الجزء 61

لقيت دا جاي علي و التلفون بيرن في يدو !

لمن قرب علي ، لقيت نفسي برجع لي وراا تلقائياً ..

لمن وصلني ،ما شاءالله ضلو براهو غطاني النوع الطويل داااك ..و ملتحي كدا ..

طلع النصارة و مد يدو ، بعداك براهو استوعب اني ما بصافح !

لمن طلع النضارة شكلو ياداب وقع لي ، قالي رحمة ازيك ؟

ما رديت ، فاتحه خشمي من تحت النقاب و واقفه .. قالي يا بت ! قلت ليهو ايوا ايواا ، قالي كيفك ؟

قلت ليهو انا كويسه حمدلله ، قالي يلا !

قلت ليهو يلا وين ؟

قالي حنقيف كدا في الشارع ؟ قلت ليهو طيب انا عندي شنطة في المحل دا فيها حاجاتي كيف؟

لقيتو مشى على المحل ، حاولت احصلو بقت لي تقيلة ، بقيت واقفة بعيد شويه ،، فجاة لقيت كامران طلعها ليهو لحد الممر ، و بعداك مؤيد شال شنطتي وجااا ..شايفه كامران من بعيد بعاين لي زي الداير يجي علي و متردد ..

قمت مشيت انا اتجاه الممر ،، لقيتو جا علي ،، مويد قالي ماشه وين ؟ قلت ليهو لحظة وحدة بس !

جاني كامران قالي انتي وين يروح منو هذا ؟ قلت ليهو صديق مال انا ، بيشوف سكن ، قالي حمدلله خلاص انتي روح .. قلت ليهو شكراااا ... ضحك و مشى المحل ..

رججعت لمؤيد ،، لقيتو ركب و فاتح لي الباب قدام ،، عاينت ليهو ، وركبت و قفلت الباب ، قالي :

_يا بت !

*يا هلااا ..

_كيفك رحمة ؟ّ

*الحمدلله في نعمة

_دا تصرف شنو. العملتو معاكي المرا دا ؟ّ

*علمي علمك والله انا لحد اللحظة دي ما قادرة افهم انا سويت شنو !

_غريبه والله ، اكيد ما مواطنة صح ؟ّ

*ما بعرف والله لكن سمعت بقولو يمنية ..

_زي ما اتوفعت ما مواطنة ، المواطنين محترمين شديد و بحترمو الزول ..

*ما اتعاملت معاهم غير في المطار باهو من جيت في المكان دااا ..

_والله يا حليلك ..

*ما عرفتك والله ، استغربتك ، قلت شكلك مرسل لي زول ..

_يا زوله كيف الكلام دا هههه .. عشان الجلابيه والكلام دا هه صح ..

*اااي بتشبهم عديل ..

_يلا انا جيتك من الدوام استأذنت منهم عشان كدا ، في الدوام بنلبس كدااا زي ما شايفة ..

*شكرا ليك والله يا مويد ما قصرتا معاي ، وانت اسي مسكت الدرب على وين ما عارفه ..

_على ابو ظبي ، ان شاءالله ،، طبعا ما اكلتي حاجة ، وبعدين تعالي هنا من امبارح ما كلمتيني مالك ؟ تبيتي في الشارع ياخ معقولة ؟

*رقمك ما كان معاي ، وجبتو بأعجوبة ..

_يا زوله سجلتيهو في المطار متزكر انا ، ولا مشيتيني ساي ؟

*لالا والله سجلتوو ، بس سجلتو غلط كان ناقص رقم ..

_ايوااا عشان كدااا ، و لميتي فيهو كيف ؟

*من تلفون امي ،تتزكر يوم المطار اتصلت من تلفونك على امي عشان اطمنها اني وصلت ، بس خليت اختي تطلع لي الرقم من تلفون امي ..

_هههه تعبتك ياخ ..

*اسوي شنو هههه يلا حمدلله ... ااا مؤيد اسمعني ، انا ما عارفه انحنا ماشين ابو ظبي ليه و انا والله قابلتك لهدف واحد بس !

_شوفي ، انا جعان و انتي اكيد زي ، نوصل و نشوف اقرب مطعم ننزل ناكل ، و بعداك نتفاهم ، و بعدين اهو تشوفي ابو ظبي دي فرصتك ههه ...

*صدقني الفسح و الكلام دا ما بيفرف معاي ، لكن ، نشوف مالووو ندي العين حقها ..

_قنوعه ...

*عشان اعيش لازم اكون قنوعه ..

( في بيت عمي )

مرة عمي : في شنو يا اولاد ، يا اسعد مالكم ؟

اسعد : مافي شي يا امي !

مرة عمي : لاحول ولاقوة الا بالله ، والله الواحد احتار معاكم ..

اسماء : انتي ما تدخلي ( و بتدعي البكاء)

اسعد : ( وهو بيقوم عليها ) نعم ! قلتي شنو يا اسماء عيدي كلامك دا تاني ؟

اسماء : مشاكل بينا انا و انت يا اسعد ..

اسعد : و يديها كف ،مليوم مرة قلت ليكي امي دي تحترميها فاهمه ولالا ...

مرة عمي : لا يا اسعد جنيت انت ولا شنو كيف تمد يدك عليها ، انا ما زعلانه منها هي زعلانه معذورة ، ما تؤاخذها في كلامها ، بدل تحل الامور تعقدها اكترر...

اسعد : دي وحدة ما شافت تربيه ..

عمي : ( جا من برا ) في شنو اصواتكم للشارع براااا ..

اسعد : مافي حاجة يا ابوي ، يلاااا اتحركي خلينا نمشي انا بعرف اتفاهم معاكي ..

عمي : دقيقه يا اسعد مالكم ؟

اسعد : دي وحدة قليله ادب والحسنة ما بتنفع فيها يا ابوي !

اسماء : داير يطلقني زي ما اخوي طلق اختو .

اسعد : سمعتي كلامها يا امي ، عايزاني ما اكفتها دي دايرة ضبح عديل ، ياخ الله يفكني منك ومن شرك ياخ ...

مرة عمي : لاحول ولاقوة الا بالله ..

( في جانبي )

_انزلي ..

*طيب ... ياداب حسيت نفسي جيت الامارات هه

_يا زوله الحته ديك خليها بالنيه بس ، استمتعي بالمناظر دي بس ..

*والله حلوة ياخ ماشاءالله ..

_تعالي .. اطلب ليكي شنو ؟

*اي حاجة يا مؤيد باكل اي شي ..اطلب لي زيك .

_انا بطلب حار ، بتاكلي حار ؟

*لالالا شطة لا ، زيو بس من غير شطة ..

_طيب اقعدي في الركن دا عشان تاكلي براحتك ..

*تمام ....

( في جانب ناس امي )

امي : كدا تاني قاليك حاجة يا متوكل ؟

متوكل : عرض علي فكرة السفر لكن القضيه زي ما عارفه و غير كدا هنا كلنا جمبو افضل .

امي : اسي مش قال حيحولو لغرفه عاديه ! ما يكونو قنعو و زاسين مننا هي .

متوكل : يا خ

التي دا كلام شنو !

امي : ما عارفة فجاه كدا سفر ؟

متوكل : مجرد فكرة بس م اكتر ، لكن نكمل هنا والفيه خير ربنا ييسره ..

امي : الحمدلله على كل حاال ..

يمنة : حندخل متين انا صبري انتهى ..

متوكل : بس الدكتور المتابع يجي ..

امي : طيب ..

يمنة : خالتو ابتسام مالك بعيدة كدا ما داير تدخلي ولا شنو ؟

ابتسام : اكيد دايرة ادخل ..

امي : واضح ..

يمنة : احمممم ... متوكل استعجلهم بالله ..

متوكل : طيب ..

نرجع لي تاني .. اكلنا ، وجد كنت جعانه و هو جعان اكتر مني ..بعدها قالي ايسكريم كيف ؟ قلت ليهو لالالا ..قالي حا اجيب على ذوقي ، دقيقه ..و قام مشى ..

جا راجع قال حيجيبو ، طلبتااا ... اها يا ستي احكي سامعك ، خير ؟

*احم ....

_قولي في شنو ؟

*انا فيزتي فضل فيها شهر واحد ، بيوم الليله 29 يوم و تنتهي ! و طبعا الامور جاطت عكس توقهاتي ،حسب اتفاقي معاهم انه بعد التلاته شهور حيعملو لي اقامة ، على الاساس دا اتدينت قروش ، لسبب جيتي اصلا للبلد دي !

_كملي ... ولو ممكن اعرف السبب ..

*السبب علاج ابوي ، ابوي اتعرض لازمة رقدته مدة و موضوع طويل صراحه ، و عشان الوضع انا جيت هنا عن طريق مرجان لو بتعرفو ، المهم طلبت من المحل البشتغل فيهو يسلفني ، رفض ..و اخر شي وحدة مغربيه عرضت علي تسلفني و لسبب حوجتي انا اتسلفت .. و بفضلها بعد ربنا ابوي عمل عمليتوو ونجحت حمدلله ، بس المفاجأة هنا ، انهاا بعد يومين بالضبط طالبتني بالمبلغ ، رغم انه اتفاقنا اسدد على فترات حسب شغلي ، و ضغطتني لاسباب هي ادرى بيهاا و اتحول الموضوع لتهديد ..

و اختلفت مع ست المحل ،كنسلت لي التذكرة المفروض تقطع لي ذهاب و أياب ،و شالو صورة من جوازي و سفري اتمنع م لم اسدد المبلغ و الا لو قعدت اكتر من ال29 يوم ، حاقعد مخالفه وتحصل لي مشاكل قانونية انت عارفه ..

_لاحول ولاقوة الا بالله ، ليه كدا ياخ ..

*زي ما بقوليك كدا والله ...

_زي المتفقين عليكي ما ارتحت ليهم ، و نفسي اتصل بالكفيله دي اسمعها فارغ لمن تقول شكرااا ..

*ما ليه داعي .. اسي انا جيتك لحوجة ماديه بصراحه والله ، كل الطالبه منك تسدد ليها المبلغ ، و انا اسدد ليك انت بعد ارجع السودان ،،او اقعد هنا واشوف سغلك ، رايك شنو ؟

_جدااا ما عندي مشكله والله ، المبلغ كم ؟

*5الف درهم ..

_شش شنووووو !5االف ، بتبالغي يا رحمة المبلغ دا كبير ..

*اي عارفه انه كبير ،، بس الظروف جبرتني ..

_والله اكون معاكي صريح انا رسلت لاختي هدية عرسها و غير كدا هلي غرض و اقصاد خربت ميزانيتي ، انا العندي ما بيحصل المبلغ دا صراحة كنت متوقع اقل ..

*ما مشكله يا مؤيد ، المبلغ كتير فعلااا ..

_طيب و القعاد كيف ؟

*ما عندي مكان ، والله ..و الايجارات براك عارفهاااا ..

_والله يا رحمة انا قاعد في شقة براي ، لكن براكي فاهمه كيف الوضع ..

*لالا فاهمه ، اكيد ما بينفع ..

_هو بينفع بس انتي اكيد ما حتثقي فيني و تقبلي ..

*ما قصه ثقه المبدا نفسه غلط ..

_صح ... انا بقدر اشوف ليكي شغل بس محتاج وقت و غير كدا زيارتك قربت تنتهي ، ما عارف احلها كيف ! التجديد ساهل عندي وكاله بتتعامل معاي ، بي القعاد كيف !

*جد ، بتلقى لي شغل ؟ و تجدد لي ..

_ايوا ما صعبه وانا مقيم م تنسي ،. طيب انا عندي حل ..

*قولو

_اتزوجك !

*ما فاهمه !

_نتزوج يا رحمة

*نتزوج ! كيف نتزوج ؟

_عشان تقعدي معاي في الشقه

*اتزوج ما قادرة استوعب كلامك و كيف تتزوج وحدة انت ما بتعرفها ، و زواج شنو دا لا اهلك لا اهلي ، ما فاهماك انا !

_زواج مؤقت ، لحد ما وضعك يتصلح ..

*زواج مؤقت !

_ايوة زواج عديل ، م يحتاج اهلنا يعرفو دا زواج مصلحه بس عشان الامور تمشي ، و بعدبن انتي انسانه كويسه و معجب بيكي شديد والله و بافكارك و بي قوة شخصيتك ،، انا بعقد عليكي م عندي مانع ..

*مافي حاجة غلط و مافي حل غيرو صراحه حتي وقت للتفكير ما عندي ..

_خلاص ، في باقي يومنا دا انا برتب الامور ..موافقه ؟

*ايوا موافقة ....

(في الحلقات الجاية )

*بعد تلاتة ساعات*

_انا خلصت الاجراءات بس باقي توقيعك هنا !

*توقيعي !

_خلصي عشان اصحابي منتظرني تحت ..

*فهمني طيب دي شنو ؟

_دي موافقتك ، يلا وقعي بفهمك بعد ارجع ..

*طيب .. اوقع هنا ؟

_لا هنا ( خت لي صباعو محل التوقيع )

*تمام ... تم