الجزء 33
اسعد قاليهو انت لسسه هنا !
امي قالت ليهو ، اسعد لو سمحته الفينا مكفينا و انت اكتر زول عارف انا بعزك و بحترمك قدر شنو ، فا لو سمحته خلي متوكل في حاله لانو هو الشايلنا الايام دي كلهاا والله اعلم بحالووو ...
قاليها تمام و بعاين لي !
فاتو تلاته يوم ، و الحال في حالو ، ابوي علي حالو و مصاريفنا ماشه تتقص ، كل مرة عمي يجي يسالنا اذا محتاجين حاجة ولالا و نقول لا و يمشي و هكذا ، اسعد كل يوم بجي يسال عننا ، بس الوحيد الما كان بنحس بيهو انه بيسال و يمش زي ما بيعملو هما ، هو متوكل هو البكلمنا اذا في جديد ولالا .. قاسم يومو بينا و بين المستشفى !
في اليوم الرابع كنا ماشين زيارة المستشفى ،لسوء الحظ ..صادفت زيارتنا مع زيارة اخواتي و امهم !
( في جانب اسماء ، بتخبط في باب بيت عمي )
انور فتح ليها ،، سلمت عليهوو ، قالت ليهو في منو جوا ؟
قاليها كلهم ادخلي ! و دخلت على كدااا
وقفت في البرنده و نادت اسعد (عينها قوية و م عندها كرامة غايظاني ) ..
سماح وقفت ليها ، اسعد قاليها اقعدي و خليكي مكانك ! فعلا دا الحصل ، اسعد طلع ليها ، قالت ليهو :
_ممكن نتكلم ؟
*حنتكلم في شنو ؟
_لمن نتكلم حتعرف ! ممكن لو سمحته ( لابسه وش الكديسة =متمسكنة ) قعدو في الحوش .. قالت ليهو ..
_انا اول حاجة بعتذر عن الحصل من كم يوم ، و تانيا انت عارف انا عملت كدا ليه ، لمن تكون بتحب زول و متعشم فيهو و واثق فيهو و فجاة يتغير و يبقى بيحب زول غيرك ، طبيعي تصرفاتك تبقى كلها غلط في غلط و م تعمل ليها حساب .. و دا الحصل معاي ، انا حبيتك و عشت معاك الحب و عمري ما اتخيلت يجي يوم و ننفصل ، يمكن الجرب زي احساسي دا حيحس بوجعي .. انا بحبك و انت وعدتني و اتخليت عني ، و مع اول اختبار لعلاقتنا انت اتخليت عني ،، وانا ما مجردة من الاحاسيس انا عندي كرامة وعزة نفس المني ما يجي البيت دا تاني بس انا المجبرة ... و انا ما دايرة حاجة غير انك تصلح الغلط الحصل و بعداك كل واحد يمشي لحالو فضلاً ،، عشان المشكلة دي ما تأثر علي الحولينا !
*انا غلطان و حاسس بالذنب تجاهك بس ما قادر اعمل حاجة و حاسس اني تافهه شديد بس انا كمان ما عارف انا وصلت للمرحله دي كيف ، بقيت عميان و ماشايف غير رحمة ودا غصب عني ، يمكن فعلا الراجل بيحب النا بتحبو ، رحمة دي طول عمرها قدامي ما كنت شايفها اساسا .. المهم خلاصة الكلام دا يا اسماء ، انا غلطت وانتي غلطتي ..
_و انا نفسي مرقت منك يا اسعد ، كنت بشوف فيك مثال للشهامة والحب و م ااتخيلت يجي يوم اشوفك بالضعف دا ، اتوقت الاذية من الناس كلها الا منك .. اسي انا ما دايرة غير تتزوجني و تطلقني ، و نحاول نتحمل بعض فترة عشان لسان الناس ، و صدقني انا مجبرة ، لان انا اتهنت و اتزليت قدامك و م شفت منك غير الوجع ..
*موافق يا اسماء ...
_شكرااا ليك ،،، شوف الحيحصل شنو وكلم عمي و ابوي و اخوي موجودين ... عن ازنك ..
*اتفضلي !!
انا هنا بقيت ماسكة امي من توبها ! و بقوليها يا امي ارجوكي ما دايرين مشاكل عشان خاطر ابوي ، يا امي ارجوكي !
خالتو ابتسام كمان شافت امي ، وقفت و سكتت محلهااا ، و بناتها مريم قاعده و مناهل واقفه ..
و انا و يمنة نعاين لبعض ...
قمت سبقت امي و مشيت سلمت لاخواتي و لخالتو ابتسام ، قلت ليهااا يا خالتو !
قالت لي ما تخافي انا اوعى من كدا يا رحمة فاهماكي ...
جات امي ، اتخيلو سلمت علي ابتسام و وقفت قدامها بقوة كدا ، قالت ليها اخوكي ليه عمل كدا في محمد ؟
خالتو ابتسام قالت ليها ما عارفه ! امي قالت ليها ما تستفزيني ! لانك عارفه ، والعمل كدا دا اخوكي واكيد اتناقشتو ، جاوبيني و ما تطلعيني من طوري !
خالتو ابتسام قالت ليها ما تسأليني انا و عبدالله من وقت الحصل ، حد الله تربطني بيهو خوة ، لا اخوي لا بعرفوو .. امي قالت ليها اخوكي ولا ما اخوكي دي حاجة ترجع ليكي انا البهمني محمد !
خالتو ابتسام قالت ليهااا تعالي ...
و مشت قدام امي و امي مشت وراها ، الفهمتو انها م دايرة تتكلم قدامنا !....
خالتو ابتسام ..
_ من زمان في مشاكل بيني و بين عبدالله و محمد عارف المشاكل دي بسبب ميراثي انا واختي الله يرحمها الاتنازلت لي بيهو ، و عبدالله دا بداية شغلو كان بيجمع في قروش عشان يبدا بيها مشاريعو دي ، و شال نصيبي انا و اختي و دخلو و اتفق معاي انو بالنص معاهوو ! و بقيت بطالبو بيقول ما عندي رغم انه كل فترة مشتري عربيه و مشتري بيت و بيوسع شغلو !
*كملي .....
_ياهو بعد اتزوجنا انا ومحمد كان اتوسطت ليهو يشتغل في الجزارة دي ، و دي كان اعتبرتها نصيبي حسب كلام عبدالله ، و محمد اشتغل فعلااا بحيث انه حقتي وما عندي غيرو يديرا لي .. و اتفقنا انا ومحمد ..
و بقت في صداقه بين محمد و عبدالله ، لدرجة انه في اسرار محمد بقي ما بيحكيها لي عن الشغل و قلت ليهو كتير ما تثق في عبدالله و قعد يقولي امور رجال ما تدخلي فيها و استمر الوضع فتر ة ..
لحد ما ربنا كرم محمد بقروش كويسه ،وكان داير يشتري الجزار
ة دي رسمي من عبدالله ، و عبدالله يطلع لي حقي و حق اختي عشان اعمل بيهو حاجة لبناتي !
و بعد كدا بقي الوضع كلو مشاكل ، من طالبت بحقي وصممت عليهو ، عبدالله بقى بيهددني انه يسجن محمد في كل خلاف ، و بسال محمد بيقولي م تخافي بس يمكن عشان م عندو قروش اصبري عليهو !
و المشاكل بقت ماشه في زيادة ، طبعاا ما زادت الا قرب عرس مناهل بتي من حسام ولد عبدالله ... و الباقي اكيد عارفاهو ، تاني ما عندي اي فكرة ...
*و انتي ساكته على حقك ليه ، و ساكته ليهو ليه ، اووووووف. ياخ دا ما بني ادم حسبي الله ونعم الوكيل ، حسبي الله .....
_الله اكبر من كل حاجة ...
و اتفرقوووووو واغرب حاجة انهم اتلمو اصلاا !!
رجعنا بيتنا .. و يوم والتاني،، سمعت بي اسعد عقد ! كانت مفاجئة لي انو اتزوج وانحنا مارين بالوضع داا ، بس في النهايه هما احرار اهم حاجة بسالو مننا ما مقصرين في حاجة وانحنا كمان بنسأال عن امهم !
مر شهر بالضبط على وضع ابوي زي ما هو بس فكرة انه عايش دي مريحه شديد حمدلله ،متوكل انجبر يقلل جيتو عندنا لانو اشتغل بناي ، و عتالة و كل يوم في شغل غير و مسكين بجي يجيب لينا طلبات ، لحد نافي يوم حصل نقاش بينو و بين امي .. قالت ليهو :
_دي اخر مرو تجيب لينا حاجة يا متوكل كفابه الفترة الفاتت دي كلها ، انت كمان عندك اهلك مسؤل عنهم ...
*انتو امانة في رقبتي
_لا انحنا بندبر امورنا يا متوكل ارجوك كفاية لحد هنا لو سمحت !
*ربنا يهون يا خالتي ، بتفرج ان شاء الله ..
و بعدها اتعشى معانا و طلع ...
تاني يوم ، قعدت مع امي قلت ليها انا اخدت قرار يا امي !