الجزء 28

_يلا خليني انوم و انتي كمان نومي بعد كدا ..

*تصبح على خير

_وانتي من اهل الخير يا رب . ..

قفلت من متوكل و انا لحد اللحظة دي ما عارفه الزول دا بيعني لي شنو ، بشوف اهتمامو و همتو تجاهنا و حبو لي ، بحتار في اني ما حاسة بالحاجات دي تجاهو ، اي بفقدو وبحب اشوفو لكن ما اكتر من كدا ، حتى ما عندي شغف اعرف تفاصيل عن حياتو ، تصدقو رغم ونستنا و كلامنا ، لحد اسي ما سألتو عندك كم اخ ولا كم اخت ، و لا ترتيبك الكم ولا حتى بلدتكم اسمها شنو الفيها اهلك ! انا جايطة شديد ، بس بالجد متطمنة .. و نمته على كدا ...

صحيت بصوت يُمنة ...

_رحوووم .... رحمة ! رحمة !

_قووومي يا بت ! ياااااابت ، دا شنو نوم البقر دا يا رحمة قومي !

*يا الله يا يمنة ياخ واقفه فوق راسي زززن زززن ززن ، بتزني مالك ، براحه !

_حنمشي لأبوي قومي ..

*نعم ! ( قعدت في نص السرير و دعكت عيوني و عاينت ليها كويس ) تمشي وين انتي ؟

_القسم !

*ما تعتبيهو فاهمه و اقنعي من المشيه من اسي وريتك ، لا انتي لا امي ، عايزة تجي تقيفي برااا ..

_واشمعنى انتي يعني ؟

*انا قارية حقوق ، و بقدر افهم المشكله عشان اساعد ابوي ، و كمان ابوي ما حيقبل بي وجودنا في القسم, عشان ضيقو ما يزيد انا كفاية ... منتهي يا يمنة اتفقنا ؟

_انا كنته دايرة اشوفو لكن !

*بتشوفيعو وفي احسن حالاتو .. اصبري

اسمعي متوكل لسه في ؟

_لالا اتكلم مع امي و طلع

*طلع وين ؟

_ما سمعتو قال شنو لأمي عشان كداا ..

*طيب ...طيب ...

قمته ،مشيت الحمام ، خلصتا اموري ،،، و غيرتا و لبيتا ، لقيت فطوري مغطى ، فطرتا على الواقف ،، مسافه خلصتا سالتا يمنة عن امي ، قالت لي اسي متوكل جاها بالعربيه و فاتو !

قلت ليها طيب و انا ، ليه عملو كدا يا الله ، ياخ انا لازم امشي ، يا الله يا امي ، افففففففف ، شلت تلفوني اتصلت على متوكل ....

_ايوا يا رحمة

*امي معاك ؟

_ايواا

*طيب ليه كدا الحركة البايخه دي !

_اقغلي بفهمك بعدين

*لا بعدين لا غيرو ، اديني العنوان انا بجي بطريقتي يا متوكل !

_رحمة ، بطلي جن ما بتدخلي القسم فاهمه و اقعدي مع اختك دي لمن نجي ..

*وانترمنو عشان تديني اوامر !

_ما حأرد عليكي لانو دا ما اسلوبك ، اقفلي ..

*لا اسلوبي ، انت صدقت نفسك ولا شنو ؟

_رحمة اقفلي لو سمحتي ،جمبي ناس ..

*تمام انا بعرف اجي كيف !

_الباب دا نا تعابيهو فاهمه ! واناي عارفه لو جيتي القسم عم محمد حيزعل و هو ما ناقص ، اعقلي ، امك معاي كفايه ...

*بس انا ما شافعه توعدوني وتخلوني متعلقه و تمشوو !

_ماعاش اليعمل معاكي كدااا يا رحمة ، اسمعي كلامي اقفلي و بس نخلص بوريكي كل حاجة ...

*تمام ..

( في جانب اسماء )

جمب باب الشارع ،، و انا سبحان الله كنت واقفه بعاين بالشباك ، دا قبل انتبه لوجودهم . جات يمنة جمبي و هي انتبهت ليهم و نبهتني ، عاينت ليهم و دخلت خليت يمنة واقفه ..

_ انا عايزة افهم القلبك علي كدا شنو ؟

*اسماء ظروفي ما بتسمح نتناقش ، براكي شايفه الوضع ...

_قبل الظروف دي تحصل انت كنت متحجج بانشغالك ، اسعد انا بحبك و بقيت على عهدنا و عمري ما اتغيرت حتى بعد اهانتك لي !

*وانا بالجد ما عارف مالي بس ما عندي رغبه اني اكمل معاكي و طلعتي من نفسي ..

_ايواااااه قول كدا .. طلعت من نفسك هههه بعد شنو ؟ طيب رجع لي الشلتو منك ..

*انا ما شلت منك حاجة ..

_اسعد ما دايرة معاك مشاكل و عشان نخلص من الموضوع دا ، اتزوجني و طلقني ..

( في اللحظة دي انا هرشت يمنة ، قلت ليها ادخلي من الشباك م ظريفه تقيفي تتسمعي كدا يا يمنة عيب ! قالت لي دقيقه دا موضوع مسخن ، قلت ليها لا يا يمنة عيب تعالي ، قالت لي هما الجووو جمب شباكنا ما انا المشيت ليهم )

*ما بقدر اتزوجك عشان اطلقك ..

_للدرجة دي ؟

*عن ازنك .....

_لا يا بابا لحد هنا و كفاية ، بعد دا الكلام حيكون فيهو الاهل ، ما تعمل عملتك معاي و تجي تنكرني ، ولا خلاص بقيت تميل لست الحسن و الجمال ، رحمة هانم ،

*ما تجيبي سيرة البت هي ما كلمتك ..

_ولا تقدر تكلميني القبيحه المقطعه خطافة الرجال والله اندما ندم السنين .. و انا بعد دا اصلا مالي كلام معاك ،، كلامي كلوو مع ابوووك يا اسعد ......*مشت ....

يمنة جاتني جارية و ماسكة راسها !

*مالك يا بت !

يالطيف

يييف !

*في شنو مالك ؟

_اسماء دي وحدة قليلة ادب شديد يا رحمة !

*ما تتكلمي في زول ما صح ، لو شفتب غلط قولي ربنا يهديها و يهدينا ...

_لالاالموضوع دا كبير ، و بعدين خاتاكي في راسها ، عديل قالت رحمة ! هي ما عارفه انكم اتطلقتو ! لا مستحيل تكون ما عارفه ..

*ما تشتغلي بيها ياخ ، انا قلقت ناس امي اتأخرووو !

_انتي باردة يا رحمة ياخ ...

*امور الناس ما بتهمني و خصوصاً الخاصة ..

_ياخ انا مخلوعه والله العظيم ! اوفففف اسماء ! ماقادرة اصدق ..الظاهر الدنيا حتطربق في بيت ناس عمي ...

*قولي ان شاءالله خير !

_انتي ما عايزة تعرفي ليه ؟

*لا .....

_ اصلو ما اتخيلت اسعد يطلع بالبجاحة دي افففففف ..

*قفلي الموضوع دا يا يمنة ..

_حأقفلو لكن بيت عمي حيتطربق ..

*ربنا يبعد عنهم كل شر ..

_لاحول ولاقوة الا بالله ، المشكله سماح المسكينه ، المشكله دي لو كبرت هي الوحيدة الحتضرر ..

*ياخ الشر برا و بعيد مالك انتي في شنو يا يمنة ، انحنا مالنا ..

_يا رحمة هي مشيلاكي ذنب ..

*ذنب ! ذنب شنو ؟

_بتقول لاسعد ان كل حاجة حصلت بسببك انتي و شكلو اسعد خلاها و متغير منها ..

*لمن تقول الكلام دا قدامي انا حأعرف كيف ارد ليها ، و نا تدي اضانك للكلام دا و تاني مرة ما تتسمعي على كلام الناس ، عيب فاهمة !

_طيب خليكي من ديل اسي مناهل وضعها شنو اتخيلي بس يوم العقد ابوي يتحبس و يقع في مشكله زي دي ، اسي الحيتم ليها منو !

*عمك قاعد يا يمنة ، بس اكيد ما حتقبل الا لمن ابوي يطلع ، اسي ناس امي ديل اتأخرو .. !

( في جانب تاني )

_ابوووووي انا بحبك شديد

*البلاوي دي كلها بسببك

_ليه يا ابوي

*انتي عارفه ليه كويس

_هي الغلطت علي

*قولي الكلام دا لزول ما بيعرفك

_طيب انت عملت كدا عشاني ؟

*لا ،حقك براهو

_كيف يعني ؟

*يعني انتي البرضيكي شنو ؟

_تتعذب ، تتمرمط ،تبوس رجلي. ، عايزة ارد ليها الكف كفين ..

*للدرجة دي ؟

صوت تالت : اعملو الدايرنو في البت الا الشرف ...

*ما تتكلمي كدا قدام البت ، و ياتو يوم انا بتعامل بالطريقه دي ..

امهم : انا بس بنبه عليكم ، اها اسي ابتسام اختك قالت شنو ؟

*ما بتقدر تقول حاجة ..

_يا عبدالله ، سوي الدايرو الا انك تاكل ورث اخواتك ، دا حق اليتيم ، و انت الحمدلله ربنا فاتحها عليك و انتو ماليكم غير بعض ..

_يا امي ما يديهم ولا حاجة انتي ما شفتي بناتها ، عاملوني كيف ، تقول كلبة عندهم ..

امهم : اريج ، بتي و انا بعرفك كووويس ، و الغلط دا اصلو ما بزح منك ، و بسببك انحنا خسرنا ناس ، بس العيب ما منك ، العيب من ابوكي المقوي ليكي راسك و مخليكي بقيتي بالطريقه دي ، يعني شنو وحيدة ، كتار اولاد و بنات وحيدين عند امهم و ابوهم و بيحترمة الغير ،،

_شايف يا ابوي كلام امي !

*شوفي ما تدخلي انتي ، خليكي في شغلك و مع اهلك !

( في القسم )

متوكل : كيف يعني كفالة ما بتطلعو !

...

يتبع ......