الجزء 57
لمن يأست ، وصلت السكن و قعدت ابكي قدام باب الغرفه ،ما عندي اي مخرج والله ، حتى ما كونت صداقات ..
بس اتزكرت نسرين (الهنديه) ..
دقيت عليها انا عارفه انها في الشغل ، ردت علي .. قلت ليها نسيرين كيف ؟ قالت لي حمدلله ، انت كيف يكلم مدام مو زين رحمة ،، قلت ليها انتي كيف معلوم ؟ قالت لي مدام هي خبر و زيادة زعلان ..قلت ليها لمن اشوفك انا خبر يا نسرين ،،
قالت لي اوكي ، قلت ليها نسيرين في مجال انوم عندك في السكن اليوم ؟ قالت لي والله ممنوع و احنا ستة في الغرفة ، و كلام زي كدا ،، طبعاً قنعت ...
قلت حتى لو رجعت السكن الاول ، علاقتي بيهم معدومة و ما تمام ، ما عندي طريقه ،ضاقت ضاقت ، حمدلله ..
اتصلت تاني بي سيدة ، جرس و ما بترد
كتبت ليها رساله ، قلت ليها ' شكراااً ، وفعلاً زيادة العشم غشم' و رسلتها على كدااا ،، ولحد اخر لحظة متعشمة ترجع لي بأتصال .. مع عصرة مخي ديك ، اتزكرت مؤيد !
طوالي شلت تلفوني و قعدت ابحث ، عن اسمو ، لمن لقيتو ، بدوس اتصال ما بيدخل معاي بديني صارة تنبيه و المكالمة بتنتهي ، كذا مرة حاولت قلت يمكن شبكة ، بس استمر كدااا ،،، لمن فتحت معلومات الرقم ، لقيتو ناقص رقم !
ياخ حسيت بالجد انه مافي مفر ،، يأست شديد ، و زهجت من نفسي لمن لقيت الرقم ناقص ، انا معقول سجلتو ناقص !
طوالي طلعتا البطاقة بتاعت hello c, و اتصلت علي يمنة ..
_رحمة حبيبتي اسي كنا حناصل عليكي ..
*يمنة ! خير ؟
_مالو صوتك يا رحمة ؟
*مالو صوتي يا بت عادي مافي حاجة
_صوتك غريب زي الما رحمة اختي ، في حاجة حاصلة معاكي ؟
*لالا مرهقه من الشغل بس ، وريني كنتي حتتصلو بي بشنو ؟
_اخبار حلو وووووة ههههه
*محتاجة اسمع اخبار حلوة قولي ..
_بقول بس بعد اضمن انك تجيبي لي عباية كدااا فخمة تستاهلني ..
*هه من عيوني ( في سري قلت ليهل انتي ماعارفه الحاصل ساي) ..
_ابووووووي ، واخيرا والحمدلله ابتدا يوعى و بيستجيب للعلاجات حمدلله ..
*جد ! لالا انتي جادة عليكي الله جد يا يمنة ! يارب لك الحمد حتى ترضي ، يا الله الحمدلله ، هما انا عرفت ان ربناا ييسر علي من ناحية و ما بقيت حاسة بضيقتي دي ، ربنا بيفرحني من ناحية ، تانية و الله العبرة خنقتني ...بس بقيت الحمدلله والشكر لله ..
_الوووو
*معاكي يا يمنة ، اسمعي ، قومي جيبي تلفون امي عايزاكي تطلعي لي حاجة منه بسرعه ..
_طيب دقيقه .....ّهاا يا رحمة اسمعي قبل اي شي انتي لازم تصوري لي ، و ترسلي لي صورة ليكي مشتاقه ليكي والله روحووووومة..
*حاضر بس ما اسي ، تمام ، يلا بسرعه ارجعي ل دليل الهاتف حق امي ، فتشي المكالمات الاستلمتها من شهرين ...
_جادة انتي ! شهرين يا رحمة ؟ اكيد ما بلقى
*ما تقفليها ياخ وبعدين امي مكالماتها خبة بالساهل حتلقي ، رقم مفتاح الامارات اخروو 815 ،
_ياماما منو قاليكي ، الزباين كلهم في تلفون امي و مكالملتها كتيرة ماشاءالله ..
*طيب حاولي افتحي الكيباد زي البتدخلي في رقم حأمليكي رقم اكتبي لو موجود ببظهر !
_طيب قولي ..( في اللحظة دي جات مريم ، قالت لي ، انتي لسه هنا ! طلعت لي ورقه من شنطتها ، قالت لي شوفي ، دي صورة من جوازك اخذتها من مدام عبير اليوم ، و حتى التزكرة اللي كانت متفقة معاكي انها تقطعها ليكي اتكنسلت ... عشان تاني تتكلمي بأدب مع اسيادك ...
ما رديت عليها ابدا ، دخلت جوا الغرفه شلت شنطتي الفيها حاجاتي و شنطة المكياجات ، و شنطة يدي ، و ما رديت عليهاا ابدااا ،،،كانت واقفه و بتضحك ، بعد طلعت اتلفت عليها ، قلت ليها ، #ان_نوائب_الدنيا_تدور_وكل_ساقي_سيسقى_بما_سقى ... و عمرك ما تفكري ان بتمنى ليكي الكعب ولا لاقدر الله حصل ليكي شي انا حأفرح في مصيبتك و لا اشمت يا مريم ، ابداً والله ، و العملتيهو معاي في عملية ابوي، شفع ليكي افعالك دي .. و متسامحة معاكي و ما ناسيه ان ربنا ختاكي في طريقه عشان تكوني سبب في شفاء ابوي ، عن ازنك ......
و طلعت برا قدام المبنى ،، ياداب اتزكرت اني كنت بتكلم مع يمنة و اختي ، و دي مصيبه ... مشكت تلفوني ، عاينت لقيت مافي مكالمة ، رجعت اتصلت عليها لقيت hello card ، انتهت ، اسوي شنوووو !
حتى نت ما عندي في التلفون ،، المهم بقيت قاعدة في الشارع ، و البنقاله ديل يعاينو فيني ، لمن خجلت من منظري و الشارع ما فيهو غير رجال ! فجاة لقيت تلفوني ، بيرن ،، رديت ..
*الووو
_ايوة يا رحمة ، انا سيدة
*سيدة !
_ايوة معليش انا اسفه والله ، انتي وين ؟
*انا في الشارع يا سيدة !
_طيب ساعه و اكون عندك انا في السكة !
*ساعه كامله !
_معليش اتاخرت في دبي و بطاريتي كانت ضعيفه و موضوع كداا ، انتظريني ما تتحركي من مكانك ..
*طيب .. قفلت منها ، و طلعت بسكويت و عصيرر ، و بقيت باكل من تحت النقاب .. شافني واحد باكستاني بيشتغل في مطعم يمني ،، كنت بشتري منو الشاي والفطير ،، جا علي ، وقف مني مسافه ، قالي ليش انتي هون ؟ قلت ليهو انا يريد سكن الحين صديقه مال انا يجي !
قالي بس مو زين انت يجلس كدا ، دنيا مافي امان شو
ف كم وقت !
قلت ليهو انا معلوم والله بس غصب عني ، قالي ، دقيقه .. و دخل المطعم ، و جااني شايل سندوتش و موية و كرسي خشب ، قلت ليهو ليش ؟
قالي تعالي تعالي ، خلي اغراض مافي خوف ..مشيت وراهو ، كان في زقاق ، بيفصل بين المباني هو مجرد ممر بين كل مبنى والتاني ، منور كدا ، خت لي الكرسي قالي انت اجلس هون لين صديقة يجي ، و اداني السندوتش و خت لي قزازة الموية في الارض ،، قلت ليهو لحظة محمد ( اي واحد باكستاني هندي مسلم بينادوه محمد ) ، قلت ليهو انت ليش يسوي كذا ؟
قالي انا زيادة حب انت ، والله انت زين انت يعطي انا فلوس زيادة هاذاك اليوم !
قلت ليهو متين اديتك فلوس انا ؟ قالي من شهر ونص انتي جيتي اشتريتي ، و ما شلتي الباقي قلتي خليه ...
طوالي اتزكرت ، انا بس اللهم حافظة شكلوو، قلت ليهو وانت تزكر من هاذاك اليوم ، انزين يمكن مو انا ، انت كيف يعرف وانا يحط هذا في وجهي ! ( يعني انا منقبة عرفتني كيف )
قالي انا ما ينسى ابداا ، و انا يعرف من صوتك ..
خلاني ابتسمت قلت ليهو شكرااا يعني انت بتردها لي ، قالي لي لا انا يريد حسنات ،، قلت ليهو شكراا ...
و مشى ، لقيت فاتت النص ساعه ، و فاتت الساعه ، و فاتت الساعه ونص !
بقيت بحاول اتصل انا ، بس مافي فايدة ما بترد و مرات مغلق ..
( في جانب عبدالله )
_يا ابوي ..
*خير يا اريج ؟
_امي ! و حسام اخوي !
*مالهم ؟
_ما ناوي تصالحهم ؟ّ
*وانتي من متين قلبك عليهم ؟
_يا بابا في النهاية امي و دا اخوي !
*لو فارقين معاكي حصليهم ..
_يا بابا ، بصراحه انا متضايقه شديد و حاسة بالذنب ، و شايله هم بنات عمتي
*قلتي شنو ؟
_بابا انت ليه بتعمل كدا ، سبب انتقامك شنو ؟ اي انا ما بحب لا مناهل لا مريم ولا عمتي ابتسام ، بس ما دايرة ليهم الكعب انا مشكلتي كانت مع الاسمها رحمة دي ، حتى امي ما غلطت في حاجة ولا حسام ، يا بابا انت ظلمته الناس و بقيت تظلم في اقرب الناس لينا و انت ماحاسي بذرة بندم حتى ، و انا ماعارفه انت بتنتقم كدا ليه !
*دا ما كان كلامك يعني ، خييييير الجا جديد شنو ؟
_بقيت بخاف منك ، خايفه انا كمان تطردني في يوم ..
*اريج !
_رجع امي وحسام !
*امك بتطول لسانها و بتدخل في الحاجات الما بتخصهااا ..
_ارجوك .. اسي الوضع ابتدى يتصلح وكل حاجة ممكن ترجع ، حتى ابو رحمة بيقولو شبه فاق ..
*شنو ؟ فاق !!
_ايوااا
*ما تخافي حيرجع تاني ينتكس !
[65] دي كل الحلقات النزلت للان ، عشان حضراتكم مستعجلين لي انزلها سريع ومعترضين ع طريقه النشر ومنكم بقول باخر الحلقات وكده بتكون ممله وبتنسو الاحداث وف الاخير يجيك زول ناطي يستفزك🙂 .
باقي 5 حلقات حانزلها وقت مزاجي يحكم وانتظرو باقي الكتابه تنزل الحلقات عشان وقفتكم محل آخر نقطه وقفت فيها .