الجزء 34
تاني يوم ، قعدت مع امي قلت ليها انا اخدت قرار يا امي !
قالت لي :
_خير يا رحمة !
*انحنا وضعنا اتغير يا امي و ماشي للاسواء ،كنا معتمدين على ابوي ودا الطبيعي و ما حصل اتعاملنا مع المجتمع ولا فكرنا نخت حاجة للزمن ، فا عشان كدا انا قررت انزل اشتغل لمن ربنا يفرجها ...
_انا نعاكي انه ما ختينا ليكم حاجة للزمن كان كل همنا نقريكم و ناكلكم و الاحتياجات العادية و كل ما اتكلم مع ابوكي كان بيقول انه عامل حساب لليوم الاسود ، بس ولا مرة حكى لي ولا و راني حاجة ، و يمكن ما صح اقوليكي الكلام دا ، بس كنت قايلة نفسي اللقرب لابوكي بما اني المرة الاولى ، بس للاسف يا رحمة ابوكي طلع بير عميق شديد ، و للحظة حسيت بضيق ولا غيرة و انا بتكلم مع ابتسام و هي بتحكي لي حاجات انا ما عندي بيها علم ! ما عارفه احزن ولا افرح يا رحمة بس انا مستاءة و مخنوقة و شايفه وضعنا ماشي للاسواء ،، والحمدلله البيت دا ملكنا والا كان نكون اسي نايمين في الشوارع ..
*عمرو ما حيجي اليوم دا يا امي باذن الله ، دا اختبار ربنا ختانا فيهو يا امي ، عشان كدا خليني اشتغل و نساعد بعض ..
_لا يا رحمة شغل لا و بعدين حتشتغلي شنو ؟
*اي حاجة يا امي بس ما تقيفي لي عليكي الله ، خليني اداقش في الدنيا دي شويه ، ابوي محتاج لينا يا امي ، محتاج مصاريف مستشفى محتاج يتعالج علاج كويس ، و احتمال عملية كمان ...
_فعلا يا رحمة ، الوضع سيئ بس الحمدلله على كل حال !..
تاني يوم من الكلام دا ، فطرنا و لبست و طلعت الساعه عشرة الصباح ،، جاني اتصال وانا بطلع التلفون من الشنطة ، لاقيت اسعد برااا ،،، قالي :
_صباح الخير رحمة
*ذا هلا اسعد صباح النور ( طلعت التلفون و دايرة ارد بس هو عينو في شاشة التلفون و واقف )
_اخباركم شنو ؟
*حمدلله بخير
_رحمة ، انا عندي كلام عايزك تسمعيهو !
*خير يا اسعد ؟
_ما هنا لكن عايز عشرة دقايق من وقتك ..
*انا والله طالعه مستعجله ، بس لو ممكن اعرف بخصوص شنو ؟
_مم،، يا رحمة بخصوص زواجي !
*طيب و دا يهمني في شنو ؟ او شنو الممكن نتكلم فيهو يعني م فاهمه !
_رحمة ، انا اتزوجت زواج مؤقت و لسبب ظروف و .....
*معليش للمقاطعه بس انا دخلي شنو بالكلام دا ؟ ( متوكل بيتصل )
_ردي ....ردي عليهو ..... و مشى
بسم الله دا مالو دا ؟
*السلام عليكم متووووكل
_وعليككم السلام ، وينك م بتردي
*في الشارع ماشة اركب
_وين ماشه ؟
*افتش شغل في المكاتب حقت المحاماة
_ليه ما كلمتيني انا بشوف ليكي حتلفي وين براكي ، في واحد محدد ماشة ليهو ؟
*لالا ماشه على الله ..
_دا كلام يا رحمة ، انتظريني انتي وصلتي وين اسي ؟
*لسه في حلتنا ، عاين ما تجي ، عليج الله يا متوكل خليني بي راحتي و بعدين انت عندك شغل كتير ..
_رحمة ، الليله انا ما شغال ، و حأتفرغ لناس امي ركبو من الصباح ، حيجو الليله باذن الله ..
*صح معليش يا متوكل ما سالتك عملت شنو في البيت القلتو لي داك ؟
_اجرتو خلاص و زبذت الفرش حمدلله ربنا يسرها عشان خاطرهم ..
*الحمدلله ، خليك نعاهم و انا لو في جديذ بكلمك اول بأول تمام ؟
_طيب يا رحمة كنت عايز اتكلم معاكي في موضوع ..
*مستعجل ليهو ؟
_المهم نتلاقى و نتكلم دا هدفي
*بقصد ليك يعني ما شرط اسي دا نتكلم فيهو ؟
_لالا ما شرط .. خلاص يلا كملي مشوارك و لمن اتصل ردي ما تقلقيني ..
*طيب ... يلا
انا اخدت قرار و ما عارفه انا بعمل في شنو بس كنت حاسة اني بقدر اسوي حاجة ، و اتوكلت على الله ، شغلتا ال maps، و بمشي على اللوكيشنات البلقاها في النت ، طبعا ما كنت بتوفق ، يا بيقولو لي خلي ورقك بنتصل عليكي ...
لفيت لف جد ... و انتهى اليوم علي امل اني اتلقى اتصال في اي لحظة ،عايشه على عشم ! و اليوم التاني فات و انا بفتش و نفس البرنامج ...
اتصلت على شيماء صحبتي ..
*و عليكم السلام ...
_في بالي والله يا رحمة ، عمو كيف ان شاءالله احسن ؟
*حمدلله ، بس الغيبوبة طالت لدرجة العساكر الحارسين الغرفه قنعو و فاتوو بأوامر ..
_مشية بلا ردة ان شاءالله ، ربنا يواليه بالعافيه ياخ !
*اللهم امين يا رب ...شيماء محتاجاكي في خدمة عليكي الله ..
_عيوني !
*عايزاكي تجيبي لي شغل ، زباين تنشري لي رقمي في الفيس في القروبات حقت البنات دي انتي ناسك كتار ماشاء الله ..
_ضاقت يا صحبتي ؟
*ضاقت والله لكن ما بتضيق الا لتفرج !
_ونعم بالله ،، ععايني خلاص ، رسلي لي كم صورة لشغلك من تساريح و مكياج وكداا ..
*حاضر اسي طوالي برسل ليكي ، اكتبي رقمي الزين تمام ؟
_طيب منتظراكي ، و اسمعيني انا بكرة جاياكم بالغدا انا وامي ..
*تشرفو يا شوشو ...
_الله يخليكي ، يلا اسرعي و بتاقيكي في المنشورر طيب ؟
*ما اعدمك يا رب ....
بعد قفلت منها ، دخلت رسلت ليها الصور ،، جاتني امي قالت لي ، يلا معاي بيت عمك ، قلت ليها ليه ؟
قالت لي نقعد جمب مرة عمك شوية ! قلت ليها طيب لحظة اللبس !
فعلا لبست و شلت تلفوني و طلعنا ..مشينا عليهم ، ونسة و ضحك ، طبعا مرة عمي دي زي ما عارفين زولة ضحكة و
ياهو فجاة عيت الفترة الفاتت دي كلها و اتحسنت حمدلله !
( في جانب اسعد )
_ اسعد ! ...... اسعد !
يا اسعد بتكلم معاك انا !
*نعم يا اسماء ؟
_مالك ما بترد ؟
*مشغول ما فاضي
_التلاجة فاضية ، يلا ننزل نجيب طلبات للبيت ..
*اكتبي الدايرة في ورقه بجيبو ليكي مافي داعي تمشي مكان ..
_انا مخنوقه و عايزة اطلع معاك !
*مخنوقة امشي بيت اهلك
_قصدك شنو انت ؟
*قصدي تغيري جوو
_نفسي اعرف ليه اتقلبتا علي كدا و اتغيرتا معاي كدا ،، لينا كم يا اسعد اسي من اتزوجنا ، في وشي ما عاينت لي ولا بالغلط ، ليه انا ماقادرة اكرهك زي ما انت بتكرهني ؟
*اعاين ليكي ليه ؟ تسيتي ان زواجنا على ورق و ليهو شروطو ولا ازكرك ، اسمعي ما تكتري كلام معاي ، انا مصدع و ما ناقص ..
_مصدع ! طيب يا اسعد ...
انحنا اخدنا قعدتنا و رجعنا البيت .. و شوشو ما قصرت دعمتني شديد ، و الحمدلله جاتني مواعيد من بنات ، بس شرطهم انا امشي ليهم ، قلت مالو انا المحتاجة في النهاية !
المهم مشيت ليهم ، هما تلااته شباين ، مكيجتهم و شلت قروشي ، و جيت ، مع دخلتي البيت لقيت الباب فاتح ..
دخلتا لفيتو متوكل قاعد و معاهو مرة و بنتين شكلهم بيقول اصغر مني !
دخلتا سلمتا عرفتهم اهلو ، و قعدت اتونس معاهم رغم اني مرهقه .. لحد ما طلعو مننا طوالي رقدت نمته ...
تاني يوم الصباح ، كان عندي وحدة هي جاتني ، خلصتها الضهر و بعدها طلعنا مشينا لابوي زرناهو و طبعا الحال ياهوووو .. خليت ناس امي رجعو البيت و انا مشيت لأخواتي
سبحان الله ،، قبل ادخل الاصوات دي كل واحد اعلا من التاني و الباب مفتوح ...
دخلتا لقيت الشكله قايمة و عبدالله واقف و يتكلم مع خ ابتسام و البنات ديل بس برجفو .. و النقاش كان عن البيت و ما البيت !
جيت داخله ، طبعا عرفني عاين لي من فوق لتحت ما عبرتو مشيت قعدت جمب اخواتي و سمعت خالتو ابتسام بتقوليهو ..
*دا بيت بنااتي يا عبدالله وماليهو دخل بمشاكلنا ما بتقدر تطلعني منو ..
_شكلك ما بتعرفي تقري ، البيت دا كنت ضامن بيهو محمد و دي امضتو في حال انه خالف شروط العقد دا البيت دا بيرجع لي ..
*محمد مستحيل يعمل كدا و دا بيتي ما طالعه منووو
_ما عايز اوصلك للشرطة يا ابتسام ، مش كفاية شلتي ولدي مني
*ولدك ! هئ اشك ان ولد محترم زي دي يبقى ولدك يا عبدالله وانا ما طالعهزمن البيت دا هطوة وحدة !
كلمة منو و كلمة منها ، و قام طلع من البيت ورزع الباب وراهوووو .. ابيت اتدخل او اسأل عن تفاصيل .. سلمت عليهم و طلعت !
رجعت البيت ،حكيت لامي الشفتو ، كانت مصدومة من الحاصل ليه اخوها مضاضيها بالشكل دا ، بدل يستر اختو ، يقوم يشردااا ؟
!
المهم... اتصل علي متوكل ، اتونسنا شويه و نمت ليهو في السماعه ،تاني ما عارفه حصل شنو ، لقيت الواطه اصبحت !
سبحان الله...🙂 لا هو انا متين قلت اني كاتب اي وحده من الروايات الفي القناه دي🙂 متين متذكر او اي واحد فيكم متذكر..؟؟ للمره الدشليون بقرا روايات وعامل مكتبه في الواتباد من بدري وعملت القناه دي عشان اشاركم الروايات القريتها وبس😃 وكتير وضحت لانو في كميه فاكراني...
باقي الحلقات حانزلها كلها الصباح