الجزء 54
سيدة قعدت معاي شوية و طلعت ..
مشكلتي بيني وبين نفسي انا فاهمه كل حاجة و عارفه كل وحدة بتعمل في شنو و عايشه حياتها كيفزو بتطلع مصاريفها كبف ! ما فايت علي ! بس رافضه اتصالح مع الفكرة ، في المحترمات قاعدات في امان الله !
انا لازم اتكلم مع مريم تاني بهدوء واخليها تنسى الفكرة !
علي حظي جات طالعه من الغرفه ، ناديتها ، وقلت ليها :
*مريم ! ارجوكي !
_اسفه حبيبتي ، بس محتاجاهم
*اديني مهله اسبوعين طيب ..
_اسبوع بالكتير!
*تمام. .. تصبحي على خير ...
قمت لملمت الملايات و باقي الاكل ختيتو في التلاجة ، و رقدت في سريري !
مريم قالت :
_هو في حل بس انتي ما حتوافقي ..
*(قعدت على حيلي) قولي بوافق ..
_امممممممم ، في واحد شافك من الرجال اللي جو امس ، و قال دايرك !
*......... تصبحي على خير مريم !
_بكيفك !
و رقدت نمت لاني ما نايمة كويس،. !
( في جانب يمنة)
*ممكن افهم انتي قصتك شنو ؟
_كيف يعني يا يمنة !
*مريم كلامي دا عربي و واضح ، ما تفتكريني ما جايبه ليكي خبر ! انا المسكتاني امي و رحمة في اني ما ازعل زول فيكم ! والا كان لطشتك من وقتها ..
_يمنة جد ما فاهماكي انا غلطت في شنو ؟
*شوفي هنا ، متوكل دا واحد مننا ، و شايل ابونا فوق راسوو اكتر مننا كلنا ، و ارجل من ما بتتخيلي ، و ما دايرين نخسرو بسبب تفاهتك ، قايلاني ماملاحظة نظراتك ليهو و لصيقك فيهو ، اذا هو ساكت ليكي فهو ساكت عشان خاطرنا احنا ما عشان عاجباهو عمايلك ! و بعدين تعالي هنا ، انتي ما بتخجلي ! ما بتحسي انك ما عندك قيمة لمن تعملي امورك دي ؟ مريم عيب ! البتعملي فيهو دا ما صح وعيب ! رحمة لو عرفت كدا حيكون منظرك كيف ! و بعديت وريني رحمة دي قصرت معاكم في شنو ولا زعلت في شنو عشان تعملي معاها كدا ؟
_رر رحمة !
*ايوا رحمة !
_رحمة علاقتها شنو ؟
*كيف يعني علاقتها شنو ! متوكل دا خاطب رحمة من ابوي ، و خطوبتهم ما تمت بسبب الحصل لابوي ، يعني ما عارفه انتي !
_(بصدمة) شش شنو وو ؟
*شنو الشنو السمعتيهو
_وااله ما عارفه انا يا يمنة ، لو عارفه اكيد ما بعمل كدا ، انا مشاعري دفعتني و عارفه ان تصرفاتي دي كلها غلط و محسوبه علي ، بس والله غصب عني لقيت نفسي بعمل كدا !
*اسي عرفتي .. تصبحي على خير ..
_دقيقه يا يمنة ! اا انا متوكل حظرني فا اديني اكلمو من عندك ارجوكي ..
*نعم ! كمان وصلتي لرقمو !
_يمنة لو سمحتي انا عايزة اعتذر ليهو بس و خجلانة شديد ..
*الصباح بديكي اسي ما صح تتصلي في وقت زي دا ..
_تمام ..
تاني يوم_ صحيت و ما شايفة قدامي من الضيق ، قمتا ، عملت شاي ب بسكويت ، و لبستا و طلعت ، لقيت نسرين فاتحه وبتنضف ، صبحت عليها ، و دايماً بلاحظ ليها انها بتحاول تواسيني ، و بتشغلني بالونسه ، حتى لمن يجوها زباين ليها بتخليني قريبه منها و بتشتغل و تتونس معاي ..
جو زي خمسة بنات ، الكان مشينا ليهم انا و مدام سارة ،، جو طالبني بالاسم ..
قعدت اشتغلت فيهم لحد العصر ، جات مدام سارة ، كنت متوقعه تجي معاها مدام عبير بحكم انها قالت عايزاني في موضوع ، بس ما جات ، لقيت مدام سارة بتقولي خلصي في اليدك و تعالي لي جوااا ...
وحدة من البنات قالت ليها مدام كيفك ، ما عرفتينا احنا البنات الجيتي لينا في زواج اختي انتي و رحمة ، جد الناس شكرو في المكياج و التساريح و اسي عندنا زواج بنت خالتنا و قلنا ما عايزين غير رحمة الله يديها العافيه بنت ممتازة ..
قالت ليها اكيد اتزكرتكم ، و تسلمي حبيبتي .. بعد مدام سارة دخلت جوا .. قالت لي المدام ما اماراتيه واضح ، اعتقد انهم يمن .. المعاها قالت ليها ايه واضح انها يمنية ، سالتني جنسها شنو ، قلت ليها ما عارفه والله رغم اني ما عرفت الفرق شنو ...
خلصت و خليتهم مع نسرين يرسمو حنة ..
و مشيت للمدم .. لقيتا بتتكلم تلفون بتقول والله خسارة لينا فكري بالموضوع موزة و الحين في زباين جوها بالطلب كدا راح نخسر الزباين .. اوكي انتي حرة !
قمت قحيت .. عشان تنتبه لوجودي !
قفلت التلفون و قالت لي تعالي اتفضلي !
قالت لي ، االمدام اخذت قرار بخصوصك و المفروض اليوم كان تجي و تقابلك بس هي مشغولة و انا راح اتصلك عليها و هي تكلمك ..قلت ليها ان شاءالله خير ..
اتصلت و ادتني التلفون ..
*سلام عليكم مدام
_هلا حبيبتي كيفك
*الحمدلله بخير
_طبعا زي ما عارفه انا جبت تجربة تلاته شهور و كنا متفقين على الاقامة بعد تلاته شهور ، و الحين راحو منهم شهرين (كان فاضل على نهاية الشهر يوم واحد ) ، و بصراحه انا بعتذر منك ، انك ما حتكملي معانا الشهر التالت ، و الجواز حقك مع مدام سارة هي بتسلمك الحين و ما عندك معانا حقوق ال1800 اللي اخذتيهم ، كذا حق الشهر الثاني ، وطبعا تزكرتك انا قطعتها ذهاب و عودة بعد تلاته اشهر ، انا ممكن اكلم الوكاله تقدملك السفر و انا بدفع الفرق و ترجعي السودان ،، و ما تنسي السكن لازم تطلعي منو قبل بدايه الشهر الثالث!
*( بحاول استوعب لمن صوتها بقى لي بعيد)
لحظة مدام ، انا غلطت في شي ؟
_لا ما كدا بس تجر
به و اضافة ليكي و عادي ممكن تحصلين شغل في اي مكان تاني ، قدامك شهر ..
*اقعد وين واشتغل وين على الاقل كان تكلميني من بدري من اول الشهر عشان اتصرف ، مش تكلميني و فضل على الشهر يوم ولا اتنين ..
_فعلا ... بس كنت مشغوله ، الحين القرار لك واعملي حسابك لازم تكوني برا الامارات قبل زيارتك تخلص بيوم عشان ما تجيبي لي مشاكل و تتخلفي ، فضلاً ....
ايوا و نسيت الشريحة كمان خليها لي عند مدام سارة !
*حسبي الله ونعم الوكيل فيكي ...
مدام سارة عاينت لي بخلعه عشان حسبنت عليها و اديتها التلفون ... مدام سارة ادتني جوازي ..
و طلعت من غرفتها و قعدت ابكي ، ابكي
وحدة من الزباين الكنت شغاله ليهم قبل شويه ، طالعه من الحمام و شافتني ، بقت تهدئ فيني ، و تحاول تفهم انا مالي ، ما قدرت اتكلم و جات نسرين مسكينه ، ما فاهمه شي ، قلت ليها ، خلاص ما ح اشتغل هنا تاني ، ما عارفه انا غلطت بشنو ولا سويت شنو فجاة تقولي مافي شغل هنا و ترجعي السودان ، و لازم اخلي السكن و قدامي يومين يا نسرين ليه كدااا !
البنات استغربو ، وحدة فيهم قالت للمعاها الحين تاكدت انها يمنية مافي مواطنة تتعامل بالقساوة دي ، معقول ليش كدا . حسبي الله فيهم ليش ديل ما بني آدمين ..
والله اليوم اخر مرة راح اجي الصالون دا و اكلم كل اللي اعرفهم ما يجو هنا مرة ثانيه ..
دفعو فاتورتهم و مشووو ...
جات مدام سارة شاكلتني قالت لي انتي اتعمدتي تسوي كذا قدام الزباين عشان نخسرهم صح ، و بقت تكورك فيني ، و نسرين بس ماسكاني ...
طوالي شلت كل شي عندي في المحل ، رغم ان بكرة اخر يوم لي بس خلاص نفسي ابت المكان دا و ماحيقدرو يجبروني اشتغل اليوم دا ... طلعت الشريحه و جدعتها ليها في المكتب ، بالله شريحة حتستفيد منها في شنو كان ما ضُر منها !
المهم لبست و طلعت و بجوازي اشتريت وحدة و ركبتها ، و عاينت المنطقة كلها كوافيرات ، مشيت لفيت عليهم واحد واحد ، بفتش علي شغل ، ما خليت محل ما دخلتو ، كلهم قالو عندهم ركوض و ما موسم شغل ، و خلي رقمك ، خليت رقمي وانا عارفه انهم م حيتصلو لانو ما محتاجين ، و رجعت السكن ..
الدنيا دي ضايقة بي شديد ...
رجعت البيت ، و طبعا اليوم دا مريم اخدتو اجازة ما كانت حاضرة الحاصل ، ما كان في زول في الغرفة، دخلت لملمت حاجاتي .. و اتصلت على سيدة !
*سيدة
_منو معاي ؟
*انا رحمة
_دا رقم منو ؟
*رقمي يا سيدة الموضوع طويل
_في شنو خير !
*عايزة اجي اقعد معاكي
_والشغل ؟
*خليتو
_بسم الله يا بت كيف يعني مش لسه عندك شهر ؟
*ايوة بس طردوني ، ما عارفه اسوي شنو ما بقدر ارجع السودان كدا و انا مديونة ..
_طيب انا في دبي بجي بكرة ، بتنتظري و لا كيف ؟
*بنتظر ..و ......
_شنو ؟
*انا موافقة على الشغل القلتي عليهو!🔞!!!!