الجزء 59

جد سيرة مريم دخلت جواي حاجات ما حلوة و وضعي ما كان ناقص زيادة !

قلت ليهو محمد ، تعاال ..جاني قالي اني اسمي كامران ، بس انا يحب محمد ، قلت ليهو عاشت الاسامي ، انا يريد شاي بس انت لازم يشيل فلوس ، قالي هذا شاي جاهز انا اصلا يسوي ليك انت ..

قلت ليهو شيل الفلوس. ، اتردد كدا و شالهاا و جاب لي كباية الشاي و طلعت بسكويت و شربتا ، بقيت بفكر ان الوحيدة الممكن تديني رقم مؤيد هي مدام عبير ، لانه اتصل عليها عشان يتطمن علي !

و مستحيل اقدر اتكلم معاها تاني بعد خراب الوش دااك ..

خلصتا الشاي و قمتاا ،حأمشي على وين ! حتى لو فكرتا ااجر ، قروشي م بتكفي ، اقل ايجار للسرير الواحد 500درهم ..

تاني رجعت قعدتا بعد دايرة اتصل على سيدة كرامتي و نفسي وجعتني شديد ، انا اتصلت كتير لو دايرة تساعدني او بيهمها امري كان رجعت لي على الاقل ..

بقيت بعاين في رقم مؤيد ، واشوف الناقصو شنو ما قدرت اعرف ، حتى لو حا اضيف رقم عشوائي خا اضيفو وين ، والله تعبت نفسياً ..

(في جانب يمنة ومتوكل )

_متوكل تعال ادخل

*لالا اسمعي ، امك وين ؟

_جوا ، ليه

*ما داير تسمعنا بس ، شوفي الموضوع معقد ولازم سفر اقرب وارخص حاجة للعلاج مصر ، حنعمل شنو ، و انتي عارفه عم محمد قضيتو بتمنعو يطلع برا السودان .. ما عارف ، تفتكري الحل شنو ؟

_السفر دا مش كان قبل العمليه ؟اسي السفر ليه يعني ما فاهمه ، هل في مشكله تاني ؟

*محتاج علاجات و جلسات كمان ، بس العمليه ناجحة و احتمال تاني يحتاجو عمليه ما عارف انتي عارفه وضع البلد دي يا يمنة ..

_ متوكل حيرتني شديد ، ما عارفه بس لازم امي تكون في الصورة و غير كدا السفر دا براهو تكاليف تانيه وانت عارف الوضع كيف ..

*المرة دي انا بدبر القروش انا متاكد يمنة وضعها ما بيسمح ،وهما لحد اسي ما اكيد و الوضع جايط شديد ما عارف والله يا يمنة ..

_طيب ادخل ماتقيف كدا ..

*لالا ماشي الشغل و عندي كم مشوار .. بجي العصر ما تتغدي فاهمه جايب ليكي حاجة حتعجبك ، و بعدين حنمشي المستشفى ،،

_جد ، ههههه ما تقوم تمقلبني و تخليني جعانه ..

*لالا عيب عليكي انا وعدتك .. يلا سلمي على خخاليتي ..

_دقيقه يا متوكل شوف ، لو دايرة اطلع رقم م متسجل بس في المكالمات الواردة من فترة ، بقدر ؟

*كدي جيبي التلفون ..... امم

_رقم اخرو 815 ..

*طيب ساهله انتي واقفه في All ، عشان كدا جيبي المكالمات الوردة بتلقي بالساهل .. قلتي اخرو 8 وكم ؟

_و 15....

*بسيطه .. دا ؟ الامارات ؟

_بس بس ياخو ، شكرااا ليك ياخ

*العفو ههههههه يلااا مع السلامة لبعدين

_مع السلامة شكراا عايزة سلامتك ...

*الله يسلمك ...

اما في جانبي ،،

قمتا ، و مشيت ل محمد اديتو تلفوني خاتاهو لي في الشاحن ، و دخل لي شنطتي جمب التلاجة ،، و مشيت تاني قلت افتش و ما ايأس .. اخدت تكسي ، و ما عرفت اقوليهو ماشه وين و انا ما بعرف حته لسه ..

( في جانب يمنة )

اوووف ، رحمة مالها ما بترد علي يا الله ..

يا ربي تكون مشغولة مع زباين ،، كدي افصل لمن تفضى هي حترجع لي ..

بسم الله ، مناهل دي مالها جايطة ... جرت علي الغرفه الفيها مناهل و كانت بتتكلم في التلفون ، و بتقول : انت ناسي البلاوي الفي حياتنا دي كلها سببها انتووو ، و انا عرس منك ما عايزاهوووو ..

يمنة خطفت منها التلفون ، و قالت لحسام انا يمنة يا حسام اقفل اسي برجع ليك انا ..

قالت لي مناهل :

*دا شنو الكلام دا ، بتكوركي في الولد كدا ليه ؟ عمل ليكي شنو هو ؟

_ما تتكلمي معاي يا يمنة ..

*كيف ما اتكلم معاكي انتي ما بينفع تعاقبي زول على غلط هو ما عملو ، لمجرد ان الزول دا ابوه ، هو زنبو شنو ؟ نسيتي وقفتو معاكم ؟

_شوفي حالتنا بسببهم انحنا اسي بنشحد في الناس و يكفي قاعدين عالة عليكم ، و ابوي مجدوع بيصارع في الانعاش ليهو شهور بسبب العملو ..

*طيب حاسبي خالك ، ما تحاسبي حسام و ما تنسي دي اليد الوحيدة الاتمدت ليكم نا تبقي ناكرة للجميل ، و بعدين انتي بتقولي بنشحد ، تشحدي ليه ، ناقصك شنو ؟ جاهله و لا جاهلة ؟ انحنا العمرنا ما عرفنا للشغل حاجة عملنا حاجات عمرنا ما عملناها عشان ما نمد يدنا لزول والحمدلله مستورين ، اي زول في الدنيا دي بيقدر يعمل حاجة يا مناهل ،ربنا خلق كل واحد فينا عشان يعمر وعشان يعمل حاجة ، وما عشان نقعد طول عمرنا منتظرين ابهاتنا تصرف علينا ، و الحمدلله ربنا ختانا في الاختبار دا عشان نعرف ان الدنيا دي ما ساهله و ان ايهاتنا ديل قدر شنو تعبو عشان يلبو لي احتياجنا ، والاسي بنعملو دا ، نقطة في بحر ابوي ، و اكيد يوم احتاج لينا ما حنخذلوو ...

سوال واحد انتي مانعك شنو تشتغلي ؟

_يمنة خلاص عليك الله

*دا المتوقع اصلااا ...

انا اخدت لفتي و ما استفدت منها حاجة ،غير خسارة قروش تاكسي رايح و ججااي ..

جيت راجعه شرق8 ، ، مشيت المطعم ، شايفه محمد مشغول و المحل مليان رجال ، حتى لو ناديتو حاقوليهو شنووو ..

شافني هو من القزاز ،جاني شايل التلفون ، قالي تلفونك بيرن كان ،

اداني ليهو و دخل ..

عاينت لقيت مككالمات من يمنة و مكالمة من سيدة ..

شلت التلفون مشيت البقاله ، جبت hello card ، و اتصلت عليهاا ..

* هاااا يمنة , خير ابوي كويس ؟

_ايوة حمدلله لسه ما مشينا ليهوو ، انتي وين اتصلت بيكي كتير !

*كنت مشغولة و التلفون في الشاحن ..

_طيب شوفي انا لقيت الرقم القلتي عايزاهووو ..

*جد ! عليكي الله لقيتيهو .. حمدلله ،، مليني ليهووو..

_ما قلتي ما مهم. مالك فرحتي كدا !

*يمنة انجزي عشان البطاقه م تخلص

_طيب ، حارسلو في رساله

*طيب سرعه ، اسي طوالي

_طيب طيب .... يلا ...*قفلت

دقيقتين و جاتني الرساله فيها الرقم ،، بالله جوطة الرقم دي كلها في رقم 1 .. المهم طوالي ، دخلت عليهو بأتصال ..جرس للاخر .. قبل اتصل تاني رجع لي هووو..

_الوو

* السلام عليكم ..

_وعليكك السلام منو معاي ؟

*انا ، رحمة يا مؤيد

_رحمة !

*اي ، رحمة شكلك نسيتني ، انا الكنت معاك في الطيارة ..

_لالا متزكرك بس اتفاجاتا صراحه ، يمكن شهرين اسي انتظرت اتصالك دا زي ما اتفقنا بس ما اتصلتي ، و سالت منك من يومين ..

*ايوا صح بس كنت مارة بي ظروف ..

_ان شاءالله ما شر بس انتي بخير ؟

*ايوة حمدلله، بس بصراحه ... اااا

_في حاجة حاصلة ؟

*ايوا بصراحه محتاجة مساعدتك و ما في زول قدامي غيرك ممكن الجأ ليهو !

_خير يا رحمة قلقتيني ! احكي !

*في الحلقة الجاية*

*ما فاهمه !

_نتزوج يا رحمة

*نتزوج ! كيف نتزوج ؟

_عشان تقعدي معاي في الشقه

*اتزوج ما قادرة استوعب كلامك و كيف تتزوج وحدة انت ما بتعرفها ، و زواج شنو دا لا اهلك لا اهلي ، ما فاهماك انا !

_زواج مؤقت ، لحد ما وضعك يتصلح ..

*زواج مؤقت !

_موافقة ؟