الجزء 27

ما تشمتي يا اسماء ، انتي ما تضمني مصيبتك بكرة تكون كيف ..

* انتي بتتمني لي الشر مالك انا عملت شنو اسي ، و بعدين تستاهل رحمة ..

_ اسي دخل رحمة شنو ؟

* بتو هههههههههههههههههههههههههه

_ لا حول ولاقوة الا بالله ، ااي انا صحبتك يا اسماء لكن ما حصل اتخيلتك بكمية الحقد دي ، ما عارفه ليه بتفرحي بمصايب غيرك ، كدا ما صح حتى لو في بينكم مشكلة شخصية ، يمكن وقفتك جمبهم دي تكون سبب في حل الخلاف الشخصي دا ، سبحان مسبب الاسباب يا اسماء ..

* ب بب ‏( تمتة ‏) ببس انا ما قلت ان في بينا خلاف ما تألفي ساي !

_ اسماء ، الكراهية والحقد و الحسد دي حاجات ما تندسى ، و الحاجات دي ما بتنتج الا من خلاف كبير يكون اثر جوا الانسان ..

* انا ماشة ، غلطانة اني بقعد معاكي اصلا ما تصدقي تلقي فرصه تقومي تألفي !

_ انا لو بألف يا ستي انا اسفه ، بس انا بقول كلامي بالواضح و الواضح مافاضح يا اختي ، و انا ما مقتنعه ان مافي حاجة بس عشان انتي ما تزعلي و في النهلية انا قصدي افتح عينك على الغلط و على الصح ..

* تمام ، تسلمي ...... باي

_ اقعدي شوية ..

* لا شكرااا .... * طلعت ...

بتتكلم وهي ماشة في الشارع على سماح ،، لسسه يا رحمة دا زنبي حيطلع فيكي و لسه ياما حتشوفي ، ربنا حينتقم منك في اعز الناس ليكي و البداية ابوكي ، دا تمن حرقة قلبي ،، فجأة سمعت صوت دوشة و جوطة

قربت من الشارع ، كانت طالعه من بيتنا .. وصلت لقت انور برا و معاهو سماح جمب بابنا ،وقفت معاهم ..

امي : يا اسعد مافي داعي ، ابوك دا قاعد يتكلم معاك احترم كلمتو و احترمنا الزرل دا في بيتي عيب ...

عمي الفاضل : يا متوكل ، اعفي لي ياخ ، اقعد اقعد عليك الله تقعد ما تأخذنا ، اقعد ..

اسعد : يعني انا اسي البقيت غلطان يا ابوي انت ما شايف كلامو كلو بيوجهو لي رحمة انحنا ما مالين عينو !

امي : انت اسي زعلان عشان شكك في عمك ولا عشان وجه كلامو لي رحمة انت نفسك ما عارف في شنر يا اسعد الموضوع بسيط مافي داعي للصوت العالي دا سمعتو الجيران كلهم ..

متوكل : انا بستأذن يا ناس و يا خالة حقك علي ياخ ..

سماح : لالا دقيقه اسي الجوطة دي كلها في شنو يا ابوي ، و يا اسعد مالك هايج كدا ؟

اسعد : ما تتكلمي معاي !

انا واقفه خشمي ما فتحتو من اول النقاش لآخرو .. بعد سكتو ، قلت ليهم خلصتو ؟

عاينت لامي و عمي قلت ليهم انا ماشة لابوي عن ازنكم .... و طلعت

جمب الباب ، جا مسكني اسعد من يدي ،حركة لا ارادية منو عشان يوقفني .. و متوكل واقف كان داير يحصلني بس لسعد سبقو !

انا من حسيت يدو دي مسكتني ما عرفت امي ولا عمي ، دفرتو دفرة لمن اترتع لورا ، قلت ليهو اووووع يدك دي تصلني مرة تانية ولا بالغلط !

هو زاتو اتخلع ،وحسيت نفسي قسيت شديد خصوصا انه ما قاصد ، بس يمكن وجود متوكل واني اخافظ على مشاعرو هو القواني بالشكل دا ،،، و اغرب شي لقيت اسماء واقفه برااا ، بحظة دفرت اسعد دي لمن شهقت وجرن عليهوووو !

بقيت ما عارفه اعتزر ولا اعمل شنو ، بس لاحظت لان تصرفاتي كلها تجاه اسعد كأنها بتتدل على اني شايله منو ، بسبب الحصل قبل كدا ، و زي البنتقم منو ولا بكرهوو ،، الغضب الكان في عيونو ما حصل شفتووو ، اسعد دا نوعية الناس البتسكت و طيبة و تتحمل و تقع في الغلط بسبب الطيبه و السكوت ، لكن قومتو صعبه ، و النظرة الكانت في عيونو دي بالجد خوفتني و ما بتبشر بالخير ... حسيت اني قللت من احترامي لعمي كتير ، كنت زي المجنونة ..

ما حسيت بنفسي الا و انا بقول لاسعد اسفه ما قصدي ادفرك بالطريقه دي .. و حسيت بخنقة و غصة ما قدرت امسك نفسي ، جريت لامي حضنتها و قعدت ابكي ، و اتلمت علينا يُمنة ، و قعدنا نبكي بالجد ،

الحصل مع ابوي ، زي العريان الساتراهو ملاية ، و جا هوا و شال الملاية دي ،وكشف العرى ، بالجد دا احساسنا من غير ابوي ..

عمي جا قالينا مالكم اسي في شنو ، كل حاجة بتحصل لي خير و ما معروف الجاي شنو . اسندو بعض و ابقو قوين ، ابوكم ساندكم طول السنين دي كلها ،، اسي جا دوركم تسندوهو ..

قلت ليهو يا عمي انا ما قادرة اتخيل حاجة كعبه تمس ابوي والله بموت ، و ما بتحمل لمن اتخيل انه محبوس ، قلبي بوجعني ، اسي يمكن جعان ولا بردان ، هو طلع لابس جلابية يا عمي ، معقولة لكن حتى عقد بتو ما يحضرو الحيكون وكيلها منو .. و قعدت ابكي ،، متوكل دا زي الما فيهو روح ..

قعد بتقلو علي الكنبه و اسعد و سماح واقفين جمب الباب ، و اسماء واقفه ورا سماح ..

سماح جاتنا قالت لينا الحمدلله عمي اقوى من انتو بتتخيلو ودي عترة و حيقوم منها على خير ، عمي محمد الما بعرفو منو ، ناس الحلة ديل كلهم كان شهدو ليهو ساي بيطلع منها يا جماعه ، الصباح رباح وكلو بيتسهل ...

يلا يا مرة عمي انا ماشه لامي زي ما عارفه وضعها الصباح بجي عليكم ، و ياريت لو تجو تبيتو معانا بدل تبيتو براكم ...

قلت ليها لالا يا سماح ، انحنا في بيتنا ما بتجينا عوجة ان شاءالله ، امشي لخالتو ، امي قالت ليها ما بتقصري يا سماح ...

و طلعت ، و وراها سماح حتى ما

كلفت خاطرها تقولينا حاجة ، جات اتشمشرت و مشت ...

بعد سماح و اسماء دخلو البيت ‏)

_ يا حليلهم والله حننوني يا سماح

* ما تتكلمي كدا جمب امي

_ ااا ما قصدي

* ازمة و حتعدي بأذن الله

_ امممممممم ‏( ابتسمت ‏)

* بتتبسمي مالك يا اسماء ؟ !

_ اااا ، مم متين ! ما اتبسمت ولا حاجة ،،

* والله لكن !

_ مالك ياخ الحيخليني اتبسم شنو براي ! المهم راجعه بيتك متين ؟

* براكي شايفه امي ، لسه شوية

_ ربنا يشفيها

* امين ،ما وريتيني جابك شنو انتي ، اتخلعت لمن لقيتك وراي ؟

_ اااااا ! ساي م م . ..... اااها اي اي جيت اشوف خالتو و اتطمن عليهاا ..

* لالا تمام ..

عمي بيتكلم معانا ، قالينا انا الليله حأبيت هنا في الصالون دا ، ما بخليكم براكم ..

امي : بسم الله يا حاج انحنا حيجينا شنو كمان ، ما تشيل هم البيت مقفل تمام ..

قلت ليهو ، يا عمو رجلينك دي ورمة من القعدة الله اعلم قاعد كدا من متين انت زرل سكر كمان ما تهمل روحك ، امشي افرد ضهرك و اخد علاجاتك و ارتاح ، ما تشيل همنا ، اساسا مرهقين حننوم طوالي ان شاءالله ،،و كمان يا عمي انا حأمشي القسم بعد ازنك ، م تنسي انا قاريه حقوق ولازم اقيف جمب ابوي انا بتو و ولدو ...

عمي : الصباح يا رحمة يمكن يكون طلع قبل نوصل القسم يا بتي ، ادعو ليهو بس ، و انا مصمم ابيت معاكم ، انتو اسي في امانتي ..

امي : ماليهو داعي عاين البيبان كلها ترابيس و مقفلة ، اتطمن ..

اسعد : اذا ممكن انا بقدر ابيت هنا و ما حتحسو بوجودي اسمي راجل في البيت !

انا سكتا المرة دي ، متوكل رفع راسو عاين ليهو عين و قبل خلاهو ..

امي قالت ليهو ولا انت يا اسعد زاتك ، البيت لصق البيت لو احتجنا حاجة بنكلمكم !

عمي قالينا تمام طيب ..

متوكل طلع و انحنا بنتكلم ،كلنا استغربنا معقول يمشي من غير ما يقول حاجة ! انا بالي بقى مشغول صراحه !

‏( اسماء و سماح ‏)

* قومي يا اسماء ارجعي خالد حيشاكلك ..

_ عادي وريهو اني معاكي كنت ..

* وليه تجيبي الكلام لنفسك ، قومي امشي ..

_ ياخ مادايرة !

* اسماء ! عايزة تفهميني انك جلية عشان امي و اسي قاعده عشانها !

اكيد طبعا ..

* هه والله دي حاجة كويسه كان كداااا ، قومي طيب ما تجيبي لنفسك الكلام الوقت اتاخر ..

_ اتاخر امشي كيف براي ؟

* زي ما جيتي براكي امشي ..

_ لالا بنتظر اسعد يوصلني

* يوصلك شارعين ! الحلة دي كلها اناي حافظاها صم و بتمشي و تجي براكي فيهل 24 ساعه ...

_ كل دا عشان قلت اسعد يوصلني . خلاص خليتو يا سماح ، لا يوصلني لا حاجة .. انا ماشة ..

* يا زولة زعلتي نعلا !

_ وازعل لشنو عادي ...

* اممممممممم ‏( قايلاني غبية و ما منتبهه لتصرفاتها ‏) ..

مع طلوع عمي ، واسعد ،جا متوكل داخل شايل اكياس في يدو ، ناولهم لي و ل يمنة ، امي قالت ليهو دا شنو ؟

قاليها عشان ما تطلعو لو احتجتو حاجة !

وحاة الله اسعد دا داير ينفجر ، حتى عمي كانت ملامحو غريبه ، تصرف متوكل دا دخلهم في 360 حتة ،كانو محرجين من تصرف هما كانو اولى بيهو من الغريب ،، بس اسعد لمن اتغاظ ، قاليهو انحنا طالعين ، انت حتفضل جواااا ولا كيف ؟

عمي قالينا في امان الله و مشى ، و متوكل ما عبر اسعد زي الماقال حاجة !

عاين لامي قاليها ، انا ما حأمشي مكان ، انا بيت خشم بابكم داا ، بحرسكم لحد الشمس دي تطلع و كلامي دا ما حيتغير مهما تقولي ، العملو معاي عم محمد ، دا بينرد و لا بيتسداا يا خالة ...

امي قالت ليهو تبيت خشم الباب كيف يا ولدي ، اسي عمهم انا منعتو ، و ولد عمهم انا منعتو تجي تبيت انت .. قاليها اااي ابيت انا ، و انا ما بستآزنك لا انا بوريكي عشان لو احتجتي حاجة ...

قلت ليهو متوكل ،كيف يعني تبيت في الشارع ، انت زاتك محتاج ترتاح يكفي جرجرة القسم ، لو سمحت ، امشي ارتاح ،، يمنة قالت ليهو ، عنقريب ما عندنا نطلعو ليك ، ما رد علينا زد على يمنة ، قاليها جيبي لي البرش و مخدتين ..

طوالي مشت دخلت جواااا .. ‏( بصراحة متوكل شهصية بتفرض احترامها ‏) و ما يفوتكم اسعد دا داير يموت ،امي قالت ليهو يا ولدي الله يرضى عليك ،امش البيت ارتاح ، قاليها انا اخترت محل راحتي ارجوكي لو دايرة راحتي خليني اسوي الدايروو ..

جات يمنة شايلة البرش ، ناولتو ليهو ، و المخدتين ختتهم في الكنبة ، ودخلت جابت ابريق مليان ..

و ناولتو و هي بتضحك و مبسوطة بيهو شديد ، امي قالت ليها انتي كمان مشيتي جبتي !

قالي ،رحمة تعالي اقفلي الباب يلاااا .. اسعد طلع ، انا كنت خايفه يدقو بعض في الشارع والله خاته يدي على قلبي ..

متوكل بالجد كبر عقلووو و احترم الوضع و طنش تصرفات اسعد .. فعلا قفلنا بيبانا ، و دخلنا ...

جعانين غدا ما اتغدينا ، حليل الكبدة المشيت ليها سبحان الله !

ختينا العشاء الجابو متوكل ، امي قالت لي نحشي ليهو سندواشات ، طوالي حشيت ليهو ، يمنة طلعت ادتوووو و ودت ليهو الموية ،،

خلصنا و دخلنا غرفنا ..

من جواي كنت خايفه عليهو من حشرة ولا مصيبة زمان لا قدر الله بس في نفس الوقت متطمنة شديد كنته ..

دخلت ليهو الواتساب ، رسلت ليهووو ،،

ابتسامة .. قالي :

_ مصحيكي شنو ؟

* انت مرتاح بأمانة ؟

_ اكتر من ما تتصوري ، برشكم زاتو غير .. ههه

* ما تعبان ؟

_ ابداً

* انت عملت كدا ليه ؟

_ الشنو قصدك ؟

* نومك في الشارع دا ؟

_ انا ما بتربطني بيكم صلة يا رحمة ، تخليني ادخل بيت مافيهو راجل ، بس راجل البيت دا في مقام ابوي و ما كان ينفع اخليكم براكم ، و اتاكدي كل يوم حتلقيني في المكان دا لو لا قدر الله عم محمد قضيتو طولت ..

.....*

_ سكتي مالك ؟

* ولا شي ..

_ يلا خليني انوم و انتي كمان نومي بعد كدا ..

* تصبح على خير

_ وانتي من اهل الخير يا رب . ..

* في الحلقات الجاية *

_ ابوووووي انا بحبك شديد

* البلاوي دي كلها بسببك

_ ليه يا ابوي

* انتي عارفه ليه كويس

_ هي الغلطت علي

* قولي الكلام دا لزول ما بيعرفك

_ طيب انت عملت كدا عشاني ؟

* لا ،حقك براهو

_ كيف يعني ؟

* يعني انتي البرضيكي شنو ؟

_ تتعذب ، تتمرمط ،تبوس رجلي . ، عايزة ارد ليها الكف كفين ..

* للدرجة دي ؟

صوت تالت : اعملو الدايرنو في البت الا الشرف