الجزء 48
*يا رب ..... اا طيب المستشفى دي كويسه للعمليه ؟
_ايواا كويسة ..
*قالو كم العمليه ؟
_25، غير العلاجات والتحاليل بعد العملية ..
*حدد متين ؟
_قال ف اقرب وقت و خلال اليومين دي !
*طيب ، انا بتصرف يا امي ، و اعملو الازم
_حتعملي شنو ؟
*بتصرف ، بتدبر يا امي ، دعواتك بس
_انا ورحمة عملنا لينا مشروع حمدلله ماشي معانا ، ولميت منو مبلغ بس حبة ، لكن مافي قرش بيضر يا بتي !
*ربنا يقويكم ، و يوفقني و ما احوجكم لحاجة ابدا يا امي ..
_ربنا يحفظك يا بتي ، انتي مرتاحه ؟
*مرتاحه شديد حمدلله ، بس ابوي يبقى بخير و برتاح اكتر ...
_الله يسعدك يا رب ...في خبر حلو
*قولي !
_اخواتك حيجو يقعدو معانا !
*لقيتيهم وين ؟
_براها مناهل جات و ....
*امي رصيدي حيفصل اداني صفارة ، لحد بكرة بكلمككم تحكي لي الحمد لله انهم بخير ....*فصل ..
حسيت بحجة الانا فيهو و كأن حياة ابوي بين يديني انا ، و ما كان عندي غير حل واحد و ان شاءالله بكرة بنفذو و ارسل لناس امي طوالي ... و بكدا يومي انتهى !
بعد نمته ،،صحيت بصوت مريم بتكلم تلفون مع امها ، بتقوليها بكرة حارسل ليكي 10الف ، و انا معاي قروش ولو عايزة زيادة كلميني ! استغربت طبعا، بس سكتااا و كملت نومي !
( في جانب سيدة )
*تصرفاتك كانت غريبة احرجتني قدامها ..
_صوتها رقيق و يجنن كان خاطري اشوف وجهها !
*ما حلوة على فكرة ..
_صوتتا كفايه ..
*امممممممم ، و الغمزة اللي في السيارة ؟
_حبيبي يا سوسو انتي الوحيدة اللي تفهميني ، و انتي الكسبانه ...
*اممممم رغم انها صعبه ، بس بحاول
_ايه حاولي و بجيبلك الجوال ..
*قول والله ؟
_والله ... بس اسرعي ،كل ما تسرعي كل ما اعطيك اللي عايزاه ..
*اتفقنااااا ....
_مافي شي يصعب عليكي ...
*ههههههههه ....
( في جانب متوكل )
_اقتنعت يعني ؟
*كلام امي صح و هي ليها نظرة يا محمد
بعدين البيحب بيسامح ..
_طيب اتناقشتو تاني ؟
*لالا النقاش من بعيد ما حينفع و غير كدا الوضع ما مناسب انت عارف عم محمد وضعو حرج الامور معقدة والله يا محمد و الدكتور ما بشرنا بخير ...
_والله يا متوكل ، بعيد عن موضوع رحمة ، في شي انا شاكك فيهو بخصوص القضيه ، لان م تنسي انا كنت ماسك فترة سفرك ديك ، و عبدالله داا كذا مرة صادفتو في السلخانة الكبيرة ، بتصرفات غريبه ، و كان بيقول لعم جعفر ، ادفنو اول بأول ،، و البوكس ما تخلو فيهو حاجة ...بس انا م اديت الموضوع اهميه ..
*الكلام دا مهم جدا يا محمد ، ليه ما حكيت لي ؟
_ماعارف لكن راح لي كدا ، و كان عاير. و ما اتوقعتا لانو دا شغلنا بنفرز الضان من العجال من الفاسد ...الخ ، و كان شغلنا سليم عم محمد بنفسه بيكشف على اللحمة ، حتي بيقوليهم اي ضان عيان ما تضبحوه ..
*والله دا كلام مهم ي محمد ، ان شاءالله ينفعنا بس لسي عم محمد يقوم بخير ، و نفرح ياخ ...
_انت داير تفرح بس ..
*انا داير رحمة و بس ما داير غيرها والله ..
_الاهم من كدا هي دايراك ؟
*كانت موافقه بي مبدئيا و بينا في استلطاف ، و زي ما امي قالت حأعمل ، انا حأشتغل واجتهد و اعمل ليها حاجة لمن ترجع و ارتبط بيها رسمي .. حتى ما حأفاتحا في الموضوع و حأخليهو مفاجاه .. لازم افرحها ..
_الله يسعدكم والله ... بصراحه يا متوكل في حاجة انا داسيها منك والمشكله خايف منك ما عارف ليه ؟
*في شنو خير ؟
_والله ياخ انا معجب بي اختها لرحمة ، و ما عارف اسوي شنو ، بشوفها كتير في ناصية الشارع بس ما بقدر اتكلم ..
*ما اتوقعتا صراحه ههه ... وتخاف مني ليه؟
_بحسك مسؤل عنهم او اخوهم ..
*فعلا انا كداا ، بس انت ما عملت غلط .. الحب كلنا ضحاياه ! فخ لابد منه ...
تاني يوم كنا شغالين نص يوم ...
لقيت مريم صاحية قدامي و بتجهز ، و م عندها حياء بتغير قدامي عادي .. المهم م اتكلمت معاي خالص .. انا القلت ليها مريم مرتبك كم ؟ قالت لي ليه ؟ قلت ليها فضول ،، قالت لي باخد تلاته .. قلت ليها ماشاءالله ..بس بيني و بين نفسي قلت تلاته دي ما بتخليها ترسل مبالغ قدر دي لاهلها،، سكتنا على كدا .. و نزلت قبل مواعيدنا بنص ساعه ..انا كنت بعمل سندوتشات لي و لنسرين ، و بعدها لبست و نزلت ...
وصلت المحل ،من دخلت شميت ريحة الحمام المغربي ! دخلت لجواا مافي زباين ، و حتى نسرين ما جات .. دخلتا غيرتا .. جات زيبونه عملت ليها استشوار حاسبتها و طلعت وكل دا مريم م طلعت ...
جات نسرين سلمت و قعدنا نتغداا ،جات مريم بتشر في البشكير ، عاينت ليها ، قلت ليها مش قالو ممنوع تستخدمي حاجات المحل البلديه لو جات حتديكي انذار ؟ قالت لي عادي حبيبتي و بعدين انتي ما دخلك ، ولا حتروحي تشتكي للمدام ؟
طوالي سكت ونسرين قالت لي اكل اكل ..بعد مريم مشت قالت لي انتي مافي كلام في هذا الموضوع زين ؟ قلت ليها تمام ...
بعدها جات مدام سارة ،، اتونست معانا و طلبنا شاي ، و بعدها قالت لي تعالي استشوري لي ،مشيت عملت ليها ، لقيتا دخلت في الغرف الجواا ،، طوالي مشيت ليها. ، قلت ليها عايزة اتكلم معاكي في موضوع ..
قالت لي
خير ؟
قلت ليها : *انا جيت اشتغل هنا عشان ظروف مادية ، و عايزة اعالج ابوي ، و حاليا محتاجة اتسلف مرتب شهرين و انا بشتغل اي شي .. سكتت و قالت لي ..
_اكلم المدام و ارجع ليكي ( المدام اللي هي مدام عبير الكافلاني اصلا و ما شفت وشها من يوم جابتني من المطار) ..
*تمام .... ومشيت من جمبهااا ...
بعدها بي ربع ساعه ، نادتني ! مشيت ليها ، قالت لي والله انا كلمت المدام و رفضت السلفة ، قالت ما حينفع و انتي من جيتي بديتيها سلفة ،، قلت ليها انا لو ما مضطرة ما بتسلف و انا حاشتغل يعني بس والله محتاجة للقروش ، ارجوكي كلميها انتي ما عندي غيركم بعد ربنا .. !
قالت لي والله المدام حاسمة و ما بتحب الكلام الكتير ...قلت ليها اديني رقمها او اتصلي ليها انتي ، انا بكلمها ارجوكي ،، قالت لي طيب ... اتصلت عليها ،،و ردت و فتحت لي الاسبيكر ... قلت ليها..
*مدام كيف حالك انا رحمة !
_هلا رحمة .....
*مدام انا والله في حوجة للسلفه دي ، ابوي مريض و محااجين عملية ، وكلو متوقف علي ، اتعاوني معاي الله يسعدك !
_رحمة انتي من جيتي عطيناك ، حتي انحنا رواتب البنات بنعطيم على تلااته دفعات ، ما ينفع كدا ،،
*اسفة بس والله غصبا عني و حا اشتغل اي شي عايزينو ...
_رحمة ، انتي شايفه في ركوض بالشغل و مافي داخل يكفي ...
*طيب راتب شهر واحد !
_تمام ، اذا اخذتي السلفه ما حتشتغل عندنا بعد زيارتك تنتهي !ما بقدر اجدد اذا كل مرة عايزة سلفة !
*طيب ليه انا غلطت بشنو ؟
_مدام سارة بتعطيكي الراتب انا راح اكلمها ..
*طيب بس محتاجة للشغل دااا ...
_ربنا يسهل ..*قفلت فيني !
زعلت بالجد من الدنيا الختتني في الموقف المهين دا ، زعلت على حالي و على نفسي ، اخرها بقيت اشحد و اتزل !