريج : اختك ! من متين ما بت ابوكي دي كمان بعترفو بيها ! زي بت الحرام واحد !
الكلام الفات دا كلو كووووم و القالتو اسي دا كوم تاني ، انا بنت حرام !
عملت العمري ما عملتو وجبتها من شعرها ، جريتهاا، . والبنلت يمسكو فيني انا ،و المزعلني البنت زي العندها معاي تار و اسلوبها اسلوب زول بعرفني و متعمدة تجرحني ..
بس اديتها كف و حصلتها التاني بالجهه التانية ، قلت ليها ابوي الجزار محمد علم على راسه نار ، و امي دي كان رفعتي الحجر ساي حتلقي من عيلتها نفر ، الحمدلله بت اصل و فصل ، و ما تجيبي سيرة الاهل على لسانك ،، بس بقت تدافر فيني ..
و الخالات اتلمو والاصوات علت ..
يمنة و مريم جو م فاهمين حاجة و امهم ككلهم م مستوعبين الحاصل ،و ماف زول سأل عن حاجة خصوصا مرة ابوي م اتكلمت ، ساقو البت و طلعوووو ...
مناهل جاتني براحة ،قالت لي ما كان تعملي كدا عشان خاطري ابوي !
قلت ليها علاقة ابوي شنو ! سكتت ما ردت ،قلت ليها لعلمك يا مناهل انا لسه ما اتفشيت ، قالت لي دي بت خالي ،ياها اخت خطيبي ،، و ..... ( سكتت )
قلت ليها اسفه خربت يومك م كان قصدي ، و بتمنى ما تكبر بسببي ، قالت لي مافي مشكلة ،و يمنة قاعده بتحاول تفهم الحاصل و انا لو اتكلمتا ممكت يمنة تحصلها بعصاية ولا حاجة ، مريم قالت احسن تستاهل المفترية دي بردتي قلبي يا رحمة عفيت منك ...
بس و بعداك الجو رااق ،و قعدنا للونسه والشغل ، قريب المغرب كدا ، اتغدينا و قعدنا للمكياج في غرفة برانااا ..
فجاة باب الغرفة خبط ... دخلت مرة ابوي ..
وقفلت الباب ، قالت لي رحمة تعالي .. قلت ليها طيب ، مناهل قالت ليها امي خليها تخلص لي اول الوقت ضاق ..
قالت لي تعالي يا رحمة اقعدي .. ( كنت مستغربة ) ...
جيت قعدتا .. قالت لي عايزة منك طلب من غير ليه ! قلت ليها عيوني ليكي !
قالت لي : _ اعتزري لاريج !
* ما جادة صح ؟
مناهل : يا امي كيف تقول ل رحمة بنت حرام، حتى انا لو قالت لي كدا ما بسكت ليها ..
_ مناهل ، ما تدخلي ، انا عارفه اريج و عارفه لسانها كويس ..
قلت ليها : مع احترامي ليكي ابوي ما بيعتذر لزول هو ما غلط عليهو ، و انا بنت ابوي ! منتهي
_ رحمة ، عشان خاطر ابوكي لازم تعتزري
* ابوي دخلو شنو ؟ ابوي زاتو ما بيقبل الاهانة ..
_ رحمة ، حلي الامور ، اريج برا تعالي اعتزري ليها ارجووووكي ... و طلعت !
بقيت محتارة ليه اعتزر ليها انا ! معقوله ممكن العرس يفشكل بسببي ! والله ما اعتزر ، قفلت معاي ، خلصت ل مناهل المكياج و طلعتا ،سقتا يمنة و براحه طلعنا .. اتصلت على ابوي ما بيرد علي ...
اتصلت يمنة برضو نفس الشي ، ما بيرد ،بقينا واقفين برااا بعيد عن الصيوان ..
مافي حل غير اتصل بمتوكل .. المهم اتصلت عليهو ما رد ، قام رجع لي ..
* وعليكم السلام متوكل ..
_ مالو صوتك ؟
* بتصل على ابوي ما رد علي
_ قبيل طلعو انا جبت ليهم طلبات و منتظركم ارجعكم معاي ، كتبت ليكي في الواتساب ما رديتي علي !
* ما دخلتا ، طيب هو وين ؟
_ ماعارف يا رحمة والله ،،
* طيب انحنا برا تعال بسرعه خلينا نمشي من هنا ..
_ امشو على العربيه
...* قفلتا ...
يمنة قالت لي ، انتي اسي مالك متضايقه خلاص حقك و اخدتيهو يا رحمة في شنو تاني ، بس والله لو كنت حاضرة كنت كسرتها حتت ..
قلت ليها ، ما عارفه بس قلبي قابضني ،ما كنت عارفه انها اخت العريس و بت خالهم .. قالت لي لو خايقه العرس يفشكل دي مستحيله ، لانو مناهل م ليها ذنب ، دا متوكل صح ؟ قلت ليها ايوااااا !
سلم علينا ،و ركبنا ...
طبعا عشان يمنة معانا م اتكلمنا كنا عادي ، بس هو بعاين لعيوني من المراية و ملاحظ شرودي ، رغم اني كنت محتاجة اشوفو لكن ما عاينت ليهو . .
المهم وصلنا لحد البيت ،و فضل واقف لمن دخلناا ، و بعداك سمعت صوت العربيه دورت ، جينا داخلين طبعا امي اصلا ما كانت راضيه بمشيتنا ، و كان عرفت بالمشكله الحصلت ما حتسكت و حتسمعني كلام ،
سلمنا عليها و دخلت ، وقفتني قالت لي اها الشاكلك منو يا بت محمد !
قلت ليها مافي زول ! قالت لي ربيتك انا يا بتي مافي زول دي قوليها لغيري ، ومستحيل م تحصل مشاكل ..
قلت ليها مافي حاجة يا امي ،عن ازنك .. دخلت غيرت و صليت صلواتي الفاتتني ،وبق
يت قاعده في نص السرير ،، لحد الساعه 12:30 ابوي ما جا !
اتصلت على متوكل ، فصل ورجع لي هو ..
* السلام عليكم
_ وعليكم السلام .. انتي ما كويسه ، ما عايزة تريحيني و تحكي لي مالك ؟
* مخنوقه ...
_ حصل شنو ؟
* اول مرة في حياتي امد يدي على زول !
_ دا كلام شنو يا رحمة ؟
* غلطت فيني من غير اسباب و قالت عني بت حرام و انا ما اتحملتا و اديتها كف ... لا كفين !
_ طيب دي ابسط حاجة ممكن تسويها تستاهل كان تجيبيها الواطه كمان ، دي عايزة تتربى ..
* المشكلة ما هنا يا متوكل !
_ طيب شنو ؟
* المشكلة ان البت دي طلعت اخت العريس الحيتزوج مناهل اختي !
_ ويعني شنو ! هي لمن غلطت ليه ما راعت انك اخت العروس !
* ما عارفه بس خايفه تحصل مشكله بسببي !
_ لا مشكلة لا حاجة العرس قائم يا بت و انتي اخدتي حقك ، يعني ردة فعل طبيعيه !
* و المزعلني اكتر ان مرة ابوي عايزني اعتزر في حين انهم بقولو انها معروفه بطولة اللسان وانها غلطانة بس لازم اعنزر بتقول عشان ابوي ، وانا عارفه ابوي ما حيزعل مني لانو عارفني ما بغلط بالساهل !
............._
الووووو
_ ايوة معاكي ........ بعد مسافه قالي ، انتي قلتي لي البت دي منو ؟
* اخت العريس و بنت خال اخواتي !
_ ّ. .......... سكت !
* الووووووو
_ ساكت .......
* متوكل !
_ ايوه دد دقيقه ، اقفلي .... وقفل هو قبل ارد او اتكلم !!
استغربت من متوكل ، بس تاني راجعت نفسي قلت اكيد حيرجع لي و يفهمني كل حاجة !
قمت طلعت براا لقيت امي قاعده بتتفرج في التلفزيون ، قلت ليها ابوي ما جا ؟
قالت لي لا ، دخلت شلت تلفوني ، اتصلت عليهو نفس الشي ما رد علي ، اتصلت ب مريم اختي ..
* سلام عليكم ....
* الووو مريم ابعدي من الدوشة الجمبك دي
* ما سامعاكي ، ابعددي ** قفلت الخط !
بعد شوية قامت رجعت لي هي ..
* سلام عليككم
_ وعليكم السلام ، معليش جمبي اغاني
* ما مشكلة ، بس عايزة اسالك الاخبار شنو في مشكله ولا حاجه حصلت بعد انا مشيت ؟
_ لالا مافي حاجة كلو تمام
* حمدلله طيب ، ابوي لسه ما اتحرك من عندكم ؟
_ والله ما شفتو من وقت الغدا ، بنسال عنو من قبيل ، انحنا قايلنو معاكم ،، لكن دقيقه ارسل شافع عند الرجال ..
* طيب اقفل و لا انتظرك ؟
_ خليكي !
* طيب .... * بعدها بلحظات ..
_ قال لي مافي والله ، عادي بيكون بيجهز في امور العرس ، الموضوع ما خطير
* طيب ، لو جا عندكم ما تنسي تتصلي علي .
_ طيب ، طيب ....
قلت غريبه ، لو ابوي دا عنددو مشاوير ما بيستغنى عن عربيتو . ! يا ربي متوكل ركن العربيه وين ! انا قبيل سمعت صوتها وهو بيدورها !
دخلت الواتساب ، كتبت ليهو ..
* متوكل عربية ابوي وين ؟
( بعد مدة رد )
_ رجعتها بيت المناسبه
* والمفتاح ؟
_ معاي انا قاعد منتظرو
* قفلت ليه انت؟
_ مافي حاجة بس كان وصلت و ما ظريفه اقعد ماسك التلفون و اتكلم قدام الرجال
* تمام ، طمني انا حأنتظر
_ رحمة ، نومي نومك تنتظري شنو كمان
* ابوي
_ دي مناسبه عرس ، وعرس بتو اكيد ما حيجيمافي زول يقيف غيرو ، قومي قفلي البيبان كويس و ارقدي نومي ، لو جا اكيد معاه مفتاح ..
* لا ما ح انوم ، حاقرا لي رواية لمن انوم
_ عنيدة
* عارفه
.. 😒 _
طلعت من دردشتو ، ولقيت في اشعارات كمية لقروب انا عامله ليهو ميوت ، دخلتا اتزكرت ان دا الضافتني فيهو شيماء و مجموعه بنات دفعتنا .. ( دا المهم ) ..